影片
港鐵北角站 A4 出口, 步行約1分鐘
繼續閱讀
電話號碼
94621151
營業時間
今日營業
12:00 - 15:30
18:00 - 22:00
星期一
全日休息
星期二至日
12:00 - 15:30
18:00 - 22:00
以上資料只供參考, 請與餐廳確認詳情
有關餐廳
有關獎賞計劃
近排經過北角見到新開左間鐵板燒店，同朋友都不約而同決定入去試試🤪本來想坐吧枱不過當晚都好多人預訂所以坐table，揀左貴少少嘅788set，款式都多而且份量唔細，最後都好飽好滿足🥰鐵板一人前 $788師傅烹調前會比客人睇下今日既食材講到😳✨先付沙律酸酸地好開胃，仲有藍莓添🫐✨菊志の茶碗蒸茶碗蒸滑溜細膩，松露香氣剛剛好，蟹肉絲量都多🦀✨高知炙烤鰹魚稻草燒鰹魚，黑蒜油醋酸酸地好開胃🐟鰹魚肉質好腍，另外豆乳醬汁就好Creamy幾夾🤣✨幸の海洋 二品鐵板燒帆立貝煎得表皮微焦，里面嘅貝肉則半生軟軟質感😋醬汁都有帶出帆立貝嘅鮮味清酒煮蜆湯底酒味頗濃，同時滲透淡淡的蜆香味，蜆肉大大粒非常鮮甜😍蜆鮮味十足✨虎蝦濃郁嘅龍蝦汁完美包裹住虎蝦🦐虎蝦肉質彈牙，汁雖濃香但唔會掩蓋住虎蝦嘅原味👍🏻更有種食緊龍蝦嘅感覺😛✨鐵板香煎鵝肝鵝肝外層質感脆口，裏面軟腍，非常厚身✌🏻油脂感好足，焦糖蘋果，甜甜地可以解膩🥹✨和牛薄燒 & 京の野菜和牛薄燒配茄子蓉，帶有微微焦香，配上蔥蒜嘅香氣蒜，蔥，和牛油脂融合🤩入口軟嫩，肉汁豐富。🍄🟫菇超級juicy，爆哂汁，好香野菌味😌南瓜同翠肉瓜既熟度剛剛好，唔會太硬✨菊志炒飯菊志櫻花蝦炒飯松露，蔥花，蘿蔔碎，櫻花蝦，蛋碎每樣item都食得出佢既味道🤝🏻而且粒粒分明，層次豐富，鹹香適中😎✨湯品麵豉湯✨甜品芝麻雪糕，果仁碎，幾有口感
繼續閱讀
知道我朋友喜歡食日本菜，呢間位於北角馬寶道嘅日本鐵板燒人氣甚高，聽講平日每晚都幾乎滿座，所以今日特意帶她早點來試菜。今晚我哋叫咗兩個鐵板餐，每位$788，另外我朋友重開咗一支sake，呢支酒一啲都唔貴，而且好有米香味，絕對抵飲。➰先付Apetitizer雜菜沙律夠鮮嫰爽脆，配合陳醋和芝麻醬，胃口大開。➰ 茶碗蒸呢碗茶碗蒸夠晒熱辣辣，蛋羹上面鋪滿晒一條條嘅蟹肉絲，蟹肉夠鮮甜而且口感非常滑嫩。➰ 高知炙烤鰹魚用炙烤的方式使到鰹魚增添咗獨特嘅煙薰風味，而魚肉又能保持到細膩，配合埋黑蒜油和醋煮成嘅醬汁，口感夠曬清新。➰ 香煎帶子呢碟香煎帶子有兩款醬汁，一邊係枝豆醬，另一邊係羅勒醬，而帶子煎到外面微焦脆，而內部又能保持嫩滑嘅口感。➰ 虎蝦師傅用牛油把大虎蝦煎到好香口，而蝦肉夠晒鮮甜味美，醬汁方面就用咗牛油和蝦膏煮成，更能突顯蝦嘅鮮味。➰ 鐵板香煎鵝肝師傅把鵝肝煎到外焦里嫩，口感細膩，更用用上蘋果和焦糖做配菜，令到整個口感甜甜哋，更能中和鵝肝嘅膩感。➰ 和牛薄燒師傅把薄片和牛肉卷埋蔥再煎香，令到口感層次更豐富，味道夠香濃。➰清酒煮蜆湯清酒煮制更能凸顯蜆肉嘅鮮甜味，配合埋濃郁清酒嘅酒香，真係好好味。➰ 菊志炒飯呢個炒飯好多配料，包括有櫻花蝦、蔥粒、蛋等等，飯炒到好香口兼且夠乾身。➰ 甜品最後以香滑嘅芝麻雪糕作為呢次晚餐嘅終結。
繼續閱讀
