影片
港鐵太古站 C 出口, 步行約3分鐘
繼續閱讀
電話號碼
28809188
55269455 (WhatsApp)
開飯介紹
餐廳採用會員制，可免費加入成為會員並享用餐點，店面設計雅致簡約，環境舒適。供應多國素食料理，如沙律、漢堡包及甜品，而晚餐還有廚師發辦。
繼續閱讀
附加資料
午餐:精美套餐、小食、飲品; 晚餐：「廚師發辦」私房菜,會員餐廳，可以免費加入餐飲會員。
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
有關獎賞計劃
餐廳招呼不錯，侍應很有禮貌，一坐低會問你飲熱水定凍水，食物擺盤都很有心思，又會問嘢食啱唔啱食，是一間有心的食店。佢哋有每月餐單，又有每月厨師發辦，是一間可以經常去的餐廳。
繼續閱讀
經朋友帶路來到這間素食餐廳，見到招牌上寫著Waterfall會員餐廳，但不是會員也可進去用餐。餐廳佈置優雅，一列長長的書架為餐廳增添文藝氣息。餐桌上已放置中式及西式的餐具，方便食客使用。餐廳每月都有不同款式套餐供應，也有散點。這次是三月來，我就從三月套餐內選食物。主菜有八款不同食品，包了素湯或飲品或甜品或小食。我們兩人各選一款主菜共分享。蜜汁叉燒伴黑松露純素滑蛋配。叉燒顏色鮮艷，紅紅的外層用腐皮做成，略煎過，有軟身的質料又有脆邊的香口，甜蜜有味。素滑蛋都是用腐皮做，砌成細碎，顏色黃澄澄，粒粒軟滑，伴上黑松露醬增添美味。還有幾條嫩綠菜芯伴碟，整碟菜式賣相吸引，而且份量多，夠飽肚赤。那碗苤芽米藜麥飯，暖暖的，飯粒軟熟易吃。這套配了個小吃，芫茜山竹素玉球，兩大個玉球，有腐竹墊底，吃時感到玉球很結實，既具彈性又爽口，帶有淡淡芫茜味，醮上喼汁好吃。泰式青咖哩什錦時蔬伴麵線蝦卷配口袋麵包。上檯時這菜式最吸晴是兩隻蝦，素菜也可做到這樣精緻的形態，十分有趣。時蔬有矮身茄子、車厘茄、粟米芯、芽菜，西椒、西蘭花、椰菜花，款式多，再灑上細碎的花生仁，加點青檸汁，伴上青咖哩的香味，增進食慾。青咖哩不是很稠，淡淡的綠色汁液自帶香氣，說微辣但我覺得一點都不辣。把這些食材放進口袋包內吃，充實滿足。兩隻蝦用腐皮捲出來，蝦身的節節做得精細，蝦皮脆脆，蝦身內有紅蘿蔔，木耳絲，腐竹，吃時口感豐富。這款套餐配了一壺桂花國寶茶，一大壺夠兩人飲用，茶色明凈，入口有桂花香。平時吃葷多，久不久吃點素也好。坐在這樣素雅的店內品嚐精緻素食，心身也寧靜愉快。
繼續閱讀
朋友生日想食素食，好有驚喜！職員服務態度好，主動介紹菜式，環境清幽雅致，仲見到靚仔主廚出黎招呼客人，笑容滿分🤭素食款式多又新穎、非一般傳統素食、用心製作、好好味！
繼續閱讀
今日係十五，要陪屋企人食素，就嚟咁呢間新派素菜試吓～呢度嘅套餐晚餐包一款主菜同埋兩款小食/湯/飲品/甜品，價錢大約$168-$198，以素食嚟講算偏貴，不過份量都多。小食最推介素魚皮、椒鹽鹿茸菌、川味羊肚耳同咖喱腰果，夠晒香口得嚟味道又夠，食呢啲小食做頭盤，完全唔覺得今晚喺食素🤣另外山竹素玉球都同平時食嘅山竹牛肉好似😋主菜首推蜜汁叉燒，腐皮唔會整到太實，有鬆軟口感，所以似足叉燒😋另外素蟹黃醬扒豆腐，蟹黃醬味道好濃，配埋清淡嘅豆腐好夾👍🏻最有特色嘅菜喺墨西哥綜合豆醬配口袋麵包，雖然入面完全冇肉，但加入咗香料配埋唔同豆嘅口感，完全估唔到素食都可以食到呢啲菜式😍最後大推彩虹能量催芽果仁天貝佛陀碗，望落係普通沙律，但蔬菜新鮮，配埋奇妙醬好好食🥗
