影片
港鐵元朗站 A 出口, 步行約10分鐘
繼續閱讀
電話號碼
46644471
營業時間
今日營業
16:00 - 04:00
星期一至日
16:00 - 04:00
以上資料只供參考, 請與餐廳確認詳情
食家推介
元朗、荃灣等地都好多大排檔，好岩一家人或者三五知己吹水，一個地方大，冷氣充足，菜式豐富嘅地方，就最適合風花雪月，談天說地，要極力推介今次既餐廳。🥢炭燒豬頸肉（職人星星師傅推薦）$128有煮開野食既朋友都知，職人星星師傅既大名，我相信推介得都唔洗懷疑，仲要價錢合理，炭燒豬頸肉一到，大家都嘩左一聲，好大塊，餐廳用左脆粉包住，再炭燒，最後配上泰式辣汁，第一個菜色已經咁出色。🥢柴脆皮秘製燒雞 $198兩口子出街食飯，好少叫一隻燒雞食，今次原隻脆皮燒，雞內用左大量蒜蓉，華鹽去醃肉，我地用手撕開雞肉來吃，皮脆肉嫩，啲雞油滴到呢，真係太好味🤤🥢豉汁蒸盤龍鱔 $228（半條）如果在家整鱔非常考功夫，都係在餐廳吃最好，餐廳店員都會比客人揀上半定下半條，或者餐廳發板，豉汁蒸係最原始配搭，鱔肉爽滑彈牙 ，蒸得剛剛好。🥢椒絲腐乳炒菜心 $78菜心非常多，加上強勁椒絲，非常入味，好香口。🥢虎蝦仁黃金炒飯 $128呢個炒飯好重本，起碼有10隻虎蝦仁，每粒蝦仁都大粒飽滿，再配上菜芯頭蛋炒飯，味道適中，不會太鹹，很適合一家大小吃。💖總結：大大力推介脆皮雞，真係一試難忘，餐廳做到色香味俱全，份量十足冇花假，喺香港地食嗰個大排檔數一數二，重點餐廳營業時間到凌晨四點，食宵夜都可以！！——————————————- 📍 多多雞大排檔 (元朗)🏠元朗又新街37-51號富祐閣地下14號舖#hkfoodstep#hkfoodstep元朗#hkfoodstep 大排檔 #hkfood #hkfoodie #hkcouple#元朗美食https://www.instagram.com/reel/C6MK8QBvCvr/?igsh=N2R0c3J4Y2Uxcnp5
繼續閱讀
今時今日香港好似已經冇乜大排檔😮💨今次就俾我喺元朗搵到間大排檔🤭試左間叫《多多雞大排檔》，佢仲要營業到凌晨4點🕓‼️啱晒同班朋友吹水飲酒🍻到天光🌄叫得多多雞🐔，所以一定要試下佢個招牌菜炭燒脆皮棟企雞🐓招牌即燒炭火靚雞🔥🐔｜$198每一枱都會必叫👍上網睇到啲相以為好細隻，點知一上枱即刻嘩一聲‼️原來都幾大隻😲 落完order都要等十幾分鐘先上枱，因為每隻都係即叫即燒，確保客人每次食都係新鮮熱辣辣🔥最有風味係客人自己手撕同自己剪，一剪嘅時候啲肉汁係咁流😲超Juicy‼️皮脆肉嫩，感覺似食緊片皮鴨咁，勁脆‼️豬油渣炒芥蘭🥬｜$78我地叫完之後幾枱都跟住叫，可想而知幾咁香😂有鑊氣又好香豬油渣味🤩芥蘭唔會老大大粒牛柳粒啫煲🐂🥘｜$188黎大排檔當然要叫佢地嘅招牌啫啫煲🥘啦牛柳粒🐂真係大大粒😂份量仲唔少添，牛肉仲要超嫩，一啲都唔鞋，加埋啲姜蔥🫚一齊啫，超惹味😋星星師傅炭燒豬頸肉🐷｜$128又係好大份😂好香炭香味🤤好香蒜蓉味，燒到外層好脆，內𥚃啲肉好淋👍 配埋泰式🇹🇭酸辣汁夠曬開胃‼️感覺有啲似蒜香骨味😂乾炒牛河🐂｜$108我覺得要睇下間餐廳有冇水準，一定要叫乾炒牛河‼️呢間牛河炒到好香，重點唔會太油‼️牛肉🐂好多又唔鞋👍我就一定要加辣椒醬🔥😂即刻味道更加提升😋第一次入到黎有啲驚驚，啲侍應老闆個個大漢好似好惡咁😲但原來佢地個個都好好人😂‼️唔好俾外表呃到🫢就算我地食唔晒(碟碟都好大碟😂)，問老闆要兩個盒打包時都問我地要唔要埋啲醬汁打包😆即刻幫我地去廚房裝啲辣椒醬、椒鹽、泰式辣醬俾我地🥰非常體貼❤️見到好多枱都係啲街坊熟客😆啲客又會同老闆吹水，請佢飲酒🍻就知平時老闆服務幾咁好🥰😆所以先成為到熟客仔‼️我諗呢啲就係香港大排檔獨有嘅風味同人情味❤️
