影片
港鐵朗屏站 B2 出口, 步行約3分鐘
繼續閱讀
電話號碼
21540166
營業時間
今日營業
11:45 - 15:00
17:45 - 23:00
星期一至日
11:45 - 15:00
17:45 - 23:00
以上資料只供參考, 請與餐廳確認詳情
揀左c餐 送嘅刺身拼盤3樣刺身一人得一件 不過都好彩佢比咁少 因為啲刺身質素仲差過爭鮮燒蠔又腥又細粒嘢飲每人得兩杯 飲完兩杯再嗌就要加錢 嘢飲依啲咁平嘅嘢做放題都唔肯俾人任飲 超級孤寒全部肉都超級薄切 又乾又嚡 冇一樣係好食 全部叫完一次都唔想再叫第二次 完全食唔飽間餐廳已經好細 又冇抽氣系統 所以油煙勁大 食完出嚟成身成頭都係油煙味 超級後悔去咗食 成餐飯我諗唔到邊一樣嘢係好食 每人298仲要加一 咁嘅質素竟然夠膽收咁嘅價錢 去食牛角會開心好多
繼續閱讀
番約埋三五知己，成班嘈友搵地方聚會最怕太靜嘅餐廳😆今日試朋友推介嘅燒肉店食放題🤤朋友叫左個D餐！送「鹿兒島和牛」「蒜蓉燒蠔」「燒蝦」「刺身拼盤」 ❤️omg太多了吧🤤燒蠔好正😊脹卜卜，而且嗰啲蒜蓉睇到調咗味，好方便，唔使自己調味，蝦我敏感，俾晒其他朋友食，仲有「清酒煮蜆」「蒜蓉燒青口」」「蒜蓉小貝柱」，我妹仔肚食唔到，朋友一次過嗌咗勁多！過足海鮮癮😆我就梗係佢嘅安格斯牛啦！啲牛都紅卜卜，睇食評啲人話佢哋嘅牛油問題？我覺得OK喎，紅卜卜之餘，都有幾款靚牛選擇，鍾意食肥啲嘅就有「特級牛五花」」「「安格斯牛空腹」，我就鍾意食有牛味香啲嘅「安格斯牛版腱」「安格斯牛肩胛」鹿兒島和牛，問侍應話和牛係肩胛位，非常可以，不過食幾塊就油膩好飽🤪安格斯牛牛肩胛、安格斯牛版腱，幾靚仔🥰肥嘟嘟，厚薄度適中，最怕淨係一味追求厚切，完全唔識食燒肉嘅人先至淨係識厚切，佢哋呢個厚薄度，我可以食到好多塊，亦都方便我亦都方便我燒烤，可以好快就食到，有冇錢賺㗎？🫣放題有呢個質素，非常OK，平時食開放題，淨係得啲筋同埋肥肉，一係就太厚，一啲牛肉嘅口感都食唔到，呢一間食放題，果然冇介紹錯！基本上咩口感嘅牛都試到，可能因為我叫D餐吧？！的確我都見到C餐 / D餐係多幾款選擇～ B餐可以選擇嘅牛，種類無咁多但都平均，當然B餐都有牛舌任食啦，不過俾得幾錢就食乜，都係消費者嘅選擇吧，我就覺得二百幾蚊食過任食放題燒肉餐，能夠食多幾款牛，why not🤣重點係我哋今日食嘅時候，佢做緊優惠價，我哋六個大人，佢都係收小童價，二百幾蚊加一 ，但係每人有四杯日本生啤送，食左3個幾鐘，超抵！！！！雖然我哋入去嘅時候，門口個老細話可以食到11點，不過傻嘅咩，都食唔到咁耐，最後我哋食到九點幾，個餐本身150分鐘，我地都已over time了，就飽飽滿足地轉場去食糖水😆席間聽到其他枱其實都overtime，呢間舖頭都幾好，的確冇人排隊嘅話，任我哋食咩餐嘅人，都可以慢慢坐，良心小店👍🏻👍🏻雖然我已經離開咗香港，不過都希望香港可以多啲良心小店，香港人要好好珍惜啊， by the way最近行香港啲商場完全搵唔到特別嘢食，我諗我都係繼續周街搵啲小店食了🫣
