影片
港鐵旺角站 C3 出口, 港鐵旺角站 E1 出口, 港鐵旺角東站 B 出口
繼續閱讀
電話號碼
36908668
開飯介紹
以秘密花園為裝修主題，掛畫、擺設等均融入花的元素，在這休閒舒適的環境聚會，享用西式菜餚及拍照留念充滿特色。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
影片
相片
全日早餐
意式海鮮比薩多士伴田園沙律
+2.4K
+189
食家推介
💐熊妹太耐無同馬騮妹同埋熊貓妹見面喇，咁難得見面梗係揀返間靚靚餐廳食飯啦。其實熊妹嚟過《THE PONT》都有好幾次，就係覺得裝潢好適合港女打卡📸，而且環境超級大，食物價錢又非常親民🤑，地理位置仲要係超級方便嘅旺角朗豪坊，種種因素都無理由唔揀呢一間做今晚嘅落腳點。📌地點就係位於旺角朗豪坊2️⃣樓，簡單啲嚟講，就係以前麥當勞嘅位置，可想而知舖頭有幾大，頂到咁大間舖頭，睇嚟租金都唔惹少，但係食物價錢又冇因為咁而提高個價，都係大路cafe價錢，係咁嘅餐廳環境入面進食絕對物超所值✅！📌餐廳環境真係好大，有好多張四至六人方形枱，又有梳化位🛋，又有藤椅卡位，仲有幾張少人圓枱。餐廳以花草樹木🍀為主題走田園風🌻。📌牆上又掛咗啲藝術嘅畫像🎭，又帶點歐陸嘅味道🎠，真係每一個點都係打卡位🎦。📌門口仲擺咗個港女打卡吊椅，擺喺門口咁吸睛，望到佢都想入嚟餐廳，唔食嘢都要黎打張卡喇。📌餐牌真係大路cafe美食，有多款前菜🥗同小食🍥、漢堡包🍔、全日早餐🍱、牛角窩夫🥐、麵包多士🍞、意粉🍝、意大利飯🍚、主食牛扒🥩、海鮮🦐同特色甜品🍩，飲品就有咖啡同果茶🍵。📌二月開始仲有新年限定Menu，有三款新推出的新年菜式，期間限定梗係要試吓啦🆕！煙三文魚薯仔沙律， $85嘩！一上枱擺盤咁靚嘅，煙三文魚砌成一朵金花放喺一堆薯仔沙律上面，側邊仲有啲花瓣同蕃茄仔青瓜片🥒做點綴，成件事就好似一碟綻放咗嘅鮮花一樣🌹，花花綠綠，真係賞心悅目。煙三文魚有兩大一片，肉質頗厚又唔散，冇雪藏味，下面嘅薯仔撈左雞蛋🥚同蛋黃醬，食落好杰身，啖啖薯仔肉🥔好飽肚。再發現原來底部襯托嘅係一片炸脆米片，脆卜卜嘅脆米片上面連埋沙律一齊食，多一重脆口感，薯仔沙律濕潤咗脆米片嘅地方，口感就會變咗好煙韌，呢個配搭幾特別喎！泰式辣肉墨西哥脆脆，$69熊貓妹好鍾意食nachos，問佢小食想食咩？佢就一定揀咗呢款。一般坊間nachos都係芝士焗，呢款nachos除咗芝士鋪滿面頭之外，仲加咗啲泰式肉碎。Nachos份量都好多，係香濃芝士味，烤焗過仲香脆，加埋面頭嘅芝士真係Double芝士🧀享受，香辣肉碎唔算好辣，食食吓又會食到啲肉碎粒，餐前食幾片nachos，食食吓飯又食幾片nachos，真係一款好滋味的小食。帶子牛柳粒燴意大利飯，$128新年期間梗係試吓新年限定新嘢啦！兩大粒帶子，兩大粒蕃茄仔🍅，仲有五六嚿牛柳粒🐮鋪係一大堆creamy嘅意大利飯上面，側邊仲灑上芝士碎🧀，成碟飯材料好豐富。帶子表面上下煎烤過，變成金黃色，帶子肉好飽滿，食落去好彈牙好有咬口，簡單咁樣煎烤過，已經可以帶出帶子嘅海水味🌊，唔錯。牛柳粒好大一舊，擺咗少少調味，表面煎香過，已經好出牛肉味🐮，食落肉質都好軟腍，一啲都唔韌，份量又多，真係好抵食。松露忌廉牛肝菌意大利粉， $95實不相瞞，熊妹每次嚟《THE PONT》都會叫呢款牛肝菌意大利粉🍝，因為真係好好味。第一次食，已經俾佢嘅松露牛肝菌味深深吸引住，然後從此就記住左呢個味道。今次一上枱，依然芬香撲鼻👃🏻，香氣四溢，係美食令人增加食慾嘅重要元素⚛️。