品記鮮粉人家私房菜館

營業中

休息中

天氣凍最中意就係打邊爐，2個人就唔想麻煩，我同男朋友就會揀係出面食啦，而呢間我地都成日去食。🐒重慶麻辣雞煲(半隻)💰$188🐒手切本地肥牛💰$188呢到啲雞都好嫩，唔會話煮得耐就好鞋，食完啲雞開左個胃就可以打邊爐la，仲有啲小食都好豐富😂手切牛質素都好好，有油花又唔會膩肥瘦相間，都幾重牛味。🐒炸手打芝心牛丸💰$88🐒秘製檸檬豬手💰$68🐒黃金皮蛋配酸薑💰$38 首先我地中意呢到既原因係佢有好多小食揀，好似芝心牛丸咁，重牛味之外仲要係流心，每次都必嗌而豬手同皮蛋都好開胃🤤就算係同fd黎都可以有好多唔同選擇大家share，緊有一款岩大家

今日就同朋友去左係土瓜灣既品記鮮粉人家私房菜館, 餐廳座位闊落, 除左火鍋, 都有唔少特色小菜選擇原條香辣烤魚可以選擇不同的辣度，面頭鋪滿辣椒同香料,用上原條嘅海鱸魚，魚肉新鮮嫩滑，啖啖肉, 魚皮好香口爽脆，旁邊既配菜吸收晒d 麻辣汁，香辣惹味, 食到咁上下仲可以加清湯打邊爐炸蝦卷用新鮮蝦滑製成，蝦肉新鮮, 咬落彈牙，外層用腐皮包住，炸到好香脆, 點埋酸酸甜甜既醬汁, 幾開胃少爺骨有陣陣嘅燒烤香味，肉質有嚼勁，少少辣好惹味

宵夜好選擇，可以去土瓜灣既品記。開到凌晨3:00am，仲有足球直播，可以一齊睇波，氣氛熱鬧到爆，一班人吹水打邊爐個feel好正。多款煲底選擇，五指毛桃文昌雞煲$228，飲落就知真材實料，湯底用五指毛桃和海底椰熬成，好清甜。文昌雞雞肉嫩滑，煮幾十秒就食得，全部去晒骨，食落超方便😂懶人必點跟住叫咗即開嘅湛江特大生蠔$158半打，生蠔新鮮無得輸，手掌咁大，味道清甜！坐得舒服又有氣氛，食物更加係物超所值。

位於土瓜灣的品記鮮粉人家真係一個唔錯嘅選擇！餐廳環境大，價錢方面相當親民，性價比高！豬筒骨煲$198大大煲，湯底香濃，骨髓啖啖味，就咁當湯飲已經好香好正！兩個人食多半隻無骨文昌雞$128，雞肉鮮嫩冇腥味，去晒骨食超爽。海鱸魚片都係起晒骨，新鮮滑嫩。最愛嘅係靚肥牛$108，牛肉味十足，見到雪花均衡，好抵食！仲叫埋新鮮雞腸，食落甘香。早鳥優惠7:30pm前離座仲有八八折，個人認為真係好抵食，一大班朋友去食最岩！

［土瓜灣外賣盆菜🥘・品記鮮粉人家私房菜館］😳話咁快又到年尾, 臨近冬至❄️品記的外賣盆菜抵食、好味又足料,好啱我口味~🚗設自家車隊, 送到嚟仲係熱的😍🆓購物滿$1000包免費送貨4人＄688｜8人＄1188｜12人＄1388🔸盆菜8人份🥘 $1188🧑🏻‍🍳食材豐富, 份量足☑️南非鮑魚, 海虎蝦, 花菇, 燒鴨同腩肉等食材新鮮，送到嚟樓下都仲係熱辣辣，唔係嗰啲冰封盆菜!!🤍最中意食白蘿蔔, 無渣好入味😋花菇亦都好厚肉，腩肉新鮮

