AnyMomentCafé

營業中

休息中

想揾個地方慢慢坐低傾下計 樓上café必然係一個最佳選擇❣️無限時可以坐成晚 環境亦更舒服今次同朋友選擇咗一間已經開業十幾年嘅café******************************食物s:食物選擇唔算得上好多 有幾款套餐可以揀經老闆用心介紹下 我哋揀咗幾款野食邊食邊傾🍝拿破崙肉醬煙鴨胸意粉 ($128) 煙鴨胸份量頗多 唔算油膩 食落唔會鞋拿破崙汁味道酸酸甜甜咁 配上肉醬 份外開胃🥰面上灑上好多芝士粉 令味道更香口🧀整體感覺和諧 醬汁同煙鴨胸嘅味道好夾 🥗田園沙律 (跟餐+$20)田園沙律配上特製黑醋汁黑醋汁係店主自己研製㗎 另外仲有檸檬葉 同磨碎咗嘅檸檬皮混和係入面 感覺份外清新 健康又解膩🐣地中海香蒜雞柳意粉 ($128) 呢個意粉調味充足 入口都有少少辣雞肉份量都幾多 肉質幾嫩滑 特別欣賞店主加入自己種嘅香草令成碟意粉嘅香味大大提昇 🍟芝士薯條($62) 薯條新鮮炸起 夠熱又香口跟配秘製芝士醬 以全人手製作 用咗多種芝士混合製成 食落份外惹味😋仲食得出有大廚嘅心機喺裡面💕🍹蘋果水蜜桃$52呢度嘅飲品利用純天然水果嘅鮮甜味提味絕無添加人工調味料 無加糖水味道特別清甜解渴

因為一直都好鍾意同朋友玩board game，聽講過呢間board game Cafe就嚟呢度試吓。一入到去真係見到好多人玩Board game同老闆吹下水發現原來呢間野都開咗12年㗎啦見到有幾份套餐有嘢飲有嘢食都係$119個價錢都唔錯。因為有啲肚餓所以就叫咗一個是瑞士汁雞翼食住先，個汁嘅味道真係唔錯。你就一路食、一路玩、一路等主菜套餐方面我就揀咗個拿破崙肉醬煙鴨胸意粉，個汁酸酸地好開胃，上面嘅煙鴨胸肉好大好多好好味非常推介。嘢飲方面我就揀咗北海道雪人，佢係菠蘿加芒果味嘅刨冰。真係好大浸菠蘿味同埋芒果味唔錯唔錯。我另外加多左$18加雪糕我見到餐牌上話如果有17人或以上可以包成間餐廳每人$110 ，如果仲係咁嘅話都幾抵不過就唔知可以包幾耐到，就算淨係兩個鐘都抵過唱K啦，又可以約一班人一齊玩遊戲。遊戲選擇好多，而且唔識嘅話老闆又好好人會教你點玩，真係唔錯。

依間樓上cafe有種隱世嘅感覺，因為幢大廈嘅入口係起後巷入面。餐廳俾人嘅感覺好溫馨，尤其係因為老闆好friendly，會主動同客人傾下計。另外cafe仲提供咗好多款board game俾客人玩，可以話係總有一款啱你，老闆亦唔會話一見你食完野就想你快d走咁，一班人約嚟依邊食完野再玩就啱曬la。芝士薯條份量都幾多，雖然冇拉絲嘅效果，但係個醬好好食，似係芝士再加千島醬嘅感覺，唔會話好易膩。蜜糖雞翼食落口超級熱，應該係即叫即整，雞翼有炸過嘅感覺，加埋蜜糖，令人有種停唔到口嘅感覺。咖哩安格斯牛柳粒螺絲粉老闆特別提我地牛柳粒要襯熱食，如果唔係會變硬唔好食。我同朋友都感覺份碟意粉份量大得嚟又好食。拿破崙肉醬煙鴨胸意粉佢依邊嘅主食份量都好大，無論煙鴨胸定意粉嘅份量都好多，肉食得出有唔少蕃茄粒，性價比好高。水蜜桃梳打唔會死甜，飲到有好多果肉，幾好飲。朱古力特飲好濃朱古力味，朱古力迷必點。

昨晚約左阿菇食晚飯，這樓上cafe是我第一次去的，因為被這cafe的冇煙冇酒冇粗口所吸引。因為阿菇還在開會，所以我比她早到。最初用地圖找這cafe的位置，顯示是離油麻地地鐵A1出口行三分鐘，最後發現原來在A1出口向旺角方向行第二個街口，再面向彌敦道第一條小巷內。真的不用三分鐘路程呢。直上九樓，因為餐廳男東主在和一枱客人閒聊，敎他們玩boardgame。看看四周，真的有好多boardgame. 下次如果有朋友問到想一班人聚會想找樓上cafe，又唔想有人吸煙，也可以推薦一下。可能我在呆坐，只看著手機等阿菇，所以男東主親切的主動問我要不要叉電阿菇到了，看一看餐牌要Set dinner。有一個主食加飲品。飲品有花茶，沙冰及咖啡檸茶等飲品。卡邦尼碎煙肉三文魚螺絲粉 $98材料是餐廳每天入貨。阿菇說螺絲粉剛剛好不太軟也不會過硬，每一條螺絲粉也掛滿汁但不會過漏。煙三文魚不錯。她在不用廿分鐘便完成一碟。拿破崙肉醬煙鴨胸螺絲粉 $96很有家的感覺。煙鴨胸份量算多，肉醬酸甜可口，也是每一條也掛到醬汁呢！麥冬杞子羅漢果花花茶阿菇說很濃羅漢果味，略甜，但因為可以免費加水三次。第一樽會略甜，第三次就不會過甜了。