品記鮮粉人家私房菜館

全靠朋友介紹帶路先認識到呢間餐廳！係有種室內大排檔嘅feel真係好啱一大班朋友過嚟聚會柴娃娃！冷氣都幾足夠！我哋都幾多人去，所以分開咗兩張枱一台食雞煲一台打邊爐滿足唔同人嘅需要。目測舖頭好多都係熟客過去食嘢~建議都係要早啲book位~嗌咗好多嘢食啊，每樣食材都幾新鮮唔錯，同埋個湯底都幾堅~唔會食完好口渴~除咗打邊爐之外，另外仲有好多炸物，質素都唔錯。Menu上實在有太多選擇~花多眼亂多人食嘅話其實人均價錢都幾OK ~開返打啤酒 happy~…查看更多

朋友推介的網紅店，位置唔算方便，一上到樓開lift入去就見到全場爆滿，人氣非常旺。整體感覺大排檔格局，枱與枱之間好近，坐位偏逼，係無靠背嗰啲圓椅，坐得唔太舒服。開胃小菜水準高，無論椒鹽小菜定涼伴冷盤，都味道惹味，幾款都真心好好食。打邊爐方面，湯底係幾鮮味同唔太重味精味，亦唔會死鹹；配料新鮮，肉類同蔬菜都處理得乾淨，落鍋後口感唔錯；仲有戰鬥碗裝啤酒。唔怪得咁多人幫襯，不過真係好好好嘈，講嘢要提高音量先聽到對方講乜，播生日歌嗰陣更加誇張，完成無法傾計。適合一班朋友熱鬧聚餐，但未必太適合想靜靜地傾下偈食下野嘅人。…查看更多

屯馬綫開通咗之後，嚟土瓜灣方便咗好多好多，帶旺左好多舊區，而且舊區租金嘅水平都同油尖旺有唔同，所以價格都會比較相宜。今次係一大班朋友聚餐,好彩每碟份量都好多,夠我地食呢間店之前疫情都幫襯過，外賣有個煲跟埋都幾得意，就咁可以拎上去電磁爐攞嚟打邊爐，今次OT完就提議過嚟呢度打個邊爐，食物都選擇多，牛肉特別深刻印象牛肉夠滑，而且好有牛肉味其他配料都新鮮正常招牌雞肉全部去哂骨,幾特別！,雞子正常發揮,清湯牛腩湯底可以另加牛坑腩,整體食物水平中上…查看更多

已經食咗幾次重慶雞煲，又試過蘿蔔牛腩煲，豬筒骨蜆煲同埋花膠養生雞鍋，全部都係外賣送遞，原煲(好似盆菜嘅盤）送到，明火或者放喺電磁爐加熱10至15分鐘就食得，個盤又可以之後用，又唔使用好多個膠兜咁環保。食物味道好好，份量夠大，非常足料。雞煲仲會送麻辣醬，食完啲雞加水或者上湯就可以打邊爐，可以隨便加火鍋配料，都好多選擇。另外，佢啲小菜同埋小食都好好食，都係幾十蚊蚊有個小菜。有時仲會有飲品有特價，十幾蚊就有支大支裝啤酒，咁嘅價錢真係超抵食。…查看更多

呢間餐廳嘅性價比都幾高，而且都好多人推介，可以直接打邊爐或者選擇佢嘅雞煲！我哋今日就揀咗佢嘅雞煲，都非常惹味，而且唔會太難，所以都非常適合！整體質素都唔錯！火鍋配料嘅牛肉非常好食，雖然價錢唔係特別平，但係我覺得牛頸脊嘅質素非常好，見到有雪花嘅肉，絕對唔係出邊街邊嘅質素。再加埋本身餐廳嘅湯底味道非常夾！豬大腸亦都使得非常乾淨，冇乜特別嘅異味雲吞就大大隻，而且入邊有最少兩隻鮮蝦！都令到我非常有驚喜！鍾意打邊爐嘅朋友絕對唔可以錯過呢一間餐廳！…查看更多

