影片
開飯介紹
悠閒自在的貓貓Cafe有輕食、茶飲和甜品供應，客人可以一邊品嚐輕食，一邊跟貓咪互動，用餐則按時收費。
繼續閱讀
附加資料
收費每位首小時$58 (假日$68), 次小時$38 (假日$48), 閒日$118 全日任坐, 閒日學生優惠$10
營業時間
今日營業
13:30 - 22:30
星期一至五
13:30 - 22:30
星期六至日
11:30 - 23:00
公眾假期
11:30 - 23:00
以上資料只供參考, 請與餐廳確認詳情
集寧靜、舒壓、治癒嘅好去處《貓之茶房 (弼街)》一直都好鍾意貓貓，但本人因為屋企人反對嘅緣故，所以一直都唔可以喺屋企養貓，不過我一直冇放棄到自己鍾意撚貓嘅喜好🤣所以今日就同朋友選擇嚟到呢一間位於太子嘅貓貓cafe🐹。好難相信喺香港鬧市當中有一處咁嘅地方🐱cafe位於一樓，一條短短嘅樓梯增添左神秘感😎上到cafe門口，係開放式落地玻璃嘅門口，令人一眼已經望到cafe嘅環境，同埋貓貓喺入面玩嘅情況，聽完店員短短嘅解釋，已經急不及待換上拖鞋，消毒雙手，然後走入去cafe搵貓貓玩🤤。Cafe內有數十隻貓貓，每隻都有唔同嘅性格，有啲比較貪玩🤩有啲鍾意瞓覺😴有啲比較怕醜😳有啲就好餵食😋。值得一提，有幾隻貓貓係有特別嘅情況，因為比較怕人、細膽，店舖亦好貼心咁為呢幾隻貓貓標上特別嘅標誌，會喺進入店舖之前同我哋講述，可以摸佢嘅位置。另外，本店有特別嘅規矩，即使你同貓貓好熟都好，客人係唔能夠抱起佢哋玩，因為都要保障返貓貓同埋客人嘅安全👍🏻。食物：由於店舖主打係同貓貓互動，所以佢哋提供嘅只係輕食，包括三文治、蛋糕同埋曲奇，唔會有主食提供。所以去玩嘅朋友要注意，可能要食咗嘢先上去啦😉飲品方面則有少量罐裝飲品、乳酸飲品、朱古力奶同埋咖啡。另外，熱茶係免費提供，有少量嘅茶包可以選擇，價錢平民，50蚊內就可以買到嘢食同埋嘢飲 。收費：頭一個鐘58蚊，第二個鐘38蚊，食物價錢方面，就如上述所講係另計嘅；而餵貓貓嘅食物亦都係另計嘅。環境：環境舒適，如標題所講，非常治癒、寧靜同埋舒壓，基本上每一刻都係畀貓貓包圍緊🤣另外，貓貓活動範圍都好夠，空間感十足，店內亦設有貓貓棒比客人同貓貓進行互動👍🏻。總結：人均消費大約hkd110至120，非常抵玩。最緊要係令到自己嘅心情可以放鬆，絕對係治療壓抑心情嘅好去劇😊👍🏻。
繼續閱讀
由於公司附近有間出名嘅貓Cafe，Happy Friday約咗同事去咗呢間Cafe Chill吓🐱入場費行咗第$58一個鐘，當然黎呢度就當然除咗食，主打係有得同啲貓互動🥰好開心💕雖然呢間Cafe只提供輕食，但大家都可以以超抵嘅價錢食蛋糕同三文治🥪而且咖啡、茶任飲🤤真係超正💝俾錢仲係自助形式，自己拎完要野食就去Cashier埋單～好方便！🍽️ 藍莓芝士蛋糕上次試咗佢哋嘅柚子芝士蛋糕好好味，所以今次就試佢哋嘅藍莓芝士蛋糕，好Fresh好清新，而芝士蛋糕芝士好Rich🤪食完心情愉快！🍽️ 火腿蛋三文治食完甜野我哋每人再食多個火腿蛋三文治，味道不過不失，一般發揮，但係望住啲貓貓食好滿足嘅☺️🍽️ 熱情果乳酸梳打食完芝士蛋糕同埋三文治都飽飽地，最後我哋仲拎咗杯熱情果乳酸梳打濕濕口🤤估唔到都幾多熱情果醬😋酸酸甜甜好開胃！呢度嘅茶同咖啡都係任飲，所以我沖咗一杯熱辣辣蜜桃茶☺️返工可以對住啲可愛貓貓食lunch，仲有貓貓聖誕卡送，又真係幾開心😍呢間貓Cafe有好多分店，下次可以帶埋Lisboy去同貓貓🐱玩☺️
繼續閱讀
