影片
營業時間
今日營業
17:30 - 00:30
星期一至日
17:30 - 00:30
*宵夜時段：21:30-00:30
最後入座時間：22:30
以上資料只供參考, 請與餐廳確認詳情
相關文章
好耐之前試過鍋心，覺得海鮮新鮮好味，咁多年後再試真係有啲失望，海鮮還可說是新鮮，不過size就冇諗過孤寒到呢個點。我哋揀咗蟹同龍蝦呢個餐，所以價錢是$298最平一罐可樂都要$15，每人飲咗兩罐，所以平均消費$330蒸海鮮前：一盅雞腳湯蒸海鮮後：－盅雪耳糖水套餐是包：1. 龍蝦+蟹2.另外有10款海鮮或其他食物裏面選六項我哋就揀咗：1. 鮑魚 ： 正常，大約$5銀size，選擇陳皮蒸，但係完全唔入味2. 蝦 ： 真係好耐未食過一隻手指嘅蝦仲要開邊蒜蓉，孤寒到呢….3. 蟶子：豉汁蒸size正常，味道好味4. 多寶魚 ： 豉汁蒸每人大約三嚿，啲魚肉好滑好味5. 花膠包豬肉卷 ：每人兩舊，一舊約尾指嘅size，另一舊係半隻尾指嘅size，好孤寒….6.秋葵釀蝦餃：秋葵size約一隻手指，仲要開邊去養蝦膠呢一款係我覺得最過分嘅。最後有八寶飯，相信佢知道自己係提供袖珍迷你版嘅海鮮盤，就比一盤巨大嘅八寶飯，兩人份量大約有4-5大碗。服務方便，食咗幾款隻碟有好多汁要求碗碟，但係當聽唔到😅，不過蒸海鮮係員工幫手你唔需要動手。 地方有啲逼夾，可能是我哋唔好彩，坐喺個垃圾桶隔離（只隔一個身位），成晚都聽到嘭嘭嘭，因為員工倒垃圾落去，感覺非常不良好，好擔心啲垃圾可能會彈到我哋啲生海鮮上。如果想食優質嘅海鮮，真係唔好揀呢間，真係到喉唔到肺唔知自己食咗啲乜，我應該唔會有第二次再嚟。
繼續閱讀
太子龍蝦海鮮八寶蒸飯 2xx蚊8款新鮮海鮮 最平$228 吸引去試試 簡單記錄一下.佢地要預留海鮮 建議早一日打電話預訂有4款海鮮套餐 今次試試$298 龍蝦肉蟹套餐佢哋每款海鮮都有四五款整法 實有一款啱你清蒸 泰式醬 金銀蒜 果皮蒸 剁椒 古法豆醬我個人當然最鍾意⭐️清蒸肉蟹 ⭐️蒜蓉龍蝦😋肉蟹係好大隻多膏 連蟹鉗都好厚肉😋龍蝦半邊同樣大隻 肉質鮮味爽彈.除此之外 仲可以揀 其他六款海鮮今次揀咗⭐️鮑魚 ⭐️多寶魚 ⭐️開邊海蝦 ⭐️蟶子⭐️沙嗲魷魚腸粉 ⭐️鮑汁脆骨雞肉釀花膠.自選八款配料蒸飯 今次揀咗⭐️秘製雞腿肉⭐️自家製陳皮牛肉餅⭐️銀魚仔⭐️臘腸⭐️萵筍⭐️芋頭⭐️招牌滷水牛舌片⭐️招牌滷水豬肚絲.最後仲有超足料老火燉湯 糖水糖水今次係桃膠雪梨糖水 幾滋補😍.海鮮夠新鮮係重點 今次7-8點去到都好爆場鍾意食鮮味海鮮朋友一定鐘意.#hkfunfoodrecord窮遊香港#hkfunfoodrecord_太子.#鍋心八鮮蒸鍋 (太子)地址：太子花園街207-209號地舖電話：28862334.