今日行完九龍城寨展， 三條友仔又諗食咩， 最後又係搭車去咗品記，哈哈哈哈今晚又係叫咗絕味雞腳( 上次有啲失望，今次補償返) ，豉汁炒釘螺( 好好味，但粒肉好難整出嚟😅) ，特大蒜蓉燒生蠔（好驚喜好多蒜, 大家有機會一定要試下) ，藕尖炒魚卜( 小小辣， 好惹味，魚卜新鮮) ，涼拌海蜇頭（每次都必食， 一定要有個wasabi豉油 )，酸豆角肉碎炒寛薯粉(冇味既，有啲失望， 得個辣字), 甜品- 紅糖糍粑(個糖漿一定要加多啲）炸鮮奶(一般)溫馨提示。。。 嚟呢度食飯，過咗6點半，記得記得記得要訂枱呀…查看更多

閨蜜三人組又出動食飯， 揀嚟揀去到最後都係揀返品記今次叫咗檸檬豬手( 每次都必食) 絕味雞腳( 今次有啲干身, 冇咩牙力都唔好叫😅 酸菜魚(酸酸辣辣香港人口味)特大即開生蠔(好新鮮, 好大只啊) 麻辣豬耳(麻麻地)涼拌海蜇頭(好爽口)紅糖糍粑(必食推介) 仲有每次我哋都會嗌特大檸檬茶， 都必定會飲曬真係唔知點解， 我哋好鍾意係呢間嘢度食， 坐得又唔係特別舒服，又有時限，都係要嚟😆 好彩今晚，人冇咁多可以食夜啲， 冇畀人趕走…查看更多

#必試羊腩煲羊腩煲真係我心目中top 3嘅羊腩煲！羊肉肥美，煮得好入味，啖啖都係肉，完全唔腥，份量又好多，食完真係好滿足！#白灼內臟試咗白灼鵝腸同黑白葉，全部都好爽口，彈牙，特別適合配埋啲醬油，唔會太濃又唔會太淡！#炸物炸芋頭同炸蝦卷都好優秀，全部都係外脆內嫩！#總結品記鮮粉人家私房菜館好推薦一大班人嚟食，因為佢所有嘢嘅份量都好多，我每次去都係得兩個人，所以淨係嗌到好少種類嘅嘢食🥹…查看更多

今日在品記打邊爐，有些失望。環境企理嘅，可惜隔離檯班人太嘈，講真，出嚟食飯，當然想高高興興，但你有你開心，係咪真係唔顧其他人感受呢？？我同坐旁邊嘅fd傾偈，每句都要重覆，根本傾唔到偈，搞到好無癮，最後唯有大家快快趣食完去另一個地方坐講到食物，炸大腸依然係好味嘅，無罨味，夠脆口。火鍋材料，叫了手切肥牛，聽人講到好正，我嘅感覺係名過於實，豬肉片都幾好，脆鯛魚，唔錯，好爽口，豬潤，響鈴，丸類，皇帝菜都正常，芋頭好正，夠粉…查看更多

肥仔喺葵涌呢間重慶雞煲餐廳食飯，真係一次滿足嘅體驗！🐓招牌重慶雞煲（一隻，$248）雞肉嫩滑多汁，湯底麻辣濃郁，辣椒同花椒嘅香氣撲鼻，食落好惹味，辣得夠爽，每啖都充滿層次感。食完雞肉仲可以加湯打邊爐，湯底越煮越入味，暖胃又過癮，呢個價錢真係抵食！🥬涼拌黃金皮旦（$38）都好驚喜，皮蛋金黃色，切開流心，配自家製酸薑，酸甜開胃，食落完全唔膩，係一道好清新嘅小菜。🥬涼拌鮮魚皮（$88）更加係夏日之選，魚皮冰涼爽脆，調味酸辣適中，仲有芝麻同香菜提味，天氣熱熱地食呢個真係好開胃，份量都夠足。餐廳環境闊落，坐得舒服，氣氛熱鬧，人氣超旺，晚晚都好多人。牆上大電視播緊英超比賽，邊食邊睇波，特別有氣氛，啱晒一班朋友聚會。仲有一點好正，佢哋開到凌晨三點，夜貓子都唔使擔心宵夜時間，隨時可以過來chill。整體黎講，食物質素高，味道正宗，服務都唔錯，係一個值得再黎嘅地方！…查看更多

