影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
Urban Cafe - 旺角貓Cafe 🐾今日去咗位於兆萬中心14樓嘅Urban Cafe，一間超乾淨嘅貓Cafe，而且真係超抵食！五十幾蚊就有一個餐，包括主菜、餐湯同餐飲，可以喺度坐足一日，仲冇入場費，真係抵到爆！🐱🍛 焗日式咖哩雞扒飯：雞扒嫩滑，咖哩香濃，每一口都充滿日式風味🍝 三文魚柳忌廉燴意粉：三文魚煎得夠身，忌廉汁香滑，配埋意粉，味道豐富。🍗 黑松露汁葡式燒春雞配薯菜：春雞嫩滑多汁，配上黑松露汁同薯菜，食得非常滿足。🍵 忌廉餐湯：濃郁香滑，絕對係餐前必飲🤣🍢 超抵食嘅小食：只需加18蚊就有章魚小丸子，仲有加咗一份花枝餅，真係好抵食！🥤 港式凍奶茶：凍奶茶好飲，茶味超香濃☕ 榛子咖啡：榛子香氣四溢，味道出色， 不過可以叫返小奶。Urban Cafe裡面超多貓咪，每一隻都好乾淨，少少臭味都冇，環境整潔，員工亦都非常友善有禮，絕對係一個放鬆同埋打卡嘅好地方。📸📍 地址：旺角兆萬中心14樓全層#UrbanCafe #貓Cafe #旺角美食 #焗日式咖哩雞扒飯 #三文魚柳忌廉燴意粉 #黑松露汁葡式燒春雞 #章魚小丸子 #花枝餅 #港式凍奶茶 #榛子咖啡 #香港美食 #貓咪 #貓奴天堂 #食評 #餐廳推薦享受美味同埋可愛貓咪嘅陪伴！🐾
繼續閱讀
今次係我第一次去貓貓 Café，真係超級治癒！🥰 去到門口職員會先叫你穿上鞋套，確保環境衛生。一推門入去，映入眼簾嘅係超多可愛嘅小貓咪，而且佢哋大多數都好活潑又唔怕人，感覺好親切～由於我哋係平日去，所以無時限，可以慢慢食飯，再陪貓貓玩🐱❤️❀——❀——❀— 𝓦𝓮 𝓸𝓻𝓭𝓮𝓻𝓮𝓭 —❀——❀——❀🍴 Set for Two ｜$268呢個兩人套餐性價比好高，份量啱啱好1️⃣ 精選餐湯 & 精選沙律沙律清新開胃～餐湯熱辣辣2️⃣ 溫泉蛋煙肉野菌卡邦尼扁意粉呢個卡邦尼意粉賣相好靚，加咗花做裝飾～有煙肉野菌做配料。特別係溫泉蛋，一拌開即刻變得更加 creamy！🍝3️⃣ 西班牙燒烤醬黑毛豬肋骨豬肋骨香嫩入味，BBQ醬甜甜地～配埋灑咗少少調味粉既香脆薯條，味道唔錯可以選呢個！🍖🍟4️⃣ 加 $25 雪山心太軟配雪糕我地揀咗抹茶味，內裡流心抹茶醬香濃，配埋雪糕，正正！🍵🍨5️⃣ 兩杯飲品飲品可選$38 以下，超過要補錢。我哋揀咗熱檸水同凍檸茶，啱哂一邊飲住一邊同貓仔玩～☕🧊❀——❀——❀——❀——❀——❀——❀——❀——❀價錢親民，食物質素都唔錯，但主角當然係貓貓啦！🐾 店員好細心照顧啲小貓，睇得出佢哋好鍾意佢地！❤️
繼續閱讀
