影片
開飯介紹
餐廳環境乾淨，位置不多。提供2個小時任食任飲雞煲及鴨煲，而火鍋則提供8款湯底，如沙嗲鍋、川椒麻辣鍋、藥膳鍋。特別推介冬蔭功鍋。而配料亦十分豐富，有美國肥牛、鮮鵝腸、海蝦等。
繼續閱讀
附加資料
任食火鍋
營業時間
今日營業
17:00 - 23:45
星期一至日
17:00 - 23:45
公眾假期
17:00 - 23:45
公眾假期前夕
17:00 - 23:45
以上資料只供參考, 請與餐廳確認詳情
有關獎賞計劃
一個價錢就可以最多任食7小時無限量任飲任食五款煲😱包括秋冬至愛羊腩煲、4款口味烤魚、雞煲、牛尾煲同埋豬手煲！最尾仲可以打埋邊爐，真係勁癲呀！一開始我鍾意食最鍾意嘅雞煲，叫咗微辣食落，個雞煲醬非常香口，有少少麻辣，然後雞肉煮得啱啱好，個皮索晒啲汁，然後雞肉仲係keep到滑滑嘅。最特別呢度個雞腳係鳳爪，炸過之後更加入味，仲好食過酒樓點心嗰隻多多聲。秋冬天一定要點嘅羊腩煲，講真，平時食開羊腩煲閑閑地$400，呢度食兩轉羊腩煲已經抵返晒任食嗰條數，真心抵到爛！而且估唔到放題個性價比咁高，羊腩煲起碼見到裏面真係有羊腩，仲有羊排，而且淋到勁腍勁入味，骨肉一咬即分離，連塊皮都非常軟綿綿，一路食仲可以一路品嚐到好濃郁嘅油花味，食落唔會好羶。裏面嘅配菜譬如枝竹同埋冬菇都好足夠，羊腩煲絕對有驚喜！我哋鍾意食烤魚，老闆推薦呢度嘅清江魚，骨特別少，果然吃起來啖啖肉口感，湯底係唔辣嘅醬香味，可以食得出條魚好鮮甜。自助區仲有好多各款蔬菜、丸類任君選擇，棉花枝丸、墨魚花枝丸、八爪魚丸、牛筋丸這些高質量的遠離也是無限任食！飲品方面見到有幾款啤酒都是任飲類，真的好適合良朋歡聚呢！坐足七個鐘，慢慢食慢慢傾，一樂也！
繼續閱讀
今次去咗呢間二鍋頭嗰度食晚餐覺得二鍋頭係超抵食，真真真超飽。首先佢有五個煲俾你任食，-二鍋頭惹味雞煲-香濃黑椒豬手煲-秘製火焰牛尾煲-任食烤魚（海鱸魚/清江魚）-滋補羊腩煲你可以食完一個煲再要另一個煲任食5個煲旺角店，尖沙咀店而家有最長7小時羊腩煲烤魚雞煲火鍋放題套餐，套餐無限量任食5個煲 食完仲可以再火鍋（打邊爐）。我就要咗滋補羊腩煲羊腩枝竹煲以羊肉，枝竹和竹筍。羊腩肉質鮮嫩，煮熟後更是鮮香四溢，搭配清新竹筍，口感層次豐富。食完羊腩煲我哋就冇再叫到其他，因為我哋要直接食火鍋啦。火鍋又係任食嘅，我哋都食唔晒，🐮🐷🐑叫咗海鮮🦞蜆，脆肉鯇。飲品和雪糕都係放題。食到好飽。火鍋放題環境輕鬆，適合與親友聚餐。自助式的形式讓食客可以隨意選擇喜愛的食材。
繼續閱讀