臨近母親節，同媽媽試吓新餐廳，就嚟咗土瓜灣打邊爐，屋企人打邊爐除咗要牛肉，最緊要就係食雞，見到有文昌雞，仲要起晒骨，梗係要食啦！胡椒豬肚雞煲 ＄258個湯底又食，又飲，大大煲，又可以飲湯又可以打邊爐，豬肚新鮮彈牙，仲有啲好腍嘅雞腳可以食！鮮魷魚＄88灼十秒就食得，口感彈牙新鮮野生竹笙＄68竹笙大大條，淡淡嘅菇菌香味，用嚟索湯啱晒半隻文昌雞128文昌雞起晒骨，雞皮彈牙雞肉嫩滑，即開乳山生蠔$158估唔到咁大隻生蠔，有手板掌咁大隻嘅生蠔，蠔肉新鮮，食完一隻想再encore！…查看更多

係啟德睇完演唱會同朋友去打邊爐，品記開到凌晨三點，睇完10點半過到黎呢邊仲可以慢慢食胡椒豬肚雞煲 $258原隻滑雞加豬肚，分量十足大大煲，慢慢煲滾，雞肉係好嫩滑，豬肚好乾淨，入口又淋又軟，湯底都可以飲，胡椒湯底味道適中，少少胡椒香好惹味，之後仲可以打邊爐招牌手切肥牛298淨係牛肉類都有11款，肥牛新鮮，每塊都肥瘦相間，輕輕𤆥7-8秒，入口有牛肉味同有口感，而且仲好大碟脆鯇魚腩$98打邊爐必點魚腩位，每件都去晒骨，全部都係腩位，入口彈牙爽脆，魚油好重，加少少醬油就夠，啖啖肉除左打邊爐仲可以食小菜，新式大排檔格局，大部分都是圓檯，好岩一大班人去，感覺夠涼爽同地方闊落，下午4:00開門已經可以打邊爐如果早食飯，7點半前離座仲有全單八八折…查看更多

我哋點咗一個重慶雞煲$248，雞件辣味十足，離遠已經聞到香辣誘人，食完仲可免費加湯打邊爐，配上戰鬥碗啤酒，好型啊！手切牛肉價錢$298，份量大且唔肥，保留濃郁牛肉味，肉質鮮嫩多汁，令人滿足。雙拼蚌選擇桂花蚌和珊瑚蚌，$158，鮮甜彈牙，海味十足，非常新鮮。最後，點了原漿啤酒1L，買一送一，$138，口感似1664，令人驚喜，喺香港都可以享受到原漿啤酒，真係好意外有得食正宗重慶雞煲，又有海鮮啤酒，一大享受。…查看更多

很久沒有吃雞煲了，今天在品記享受文昌雞煲，可以額外加多半隻文昌雞肉吃，更可以在晚上七時半前離座得到八八折優惠，在現時的火鍋餐店中真是很高性價比。五指毛桃文昌雞煲＄228雞煲的醬汁很濃郁卻又不會太鹹，使雞肉非常入味。半隻文昌雞＄128加多了半隻文昌雞，想不到會貼心到為雞肉起骨，服務周到，我們不用自行去骨。雞肉更有淡淡椰子香味，肉質非常嫩滑，不會嚡口，很滿足。生蠔$158半打生蠔即開很新鮮，它的大小更和一個手掌差不多大，煮熟後更沒有縮水很足料。味道鮮甜突出。手打蝦滑$88餐廳標明蝦滑為自家製，它的口感彈牙，更能看見粒粒蝦肉。玻璃樽可樂 $24很少見還有舊款的玻璃樽可樂，非常吸引便點了一枝。…查看更多

喺紅磡做嘢，夜咗想搵地方宵夜好難，呢度開得夠夜可以坐到凌晨三四點，勝在咩都有得食，打邊爐小菜雞煲食物質素尚可，美中不足係附近冇通宵車返到去觀塘，如果揸車嚟嘅話就飲唔到酒，附近都好多空位泊到車，有錶位又有停車場地方都叫闊落光猛，好多大枱，就算一大班人嚟宵夜都唔需要話特別太緊張訂定枱，小菜嘅話特別推薦椒鹽九肚魚，碟頭夠有鑊氣熱辣辣同埋重慶雞煲，夠辣夠惹味，不過食煙就麻煩少少，要落樓下食，如果一樓有個露台就更加好…查看更多