影片
開飯介紹
本地人氣cafe品牌，供應一系列西式料理，如All day breakfast、甜品等；裝修雅致舒適，提供寫意的用餐環境。
繼續閱讀
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
有關獎賞計劃
優惠
9折
荳子‧荳子冰室現金券 -多款招牌菜及甜點 健康素食 $100現金券！
$90
$100
相關文章
餐廳：荳子 (旺角)地址：旺角亞皆老街8號朗豪坊4樓7號舖2013年開辦嘅本地咖啡店——荳子，由荃灣巷仔細舖位擴展至港九新界，半年前更喺朗豪坊開設分店🈺，店內設計以簡約清新嘅地中海⾵格為概念，環境寬敞舒適，就算開喺food court隔離都唔會有嘈吵侷促嘅感覺💆🏻♂️，餐廳主打西式輕食、甜品同咖啡，仲會不定期聯成集團旗下嘅姊妹店或者其他品牌推出各款限定美食🍴為咗實踐「取諸社會，用諸社會」嘅理念，佢哋用唔同渠道，將客人嘅消費轉化為小費捐贈俾多間社福機構🤲🏽，呢排仲有同十字牌鮮奶、人字協會同本地紋身師合作，希望帶動本地行業同文化嘅發展🇭🇰，真係好值得大家過嚟支持一吓💪凡叫午市套餐或餐牌上嘅主食都可以加配前菜、湯品、小食或者甜品😎，牛肝菌湯 (+$40)配上一片片嘅牛肝菌香氣四溢，濃而唔膩🍄；龍蝦海鮮濃湯($44)將鹹香嘅精華融入湯底，突出甘甜嘅鮮味🌊；羽衣甘藍藜麥沙律 (+$30)加咗清甜嘅青蘋果同番茄，配以酸甜油醋汁開胃一流🥗 ✝️班尼迪蛋•大啡菇•車輪牛角酥漢堡 $78餐廳首度聯乘副線推出新產品🆕，將新鮮焗製、酥脆嘅法式車輪牛角酥同英式班尼迪嘅流心蛋，配上飽滿多汁嘅大啡菇層次感十足🍄，以美式漢堡嘅設計融為一體🍔，多重口感嘅滋味令人回味無窮🤪✝️澳洲肉眼扒(7oz)•太陽蛋•薯條 $168切條嘅肉眼扒煎至五成熟🥩，富纖維感嘅肉質幼嫩中帶嚼勁，牛味較淡但勝在肉汁都算豐富💦，伴碟有兩隻太陽蛋同埋金黃酥脆嘅粗薯條，以呢個價錢嚟講都幾抵食👌🏽✝️Chocolate Mountain +$30 雪山造型嘅自家製甜品相當吸睛👀，主要由70%黑朱古力慕斯同蛋糕整成，每啖散發出甘醇嘅香氣🍫，甜蜜細膩嘅忌廉同焦糖香蕉內餡令整體口感更濕潤，搭配出甜苦交替嘅滋味餐飲轉其他正價飲品可以減$8🤟🏽，的骰嘅Piccolo latte($28)將少量奶泡同濃縮咖啡融合，帶出芳香而充滿深度嘅韻味☕️；餐廳仲有駐場咖啡師為大家製作獨一無二嘅3D Latte Art，叫某幾款Latte就有，仲要唔洗加錢架😉，伯爵茶拿鐵($36)清幽嘅茶香同十字牌鮮牛奶 (+$3) 溫醇嘅奶香完美結合，可愛嘅貓貓真喺令人唔捨得破壞，影多兩張相先📸
繼續閱讀
《Häagen-Dazs 平價朱古力火鍋》在旺角有家咖啡店推出 Häagen-Dazs 哈根達斯火鍋，我們就衝了去吃啦😎，因為只要HKD$138就吃到！店舖位於朗豪坊 FOOD COURT 旁邊，環境裝修時間，近門口位置的座位挺特別，感覺隱私度高🙈。-▪︎Häagen-Dazs 雪糕朱古力組火鍋 HKD$138賣相吸引很香朱古力味，是用Häagen-Dazs的朱古力漿，味道香濃幼滑😍。