影片
港鐵油麻地站 A1 出口, 步行約3分鐘
繼續閱讀
電話號碼
61306631 (24小時訂座或查詢)
附加資料
店內有Boardgame提供
營業時間
今日營業
12:30 - 00:00
星期一至日
12:30 - 00:00
以上資料只供參考, 請與餐廳確認詳情
有關獎賞計劃
呢間隱世Cafe唔單止有過百款Board Game任玩，最正係啲主食同飲品都落足心機👇🔥拿破倫肉醬煙鴨胸意粉一上枱就聞到超濃蕃茄香！最驚喜係厚切煙鴨胸，估唔到蕃茄肉醬同煙鴨胸係咁匹配，扁意粉掛汁力亦都非常高，越食越開胃！🐮韓式牛肋條飯牛肋條炆到用叉一篤就散，而且Cafe煮嘅白飯亦都非常之得意，係一個趴地熊形狀，絕對係要先打卡，之後先捨得食。🍹火龍果+奇異果果汁紫紅色漸層靚到唔捨得飲！店長拎出嚟嗰陣，見到兩隻手都紅晒，原來係因為餐廳真係用新鮮火龍果嚟去調製飲品。火龍果天然甜完美中和奇異果酸味，仲要堅持即叫即榨，飲到底仲有粒粒奇異果籽卜卜脆。🌼潤喉茶成壺養生材料睇得到！有紅棗、洋甘菊、桂花等等材料，飲落喉嚨即刻有股暖流，最啱玩返嗌到拆天之後潤返聲帶。🥗黑醋沙律沙律菜十分香脆，再沽上小小黑醋汁，健康首選。✨溫馨提示：記得打去餐廳訂定位！呢度嘅魔力就係食完唔捨得走，人多啲嘅最好包埋場就最開心！
繼續閱讀
🎯Any Moment Cafe ☕️ 🎮.讀書時代啱啱興起樓上cafe，放學／Re-U去cafe食嘢+玩 board game，畢業之後都好少去喇🙈 今日放工朋友話去重拾童年回憶，一於奉陪😎.Cafe喺旺角恆威商業大廈，入口有啲隱蔽，搭𨋢大堂喺後巷，好似Harry Potter 9又3/4月台咁😆.老闆好nice，一入到去就提我哋可以叉電🔋環境好舒服，又有好多board game 玩🎯.🍟芝士薯條一邊傾計一邊食芝士薯條，好chill😛 粗身薯條好有咬口，上枱時仲熱辣辣🔥芝士醬yummy yummy🧀.🐱韓式牛肋條飯見到貓貓造型嘅白飯笑咗出來，太可愛了吧😆唔係淨係得個樣，牛肋條煮得好稔好入味，超好送飯🍚.🍝卡邦尼煙三文魚意粉份量十足，煙三文魚鋪滿成碟意粉😋意粉軟硬適中又掛汁，滿滿奶油香🤩.🍫特濃朱古力好推薦呢個朱古力熱飲☕️真係特濃朱古力香，最正係唔會好甜，反而係微苦的可可味，大愛❤️.🍵潤喉茶清潤嘅花茶茶，微甜，飲落喉嚨真係舒服咗🌿
繼續閱讀
今日咁啱喺旺角收工，次次喺旺角諗食咩都覺得好難諗，今日約咗朋友敘舊，佢建議不如去返以前中學成日去嘅Cafe試吓，除咗懷舊之外又可以坐得耐，大家都好同意呢個建議。一上到去呢間Cafe，已經有好多客人，不過以前記憶中全部都係中學生，而家竟然有好多成年人，可能個個都係想上嚟聚下舊。我哋首先叫咗個芝士薯條，一上枱已經聞到好香，而且炸得好脆，入面薯仔熱辣辣，外脆內嫩嘅感覺真係好好食，唔使點茄汁都一流啊。另外我哋仲叫咗個煙三文魚意粉，估唔到咁大碟，而且佢嘅煙三文魚份量好多，意粉嘅醬汁都同意粉好夾，而且意粉煮嘅硬度啱啱好，真係好出色。呢個泰式雞柳螺絲粉又係好值得讚賞，睇佢個樣估唔到佢係酸酸辣辣咁嘅，食落好開胃。而且雞柳好嫩滑，少少辣辣地，不過唔食辣嘅朋友都唔覺得太辣，反而覺得夠晒香。去Cafe最緊要就係飲特飲，呢杯朱古力曲奇好香濃，飲落唔會太甜，朱古力襯埋啲曲奇粒粒，真係好有花花去中學時候嘅感覺。食飽之後我哋仲玩呢度嘅遊戲，呢度非常多唔同種類嘅board game。我諗起碼有二百幾款，除咗board game之外，佢仲有好多唔同嘅實體遊戲，真係啱晒一大班朋友上嚟敘舊。呢間餐廳又抵食又平，而且仲有好多唔同嘅遊戲玩。同埋呢度嘅老闆都好親切，感覺係一間令人好溫暖嘅Cafe，而且坐得耐都唔會趕你走，下次放假一定會約埋班朋友一齊嚟玩一日啊。
繼續閱讀
Board game式cafe《AnyMomentCafé》今日同一位識咗好多年嘅朋友，去一間比較偏僻嘅商業大廈內嘅board game式cafe餐廳，有得玩又有得食😊，芝士薯條：濃濃嘅芝士味亦帶有小小芥末醬味道，配上熱辣辣嘅薯條，絕對係不錯嘅小食😁。秘製咖哩炸雞扒配飯：炸雞啖啖肉，但咖哩汁值得一讚，香甜小辣👍🏻，鍾意食咖哩嘅朋友，我一定會推介呢一樣菜式😊。韓式牛肋條配長通粉：牛肋肉味濃軟淋淋，入口即溶，長通粉口感煙韌彈牙。😇蜂蜜蘋果水蜜桃茶：呢款茶係熱飲黎，淡淡嘅茶香係呢個咁凍嘅冬天飲非常合適🤭，另外我同朋友一致認為，呢款熱飲飲到最尾時候，茶香味道更加濃烈，可以留意下😊。水蜜桃益力多沙冰：益力多味濃郁，份量好多👍🏻，想嘗試水蜜桃嘅味道，建議要用匙羹撈下杯面頭嘅益力多沙冰同埋杯底嘅 水蜜桃汁，令兩者更為均勻😊。總結：今日呢個朋友，係我識咗好多年嘅朋友，今晚同佢喺呢個咁放鬆嘅cafe環境，一面玩、一面食、一面傾過往嘅往事，非常開心😄。cafe環境舒適，主要都係做熟客為主，cafe內亦設有大量board game，鐘意用下腦嘅朋友可以約埋三五知己，一邊享受美食，一面增進感情👍🏻。9
繼續閱讀
One-man-band upstairs board game cafe This upstairs cafe is operated by one-man-band, and he’s very passionate about cooking, mixing drinks as well as introducing board games for diners. Definitely check it out if you are looking for home style cafe food, and most importantly some games for entertainment! We had a pasta date, the red one was smoked duck breast spaghetti in marinara sauce; the brown one was a very coconuty and thick curry spaghetti topped with assorted deep fried protein- we found fish fingers, chicken tenders and pork. Both pastas were very saucy. Wings in Swiss sauce was very delicious, the sauce was just right and the wings were served extremely hot and fresh. My chocolate milk shake tasted very good, you could tell how smooth and well blended the chocolate and banana inside it. Cafe owner was really friendly to introduce diners to the different board games he collected, and even spared time to give tutorial to beginners. Ask him for suggestions if you can’t decide which dish to eat or, which game to play!
繼續閱讀