674
37
7
| 餐廳: | Lucky Ristorante |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵旺角站 C2 出口, 步行約2分鐘
繼續閱讀
電話號碼
25685388
26701888
開飯介紹
餐廳主打歐陸及日本菜，推介手工薄餅，選用意大利00粉製作及用火山石爐烤焗，別具風味。內外均放滿乾花，亦有室外座位，氣氛浪漫。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
【旺角出色手工薄餅🍕Lucky Ristorante】-旺角行街除咗有旺中同朗豪坊，今日比小編發現一個新地方！就係「上海街618」‼️佢係百年戰前唐樓活化嘅商場，進駐了不少本地特色小店同埋餐廳😗而Lucky Ristorante就係其中一間😜-餐廳環境舒適，裝修充滿歐陸風味，仲有露天位置😙～Brunch Menu有薄餅、主菜、漢堡包以及意粉等等，包括茶或咖啡，定價都合理😌-😋水牛芝士蕃茄薄餅🍕$148+1薄餅係即叫即整，上枱嘅時候熱辣辣😝以薄脆嘅餅皮作為基底，再鋪上充滿奶香嘅水牛芝士同埋濃郁嘅蕃茄🥫加上羅勒葉嘅點綴😌味道非常豐富，有驚喜！好味指數：🌕🌕🌕🌕🌗-😋花之戀班尼迪蛋🍳$138+1呢碟嘅賣相相當討好😍有啲花瓣裝飾😝煙三文魚捲成一朵玫瑰花🌹花芯有啲三文魚籽😚配埋流心嘅班尼迪蛋食🥰係幸福嘅滋味～不過如果個麵包可以軟熟少少就好啦😗好味指數：🌕🌕🌕🌕🌘-📍 Lucky Ristorante (旺角)旺角上海街618號3樓301B號舖💸人均消費：$157
繼續閱讀
位於618上海街建築群組嘅重建唐樓入面有好多特色文青風小店。其中包括呢間主打意日菜嘅餐廳，餐廳環境寬敞。成個商場到餐廳入面都人流唔多幾恬靜，可以 chill chill哋食下飯傾下計 （雖然餐廳8點幾last order，9點已經叫你埋單，但10點收鋪我諗都合理嘅😂😂）先嚟個送啤酒嘅頭盤 唐揚魷魚同埋酥炸田雞腿，唐揚魷魚得面頭幾舊係正常，其他好多係炸到黑黑哋食落帶苦味... 🥹 勉強切咗個炸皮先可以食到。咁其實正常嗰幾舊係幾好食嘅，但正常嘅份量係少過燶酥炸田雞腿，呢個小食比較少見，難得有緊係要試吓佢。田雞腿炸得夠香酥唔油膩，雖然肉味唔係好鮮甜但做到肉質嫩滑，幾特別，嚟到要試吓~餐廳主打手工Pizza嘅餐廳，選用意大利00粉製作麵糰，經24小時發酵，同埋火山石爐烤焗而成。🍕我哋分別 order 咗兩款, Parma Ham 同埋日式蟹肉大阪燒。Pizza 正常發揮底唔厚餅身軟熟食落唔膩，大阪燒口味主要係食個醬味就唔係好食到蟹肉；Parma Ham 個樣幾好睇，火箭菜份量都幾多，比較傳統口味相對亦都比較好食。三文魚子特濃蟹膏忌廉意大利飯 🍲食落無想像中會口入面爆發嘅濃厚海鮮味，蟹膏同三文魚子都係無乜味（R曬頭）蒜香牛油焗波士頓龍蝦配龍蝦汁蟹肉焗煙斗粉🦞樣子唔錯幾好睇~煙斗粉即係放大版嘅通心粉，富有嚼勁，煙靭而且夠索汁，有蟹籽，龍蝦肉同埋龍蝦汁混合口感都幾豐富成餐飯最失望係個串燒拼盤，睇個樣都明顯係落炸爐炸過咗火位，全部都黑蚊蚊乾爭爭，款式係幾多但炸到咁樣基本上都係食之無味棄之可惜 🙄埋單400蚊多少少一位（連每人2杯啤酒），整體質素一般般，除咗啲嘢食燶之外無乜記憶點（真係 year of 燶）。同價位應該未必會再試