食物包括開心果雪糕及栗子撻雪糕各兩球、香脆小吐司、綿花糖及新鮮水果。.雪糕配朱古力是YYDS的組合！冰火交融形成脆皮的組合，產生變化挺特別的。脆皮朱古力味道香甜，配軟滑的朱古力感覺甜蜜🤭。再吃一口酸酸的水果，中和了甜膩感。-▪︎英式紅茶 HKD$40這裡是原壼紅茶上，另可選擇加奶或糖，還可免費添飲🤭。這裡的茶飲味香濃，吃下午茶來杯英式紅茶，跟朋友慢慢享受悠閒時光。▪︎卷 • 山政小山園 HKD$42這款是抹茶口味的蛋卷，旁邊有店家糖霜LOGO做點綴。一層厚厚的忌廉蛋卷在裡😆。抹茶忌廉茶味甘香，口感軟滑不會太甜。蛋糕質感鬆軟，配紅茶感覺挺好。-▪︎焦糖脆餅雲呢拿吉士拿玻崙 HKD$42這款拿破崙賣相吸引，簡單食材製味道可以的😚。面層放有一片餅乾，灑上焦糖漿。酥脆的拿破崙，感覺挺香牛油味🤤。雲呢拿吉士味道甜而不膩質感軟滑。-
繼續閱讀
唔知大家有無印象，以前有一排好興吐司盒，原來beans嘅tea set都有類似嘅野！Tea set仲會包一杯$42或以下嘅飲品，所以下午時間想食啲野、飲杯咖啡嚟呢到都唔錯～另外仲發現餐牌仲有啲專訪同介紹，呢排Beans同十字牌牛奶合作都有講下本地農場同鮮奶，幾特別！👍🏻•🥢 抹茶黑糖麻糬流心吐司 $74 （包一杯$42飲品）呢個抹茶吐司盒嘅吐司係黑色，可能係竹炭？上面放咗一球抹茶雪糕，鋪咗莓果同綿花糖！加埋焦糖醬會比較甜，但好彩入面嘅抹茶流心嘅抹茶味偏甘，兩者又中和返～本身以為吐司盒中間係麻糬餡，但原來係得一舊黑糖麻糬喺雪糕下面，太少啦🥲📸 伯爵茶3D Latte 有3款熱嘅latte都可以同店員講想要3D Latte，即係喺咖啡上面加立體嘅奶泡，但當日嘅🐶🐶圖案就有少少崩壞🙈 同圖片有啲出入喎😂
繼續閱讀
今晚又係週圍搵野食時間 🍽今次嚟咗一間新開嘅但其實已經有好多間分店嘅餐廳， 我係其他分店食，都對佢哋餐飲非常滿意， 尤其係佢哋啲自家甜品，造型靚有心思，味道當然好味 😋 今次嚟咗呢個分店喺朗豪坊4樓 food court 側邊餐廳位置， 其實好容易被忽略，亦好容易令人覺得佢係food court裏面啲其中一分子， 所以餐廳好細心地， 喺靠近food court嘅位置， 用咗一個包廂設計嘅概念， 令你用餐舒適， 不會被food court的嘈吵聲騷擾， 也不會被人眼望望 😝 今次的食物都好滿意 ，食得開心同滿足，最重要係服務員態度好貼心，有笑容🤗(今餐係我自己真金白銀去食的一餐，食完覺得真係好先分享架!)
繼續閱讀
今日去食荳子咖啡廳的班尼迪蛋，我最愛吃這個菜。不過相比起做到半溏心半流心效果班尼迪蛋的Bricklane，質素比荳子的容易進食，不像荳子的流心蛋黃一蹉立即破，蛋黃流來整個碟都髒兮兮的，食相也不優雅！不過除了這個問題之外，質素還是不錯的～男朋友叫了豪華全日早餐，他分了些炒蘑菇和番茄比我試。煎番茄甜甜酸酸，很開胃。蘑菇也有嚼勁～最後，我也試了兩個像Donut的圈圈，點忌廉食，質地好鬆軟，有咬口，是一個小驚喜！！蜜糖檸檬🍋還是免費的～～♡我們要求左大靠背沙發位，舒服d同私隱度高d，店員也會為我們安排的。餐廳名字：荳子 (朗豪坊)地址：旺角亞皆老街8號朗豪坊4樓7號舖
繼續閱讀