蘑菇🍄切成粒狀，份量都好多，仲有啲牛肝菌，意粉係有咬口嘅7️⃣分鐘熟度，係熊妹最愛嘅熟度，最怕係淋身嘅意粉。面頭灑滿芝士碎令到忌廉醬汁更濃稠，醬汁撈滿松碎，食落口好creamy又充滿松露味道，松露愛好者一定對它愛不釋手💕，就即係熊妹，亦都係點解咁多次到訪都成為必點的項目💜。磯燒牛扒香蔥莎莎三文治， $128冇諗過又係超大一碟，麵包用上sourdough🍞，面頭鋪咗三大塊磯燒牛扒，淋左啲香蔥莎莎汁，仲有幾片沙律菜🥬同埋蕃茄仔🍅，伴碟有一大堆粗薯條跟蕃茄汁🥫，份量咁多得唔得㗎？磯燒牛扒🥩煎到全熟透，一啲血水都冇，完全沒有根真係啖啖肉。Sourdough中間麵包位超級軟熟，表皮係硬身，就係食呢種強烈對比嘅口感。薯條🍟多到食極都食唔晒，長粗薯條中間有淋身薯仔蓉🥔，熊妹最鍾意食就係呢款薯條。THE PONT 法式野莓吐司配雪糕， $79甜品由馬騮妹揀，一望餐牌就比呢個法式吐司吸引住，賣相真係色彩繽紛🎨。一球雲呢拿雪糕放喺一開二的兩片法式吐司中間🥖，剛煎起嘅法式吐司的熱力令到雪糕溶化🍨，仲淋上草莓醬同埋朱古力醬汁🍫，要食就快啲趁熱食！如果唔係雪糕凍晒啦！側邊仲有好多士多啤梨🍓同藍莓粒🫐，成個甜品變成酸酸甜甜，又有雪糕拼法式多士的冷熱效果，賣相同味道都攞夠分喇！焙茶鮮奶， $40馬嬲妹同熊貓妹要養生，唔食唔飲甜嘢，由熊妹自己叫飲品，正！晚上唔飲咖啡就改飲焙茶鮮奶啦！焙茶味濃🍃，飲到最後都仲見到杰撻撻嘅焙茶粉喺底，茶味濃得來又會滲少少淡淡的牛奶味🥛，焙茶做拿鐵都係幾好嘅配搭！📌整體嚟講，《THE PONT》環境舒適，坐得好舒服，餐廳充滿着花花草草又有歐陸風嘅風格，令人感覺好休閒😌。三個妹子食咗六百幾蚊埋單，六款食物再加一杯飲品，喺旺角嘅核心地段仲有咁舒適嘅環境同埋港女打卡地方，食物嘅價錢都無坐地起價，今時今日嘅香港地真係買少見少，絕對值得真心推介👍🏻！
繼續閱讀
喺朗豪坊行街時 成日比呢間花園景餐廳吸引目光放假時又去咗旺角 今次終於入咗去試門口嘅打卡位真係幾靚 襯未有人揀咗個靚位坐今日又係打卡嘅一天💕******************************食物s:🍄蘑菇忌廉湯非常濃郁嘅忌廉湯 湯中有粒粒蘑菇🥓蜜餞辣肉腸(2條) ($38)泰式辣醬風味 足滿辣勁🐔泰式烤黃油雞配烤菠蘿(半隻)即叫即烤 需時約30分鐘雞肉烤得好香口 juicy多汁 帶有油香味雞肉嫩滑不老 調味恰到好處🍗水牛城雞翼伴薯仔沙律味道偏甜嘅水牛城雞翼 唔食得辣嘅朋友都食到薯仔沙律份量亦好多 味道唔錯🥪意式海鮮比薩多士伴田園沙律($135)賣相幾靚嘅比薩多士 面上有好多海鮮外皮兩邊烘得金黃香脆 中間鬆軟 🍎熱蘋果肉桂(半價$17)蘋果同肉桂味道好夾 仲有一大片甜橙 好足料🍊香橙檸檬茶水果片好多 有誠意🍓幸福花園帶有少少士多啤梨味 幾開胃******************************小結:港女最愛嘅打卡餐廳 環境幾靚可以影到好多靚相💕 最啱同好姊妹一齊嚟
繼續閱讀