今日去開土瓜灣，就約個frd食下飯打邊爐，佢就帶咗我嚟品記！枱與枱之間都幾闊落，就算人好多都唔會好迫，都坐得幾舒服五指毛桃文昌雞煲$228同朋友叫咗個雞煲，嚟到個湯底好清好香，問店員原來湯底係用五指毛桃海底椰同雞骨煲嘅，湯底清甜香濃，令人未食都想飲返幾啖先，呢個湯底會包埋半隻起骨嘅文昌雞追加半隻文昌雞$128由於我同朋友都係雞控，所以再另外追加咗半隻雞，都係起晒骨，仲有啲芹菜同蔥粒增加口感，好香口。餐廳仲有一個沙薑青檸嘅醬汁配埋，口感清新，出奇哋夾仲另外叫咗碟滑牛，新鮮嘅牛肉，雖然油花唔豐富，但係好有牛肉味，加上雞蛋口感嫩滑，唔錯唔錯下次會再嚟叫下其他菜品

喺社交平台睇到廣告 幾新穎嘅食法，將雞骨同雞肉分開，用雞骨去熬湯，加埋五指毛桃海底椰，出嚟有嘅椰子香，湯頭嘅味道唔錯，不過第一啖飲落去有啲淡，啲雞骨都係要熬一陣間之後好好多，而且湯嘅份量都OK，四個人分都夠，之後可以加返湯打邊爐。起咗骨嘅雞肉，煮1分鐘到就食得，雞皮爽，雞肉都算滑，去咗骨大人細佬都啱食，而且仲有個青檸嘅醬汁，好開胃‼️仲試咗啲其他嘅小菜，炸蝦卷不過不失，涼拌皮蛋配酸薑最出色嘅都係炸大腸夠脆又夠香

由祟潔街開鋪至今一直有光顧呢間食店，但係越食越失望😮‍💨價錢貴左合理嘅，始終香港地租金人工乜都加，明白佢哋生意越做越大，但工作態度亦都越黎越市井，以前親民嘅態度已不復再。除左時間限制外，接待處的服務員態度非常不耐煩：（有時出街食飯，除咗享受舊食物，其實都係想唔洗煮輕輕鬆鬆食一餐，如果食到趕頭趕命，俾人反白眼嘅話，我做咩要受罪。食物質素是可以的，不過呢區要搵嘢食，有質素嘅，其實都有好多選擇，經過今次經驗，都冇咩理由再去了。

土瓜灣最高質嘅邊爐就算外賣返屋企個味道都係keep住好食大桶骨煲有四大嚿骨，入面有好多骨髓，可以啜晒啲精華，而且入面仲有啲蔬菜配菜，粟米超甜好好食，睇得出呢個煲非常用心，佢嘅湯好好飲，我都飲咗好多碗，再用呢個湯去打邊爐真係正到爆！！！呢個湯底煮乜都好食，大推！文昌雞無骨-呢個雞又係好好食，好有咬口，好有雞味，最重要要起晒骨，好方便黑毛豬呢個豬一食就知係高質豬，豬味好濃同好香，成碟我食晒，非常推薦。

📍品記鮮粉人家私房菜館雞煲就是雞煲啦 其他配角才是主角🤓🥩手切本地肥牛（細）又靚仔又好吃 ~ 好肥美重油花 好嫩滑重牛味 有厚度夠咬口 係打邊爐必備!! 有手切一定揀手切🔪🐮崩沙腩原來麻辣雞煲汁崩沙腩都matchy matchy! 定係崩沙腩太好食配咩汁都ok🤗🦑炸墨魚春卷選擇困難症既人揀左好耐終於揀到呢款炸物 一咬就😯😯😯 質感好淋好juicy!再加埋🍻好佬呀🫢🍮紅糖糍粑原來幾好食🫢熱辣辣 外脆內煙韌 少少甜🤏🏻另一重點：有羊腩煲！好多枱都食！下次要試！

嗰日嚟同朋友慶生，店員熱情慶祝，令朋友好有驚喜，嚟呢度慶祝生日，真係一流！邊爐新鮮，醬料亦都齊全，誠意推介。所有店員嚟到嘅時候都會好熱情款待，又會比好好嘅recommendation，老細一定對佢哋好好啦， feel到大家都好有心！

