影片
港鐵旺角站 D2 出口, 步行約3分鐘
繼續閱讀
電話號碼
57227837
開飯介紹
旺角區平民泰式料理，選擇多樣化，由泰式小食、肉類、海鮮、炒粉麵飯、燒烤及泰式甜品都一應俱全；其燒烏頭及泰式生蝦都是人氣菜式。
繼續閱讀
營業時間
今日營業
11:30 - 23:30
星期一至日
11:30 - 23:30
以上資料只供參考, 請與餐廳確認詳情
有關獎賞計劃
優惠
通菜街出名係旺角多美食嘅地方，係今日同朋友嚟覓食，發現咗呢間餐廳泰有feel，原因係佢哋員工都係泰國人，入到去發現播住泰文歌，食落感覺廚師都應該係泰國人，幾正😛冬蔭海鮮湯加入鮮蝦，辣椒、檸檬汁和魚露熬煮出酸辣鮮美嘅湯底，飲落層次豐富。湯飲落小辣，蝦肉已除殼，肉質彈牙，而且就算叫”細size”都份量十足！係喺泰國本地食到嘅味道。泰式青咖哩(牛)配白飯青咖哩入面除左有我哋點嘅牛，仲有茄子、其他香料，青咖哩醬濃郁順滑，椰漿味突出，配飯食一流，食落就知非常正宗！香葉辣椒海鮮河河粉夠彈，以泰式香葉、辣椒同魚露等調味料炒成，帶有刺激嘅辣味，配料方面鋪滿了蝦、魷魚、青口，用料都幾用心，而且最難得係超勁獲氣！食落夠惹味🤩燒牛肉沙律牛肉經過特製醬汁醃製後過，再以高溫烤至微焦內裡仲粉嫩。搭配新鮮的蔬菜，例如蕃茄、青瓜絲、、芹菜絲同紅洋蔥等，再淋上泰式酸甜醬汁，十分開胃醒神。牛肉份量方面亦十分對得住價錢，好推薦大家試下。青檸梳打青檸味突出，酸得黎爽，醒神！
繼續閱讀
旺角通菜街一向出名多美食❤️最近幾個月路過見到開咗間新泰國菜餐廳「泰好記」🇹🇭由於個名真係太好記，價錢又親民地道，一於收工去試試😆.🍴冬蔭海鮮湯💰$75冬陰功非常足料，有齊香茅、檸檬葉、蘑菇、蕃茄等材料✨入口有香香料味，先酸甜辣勁，再慢慢滲出湯頭鮮甜😚夏天飲好爽，即刻胃口大增🤪.🍴生菜包💰$88有豬牛雞三款選擇，今次揀咗豬肉🐖清爽生菜包住可口豬肉碎，充斥住香茅、金不換香氣😚肉碎肉汁豐富，再加少少辣味增添惹味🌶️ 令人無法拒絕😋.🍴燒牛肉💰$98牛肉燒到大約七成熟，外層焦香內裡軟嫩，咬落去啖啖肉汁爆發💦最重要蘸埋靈魂醬汁—特製泰式酸辣汁‼️同燒牛肉超夾，正😆.🍴泰式咖喱軟殼蟹💰$168大大隻軟殼蟹，加埋泰式黃咖喱無得輸😝黃咖喱一啲都唔辣，味道偏甜香味四溢😍建議叫埋蒜蓉包或者薄餅蘸咖喱食，食盡咖喱唔好嘥😙.🍴炸雞卷💰$65可口香脆小食😌外脆內軟，一口一粒好快清晒😛.🍴香葉辣椒河💰$68唔係講笑，都真係幾辣吓🤣 🐻本身食得辣，所以特別鍾意佢夠辣，辣得過癮🔥除咗雞肉外，仲有四季豆、青椒、黃椒、秀珍菇等配料，河粉同配料比例五五波，所以食落真係啖啖料😝.🍹椰青、泰式檸檬茶💰$40、$25特別想講杯凍檸茶茶底係泰式紅茶🇹🇭夠晒泰式風味☺️甜度仲可以自由揀❤️.除咗散叫，晚市仲有啲二/四人晚餐，最平都係$299😳想食好啲但又唔想太貴，「泰好記」絕對係好選擇💯
繼續閱讀
