影片
港鐵太子站 D 出口, 步行約4分鐘
繼續閱讀
電話號碼
61533464
營業時間
今日營業
11:30 - 20:30
星期一至日
11:30 - 20:30
以上資料只供參考, 請與餐廳確認詳情
上個星期趁天氣好，諗住買啲甜點去野餐，一直聽朋友講滿月啲布丁燒同蛋卷好味，見近近地去買黎試下😍店內有好幾款味道揀，女店員推介我哋買芋泥味，我本來都好喜歡芋泥，當然要一試，味道果然好好，又唔會好甜，而且布丁燒好滑，十分不錯，我地另外仲買左兩件滿月奶凍卷，蛋卷質地好綿密，cream好絲滑，推介海鹽芝士朱古力味😇當日買緊中女店員問我地幾耐先食，仲跟埋冰袋俾我地，好有禮貌同細心🥰希望大家都可以支持有誠意嘅小店
繼續閱讀
最近突然好想食布丁燒, 見滿月咁多好評雖然地點唔太方便都特登去買, 但試完之後好懷疑到底係咪我既問題, 點解會咁多好評??首先布丁燒係我認知中應該係輕, 甜同濕潤既, 呢個係我問題, 我唔應該揀芋泥味, 因為我一早睇相已經知佢冇焦糖, 但芋泥層本身已經糕狀偏乾, 再加埋蛋糕層吸乾埋口水, 咁仲可唔可以叫布丁燒, 定應該叫芋頭糕比較適合? 曾經聽過一句說話係對甜品最高評價係唔甜, 我都唔鍾意太甜既甜品, 但我覺得唔甜係要平衡, 而唔係夾硬減糖令甜品唔甜唯有將期望放係奶凍卷度, 奶凍卷蛋糕同cream都好味, 但因為中間舊奶凍令cream既份量少左, 結果蛋糕層再次吸乾口水, 奶凍糕本身唔甜令整體甜度拉低左, 不過仲係可以接受範圍, 食完2樣嘢完全冇食甜品應有既滿足感, 只得空虛.....不過如果想食唔甜既甜品既人係值得推薦既
繼續閱讀
上網見到呢間布丁燒幾得意，就去買黎試下！睇中咗‘’黑芝麻布丁燒‘’，真係有驚喜！！😍😍布丁面已經見到好靚嘅thank you logo，最底會有一層好濃郁嘅黑芝麻，一啲都唔甜。中間有黑芝麻布丁，口感好似燉蛋咁，我好鍾意食。上面就係好香蛋味嘅海綿蛋糕咁，我想講！一定要match一齊食，好夾😋😋好味！食咗一個已經好飽🤭🤭😍 仲要整體唔係好甜👍🏻👍🏻值得推介😍😍 我估熱食應該仲正🤤🤤 好有誠意好用心嘅布丁燒💜💜 店主仲好好人，小店經營。下次一定會再去試其他口味😋😋
繼續閱讀
閒時走進咗全新開張嘅FullMoon滿月，一場味覺嘅盛宴就喺眼前展開咯！🍰🌕✨ 同朋友一齊揀咗幾款佢哋嘅人氣招牌，包括滿月兔奶凍卷同埋原味布丁燒。第一個試嘅就係呢隻兔兔，外層蛋卷嘅鬆軟啖啖都饒有趣味，當中嗅到淡淡嘅芋泥香氣，感覺正到爆炸！😋裡面嗰層牛奶凍嘅口感，冰滑得嚟又唔會過於甜膩，減少咗罪惡感。跟住品嚐咗張靚靚嘅原味布丁燒，焦糖香撲鼻，軟綿綿嘅布甸搭配芝士蛋糕嘅紮實，口感好有層次，簡直係幸福嘅滋味。💖焙茶奶凍卷都毫不遜色，焙茶香味撲鼻，配上冰涼滑進喉嚨嘅奶凍，嘩，真係嘆為觀止嘅好滋味。食物賣相方面，每樣產品都做得精緻典雅，盒裝得宜，真係令人眼前一亮，好適合送禮或者自己犒賞下。當中個個小巧思，似乎都說明瞓呢間店嘅每一款甜品，都充滿咗心思同創意，真心推介俾大家！👍🏻🎉🌙
繼續閱讀
幾年前佢啱啱開舖，我已經去幫襯。還記得當時服務態度超好。店員會細心問喺街度逗留幾耐，會比足夠嘅乾冰（for奶凍卷）。又會熱心推介好多啱我嘅產品俾我哋。嗰陣真係覺得佢係一間好有heart嘅舖頭。但之後唔知乜野原因，服務態度越嚟越唔好。問佢有乜推介就話款款都好。以前佢會主動問我要幫我將奶凍卷切開幾多件（免費），而家我叫佢幫我切開，佢會同我講要切開要加錢同埋話要跟返Standard去切件數。總之你會feel到佢唔想你問咁多嘢。乾冰又唔會話主動提供。不過無可否認佢啲奶凍卷係好食既。所以我都間唔中會嚟幫襯吓。我今日第一次試咗佢個凍芋泥奶茶。芋泥好多。我飲之前有搖過樽奶茶。但係根本啲芋泥結實都唔可以鬆開同唔可以用粗飲管吸入口。齋講奶茶，其道味道幾好。只不過而家芋泥同埋奶茶，根本唔可以融合為一杯嘢飲。我希望佢嘅服務態度真係可以改善下。我唔想因為佢既服務態度差咗而唔再去幫襯佢好食嘅奶凍卷。我出呢個post純粹想佢哋正視下. 我都好想佢生意興隆，繼續食到佢地既奶凍卷。
繼續閱讀