昨晚同班朋友去左呢間火鍋店，真係開心到爆炸！先食咗個重慶雞煲，啲雞肉滑嫩湯汁濃郁，真係令人欲罷不能！唔止咁，之後又追加咗個火鍋，各種新鮮食材任你揀，真係食到嘴爆炸！環境就更加沒得頂，氣氛好熱鬧，啲服務員都好友善，真係感覺好似喺朋友屋企食飯咁舒服！最令我哋驚喜嘅係佢哋有免費足球直播，真係唔洗擔心錯過任何比賽！好貼心呀！總括黎講，呢度嘅食物同環境真係無得挑剔，係一個完美嘅聚餐地點！食完飯唔單止飽餐一頓，仲可以享受熱鬧氣氛同睇波，簡直就係一次完美嘅體驗！下次一定會再黎支持呢間餐廳，真係太正啦！

有心又有質素既邊爐🫶🏻☺️呢排天氣唔太熱，有少少秋意，梗係要打返個邊爐啦友人介紹呢間邊爐同小菜幾出色，因為之前有外賣佢既絕味雞腳返屋企食，覺得好好味，所以想試埋佢既邊爐😝😝兩個人夜晚七點半左右黎到walk in，等左半個鐘左右有得入去入去坐低店員會放低盤熱水浸住啲餐具比你洗，仲有壼茶可以飲一開頭揀左個煲底先，有好多選擇樣樣都想試，最後唔想食咁辣，所以就揀左品記花膠養生雞煲半隻。個雞煲黎到要煲滾幾分鐘先食得，店員教路食哂啲雞先飲湯啲雞都算幾滑，只有幾舊雞胸位少少鞋食完雞件我地飲湯，個湯非常好飲！係屋企煲個種藥膳雞湯味，好足料，湯底有花膠，滑雞，紅棗，栒杞，淮山、黨參雞既精華同藥材味濃縮哂係個湯到，我飲左兩碗我地嗌左 牛舌、墨魚滑、海鱸魚片、萵筍、生蠔、韭菜餃、淮山麵同寛薯粉平時食開肥牛，見到有牛舌就試下，幾彈口墨魚滑調味岩岩好，入面仲有粒粒墨魚海鱸魚片 同平時酸菜魚一樣厚度，幾滑，無骨新鮮生蠔 本身我地叫左廣島蠔，店員話今日有新出既即開生蠔，大粒啲新鮮啲果然好大隻又鮮美，洽完都無點縮水淮山麵 同個雞湯底好夾，有啲似係出面食藥膳雞湯淮山麵既味，如果食呢個湯底推介!😝價錢中等，整體野食質素算高

土瓜灣人一定識一定食，有次我搭的士講起司機都搭到嘴話土瓜灣最好食係佢。我喺度已經食過原條烤魚，酸菜鯛魚片，藥膳花膠雞煲，胡椒豬肚雞煲。每一個，係每一個都好食。最鍾意始終係酸菜鯛魚片，湯底香，魚片脆滑，無敵。花膠雞湯底好濃郁，材料份量好足。胡椒豬肚雞好夠辣，好啱冬天食，同樣亦好足料。如果要講美中不足就會係烤魚，唔係唔好食，只係相對冇乜特色。另外小食都嗌咗黃金皮蛋同埋紅糖糍粑。比起主食，小食就相對上冇咁有特色，但係都係中上嘅水平

🐷📌 #豬西食土瓜灣#豬西食九龍品記係一間好正嘅餐廳呢度嘅招牌重慶雞煲麻辣鮮香仲有頂級雪花肥牛同美國黑豚肉都好吸引🐷招牌重慶雞煲佢嘅雞肉鮮嫩，個香料底夠正， 我哋唔係食得好辣，所以叫咗小辣 感覺都唔錯 如果完全一啲都唔辣嘅話，應該唔夠過癮🐷麻辣小龍蝦啲龍蝦肉嫩滑，麻辣鮮香，食完仲想再食～🐷頂級雪花肥牛肉質鮮嫩，有淡淡嘅甜味，配埋啲醬汁，好過癮！🐷美國黑豚肉厚切豬肉質地緊實，燒烤得啱啱好，好好味！品記📍土瓜灣浙江街18號利.港灣1樓