夏日即將到來，正是品嚐泰式美食的好時機。我最近同朋友去了一家泰式餐廳，品嚐了餐廳的招牌菜式，感受一下泰國的風情😎蝦醬炒飯飯粒粒分明，充滿了蝦醬的鮮味。蝦醬的陣陣香味，與飯粒完美融合，令人食指大動👍泰式乾炒牛河牛肉鮮嫩多汁，帶有一點點油香，夠鑊氣之餘，更有蛋香，口感層次感十足🥰泰式甜品拼盤拼盤上有各式小巧精緻的甜品，有芒果糯米飯、椰汁糕等等，為整頓晚餐畫上了完美句點。飲品方面，點了芒果沙冰和椰青芒果沙冰酸甜可口，是夏天最佳解暑良品；而椰青則是必點的泰式特飲，帶有一絲椰子的香氣，清而不腻✨好味指數：8/10 性價比指數：9/10餐廳名稱：泰好記 餐廳地址：旺角通菜街75-77號 電話：5722 7837
繼續閱讀
位於旺角通菜街有一間隱世正宗泰國餐廳「泰好記」。店內佈置充滿泰國風情，一入門口便聽到播放著泰文音樂，令人彷彿置身於泰國街頭。呢度嘅價錢親民，值得一試。.抵食二人套餐 $299只需$299，便包含前菜、湯、炒菜、主食、飲品同甜品，真係超值之選。.冬蔭海鮮湯湯底酸辣適中，帶有濃郁嘅香茅同檸檬草味道，海鮮新鮮彈牙，每一口都充滿泰國風味。湯嘅酸度來自新鮮嘅檸檬汁，辣度則來自泰國特有嘅辣椒，令人飲完後口齒留香，胃口大開。.青芒果沙律口感清爽，青芒果嘅酸甜搭配花生碎嘅香脆，仲有魚露嘅鹹香，整體味道層次豐富。青芒果嘅酸味刺激味蕾，花生碎嘅脆感增加咗口感嘅多樣性，魚露嘅鹹味則完美平衡咗成道菜嘅味道。.馬拉盞椰菜苗火候啱啱好，椰菜苗脆嫩，啱啱都係馬拉盞嘅鹹香。椰菜苗嘅清甜同馬拉盞嘅濃郁鹹香形成強烈對比，好惹味.菠蘿炒飯口感鬆軟，米飯粒粒分明，菠蘿嘅甜味同粟米粒，臘腸粒，葡萄乾，蘿蔔粒，雞肉粒嘅鮮味完美結合，再加上少許咖喱粉嘅香氣，令人回味無窮.泰式奶茶沙冰，泰式凍奶茶兩者各有特色。沙冰口感綿密，奶茶香濃，冰涼解暑；而泰式奶茶則係香甜順滑，茶味濃郁，兩者都係夏日消暑嘅好選擇。沙冰嘅細膩口感令人一口接一口，而凍奶茶嘅濃郁茶香則令人回味無窮。.蒜蓉包$38外皮酥脆，內裡鬆軟，蒜香濃郁，啖啖都充滿蒜蓉嘅香氣。蒜蓉嘅香氣喺烘烤過程中完全釋放，與麵包嘅酥脆口感相得益彰.燒全雞翼$18雞翼外皮烤得金黃酥脆，內裡肉質嫩滑多汁
繼續閱讀
泰國朋友仔話帶我去旺角食鄉下菜。去到就見到好多泰國姐姐同妹妹，無論係食客定係員工，大部份都係泰國人。我哋個三個人點咗個二人餐再加埋一個小食拼盤分享。先來兩杯跟餐特飲，提子沙冰同埋椰汁三色冰。沙冰大大杯，三色冰好多料。見個菜單芒果沙律旁冇辣椒符號，以為佢唔辣，點知你都之後佢其實都幾辣下，但係辣得來又幾好食嘅。估唔到二人餐個椰汁雞湯有咁大煲，大家都飲咗幾碗，雞肉同菇菌份量都好好多，椰汁加上香茅好開胃。炒椰菜苗可以選擇唔同炒法，馬拉盞夠香口。菜的份量亦都有好多。主食係乾炒河，有豬牛雞可以揀，我哋揀咗牛肉，碟乾炒牛河牛肉份量比想像中多大大塊。小食拼盤有蝦餅，雞捲同魚卷，每樣兩件，每現在切開一半，所以有12小件，份量其實係幾多嘅。整體嚟講，味道正宗，價錢又合理，下次可以帶屋企人去食。
繼續閱讀