影片
開飯介紹
晚市放題供應多款食物，如刺身、壽司及炸物等。特別提供一般放題少見的朱古力噴泉、爆谷機及棉花糖機。食客更可任飲清酒、梅酒及啤酒。
繼續閱讀
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
公眾假期
12:00 - 15:00
17:00 - 23:00
公眾假期前夕
12:00 - 15:00
17:00 - 23:00
以上資料只供參考, 請與餐廳確認詳情
有關獎賞計劃
相關文章
榴槤季節又來啦，我朋友知道我好鍾意食榴槤，特登帶咗我食依間日式刺身放題店，事關佢推出咗個期間限定的馬來西亞榴槤放題，唔使$300就可以任食多款魚生和馬拉榴槤、Häagen-Dazs雪糕甜品無限續杯，真心推介刺身拼盤（角螺刺身、希靈魚、油甘魚、挪威三文魚、劍魚腩、帶子和阿根廷赤蝦）我自己最鐘意油甘魚，劍魚腩同阿根廷赤蝦，劍魚腩肉質肥美，油甘魚鮮甜嫩滑，手掌咁大隻的阿根廷赤蝦，爆高嘅蝦頭爽滑嘅蝦肉，令人欲罷不能😂榴槤要知道全世界最出名食榴槤嘅地方就係馬來西亞，而佢地有種食法就係會將個榴槤燒烤，經過燒烤既榴槤味道會更香甜，口感更順滑，兩款我哋都有食，我自己比較鍾意就咁食（即不烤）入口嫩滑細膩啖啖肉，口感奶滑肉質偏腍，當然比起你食D24就冇咁多肉，但係你而家去超市買榴槤都成舊水仲要得兩粒仔，呢個價錢食到喱個質素的榴槤放題已經回哂本和風牛柳粒牛柳粒加入咗黑椒同醬汁去炒，肉質柔軟嫩滑，好食！竹笙瑤柱蟹肉羹其實即係碗仔翅，味道偏淡，我幫大家試咗可以唔使嗌🥹蒲燒鰻魚必點，鰻魚入口Q彈，肥嫩嫩好好食蒜蓉燒生蠔蒜味香濃，蠔肉都幾大粒，夠爽甜，推介燒有機菠蘿味道偏酸，正常野～海膽手卷必點，雖然海膽味偏淡，但係呢個價錢都食到海膽都真係相當抵食，而且佢一啲都唔腥，好食！台式地瓜球外層酥脆，入面係芋頭蓉，幾好！貓山王榴槤炸彈必點，炸榴槤皮薄餡靚，一啖入口榴槤溶晒口中，讚讚雪花牛鍋(2-3人份）牛肉份量都好大份，湯底味道有少少似日式壽喜燒，帶少少甜味同豉油香，肥牛肉味香濃，甜而不膩，好食芝麻雞翼外皮炸到脆卜卜，好香口吉列炸蠔外層炸到金黃香脆，蠔肉肥美，蠔味十足！鹽燒牛舌牛舌比較薄身，入口軟嫩爽口，配啤酒一絕！御品鮑汁燴花膠鮑汁香濃，花膠好大塊，口感彈滑嫩口，回本必點！
繼續閱讀
之前都同朋友食過呢間御滿屋，今次咁啱路過見到佢派傳單，勾起咗條筋就去食啦🤭🤭上到去見到超多人😵，好彩好快就夠鐘入座，職員都非常有效率安排座位，好快就有得坐低😆今次都係揀$258經典套餐，已經包咗超過70款食物，同上次一樣都可以免費升級馬來西亞烤榴槤無限任食❤️🌟剌身🍣首輪都係食剌身先，三文魚好肥美🤤，帆立貝都好厚身，其他都係非常新鮮爽口，唔會因為放題就影響質素🌟燒物🍡上次食過蒜蓉燒生蠔之後就念念不忘，今次要食多幾轉😆，多蒜係我嘅最愛，燒出來好惹味，另外美國薄燒牛卷住葱蒜食同樣好香口👍🏻🌟各款料理🌟🥩雪花牛肉鍋今次同牛魔王來食點少得牛肉鍋，壽喜燒湯底，除咗牛肉之外，仲有香菇、菜、半熟蛋等等，香甜而不膩😋🦀薑蔥炒蟹最愛食殼類海鮮，呢度嘅薑蔥炒蟹辣辣地，啲汁掛晒上蟹殼，淨係吮個殼都夠晒好好味🤤🐚日式炒蜆同豉椒炒蜆相似，豉汁再加少少辣，唔會好咸，蜆肉冇沙，拆肉幾粒一齊食口感更佳🤭🧆和風牛柳粒Juicy唔靭，配埋青紅椒、洋蔥、蒜加黑椒汁沙，正😙🥣竹笙海皇羹足料👍🏻，而且味道可以媲美酒樓質素，亦唔會好厚芡而覺得飽滯自助吧同甜品飲品上次都介紹過，今次就唔多講啦☺️，總括嚟講，食物質素依然維持非常優質，性價比繼續高企🥳
繼續閱讀