一向只知朗豪坊4樓的foodcourt 及頂層有餐廳食肆，其他樓層都是衣服鞋襪的店舖，但原來1樓就有一間大眾化價錢的文青小清新餐廳，餐廳佈置清新，而且座位寛敞，打卡食飯一流~ 唔係朋友介紹都唔知～ 見到佢啲甜品好吸引，有機會正次黎食佢既甜品牛角窩夫～ 餐廳以QR code 落單，非常的方便快捷 🥢蕃茄水牛芝士沙律配白桃碎冰（HK$85)蕃茄配水牛芝士是經典配搭，味道非常的清新，而且份量充足~ 🥢西班牙風乾火腿配烤菠蘿 (HK$90)一直食開都是風乾火腿配哈蜜瓜，今次見到配烤菠蘿也頗特別，所以叫來試試，咸香火腿配菠蘿也不錯，這片火腿比較淡身，配上酸甜的烤菠蘿，也不錯~ 🥢辣脆雞翼配荔枝醬 (HK$58)單骨雞翼炸得香脆，非常的入味，偏辣的口味，但好惹味 🥢龍蝦汁大蝦蜆肉意大利粉 (HK$115)親民價錢，有大蝦又有蜆肉，材料非常的豐富，用上龍蝦汁畫龍點睛 🥢泰式烤黃油雞（半隻)(HK$175)這個必叫！呢個黃油雞好好味，而且即叫即烤，上枱時新鮮熱辣，雞皮燒得乾身不肥膩，雞肉嫩滑入味，有少少辣更顯惹味，充滿泰式風味 🍹飲品: 雨後陽光(HK$44)呢個飲品好靚又好飲，以士多啤梨及乳酸飲品調配，顔色粉紅色好靚，又不會太甜，不錯 Vodka Ice Tea (HK$68)朋友點這個cocktail，估唔到都好好飲，酒的份量不少，配上檸檬茶，味道簡單又清新
繼續閱讀
同2位女知己去依間新開既西餐廳,預早慶祝到數...原址係M 記來既,依家變左西餐廳,估唔到囉.....1. 龍蝦汁大蝦蜆牛肝菌意大利粉 ,$115Spaghetti with Prawn & Clams2. 松露忌廉牛肝菌意大利粉, $95Mushroom Truffle Cream Spaghetti3.香烤美國肉眼扒(10安士), $295Grilled U.S. Rib Eye (10oz)飲品:1.菠蘿熱情果, $40Pineapple Passionfruit ,Less Ice2. 幸福花園, $42Happiness GardenTotal: $587+$58.7(10% service charge)= $646我覺得最好味係2,果D汁mix 哂所有野,好好味!3. 我叫左5成熟,但之後番屋企有肚痾,都已經無飲,任何凍飲,如腸胃唔好既食家,要叫熟些個扒.間餐廳出面大門,打卡一流,光線好夠光,座位之間都唔會太迫,我揀左長凳來坐,可以擺多些個人物品.間餐廳同Storellet Apps有合作,join membership,可以儲積分,換coupon 用,請留意!有電子付款!#西餐廳 #朗豪坊
繼續閱讀
超有ꜰᴇᴇʟ嘅田園餐廳，以綠色同植物為主，令人感覺好舒服😌 千祈唔好覺得開得係朗豪坊一定好貴，咁就大錯特錯啦，野食好味，性價比高😋 打卡談心一流🤩1️⃣ 煙三文魚班尼迪蛋配沙律🥚係ᴀᴅʙ同呢個之間揀咗要呢款🤣 底下係煙煙韌韌嘅ᴍᴜꜰꜰɪɴ，上面就係流心嘅班尼迪蛋😚 再配埋煙三文魚花花同新鮮嘅沙律🥗 係好健康嘅感覺～2️⃣ ꜱᴜʀꜰ & ᴛᴜʀꜰ🥩一個價錢可以食哂牛扒同大蝦😌牛扒大大塊，長到有成隻手掌咁大塊，粉嫩得嚟好ᴊᴜɪᴄʏ✨而大蝦肉質飽滿有彈性，好易拆殼，方便又易食🤘🏻仲有好多好多嘅黑松露薯條🍟3️⃣ 煎帶子墨汁意大利飯🥘唔好睇佢烏卒卒黑鼆鼆咁，係超濃郁嘅墨汁味😍 食完個咀唇都變成黑色，好似墨魚噴汁咁🤣 雖然外貌黑色或者唔多付好，但呢個墨汁意大利飯好鮮味😆 煎出嚟嘅帶子亦都大大粒，啖啖肉，值得一試😚4️⃣ ᴛʜᴇ ᴘᴏɴᴛ田園蛋糕🧁心心念念嘅甜品終於食到了🪴 外表係盆栽嘅樣，實際係ᴛɪʀᴀᴍɪꜱᴜ，咖啡味夠濃夠哂香☕️雖然內裏唔係傳統嘅做法，但粒粒多士脆脆加杏仁片，連埋一大啖嘅芝士，勁軟滑🤤5️⃣ 神秘果園🫐呢杯乳酪ꜱᴍᴏᴏᴛʜɪᴇ完全令我心心眼咗，真係十級好飲😍 既有藍莓又食到微細黑芝麻嘅口感，酸酸甜甜，而且仲有一大塊橙片，成杯飲品好田園好靚😆6️⃣ 熱香橙檸檬🍊唔想飲凍嘢，想飲熱嘅嘢呢杯就啱晒啦🫶🏻
繼續閱讀