影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
相關文章
人氣芝麻專門店 必食芝麻軟雪糕❣️太子汝州街一帶勁多美食, ☝🏻米芝蓮必比登2025推介, 我梗係要黎試試啦! 其實之前行過聞到咁香芝麻味, 已經忍唔住食過佢勁好味嘅芝麻糊， 夏日炎炎梗係想食涼浸浸嘅雪糕啦! 今晚食完晚餐排一陣隊，剛剛好(落隔)就食🤭🤭🕣星期日晚上8:30PM左右， 前面已有十多位客人排緊隊，之前食過佢芝麻糊已經非常欣賞，今晚要試埋佢菲林芝麻卷同軟雪糕先得😆|芝麻軟雪糕|🍦小店老闆娘選用「九蒸九曬」黑芝麻及「三蒸三曬」白芝麻製作，再用傳統石磨機即磨，所以天然芝麻味特別香濃，而且無任何苦澀味！為咗外觀靚仔啲，及加強芝麻味，on top仲淋上芝麻醬，放心芝麻醬係唔甜嘅👌雪糕質地軟滑，芝麻味夠晒濃，唔會太甜太膩，但好快會溶，影完相好快啲食晒佢, 不過好食嘅程度, 應該停唔到口（同行朋友馬上鯨吞）🤣🤣🤣！ |菲林卷|除咗芝麻糊、手工菲林卷都係呢間小店招牌主打！ 以前除咗酒樓食點心會偶爾食到菲林卷， 買少見少的傳統甜點都真係要試下，老闆話全手工製作，成日都好快賣晒，我就好好彩，買到最後一盒，問咗老闆娘, 純素嚟，素食朋友啱晒🫰🏼，只係芝麻糊漿、芝麻醬、馬蹄粉、冰糖，食落口感QQ又幾煙韌，有彈性之餘，芝麻香都係好鬼香，又唔會死甜。 冬天食熱辣辣嘅芝麻糊又好正，值得回頭👍📝黑芝麻有食療功效，又黑髮又潤腸，多啲食對身體健康都好好，不失為優質油脂嘅選擇之一。#黑芝麻醬 #黑芝麻雪糕 #芝麻糊 #太子美食 #太子站
繼續閱讀
之前試過佢啲芝麻卷，都冇乜嘢，諗住再食，啲人掛住食佢個芝麻雪，落晒雨，咁我就食吓芝麻糊啦，點知係酸，同佢講係酸，佢呢冇對唔住，話換過俾我？我話唔好啦，費事再試又係酸。 態度奇差對唔住都冇句。我依家有少攪肚。 俾咗個酸嘅芝麻糊人哋，但唔講sorry。咩服務態度。諗返劉德華嗰陣時講今時今日嘅服務態度係唔得㗎。依家完全冇晒呢回事香港人就係，態度差都走去食，食到佢哋咁鬼囂張。邊個喺嗰度買完嘢食一套戲嘅？請大家唔好再幫襯。唔明白點解咁嘅？服務態度大家都仲幫襯。 芝麻味雪糕咁鬼貴20幾蚊不如去買Häagen-Dazs啦起碼唔使受氣。 定係大家習慣受氣？
繼續閱讀
一早過嚟諗住冇乜人排隊，嚟到兩位店員見到你都扮見唔到淨係掛住做嘢，等咗好耐先黑口黑面行埋嚟，問佢幾時有芝麻卷，木無表情咁答你2:00。。。買咗支黑豆漿完事，唔會再嚟
繼續閱讀
喺太子嘅街頭，有一間小店總係吸引好多人排隊 — 暖心芝作 - 石磨芝麻。作為一個芝麻控，聽聞佢哋嘅黑芝麻甜品香濃無比，今日特登慕名而來試試！今次我試咗佢哋嘅芝麻軟雪糕呢杯芝麻軟雪糕一拎上手，濃濃嘅黑芝麻香氣已經撲鼻而來，望住嗰一圈圈灰黑色嘅雪糕，已經好吸引！一啖入口，芝麻味濃到爆，香氣喺口腔散開，簡直係芝麻控嘅天堂！雪糕質地好香滑，口感細膩，入口即化，唔會太甜，仲帶有少少芝麻嘅微苦香氣，味道好有層次。$28嘅價錢，真係性價比高到飛起，份量都好足，食完完全有種滿足感。
繼續閱讀
今日終於經過太子 可以一試哩間好出名既芝麻味甜品，其實初初見到條人龍都唔想排，但見佢又去得好快，因為收銀姐姐都好快手。Top 1 : 黑芝麻軟雪糕 $28⭐️⭐️⭐️⭐️⭐️果然係太子名物，軟雪糕上的黑芝麻醬好濃 雪糕脆筒好鬆化 推介 第二樣 芝麻流心布甸 $25 ⭐️⭐️⭐️⭐️好滑好濃 好有層次 中間流心好似食緊超杰既芝麻糊咁 至於菲林卷$25 ⭐️⭐️⭐️有啲失色 雖然係限購 但味道比較淡 試過就算 價錢算合理 等候時間都ok 可接受 值得一試
繼續閱讀