全部貓貓🐱都好可愛，被人摸時，完全唔怕人，好溫柔，玩 逗貓棒 時，貓貓🐱會蹦蹦跳，活潑可愛，動靜佳宜，十分迷人。一玩就過左30分鐘😆去食 d 野先，食物 係輕食，有多款唔同味道嘅 蛋糕、三文治同 曲奇，柚子芝士蛋糕 味道清新，唔太甜😊，抹茶曲奇 香脆，而飲品有免費咖啡廳及茶水，我哋揀了凍朱古力奶，夠濃，唔會水汪汪，而甜度剛剛好，好好飲😋現場有棋類提供 多款board games🧩，坐在窗邊，一路玩，一路飲飲食食，真係好 relaxing！初入到去店時，職員好有禮貌講解同貓貓🐱玩嘅注意事項⚠️☺️，又告訴我們可免費 取2025 年貓日曆。牆上掛有所有的貓貓🐱嘅介紹，仲有中英各有一本小冊子，圖文並茂介紹每隻貓，例如：出生日期、家人、性格，令我哋更加了解貓貓🐱！🔹地方寬敞、舒服、唔焗出，有自然光☀️🔹貓貓🐱 迷人可愛🔹入場費＄58，第2小時＄38，全日任玩＄118🔹食物及飲品＄6-19🔹免費玩 board games🔸整體消費不高！真係一個好好放鬆嘅地方！治癒心靈！忘記現實！
繼續閱讀
今日同朋友嚟到太子嘅貓之茶房，真係好開心！這間貓貓咖啡館就係一個充滿溫暖同治癒力嘅地方。🐱💕 貓貓大軍：一入到去，就見到數十隻貓貓活蹦亂跳，真係太可愛！大約4:00pm到，佢哋一個個都精神得不得了。有啲貪玩，真係玩唔停🤩；有啲就懶懶地瞓覺😴；仲有啲貓咪可能有啲害羞😳，但絕對有啲貓咪會乖乖地等你餵食😋。店內仲有貓貓棒，讓我哋可以同貓貓互動，實在太好玩啦！👍🏻治癒環境呢度環境真係超治癒，靜靜地令人感到好放鬆。四圍都係貓貓，感覺就好似入咗貓咪的世界🤣。而且空間感十足，座位又舒服，仲有枕頭同咕𠱸坐，真係可以好好享受呢個時光！貼心服務每位客人都會獲得一對免費嘅紙拖鞋，仲有小朋友size，真係好貼心❤️。入門口有即棄拖鞋換，仲有大膠袋可以放袋子，保持整潔。而且職員會定時用吸塵機清潔，保持環境乾淨👍🏻。店內仲有免費插頭、漫畫可以睇，同埋好多board game，根本就唔會悶！美味食物貓之茶房仲有個獨立茶水間，裡面有各種蛋糕同三文治，真係好吸引！例如藍莓芝士蛋糕、朱古力蛋糕同柚子芝士蛋糕，飲品方面都有朱古力牛奶、朱古力咖啡同柚子特飲，價錢又平，仲可以自助茶水供應，真係好抵玩呀！總結人均消費大約HKD110至120，實在非常抵！最重要係可以放鬆心情，絕對係治療壓抑心情嘅好地方。呢度不單止可以同朋友傾計，仲有可愛貓貓陪住，實在太幸福了！💖如果你想餵貓貓，仲可以買零食比佢哋，店舖每售七包零食就會捐一包比流浪貓，真係好有愛心，令人感到暖心❤️。快啲約埋朋友，一齊來貓之茶房感受呢份溫暖同貓咪的陪伴吧！🐾✨
繼續閱讀
放假唔知去邊好？呢間貓cafe閒日首小時都只係💰58蚊，次小時💰38蚊～假日每個鐘都只係多10蚊！好抵玩呀🐱🐱服務店鋪員工友好而專業。佢地對貓咪🐱照顧細心，呢度仲提供貓糧💰6蚊有半份，真係好抵！係度chill返全日都只係💰118無限時任坐，中學生仲平多💰10蚊🤣仲有免費提供逗貓棒🪀同朋友係呢度傾下計玩下貓呢度真係好適合！呢度仲提供埋board game 超正呢🤣環境地點都非常方便。餐廳的裝潢以貓咪主題為主，充滿溫馨同趣味。室內設計舒適，座位都係榻榻米，食嘢啲貓貓都會行埋黎～好啱係度chill下😎食物呢度仲提供多樣化嘅輕食選擇，包括精緻嘅甜品、曲奇、三文治同飲品。乳酪手搖飲品低至💰6蚊，仲有咖啡☕️、朱古力奶🥛可樂等，甜品仲可以食埋芝士蛋糕，肚餓仲有三文治食，食物質素都唔錯！
繼續閱讀