繼續閱讀
招牌即燒炭火靚雞$198/隻使用大瓦缸高溫炭即場燒製，所以需時30-45分鐘左右，想食就要黎到即刻落單。用個大窰燒雞基本上唔會伏，燒完出黎好有炭香味，雞皮脆卜卜，肉汁一剪隻雞就流曬出黎！肉質嫩滑，採用鬍鬚雞，脂肪含量不多，唔會好肥膏，我食兩次兩次都有叫雞十八歲卜卜脆牛肋條$238又要起筋又要炆又要炸，功夫都幾多，所以都要耐心等候。不過值得等，上菜時超級脆卜卜！牛肋條冇筋又軟熟！再點上沙嗲醬層次再提升！推薦一大班朋友食（食得太多有少少漏，不過真心好食）薑蔥台生蠔啫煲$188上菜時吱吱喳喳的熱煲，香噴噴的，店員還會幫忙攪伴一下免黐底，煲內有好多台生蠔，半煎好也上了煎粉，夾雜薑蔥蒜頭蔥頭爆香，好滿足！餸飯一流！生炒新鮮沙薑鬍鬚雞$228比起炭燒雞唔駛等太耐，但都好正！沙薑的香氣襯托起鬍鬚雞的鮮甜，鮮嫩多汁，而且很開胃！因為響屋企附近，所以食過兩次，大排檔風味，但乾淨企理，分室內室外位置，筆者坐室內可以涼冷氣，仲有樓上雅座，如果客人想煲煙🚬可以坐出面，開到凌晨四點，同知己老友吹水飲酒🍻到夜一夜都唔怕。店主親切友善，店員服務有態度，會再訪。
繼續閱讀
元朗真係好多野食 係一個美食天堂連大排擋打冷都有好多間 今日黎呢間係又新街 夠方便 有室內同室外座位 揀左室內坐 估唔到咁乾淨企理唔似平時啲大排擋濕漉漉 污污糟糟咁餐廳係人手落單 一坐底就即刻加新水拎碗筷好爽手✨招牌即燒炭火燒雞即叫即燒 都要等大概廿五分鐘建議坐低即叫再慢慢揀其他餸見隔離檯都係坐低就叫左燒雞先上檯熱辣辣 原隻上 仲滴緊油 會比手套同較剪你自己分食肉質好嫩滑 外皮好薄脆 冇多餘既油脂入口仲有淡淡既炭香味 超推薦！✨十八歲卜卜脆牛肋條呢個見個名咁得意就叫黎試下估唔到咁大碟 本身驚會好油好濟同好韌但食落又唔會喎 有驚喜咬落好腍 唔會有好濟既感覺點埋佢配既咖喱汁 意外地夾 仲冇咁漏✨西蘭花啫啫煲份量都好多 上檯個陣仲炸炸聲 勁香西蘭花仲食到好爽脆 唔會煮腍晒✨豉油王鵝腸豉油炒得好香好上色 鵝腸爽口唔會好難咬墊底用左芽菜金菇 夾埋一齊食又另一種口感呢間大排擋有驚喜 上菜又快 仲好大碟而且夠晒乾淨企理 加分後尾發現原來呢度開到凌晨四點 真係可以一大班朋友黎食飯飲酒傾計傾通宵唔怕傾耐左餐廳關門比人趕咁掃興🤭
繼續閱讀
暫時應該係我食過元朗最好味嘅大排檔😛 叫咗四款食物，四款都滿意！平時好容易食滯，但呢度嘅食物調味適中，唔會太重手，令人好有食慾，一口接一口。✨招牌即燒炭火靚雞 $198/隻✨喜愛指數: 🌟🌟🌟🌟使用大瓦缸高溫即場燒製，份量巨型，俾客人打卡影完相，可以選擇自己戴手套手撕雞肉，或者交由店員切好分件。皮脆肉嫩，肉汁飽滿，尤其係雞髀位特別香滑！✨大澳蝦醬炒時蔬 $78✨喜愛指數: 🌟🌟🌟🌟我平時好唔鍾意蔬菜，但呢道菜幾啱我口味🤣 蝦醬味突出但難得地唔會死鹹，仍然保留到蔬菜嘅原味，食落去舒服，又多汁🥹✨蜜椒薯仔靚牛柳粒 $168✨喜愛指數: 🌟🌟🌟✨牛柳仲多過薯仔😍 牛柳粒有嚼勁，黑椒味濃郁，肉質的確係靚牛，蜜椒醬汁甜甜地幾好味！美中不足係薯仔外層唔夠脆，未做到焦香感。✨黃金系列的蝦 $188✨喜愛指數: 🌟🌟🌟🌟🌟蝦肉被滿滿嘅鹹蛋黃包圍，濃而不膩，香口惹味，鑊氣十足😍 餐廳開到凌晨四點，完全係我呢啲夜鬼人士嘅福音👻
繼續閱讀