繼續閱讀
就到中秋，就決定同屋企人食好少少，因為有家庭成員食素，佢提議去呢間店食中秋飯。無意中發現素食都有廚師發辦，未食過素食廚師發辦嘅我，就決定試試佢。廚師發辦菜單前菜︰生機水克非爾 (自家製有汽益生菌)綠野水果沙律白木耳百香果伴非轉基因木瓜日本山藥球伴碧綠果仁醬湯品︰鮮椰子海玉竹石斛猴菇黃耳養身燉湯主菜︰香蒸鮮蔬水晶球伴勝瓜自家製生煎包 (南瓜素咸蛋蓮子餡) 伴燒菜秘製非洲G能量手炒生機功能菜 (石斛苗, 油麥菜)椰菜花能量飯甜品︰川貝杏仁茶燉雪耳生機抹茶牛油果蛋糕生機水克非爾 (自家製有汽益生菌) 杯飲品幾得意，飲落有d似玉泉西柚味汽水，又有d似陳年醋咁~ 最好就係飲落唔甜綠野水果沙律 同市面d沙律唔太一樣，除左水果同菜，廚師仲落左大量堅果，沙律醬無用普通美乃滋，似係用左酸忌廉調汁，蔬果又揀左酸酸甜甜嘅菠蘿同紅菜頭黎配搭，食落感覺好清新。白木耳百香果伴非轉基因木瓜 除左白木耳，其實廚師都用左貓耳朵，令到個視覺效果再豐富d。白木耳食落去好爽，比貓耳朵更爽口，個辣汁同白木耳完全融為一體，可惜木瓜偏生 (唔知係咪熟木瓜個甜咪同個辣汁唔襯🤣)，呢度要扣少少分，但總體黎講係好食又坊間好少見嘅配搭黎。日本山藥球伴碧綠果仁醬 山藥球食落無平時果種黏黏嘅感覺 (利申︰本人平時最怕呢種黏黏滑滑嘅感覺)，仲帶d甜味，配埋個堅果醬，感覺好特別，有少少似食緊甜品。鮮椰子海玉竹石斛猴菇黃耳養身燉湯 好少可飲到d燉湯係真係好滾，呢個燉湯上完檯放左 5-10分鐘都仲好滾。湯入面有大量切得好薄嘅椰子肉，方便客人食，都落左大量石斛，但個湯並無因為d石斛而變甘，飲落仲好甜添。香蒸鮮蔬水晶球伴勝瓜 呢個食落去似越式菜個蒸粉包，要讚一下個勝瓜，頭先已經提過，本人好怕食d黏滑嘅食材，呢個勝瓜做到好爽，又無乜黏滑嘅感覺 (雖然結論都係唔中意食勝瓜)。自家製生煎包 (南瓜素咸蛋蓮子餡) 伴燒菜 生煎包食落去剩係食得出南瓜 mix 左d好杰身嘅野，有少少似食緊月餅，但個皮變左生煎包。隔離有d菌醬，但由於內餡太濃味，食唔出個醬嘅味。整體感覺不過不失。秘製非洲G 非洲G其實就係非洲雞，用左猴頭菇做肉，配上香料醬汁，都係市面上比較少見嘅素食。能量手炒生機功能菜 (石斛苗, 油麥菜) 就咁睇個名同賣相以為好普通，一食落口就覺得好正! 廚師用左黑白芝麻加麻油，成個菜勁香芝麻味。而石斛苗同油麥菜都係帶少少甘味嘅菜，個芝麻味令到個甘味轉為甜味，真係超正! 即使石斛苗有少少渣，都完全唔覺得會令道菜減分!椰菜花豆腐飯 又係一個好正嘅菜式! 好多時食到嘅椰菜花飯或者豆腐飯，都有一種好寡 / 鞋口嘅感覺，再唔係就好西式果種好 cream 嘅感覺。廚師將呢兩樣野 mix 埋一齊，豆腐嘅滑同椰菜花嘅口感，互相彌補對方嘅不足，食落有d似食緊珍珠米嘅感覺。川貝杏仁茶燉雪耳 杏仁味香得黎唔腥，唔，食完覺得真係養到顏。生機抹茶牛油果蛋糕 好濃抹茶味，唔係好食到牛油果味，但個蛋糕個堅實程度唔會令你懷疑佢落牛油果嘅份量，都係唔。家人飲完個湯就已經開始飽 (利申︰份量好正常，唔會過多或過少，只係家人細食)，所以佢地就問店員︰下次可唔可以唔駛一人一份廚師發辦，一d叫廚師發辦，一d散叫咁。估唔到店員答︰可以! 店家真係好貼心總括黎講︰食物質素中上，食物配搭幾新穎，服務好，價錢同食物質素份量成正比! 呢間店絕對係素食同埋生酮飲食嘅好朋友。
繼續閱讀
您可能會有興趣的...