最近就去咗御滿屋食放題，套餐A係最平嘅一個套餐，但係都包晒刺身、壽司、熟食、飲品同甜品，仲有得加錢升級左馬來西亞榴槤放題！特別推出烤榴槤，出乎意料地香甜。口感更順滑，榴槤控岩曬，可以任食！人均$300，性價比真係超高，下次一定會再嚟！刺身方面，有三文魚、帶子、甜蝦、劍魚腩、北寄貝等等，款式都幾多。刺身好新鮮，啖啖肉，食落好鮮甜。三文魚好肥美，入口即溶；甜蝦好鮮甜，啖啖都係鮮味。特別推介有海膽手卷，壽司方面，我最鍾意食嘅係鰻魚壽司同帶子壽司。鰻魚壽司嘅鰻魚好肥美，而且燒得啱啱好，入口即溶；帶子壽司嘅帶子好鮮甜，而且好彈牙。熟食嘅選擇都唔少，有天婦羅、炸雞、牛扒、羊架等，仲有好多款嘅前菜，款款都好好味！我最鍾意食嘅係牛肋骨同羊架。牛肋骨嘅肉好腍，而且好入味；羊架嘅肉好嫩，而且冇羶味。雪糕有好多選擇，仲有任食haagen daz雪糕，超正啊！整體御滿屋嘅款式非常多，有刺身、壽司、熟食、甜品、飲品等，總有一款啱你食，最緊要刺身夠新鮮！價錢非常合理，以佢哋嘅食質同服務嚟講，絕對係物有所值。
繼續閱讀
任食放題，第一個想到的餐廳就是旺角「御滿屋」。約朋友聚會暢食就是一流。御滿屋環境舒適，坐位寬廣，對於放題來說非常重要，因為桌面上需要放置大量食物。放題用QR Code下單，可以查看訂單紀錄，點餐過程更加方便快捷。⮫ 海鮮刺身御滿屋提供多種刺身選擇，包括三文魚、油甘魚、劍魚腩、北海道帶子和大赤蝦等等。刺身非常新鮮，食得出其海鮮鮮味，不會雪到硬硬的。特別推介劍魚腩刺身，因為其他放題店要食劍魚腩是要升級套餐的，所以在眾多刺身款式中性價比較高。⮫ 燒榴槤御滿屋還有一個招牌食物，就是任食榴槤。餐廳有燒榴槤和普通凍榴槤選擇，滿屋會將榴槤烤至香甜，帶上陣陣燒烤風味，味道份外濃郁。兩款都各有風味，亦是來滿屋的主要原因。⮫ 鹽燒牛舌、鹽燒雞軟骨放題之中，燒物我首推鹽燒牛舌和鹽燒雞軟骨。廚師將牛舌燒得鮮嫩多汁，搭配微鹹的鹽味，味道剛剛好。鹽燒雞軟骨亦香脆爽口，百吃不厭的。⮫ 燒紐西蘭羊鞍羊架同樣是放題必食的，想想在出面西餐廳食兩枝羊架都要過百元，來放題終於可以食回本。餐廳將羊架烤至外脆內嫩，肉質細膩，搭配獨特的調味料，讓每一口都充滿濃郁的羊肉風味，甚至比起西餐廳的羊架更加好食。⮫ 西京比目魚比目魚煎得鮮嫩細膩，口感豐富而且帶有淡淡的甜味，與羊架一樣每次放題都必定要點幾份來食。⮫ 蒜蓉燒生蠔生蠔以經過燒烤，搭配蒜蓉醬汁，每一口生蠔都非常多汁，食多幾隻又可以回本了。⮫ 薑蔥炒花蟹蟹肉非常香甜，食海鮮亦是放題明智之選。當然，作為一間放題餐廳，御滿屋日本料理還有大量任食甜品和飲品選擇。任食甜品有Movenpick和Haagen-Dazs雪糕，品種繁多，而任飲飲品方面，不同款式的汽水、啤酒和清酒等，任君選擇。雖然御滿屋已經是元老級的日式放題餐廳，但亦會不斷進步創新，再食都是沒有令人失望。
繼續閱讀
御滿屋發掘到一間喺鬧市好方便嘅放題，基本上旺角站E1出口一出就到。而且內籠座位闊落舒服，食物甜品飲品種類非常之多，連啤酒、清酒都有，如果係榴槤迷嘅話，佢仲有各式各樣嘅榴槤食品！！！同埋就算食物種類多質素，亦都保持到水準。刺身：刺身種類唔少包括有：三文魚、劍魚腩、帶子、阿根廷赤蝦、鮑魚、希靈魚、油甘魚、大甜蝦；其中最推介大甜蝦又大又新鮮鮮甜好味！！！蒜蓉焗生蠔：大大隻嘅生蠔，再加埋惹味嘅蒜蓉，一啖一啖咁食落口真係令人流連忘返。燒西京銀鱈魚：超級推介，外皮燒得惹味可口，裏面肉質鮮嫩入口即溶，再配上小小嘅沙律醬係超級推介！！！少有日式放題，包埋清酒任飲，仲要有暖酒機暖酒。另外，佢亦有任食嘅榴槤雪糕放題適合晒鍾意食榴槤嘅發燒友！
繼續閱讀