今次我哋來到一間特別嘅貓貓咖啡，呢度唔單止可以享受美食，仲可以同可愛嘅貓貓親密接觸，真係一個放鬆心情嘅好地方✨。我哋今次點咗四人套餐 ，包羅萬有，唔好錯過！😋 餐廳環境舒適，佈置得好有格調，牆上仲有貓貓嘅畫作，令人一入到去就感受到溫馨嘅氛圍。店內嘅貓貓們都好乖，會在全間餐廳內自由走動，仲會時不時走過來同你打招呼，令人覺得心情特別愉快，絕對係一個享受美食同埋陪伴貓貓嘅理想場所。精選蘑菇湯 🍲首先上咗四份精選蘑菇湯，熱熱地送上來，令人覺得好溫暖。湯底清淡，但又有深厚嘅味道，配合新鮮嘅蘑菇，真係好滋味！每一口都令人心情愉快，特別適合搭配之後嘅小食！👍 精選沙律 🥗接住嚟係四份精選沙律，每一份都色彩斑斕，唔單止好睇，味道亦都唔錯！沙律入面有新鮮嘅生菜、番茄同埋其他時令蔬菜，口感清新，仲有特製嘅醬汁，味道酸酸甜甜，食完之後感覺好清爽！🥳 沙律嘅材料都係當季新鮮採摘，確保每一口都有最自然嘅味道。特製醬汁更添風味，讓人食完之後唔會覺得膩。滋味四人小食拼盤 🍤🍟然後就係我最期待嘅滋味四人小食拼盤！呢個拼盤真係豐富到不得了，入面有芝麻雞翼、炸蝦扒、炸花枝塊同埋薯條，每樣都咁誘人！🍗 每一款小食都經過精心製作，特別係芝麻雞翼，外皮炸得金黃香脆，肉質鮮嫩，咬下去嘅時候，芝麻香味四溢，令人停不下口。炸蝦扒就更加唔使講，蝦肉嘅鮮味同外層嘅脆感形成完美對比，吃上一口，真係令我忍唔住想再來多一份！其他小食都一樣出色，整體來講，呢個拼盤真係值得分享，適合聚會或者家庭聚餐！每一口都充滿驚喜，讓人感受到餐廳對於味道的追求。安格斯牛肉手工漢堡配薯條 🍔🍟首先，漢堡用嘅係高品質嘅安格斯牛肉，肉質鮮嫩多汁，經過精心調味，味道濃郁，讓人一口咬下去就能感受到肉汁流出，令味蕾瞬間被征服。🍖漢堡包嘅麵包外脆內軟，烤得剛剛好，配合鮮嫩嘅牛肉，形成完美的口感對比。漢堡內仲加入咗新鮮生菜、番茄片和洋蔥圈，增添咗清新的口感，讓整個漢堡更加豐富多彩。特製嘅醬汁更係為漢堡添上多層次嘅味道，無論係醬香還是酸甜，都令整個漢堡更加出色。🥗黑松露芝士野菌忌廉菠菜意大利飯 🍚意大利飯煮得剛剛好，米粒粒粒分明，配上濃郁嘅黑松露同埋芝士，味道豐富得令人驚喜！每一口都令人心醉，特別適合芝士控！🧀 此外，入面嘅野菌增添咗更多層次感，口感滑順。黑松露嘅香氣彌漫整個飯盤，食落去真係令人陶醉。呢碗意大利飯不僅係主菜，更加係一種味覺享受，讓人忍不住想再嚐多一口，完美嘅選擇！這道菜也體現了餐廳對於食材搭配的巧妙安排，讓人感受到料理的藝術。原條鰻魚明太子忌廉扁意粉 🍝鰻魚肉質滑嫩，搭配濃郁嘅明太子醬，味道真係好到爆！意粉吸收咗所有醬汁，食落去每一口都好有層次感，令人忍唔住想多食幾口！🌊 鰻魚嘅鮮味同明太子嘅鹹香相互融合，真係一種絕妙嘅組合。意粉煮得啱啱好，既唔軟爛亦唔生硬，完美吸收咗醬汁，每一口都充滿滋味。呢道菜嘅呈現亦好有心思，擺盤精緻，見到都想立即開食，絕對係一個值得推介嘅選擇！這道意粉同樣展現了餐廳對於細節的關注，讓人感受到用心。煙三文魚千島薄餅 🍕薄餅底烤得香脆，配上煙三文魚、菠蘿同埋水牛芝士，味道獨特，特別適合愛食海鮮嘅朋友！每一口都帶有淡淡嘅煙燻味，真係好味得不得了！🍍 薄餅底部烤得恰如其分，外脆內軟，配合煙三文魚嘅鹹香，味道更加升華。