繼續閱讀
第一次寫食評，差到忍唔住要寫，避免更多人中伏巨伏！肉質素差，仲差過超市買剩肉，又細又薄又變哂色仲差過小學雞燒烤既野食店舖自己食得落口先好開門做生意吧絕無第二次吧
繼續閱讀
間嘢得罪咗咩人😂我又差隻腳先，真食客comment😂呢間放題安格斯牛任食，一人只係2百蚊。要食到有質素嘅牛又可以食到唔同嘅食品，呢間任食放題,係新界唔錯選擇，呀叔我最鍾意揸車睇住Gxxgle地圖 + Openrice周街搵食。唔我俾佢哋sell到C餐，但其實我並唔豪氣，因為佢哋做緊優惠時段收小童優惠價$238。送刺身 & 炸野拼盤、仲有3隻蒜蓉燒蠔(可以揀大蝦)，仲有2杯飲乜都得喎，非常充實蠔相送個刺身來我即刻食哂，幾款都夠鮮味燒蠔好入味，食夠3隻過足口癮炸嘢呀叔唔敢食得多，不過我諗呀囡喺邊度實食哂，岩哂小朋友，我揀C餐除咗牛之外，其實仲因為有任食安格斯牛肩胛、醬燒墨魚仔、清酒煮蜆睇下啲墨魚仔幾脹卜卜，好吸引以下呀叔要食家上身，話說好多友成日都認為抵食就要夾大件，錯啦，真正公道嘅識食係要識留意個師傅想法，究竟佢哋有無衡量食材本身嘅屬性下，為客人作出最岩嘅安排，例如燒肉類：安格斯牛肩胛，牛板腱等等切法，呢間個厚薄度是正確，因為本身該部位係有少肥肉+少筋位，太厚就會難熟而且咬落會難咬，亦不能讓客人用膳時盡情投入地，一口一啖肉嘅燒肉基本要求；牛胸腹 & 牛五花, 係屬於相對重肥肉+有筋嘅位置 ，好采佢哋識搞，切得岩岩好，唔會太大太厚，一啖食晒又可以體驗到所謂”口感” ，要品嘗呢種部位嘅牛，基本常識就係咁。而牛仔骨就厚好多，明顯師傅有恆量過，牛仔骨本身雖然帶骨帶筋帶肥，但肉質屬於較淋，要厚切先品嘗到口感，有誠意。仲提供生菜、燒蒜子等配料，俾我可以自己Mix and Match。墨魚仔，本身食材都唔重味，但見佢哋有用醬汁先處理，呀叔我一見到就露出慈母笑容，因為...話說佢哋啲牛唔醃，已經值得一讚，我要食醃肉，就食韓燒或者自己煮飯😂 我食日式燒肉，安格斯級數，就緊係要食牛嘅真味，而佢哋又真係有用腦去處理唔同食材wor, 墨魚仔、其他燒瓜，先有落醬汁幫我哋調好味，所以，我都食咗好多呢啲燒肉放題嘅配角！日式咖喱飯，我真係唔會蝕俾佢，用珍珠米點都嗌一碗，好食，相信小朋友都會食，因為唔辣👍🏻 呢間豆腐膶日系燒肉店，一入去我就諗起舊時日本拍拖食飯嘅感覺，無何厚非細間得嚟，由餐牌講解，到食緊，啲員工都好快提供協助，友善得黎親民，好多走盞位優惠俾客人👍🏻事發經過：我等食途中，留意到有枱家庭，2個大人，2個小朋友，竟然免費其中個7歲細仔?! 嘩?! 出面啲任食燒肉店，見到呢啲食得唔多野又玩手機嘅細路 , 更加會收錢更加賺到盡啦，我當下就諗，即管好食就下次帶埋成家黎添食!呀叔我不嬲都深明give and take嘅道理，其實2百幾蚊我唔預有心悅誠服嘅體驗, 所以今次我當然好滿足，呢個質素，我一定會再嚟。