位於北角馬寶道嘅*三分熟.菊志*鐵板燒居酒屋🏮，地點相當方便，港鐵一出步行一分鐘時間已到。店鋪裝修日風簡樸，乾淨俐落。中庭是開放式廚房鐵板燒區，地方乾淨整齊。值得一讚，每道菜式廚師都精心擺盤，賞心悅目。鐵板晚餐一人前$598🥗沙律 - 新鮮沙律菜配搭微酸沙律醋，先打開胃口，為今晚美食打開序幕。🥢茶碗蒸 - 面層鋪滿一絲絲松葉蟹肉，滑蛋非常滑溜，配以蟹肉一併入口，增加鮮度及口感。🥢北海道帆立貝 - 外層燒得蕉香，入邊保持濕潤，肉質肥厚鮮甜，配以枝豆醬汁，清清爽爽，配搭唔錯。🥢南非鮑魚 - 南非鮑魚係珍貴鮑魚品種之一，鮑味濃郁鮮甜，肉質軟嫩腍滑，口感煙韌彈牙，配海苔醬感覺清新。🥢清酒煮蜆湯 - 蜆肉脹卜卜，略帶些小海水味道，非常新鮮鮮甜，蜆湯不但有鮮度，更帶有清酒清香。🥢鐵板燒鵝肝 - 上下面層燒得蕉香，入邊仍保持粉嫩絲滑，入口即蓉，鵝肝面層灑上青檸皮，配合蕉糖蘋果入口減去油膩感。🥢和牛薄燒 - 和牛薄燒作為今晚重頭戲，非常期待 ，3成熟，更能保持原味，入口即蓉嘅快感，油花充斥整個口腔，油花、蔥花、蒜香同時爆發，令味道更上一層😋，🥢櫻花蝦黑松露炒飯 - 炒得非常乾爽，令飯底粒粒分明，入口乾乾爽爽，滿鋪櫻花蝦令整個炒飯充滿鮮香，以炒飯作結尾，充滿飽腹感😋。🍦甜品係芝麻味雪糕，冰冰涼涼，清新番整個口腔，完美結尾。
繼續閱讀
約左好姐妹食晚飯，緊係食好野，見北角新開呢間鐵板燒，價錢唔貴，我地就訂位，我地決定食豪少少叫左鐵板一人前$788。沙律新鮮爽口，醬汁酸甜開胃。茶碗蒸蛋香味濃，入口滑溜溜。高知炙烤鰹魚煙燻味香濃，鰹魚肉質細膩。帆立貝鮮甜彈牙。清酒煮蜆完全無沙，味道鮮甜。虎蝦爽口彈牙，啖啖肉。香煎鵝肝入口即溶。和牛薄燒牛肉味道濃郁，肉質細膩，加上香葱好惹味。配上時令蔬菜，南瓜，茄子，翠肉瓜味道清甜。炒飯粒粒分明，好香口。芝麻雪糕香濃幼滑。
繼續閱讀
放假前夕同朋友去左食我最鍾意既鐵板燒😝😝😝座位以廚師吧枱為主，可以欣賞到師傅席前料理既過程。食材高質，服務滿意。鐵板一人前HK$788先付沙律菜加左黑醋調味酸酸甜甜，十分開胃。菊志茶碗蒸茶碗蒸口感滑嫩綿密，每一啖都有滿滿既蟹肉絲，令鮮甜味大大提高！高知炙烤鰹魚鰹魚本身魚味較重，炙烤後外層微焦，內裡保持半生熟口感。以黑蒜油醋、豆乳醬、刁草油調味，味道帶酸，食落更清新美味。幸海鮮二品北海道帆立貝帆立貝十分厚身，味道鮮甜，爽口彈牙。師傅特別調製兩款醬料，有雙重體驗。將枝豆打成蓉，口感順滑，味道清淡，唔會蓋過帶子本身既鮮味。貝柱忌廉汁味道就相對濃郁，所以要最後先沾，令味道層次昇華。法式香草清酒煮蜆蜆肉脹卜卜，十分鮮甜。加以辣椒絲、意大利芫荽煮成，增加層次感，更是撲鼻芳香 虎蝦先講擺盤已經十分精緻！虎蝦有彈性，蝦味重。海藻配上法式龍蝦汁一齊食，有Refresh既感覺。鐵板香煎鵝肝平時食鵝肝多數配多士，配焦糖蘋果特別有心思！黎自匈牙利既鵝肝有份入口即溶既幼滑質感。焦糖青蘋果酸甜味可以中和膩感，好食！和牛薄燒／日本豚肉薄燒／日本德島縣雞扒（每個餐可以選一款）和牛薄燒我地揀左五成熟。和牛有著霜降般既油花分怖，軟嫩又多汁，牛味濃郁，捲住炸蒜同埋青䓤，膩感減低，好正🥹。日本豚肉薄燒日本豚肉肉質鬆化，肉味香濃，同樣捲住炸蒜同埋青䓤，食完再三回味！野菜方面係南瓜、大啡菇、翠玉瓜，師傅特別調製茄子Mousse，口感順滑creamy，同時又唔會掩蓋野菜本身既味道，滿滿田園氣式🤣!菊志炒飯香蒜鵝肝炒飯日式炒飯粒粒分明，不黏糊之餘仲要夠鑊氣！師傅充分展現功架，加入蛋醬、鵝肝、香蒜等炒成，啖啖都充滿蛋香！甜品係豆腐雪糕，牛奶、煉奶同豆乳都相平衡。**生酒 720 ml HK$580另外，見做緊Promotion我地仲叫左酒飲😙。以雄町米釀造，米味偏重，冇經過高溫加熱，保留清酒原味，飲落飽滿圓滑，比較易入口，有快黎快去 last finish 既感覺。
繼續閱讀