菠蘿嘅清甜更令整道菜有咗一份清新感，形成咗完美嘅味覺平衡。薄餅份量適中，唔會太油膩，食完之後唔會有沉重感，真係一個理想嘅分享小食，適合朋友聚會！這道薄餅不僅好味，還讓人對貓貓的友善氛圍有更深刻的體會。飲品選擇 🍹🥛 港式奶茶（凍）嘅奶香濃郁，茶味適中，少冰少甜，正好！蜂蜜柚子茶清新嘅柚子味，配上蜂蜜，味道甜而不膩，十分好飲！朱古力愛好者一定會鐘意特濃鮮奶朱古力，朱古力味道濃郁，超適合甜食愛好者！今次嘅貓貓咖啡之旅真係充滿驚喜，每一款菜式都令人滿意，特別係可以同可愛嘅貓貓一齊用餐，更加加分！💖 餐廳仲有專為貓貓設計嘅空間，貓貓會在全間餐廳內自由走動，佢哋非常友善善良，唔會襲擊人類，甚至可以比客人為食，雖然會收返貓糧嘅價錢，但仍然係一個好特別嘅體驗。下次再帶多啲朋友一齊來，享受更多美食同埋貓貓帶來嘅歡樂！這裡亦會定期舉辦活動，讓更多人了解如何照顧流浪貓，真是一個值得支持嘅地方！🐾
繼續閱讀
「此用餐並無獲得任何形式之招待」是日1月25星期六 唔算爆場時間夜晚六點九到 冇訂位店員貓貓尚算友善 （係店員同埋貓貓）嘢飲好快就到咗嘢食就等咗約莫半個鐘先至到我行完兩三圈 同啲貓貓影完寫真 食物都仲未ready 以為係精心炮製啦 點知係我癡心錯付我嗌既嗰個係菲力牛柳配粉紅胡椒黑松露燒汁唔知做咩事 竟然切完係全熟 又實又鞋今次真係一啲血色都冇喺觀塘店都幫襯過嗌過牛嚟食 明明質素就冇咁差劣惟有當我今日唔好彩🤷🏻♂️
繼續閱讀
朋友同我都有養貓，佢話上次去過一間貓貓cafe非常正，有好多可愛貓貓，又乖又嗲-最重要係啲嘢食仲要好好食😋👍🏻所以今日放工帶我去🥰一上到去，門口就有鞋套機，好方便！👍🏻之前去嗰啲都要換拖鞋比較麻煩😅一開門已經有兩隻「服務員」響到恭候大駕…好可愛呀！😍店員帶我哋坐低就畀個qr code我哋落單～估唔到貓cafe都有咁多嘢食😝😋我哋叫咗個四人餐，有四個湯、四個沙律、兩個主菜、兩個pasta、兩份甜品、四杯飲品～成個餐都係五百幾蚊～抵到一個點！！🥰👍🏻😅其實啲食物唔止多，最重要係好好食！！首先我哋叫咗四杯梳打，因為冇酒精又老少咸宜～佢個南瓜忌廉湯都好香濃，沙律菜又好新鮮～兩個主菜：一個要咗西班牙燒烤醬黑毛豬肋骨，一個要咗美國嫩雞胸配檸檬蘋果醬～兩個都好有水準！pasta要咗一個黑松露芝士野菌忌廉菠菜risotto，同埋甲羅燒芥末忌廉寬條麵～兩個都非常有水準十分好味～根本飽到一個點！！甜品後上，食飽去玩下貓貓先！😍😝呢度啲貓貓乜嘢品種都有：英短、布偶、豹貓、家貓……全部都好鬼可愛，又親人！我哋坐喺度等食期間，有唔同嘅貓貓走埋嚟八八卦卦～同我哋打招呼，有啲仲會同你貼頭頭添！！🥰😻店員話啲貓大多數都係啲繁殖貓舍棄養😢不過而家畀佢哋養到肥肥白白～我問呢啲貓係咪可以領養嘅，佢話：梗係唔係啦！我哋自己養㗎！不過如果你想幫下手，都可以買啲貓玩具嚟同佢哋玩當幫補一下～😍👍🏻呢度實在太正喇！！我決定下次要帶老細嚟玩下～
繼續閱讀