繼續閱讀
同朋友到旺角搵食，發現一間位於上海街翻新商場裡的樓上餐廳。餐廳內座位寬敞，景觀開揚，仲有露台位可以坐，係一個適合聚餐或輕鬆傾計的好地方。
❇️費城牛肉車打芝士法包 🥖🧀🧀法包烤得鬆軟，裡面鋪滿濃郁的芝士肉醬，熱焫焫的牛肉搭配爽脆的生菜，口感豐富，令人食指大動。附送的即炸薯條香脆可口，再加上新鮮爽口的雜菜沙律，整體營養均衡，非常滿足😋😋
❇️美國BBQ醬燒豬仔骨🍖烤制得恰到好處，肉質鮮嫩多汁，每一口都能品味到豬肉的濃郁香氣。醬汁調配得宜，微甜中帶有一絲微辣，口感層次豐富，令人食慾大開。配菜薯格炸得酥脆金黃，外脆內軟，非常美味🤤❣️
❇️巴馬火腿薄餅🍕🍕🥓🧀呢度既薄餅是手工現叫現焗，雖然等待時間稍長，但餅底鬆脆，火腿和芝士的鹹香味道恰到好處，上面的火箭菜和黑醋汁有效降低了飽膩感，整體味道十分平衡😋👍👍
繼續閱讀
#foodiezo食在旺角 #foodiezo九龍篇呢幢由唐樓活化成商場嘅地方，有好多特色小店同餐廳，周不時都會有市集添；而我一直都有幾間餐廳想試🤓 先試呢間西Cafe，鋪面大，有卡位同大枱😀 環境幾chill，staff都nice 有問必答☺️ 上菜速度快，如果趕時間嚟呢到食就一流😎—————————————————————🦀甲羅燒蟹之戀意大利粉 $208蟹蓋上放滿蟹膏、蟹肉同蟹籽 就咁食真係幾咸香，撈意粉食就啱啱好喇😛 意粉主要用味噌醬炒成，清清哋用蟹膏襯托返成碟粉嘅精粹😚 仲有三色椒同白蘑茄切片伴碟，感覺健康又滋味😉 -🍄酥炸靈芝菇配紅菜頭意大利飯 $152炸咗嘅靈芝菇都好juicy😗 意大利飯好煙韌，飯嘅煙韌再加菇嘅juicy，層次分明，飯仲掛曬紅菜頭汁，fresh 之餘又有豐富纖維🤩 唔怕食多幾啖😊
繼續閱讀
「上海街618」係唐樓活化嘅商場，呢間西餐廳喺商場嘅3樓，環境靜靜地幾舒服，weekend時間人流唔算太多人，幾闊落同friend食下飯傾下計係唔錯選擇🥢 水牛芝士蕃茄薄餅 💰148薄餅係即叫即整，以薄脆嘅薄餅皮作為批底，先塗上酸酸甜甜番茄醬、mozzarella cheese 🧀 再鋪上充滿奶香嘅水牛芝士，最後加埋剪碎羅勒葉嘅，薄餅焗火侯啱啱好，夠香脆，食落每啖都係芝士濃香🥢 花之戀班尼迪蛋 💰138有啲花瓣裝飾，用煙三文魚包入蛋白黃醬捲起成玫瑰花、面同中間放啲三文魚籽配埋流心水波蛋，英式鬆餅🥞烤軟熟，滋味滿分🤗🥢 凍咖啡🥢 熱咖啡🔸🔹🔸🔹🔸🔹🔸🔹🔸🔹🔸🔹🔸🔹✍🏻總評：加🔟服務費：✅👭🏻推薦指數：🌕🌕🌕🌕🌘👭🏻回頭指數：🌕🌕🌕🌕🌘👭🏻環境評分：🌕🌕🌕🌕🌘👭🏻服務評分：🌕🌕🌕🌕🌘🔸🔹🔸🔹🔸🔹🔸🔹🔸🔹🔸🔹🔸🔹💰人均消費：$150
繼續閱讀