同朋友聚會，想揀個唔限時又任食既地方，所以揀左去咗旺角二鍋頭，試咗佢哋嘅極上鮮味烤魚、羊腩煲同埋火鍋放題。首先佢有5款煲或者烤魚任食，雞煲、豬手煲、牛尾煲、羊腩煲同烤魚都揀得，食完一煲又一煲！🤭🤭🤭食飽煲仔之後，仲可以試鴛鴦湯底火鍋。我點咗胡椒豬肚雞鍋同越式香濃牛肉鍋。豬肚雞湯底辣中帶香，非常暖胃，而牛肉鍋就牛味濃郁，湯底質感厚實，好滿足。🍲🍗🐄配料自助，蔬菜、丸類、麵類等任拎，非常方便。掃QR Code order 肉類，上檯速度亦都好快。飲品選擇都多，總有一款啱心水！整體嚟講，二鍋頭食物選擇多，同朋友或家庭聚會亦都可以！
繼續閱讀
抵食嘅放題打邊爐第一間就會諗起二鍋頭任飲任食7小時火鍋放題！重點係完全唔會食到悶🙂↕️因為口味款式非常豐富羊腩煲、雞煲、牛尾煲、豬手煲烤魚(有四款口味) 都係任食😧最後仲有得轉湯底打埋邊爐！款式多但都唔會hea你極力推薦羊腩煲😍出邊食一個羊腩煲動輒都要幾百蚊呢到可以冇壓力咁任食羊肉連皮，香軟入味非常完整嘅啖啖肉，冇咩碎肉醬汁甜甜的，蘸上腐乳醬係一流！雞煲同牛尾煲都係香口之選每款鍋都係唔同醬汁唔會嚟嚟去去都係食緊同一款味道嘅感覺！最後打埋邊爐捧住個肚離開希望下次戰鬥力再強勁啲可以再食埋烤魚😍
繼續閱讀
趁天氣仲涼涼哋，嚟咗旺角呢間樓上嘅火鍋店，叫咗個任食7小時嘅套餐，有好多食物選擇㗎😍任食煲仔菜♦️滋補羊腩煲幾鍾意呢度嘅羊腩煲，味道唔會好鹹😌 而且有羊腩肥瘦分明，羊羶味唔會太重🐑 其他配料，例如枝竹、馬蹄、冬菇同埋筍片都好入味。♦️烤魚有四款口味嘅烤魚，我地揀咗少辣嘅香辣口味，味道唔會太辣，好易入口。連魚都有得揀，呢日嗌咗較肥美嘅清江魚🐟 仲要係原條上，同外面嘅烤魚專門店嘅烤魚有得揮😮♦️秘製火焰牛尾煲牛尾煲我地encore咗多一次，都幾有觀賞性。一上枱，店員先係個煲仔上將牛尾同配料輕炒，再淋上玫瑰露，玫瑰露嘅味道同個牛尾好夾🐮♦️香濃黑椒豬手煲豬手煲有勁濃郁嘅黑椒香味，豬手炆得好軟腍🐷♦️二鍋頭惹味雞煲我哋揀咗小辣，味道都唔算好辣，而且雞件都幾大件🐥香茜皮蛋鍋食完煲仔菜就可以轉打邊爐喇，我哋揀咗個比較清熱嘅芫荽皮蛋鍋，感覺打邊爐都冇咁邪惡🍲肉類打邊爐最緊要梗係肉類啦，我哋呢個無限任飲任食套餐基本包括咗三款肉類，有牛板腱、西班牙黑梅肉同埋紐西蘭羊卷肉🥩 勁鍾意佢嘅牛板腱，肉質軟腍又唔肥。火鍋配料有多款嘅火鍋配料都係喺自助區自己攞，包括一啲蔬菜同埋丸類。另外海鮮有活海蝦、水土魷同埋脆鯇魚腩，幾款都係幾唔錯嘅選擇🦐 魚皮餃同埋鮮蝦雲吞個餡都係幾大粒🥟小食個火鍋未滾，我哋就食咗兩款小食，玫瑰牛𦟌同埋川椒麻辣溏心皮蛋🥚 個人就比較喜歡個玫瑰牛𦟌食落去一啲都唔柴。飲品有多款啤酒、茶飲同埋汽水無限供應🍵 甜品有多款雪糕雪條供應，啱晒鍾意食甜品嘅我🍦我就鍾意朱古力脆皮雪條。最後都食唔足7個鐘，不過食得非常飽😍 呢間火鍋放題最特別就係有好多款煲選擇，最鍾意好惹味嘅牛尾煲，下次再嚟要食多幾煲😚
繼續閱讀