影片
港鐵旺角站 E2 出口, 步行約3分鐘
繼續閱讀
開飯介紹
ATUM Group旗下餐廳之一，供應風味獨特的新加坡及馬來西亞菜；裝潢走年輕、摩登時尚風格，色彩鮮明，是聚餐的好選擇。
繼續閱讀
營業時間
*截單時間:21:30
星期一至日
12:00 - 22:00
以上資料只供參考, 請與餐廳確認詳情
相關文章
假日行MK順便食飯，冇心水食乜，友人見到有間新派星馬菜幾特別，個獅子Logo好正(竟然係比Logo吸引@_@)，個名叫獅叔，Shiok，據簡介係星式英語來，意思即係爽!好正的意思，獅叔個名係取其讀音而來，而獅子Logo係取自獅城的概念(竟然吸引到去了解!)，入正題，見食物幾吸引，餐廳係THE FOREST個位置幾方便，一於去See獅叔叔試下有幾正。去到一眼就見到，餐廳色彩鮮明，真係好sharp，19:30去到，唔算好多人即有3位。餐牌，店員推介了幾款人氣之選，就試下。斑蘭椰子冰，$36，有淡淡的斑蘭香，甜甜地，fresh。海南茶(凍鴛鴦)，$36，友人的。咖央雪油烤吐司，$58。多士入口鬆脆，咖央及雪油份量適中，咖央有椰香甜味，配合牛油的香味更滋味。娘惹金杯，$92。賣相不俗，餅皮脆口有點似薯片，上層有蝦，內餡是蔬菜及水果粒，口感豐富，味道酸酸甜甜，清香之感。馬來沙嗲豬串燒，$68，有四串，味道香口。檳城大蝦炒粿條，$118，大蝦爽口，粿條口感彈牙又入味，有點似炒河。食物正常水準，服務態度幾好，特色小店。
繼續閱讀
旺角一間新派星馬餐廳🦁餐廳無論在氣氛、菜單還是性價比方面都唔錯👍🏻裝潢相當吸睛,到處都可見到活力洋溢既獅子元素,瞬間令人感受到濃濃星加坡風情～店內以橙色和綠色為主調,營造出輕鬆愉快既用餐氛圍。地理位置係旺角好方便,好近地鐵站✨無論係閨蜜聚會或者家庭聚餐,呢間餐廳都係一個唔錯選擇🙆🏻♀️食物種類都幾多選擇,星馬菜色選擇非常豐富,有好多小編係香港都未食過～所以小編揀左一啲比較有特色既菜黎試下～✨娘惹蒜米酥脆魷魚賣相色澤誘人,外面炸到顏色金黃色🤤脆脆薄外皮包住著鮮嫩魷魚,入口都幾夠酥脆,帶有少少蒜香味～整體ok✨馬來甘香炒啦啦星馬特色炒蜆,飽含各種香料的滋味,香菜、蔥花和酸甜的醬汁完美融合,隻味小編係第一次食,幾特別～✨星加坡辣椒蟹肉配4件炸饅頭好多螃蟹肉鋪面😆蟹肉仲好鮮嫩多汁,配上香脆可口的炸饅頭,沾上濃郁的星加坡式醬,每一啖都是滿足感同埋都係一樣!第一次食到呢個味～✨香茅檸檬冰✨椰皇如果想下正宗星馬風味,大家可以試試～下次去旺角,又有多一個打卡點😌
繼續閱讀
係香港， 星加坡菜既餐廳唔係好多選擇， 喺旺角， 竟然有一間， 好近地鐵站，就係呢間獅叔，好特別， 就吸引咗我入去。餐廳佈置得色彩繽紛， 有好可愛嘅壁畫， 忍唔住打返張卡！ 餐廳嘅環境都好舒服， 同朋友坐低傾下偈係唔錯嘅選擇。餐牌嘅款式唔多， 但有齊星加坡特色嘅菜。 我哋就叫咗幾樣餸1） 馬來湯肉骨茶- 藥材味充足， 骨肉分離， 啖啖肉， 配料都好多。2） 鹹蛋黃肉鬆薯條- 炸得好香脆， 又香口3） 海鮮豬肉老鼠粉- 味道濃郁，每條粉都好掛汁總括而言， 呢間餐廳好適合打卡之餘， 味道都唔錯！ 值得一試！
繼續閱讀
我好小係度寫食評的，但今次真心唔想再有人中伏！路經見到呢間餐廳，見到好耐無食嘅新加坡菜，餐牌d食物都幾啱食，決定入去試下！叫咗桔仔話梅水$36一杯一飲完全唔係新加坡桔仔水嘅味道，甜到想喊，收得36蚊仲難食過我買支樽裝檸檬汁串燒豬肉$68 收呢個價錢得4串都唔緊要，比d誠意大串小小吖，得中指咁大咁粗，收68蚊，不過算係最熱同最好食㗎啦肉骨茶$118如果正宗肉骨茶收呢個價絕對合理，佢d骨骨茶唔包飯，唔緊要，芽菜都無，用金菇代替😩仲要得幾條金菇，幾舊煲湯一字骨仔，幾舊開邊豆泡，上枱只係微暖，完全淡而無味，咁樣就叫肉骨茶？真係對唔住個呢個名蝦麵$118一上枱又係微暖嘅，完全無蝦味都算，嗰隻開邊蛋，係冰凍咁凍，點可以咁都比個客食㗎？？？真係唔好當人未食過新加坡菜，唔要求你做到一樣味道，都起碼比番d誠意，食物要熱上，味道似番7成以上都好吖，真係無下次
繼續閱讀
通常喺旺角淨係得放題揀 成日都諗唔到食乜好今次行過𝐓𝐡𝐞 𝐅𝐨𝐫𝐞𝐬𝐭見到呢間裝修新穎嘅星馬菜 就入去試試叻沙蝦麵比出邊嘅湯底更濃郁 亦有很多配料沙嗲雞串燒 $𝟔𝟖 𝟒串 個人覺得都較為抵食好鍾意佢個串燒醬 超濃花生味 掂串燒一流嗌咗碟咖喱雞 再嗌埋碗雞油飯 超啱食 仲有得叫𝐧𝐮𝐧嗌咗兩杯比較可以打卡既嘢飲 龍鬚冰就比較甜 椰子冰做𝐛𝐚𝐬𝐞 蝶豆花荔枝冰就比較清新一𝐝冇咁甜呢度環境都比較開場 可能比較適合朋友黎個快既𝐜𝐚𝐭𝐜𝐡 𝐮𝐩( ´▽` )ﾉミ✫ 𝐎 𝐔 𝐑 𝐎 𝐑 𝐃 𝐄 𝐑 ☆彡ఌ 星加坡叻沙蝦麵 $𝟏𝟏𝟖ఌ 馬來沙嗲雞串燒 $𝟔𝟖ఌ 馬來奶油咖喱雞$𝟏𝟏𝟖ఌ 雞油飯 $𝟏𝟓ఌ 珍多尖蕊龍鬚冰 $𝟒𝟔ఌ 蝶豆花荔枝冰 $𝟑𝟔
繼續閱讀