204
5
4
港鐵土瓜灣站D2出口, 步行約6分鐘
繼續閱讀
電話號碼
66778816 (Whatsapp)
營業時間
今日營業
16:00 - 03:00
星期一至日
16:00 - 03:00
*凌晨(1:00截單)
以上資料只供參考, 請與餐廳確認詳情
減肥暫時告一段落,可以不停食我最鍾意嘅打邊爐。品記平時我哋係會買外賣返屋企嘅,因為好方便。但係因為今日放工已經好晏,所以同老公兩個人去撐枱腳。通常叫返屋企,我哋都會叫花膠湯底,今次試吓沙嗲濃湯底,冇花膠咁野味,但係都唔錯。每一次必叫嘅都係本地手切牛。超淋超好味,不過唔知係咪心理作用,我覺得堂食嘅好似好味啲。辣魚皮好野味,夾啤酒係一流。
繼續閱讀
公司旺季收工都成凌晨12點,呢期慣例都會同同事一齊食埋宵夜先返屋企,不過開得夜嘅餐廳都唔係好多選擇,好食嘅就更加少。今日就有同事帶路嚟到土瓜灣食呢間傳統港式火鍋店,話價錢平靚正。🤓🤓成班同事叫到一枱都係,款式超多,大把選擇,而且有好多大枱,咁多食物一張枱都放得晒。我哋叫咗豬骨煲,睇番相都覺得足料,湯底香濃,火鍋配料都新鮮好食。推薦鵝腸同手切肥牛🤓小食都有水準。同事講得冇錯,真係要用三個字:平、靚、正😋
繼續閱讀
喺網上見到影片介紹呢間餐廳好受當區人歡迎,鍾意食雞煲嘅我終於約埋朋友過嚟土瓜灣呢度會一會佢🥸土瓜灣地鐵站出口行過嚟都好方便,一條直路就到,好彩今日早約咗朋友,仲有早鳥優惠😌7:30前埋單八八折雞煲一上到嚟都比想像中大,佢哋係做重慶雞煲($248),煲咗一陣之後店員會再過嚟親自炒兩炒,重慶香料好香,味道係超級惹味,夠麻夠香。最衰今次少人一齊食,下次約多啲人過嚟再試吓佢哋其他菜式同火鍋配料,有超級多款,小炒小食都有,煲類仲有豬骨煲羊腩煲等等,呢個價錢呢個質素,真心物有所值。
繼續閱讀
外賣好方便,又有得送貨,不過美中不足要自己落樓下拎,但係都好方便,即日落單之後大約一個鐘頭左右就送到,仲有個煲跟埋,同埋辣椒蒜蓉豉油外賣湯底,胡椒豬肚雞煲好足料,個湯底好好飲,胡椒味好濃下次再試吓其他
繼續閱讀
呢間火鍋店都食過幾次,之前外賣🥡都一直幫襯開,水準保持,呢度嘅打邊爐湯底同出邊唔同,佢哋個湯底入邊好多料,其實差唔多都可以當係一個餸咁樣食,不過如果兩個人過嚟嘅話,可能就真係唔好眼闊肚窄,堂食嘅地方都好大闊落,唯一美中不足嘅就係位置有少少唔就腳。墨魚滑:食到有墨魚粒,不過墨魚味唔夠濃,但係都幾彈牙野生竹笙:真係原條嘅竹笙,大大條吸湯汁汁一流牛舌:夠薄,煮一陣間就就食得冰粉:如果凍少少就更加好,紅糖煮得夠濃,幾好
繼續閱讀