繼續閱讀
呢間燒肉店成日聽啲飯腳提起，於是今日就試下佢真章～佢哋晚市放題 有4款，而我就揀咗 C 餐，仲因為我8點半後坐低，所以 全部只!收!小!童!價! 仲話 如果無人等位訂枱，基本上係無限時！任食！ 大癲！！！！！C餐: 大人價$298, 小童價$238, 我今日4個大人，位位只收 $238 仲要真係由於夜咗無人入坐，真係無趕我哋班友走 任我哋食！送嘅燒蠔有調好味嘅蒜蓉配料，夠肥夠甜！我後尾仲encor 咗半打hahaC餐安格斯牛種類都夠選擇，任食仲有牛舌，牛舌同啲牛切得厚薄適中，識食嘅都知，太厚又會食得幾塊就太膩就飽 , 老人家又點會咬到，所以我buy 佢哋個厚薄適中，難聽啲講，任食喎！我食到幾多就當然好depends自己啦，好采嗰日我夠餓哈哈食幾多嗌幾多❤️👍🏻 早幾個月晏晝食過一次，對比返今日，啲牛嘅厚薄度的確改善咗，牛舌仲大塊咗！幾款牛都紅卜卜，個日本雞肉好食有雞味唔蘇！又有啲墨魚仔, 鯖魚, 腩片, 厚豬頸肉,大塊日本雞皮燒等等等⋯⋯細佬難得入嚟元朗陪我食飯，後生仔食得好飽好高興😆佢哋嘅牛無做醃味，要俾讚！食開燒肉都知，咁先係日式燒肉店，咁先食到牛味。牛仔骨嘅口感來源，本身就係由肉+筋+肥膏+骨頭，組合而成，我buy佢厚薄適中，令我咬落去可以有口感之餘，食到牛味，我見佢哋本身已經有點黑椒配搭，所以基本上冇配任何醬汁，能夠有口感下食到牛肉味👍🏻我鐘意佢哋啲幾款燒肉醬，夠濃唔會水Nel Nel, 排名=1st柚子醬，2nd鹽醬，3rd燒肉醬，分享小心得:柚子醬：好解膩, 又香甜, 最岩配合安格斯牛胸腹 / 雞類/ 魚類，我8掛問店員可唔可以買支俾我，可惜原來係日本訂嚟無得細細支買，唯有下次再嚟食～咁又唔怪得咁香甜。鹽醬，最岩配合安格斯牛肩胛，安格斯牛板腱, 厚豬頸肉，豬腩片等等，我覺得濃郁過其他舖，塊肉點少少就夠，所以我都鐘意。原味燒肉醬，我會叫做百搭而且隻醬夠濃，試過點瓜菜食都惹味～老豆試唔到新野，所以佢成晚只食燒肉醬haha熟食類都夠選擇，燒肉放題我唔會食得多熟食，不過有 雞皮餃子 揀，炸得香口，本身出面都少有提供，呢度可以任食, 讚～成個用餐體驗 & 食物質素，我覺得性價比好合格有餘啦。另外值得紀錄，開頭我喺門口等屋企人龜速落樓時， 門口嗰位(應該話得事嘅哥哥) 好有耐性同我介紹，當時爆場, 個哥可送咗支果茶俾我解暑，傾咗陣計，老實講香港地大家心照，friendly並唔係人都做到，又安排咗張凳我邊坐邊等，成餐飯，我見佢哋都盡力照顧到客人需要，真心feel good。P.S.:問咗員工，原來7點前入坐都有小童優惠，唔知佢哋個優惠做到幾時，我就點都會把握機會食多轉先, 唔走雞😂 仲玩埋佢哋張印花卡儲印仔～
繼續閱讀