影片
港鐵油麻地站 A2 出口, 步行約4分鐘
繼續閱讀
電話號碼
34264948
開飯介紹
裝潢富日本風味的居酒屋，精選日本宮崎和牛、刺身等上乘食材，製作價錢合理的日本料理，其中壽喜燒及石板燒牛為主打菜式。
繼續閱讀
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
以上資料只供參考, 請與餐廳確認詳情
有關獎賞計劃
優惠
大山日本料理 Oh Yama Japanese Restaurant 📍旺角西洋菜南街2W-2X號2樓我同朋友為咗慶祝相識三周年，於是齊齊請下晏假去玩去食。今次我哋揀咗喺旺角見面，貪佢多嘢食又多嘢行。因為全日都安排咗偽遊日本，午餐同晚餐都當然要食日本嘢啦！用定位搜尋日本餐廳，發現最近家樂坊有一間好評頗多、價錢又親民嘅日式餐廳，即使過咗午餐時段都好多人幫襯，於是就決定喺呢度開始「旅程」。 💰$78火炙薄燒A5和牛壽司 🐄坐落店員就推介我哋一試，火炙薄燒A5和牛壽司，睇相都見到好震撼，牛肉充滿油光，真係垂涎欲滴！朋友品嘗後話和牛片牛香四溢，入口即化嘅口感更令人一試難忘，最重要係肉質嫩滑、多汁、無筋，唧上濃香嘅醬汁，真係世界級好食！ 💰$78火焰三色卷 🍣三色卷有帶子、吞拿同三文魚各兩件，小卷內包有青瓜、蟹柳、玉子等食材，層次分明，味道清新。卷物上嘅刺身經火炙燒過後，配搭日式鹹沙律醬同和風醬汁一齊食，更有油香。卷物賣相精美，而且可以一次過食到三款大路刺身，比一般壽司抵食！ 💰$98鰻魚炒飯 🍚炒飯唔係乾身嗰種，但依然炒到粒粒就分明嘅感覺。鰻魚汁包裹住每一粒米飯，香蔥增加香氣，粒粒饅魚肉更加添美味。 💰$38牛油果軟殼蟹手卷 🥑🦀軟殼蟹炸得非常酥脆，牛油果夠新鮮creamy，口感一脆一軟，層次豐富，而且係即點即製，所以紫菜仲係脆卜卜，加埋沙律醬點綴，好味又抵食！
繼續閱讀
嚟到西洋菜南街咁多嘢食，今次就嚟咗呢間樓上居酒屋try try佢!!座位都闊落 坐得舒服而家都有做緊唔同嘅優惠，飲品嗰啲兩杯再平啲，啱晒啲朋友嚟到飲杯嘢首先我哋叫咗個三色魚生丼，啲刺身都非常新鮮，份量充足👍🏻仲有個麵豉湯跟餐，$88嚟講，性價比不錯👍🏻呢個火炙和牛壽司雖然要$78 ，但係上到枱比我想像中大嚿！和牛入口即溶，油香配上壽司飯，非常夾🙏🏻我哋仲叫咗個天婦羅蕎麥麵，蕎麥麵煙韌彈牙，呢排天氣咁熱食個凍蕎麥麵就一流👍🏻天婦羅有炸蝦、茄子、南瓜，份量都幾多嚟到居酒屋梗係要叫啲佐酒小食啦！呢個雞軟骨炸得好香脆，好啱配酒飲-總結：性價比都不錯嘅一間居酒屋，適合同啲朋友一齊嚟飲杯嘢傾吓偈，推薦大家嚟試吓
繼續閱讀
餐廳好有居酒屋嘅 feel由 lunch食到傾到去 tea time, 輕鬆愉快職員工作勤快, 有耐性, 有禮地點方便, 近家樂商場喺旺角鬧市中, 係一個好地方食日本菜朋友食過 現燒火炙薄燒A5和牛壽司 話十分好味, 今次佢帶我嚟再食, 果然 A5和牛 佈滿雪花牛脂, 入口即溶 又充滿牛嘅脂肪, 而醬汁鹹鹹甜甜, 加埋火炙味我哋再叫咗啲壽司火炙吞拿魚壽司醬油七味燒左口魚邊壽司油甘魚腩壽司 魚生鮮美, 朋友鍾意火焰吞拿魚, 火焰燒得好好, 朋友話再配襯個醬汁, 令到整件壽司嘅味道提升咗. 而我就鍾意左口魚 邊 夠肥美大家鍾意吉列廣島蠔壽司伴芝土黑松露醬入口鬆脆, 味道先是芝士, 跟住黑松露味透出來, 廣島蠔 size 雖然唔係話好大, 但鮮味@@@@燒肉丼（牛肉）牛肉份量都幾多, 肉質軟熟, 肥瘦適中, 洋蔥索曬牛肉同埋醬汁, 整體味道好 balance.角切魚生飯面頭鋪滿多種魚生, 多到完全夠撈飯, 仲有蟹籽同紫菜, 今天不同口感同味道.朋友話食住炸雞軟骨粒 同自家製章魚小丸子, 然後飲啖 冰凍嘅北海道Sapporo啤酒, 十分正, 而雞軟骨炸到金黃色, 粉不會太多，啱啱黏着軟骨表面, 所以入口鬆脆, 入口唔油膩. 而章魚小丸子, 都幾大粒, 外面脆口, 裏面軟淋淋, 夾雜啲墨魚粒, 有咬口, cp值高！黑松露三文魚沙律賣相清新別緻, 三文魚 同黑松露互相配搭，香氣四溢, 三文魚口感軟熟, 沙律菜咬落索索聲, 係十分好味嘅前菜.
繼續閱讀
今日落旺角，做完嘢梗係行吓街，睇下模型。有少少肚餓，同朋友上咗呢間大山日本料理。因為夜晚約咗女朋友食飯，所以唔敢食咁飽。兩個人我哋叫咗個刺身拼盤。啲刺身好精緻：三文魚腩同海膽都非常鮮味。另外，附上紫菜夠晒細心。叫左個支豆熱辣辣；海鮮沙律；D醬另上啱晒我。見到生蠔特價$78兩件要咗一份試吓；非常鮮甜。另外店長推介火炙燒A5和牛壽司每人叫咗一件試吓。果然係A5牛唔講笑大大塊非常Juicy。下次一定要同女朋友再嚟過。
繼續閱讀
真係冇諗過係旺角都會有咁有特色既居酒屋。 大山呢度有大大個臨窗街境位，坐住係度見到下面街既人來人往，一邊食住壽司，感覺真係好不一般。同朋友早早過黎先有個咁靚既位。 黎到店員就介紹即燒火炙薄燒A5和牛壽司。 嘩，黎到真係唔講得笑，真係好大件，好似要用刀义食咁。 而且好嫩滑，冇筋，夾埋佢既醬汁同日本蔥簡直一絕。再叫左油甘魚同希靈魚刺身，超大件好厚身，唔係出面個啲一陣風既薄，仲要好新鮮。 希靈魚好鮮甜，油甘魚夠豐滿。 仲有佢既壽司都好大件，帶子壽司好好味，以呢度價錢，佢地質素真係好正。跟住再叫左豚肉泡菜鍋，滿滿一大鍋，好多料，豚肉，蔥段，泡菜都好夠。 仲要有我鍾意既豆腐，冬茹，小唐菜，芋絲，嘩真係好豐富。 旺角咁旺既地段有間咁正既居酒屋真係好正。
繼續閱讀