（記住Like同分享 係我繼續出誠實記錄動力 感謝支持🙏🏻）..#hkfoodie #foodiehk #hkfoodblogger #hkblogger #hkfoodies #hongkongfood #食評 #旺角美食 #旺角必食 #油麻地美食 #油麻地必食 #佐敦必食 #佐敦美食 #香港美食 #太子 #佐敦 #太子必食 #太子美食 #海鮮 #臘腸 #臘肉 #蒸飯
繼續閱讀
諗唔到食咩老公話不如試下去鍋心睇下有冇位平時一定要book位見閒日就去試下撞彩叫左個龍蝦餐餐前已經每人一盅燉湯👍🏻食物都仲保持到以前既水準由其係佢個泰式醬用黎配海鮮真係一流海鮮全部都好新鮮仲有佢個八寶飯都好好食仲要好抵食tim
繼續閱讀
平時海鮮就食得多，蒸鍋就比較少有，呢間有4個set任君選擇，小女子呢次叫左龍蝦同白蜆嘅set$268/位 (要兩位起計)未落單之前店員已經俾咗每人一盅足料燉湯😮每盅都有一對雞腳，紅蘿蔔同姬松茸，香味濃郁🍲龍蝦一人有半隻，揀咗金銀蒜同清蒸，龍蝦好大隻，啖啖肉食得好滿足😌白蜆每人都有大約6隻，揀咗泰式醬，白蜆蒸得啱啱好，每隻好多汁又清甜，同個醬好夾10款餸或海鮮揀6款🤤鮑魚(陳皮)魷魚腸粉 海蝦(開邊的) 元貝 (金銀蒜)貴妃蚌 蠔 (清蒸)今次就揀咗以上6款隻鮑魚都幾大隻，店員會幫客人起肉同除去內臟嘅位置，客人可以直接享用，好方便😊蠔同元貝都幾大隻，清蒸嘅蠔都唔會腥貴妃蚌，開邊海蝦同魷魚腸粉都正常發揮自選八寶蒸飯(有31款選擇)豆醬豆腐卜 柱侯牛腩 蒜香茄子 土魷絲 菜脯粒 蒿荀 冬菇絲 南瓜小編驚太飽，所以都揀多咗瓜菜類嘅配料，咁多種配料加埋一齊都唔會奇怪，土魷絲特別香，配飯好野味🤭個set仲有包一個自家製甜品，真係好豐富😋飲品就要另外加值得一提嘅係呢到係免加一！中途店員仲主動幫手處理拆龍蝦殼，又會主動留時間俾客人影相再處理食物，服務幾好👍🏻
繼續閱讀
鍋心平時最出名就係粥底海鮮鍋原來八鮮蒸鍋店仲有點心 蒸海鮮同八寶蒸飯食!!!平時咁大籠蒸飯都唔係隨便有得食 真係有好懷舊既感覺🥹我就最愛蒸海鮮必食‼️蒜蓉粉絲蒸北寄貝‼️ 蒜蓉蒸生蠔🦪勁鮮味 保留晒原汁! 粉絲仲要吸晒啲精華 好惹味🙂↕️北寄貝爽彈生蠔都大大隻的 鮮嫩多汁 肉底好厚身🙌🏻.🍲王牌八寶蒸飯可以自選八款配料我揀左秘製雞軟骨肉餅 茄子🍆 臘腸 萵筍粒 鮮淮山 🌽粟米 南瓜 豉汁排骨成個蒸飯好豐富 加少少豉油之後焗一焗再撈勻成個蒸飯mix好配料唔會死咸 每一啖都食到食材既鮮🥰秘製雞軟骨肉餅好特別 有粒粒碎軟骨 口感更佳食蒸飯我一定要加臘腸 會令到成個飯更香架!🩵.其他點心味道同口感都唔錯🥟蝦餃皮薄 蝦肉大粒彈牙流沙包一meet開就爆餡🤗熱辣辣食 正!!燒賣加入蟲草花 補肺益腎 鮮甜又煙韌💁🏻♀️下次一定會再黎呢度飲茶食海鮮!!💗
繼續閱讀