多多雞大排檔

元朗有好多大排檔，但我比呢間嘅招牌燒雞吸引咗!! 一定要黎食!夏天食大排檔有風味之餘最緊要有冷氣，呢到有2層室內，都有冷氣，可以食得舒舒服服🥢炭火燒雞基本上每枱都必點! 建議一入座就叫左先，因為即叫即燒，要等30分鐘~原隻上枱，好有睇頭!! 一上枱已經聞到陣陣燒烤香味，雞皮燒到金黃色，仲有啲微微焦痕，帶少少油光，賣相超有食慾! 啲肉仲係嫩滑多汁，冇焗到乾晒。雞皮脆卜卜，咬落去先有炭香，跟住啲雞肉鮮味就爆晒出嚟，肉汁滲晒出嚟，每咬一啖都好滿足，再點啲淮鹽，味道即刻再提升🥢西蘭花炒鮮魷西蘭花炒得啱啱好，保持到爽脆同水份，咬落去有啲“咔嚓”聲。鮮魷片厚薄適中，唔會嚡口，彈牙又帶鮮味。成碟菜用咗啲蒜同清雞湯快炒，味道唔會太重，啱啱好突出晒材料本身嘅清甜同鮮味🥢啫啫魚頭煲成煲熱辣辣，香氣撲鼻，啲魚頭件件煎到金黃色，外皮微微焦香，仲滲住啲惹味醬汁，煲底鋪滿晒蒜頭、豆豉、乾蔥、辣椒粒同埋蔥段，全部炒到香氣十足，魚頭皮脆肉滑，魚肉厚實又多膠質，食落啖啖黏嘴，送白飯一流…查看更多

多多雞大排檔今次係我第二次嚟元朗食呢間大排檔叫「多多雞大排檔」，每次嚟到一定會叫佢哋招牌菜炭火靚雞，係用大瓦缸高溫碳即場燒制，大約要等半小時，輪椅人士如果要入去食嘅話，連我都無辦法，呢間大排檔門口係有兩級，好彩門口可以放枱，無論天氣幾熱都好，門口放張枱，食隻靚雞，飲飲酒，幾熱都唔記得哂，依家有新優惠就係用$48可以堂食飲38支啤酒，仲可以叫大支藍妹，只要求其叫一碟小菜就可以用呢個優惠，今日買明天就可以用，每次只可以叫2支啤酒，六人以上可以叫4支啤酒，有效期兩個月期要用，非常抵飲！1.招牌即燒炭火靚雞$198/隻（9.5/10）呢隻炭火靚雞係用大瓦缸高溫碳即場燒制，大約要燒半小時，靚雞真係靚雞，大大隻燒到好靚，外皮好薄脆，一剪開肉汁流哂出嚟，雞肉好嫩滑，好新鮮！2.沙嗲金菇牛肉啫煲$128（10/10）呢個沙嗲金菇牛肉煲個沙嗲味非常正，粉絲完全吸收哂沙爹汁，牛肉肉質非常嫩滑，大約都有10片牛肉，金菇都幾多，仲有三色椒同洋蔥等等！3.乾炒牛河$108(9.5/10)呢碟乾炒牛河唔會太油，牛河上面落咗好多芝麻粒，牛肉肉質非常嫩滑，大約都有10片牛肉，仲有芽菜同蔥等等，加埋辣椒醬更好味！4.罐裝忌廉$12（10/10）正常味道，果晚起碼35度，凍飲已經唔係凍飲！5.罐裝可樂$12（10/10）正常味道，果晚起碼35度，凍飲已經唔係凍飲！6.大支藍妹$32（10/10）正常味道，果晚起碼35度，有冰桶都好似飲緊熱啤！2人總共價錢$490個人口味總評分：9.83/10  @duoduojifoodstalls  地址：元朗又新街37-51號富祐閣地下14號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#多多雞大排檔 #元朗美食 #元朗好去處 #香港美食 #無障礙餐廳 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

同老best真心想感受一下熱熱鬧鬧嘅夜生活😂決定找間人氣大排檔食飯吹下水，開開心心過一晚。✨招牌即燒炭火靚雞✨上枱就忍唔住 「嘩！嘩！嘩！」🤩🤩🤩，聞到超香，望落金黃靚仔，打卡一流👍🏻👍🏻 一啖下去，雞皮烤得香脆，雞肉滑嫩，名副其實皮脆肉嫩😍肉質不柴且見到不少肉汁，真的令人好滿足。✨王牌多多雞小炒王✨超級多料，內裏大有乾坤，有韭菜、蝦米、腰果、花生、白飯魚、魷魚及洋蔥等。超有鑊氣之餘，炒得極其乾身且非常香口，真的十分惹味，令人胃口大開，馬上叫碗白飯一齊食🙌🏻。✨椒鹽鮮魷✨炸衣薄，完整地包裹着鮮魷，不會有食粉的感覺，零粉感。一口下去，香酥且脆卜卜，彈牙又爽口，好食到舔舔脷😋餐廳非常熱鬧，可以開心暢談，氣氛超正👍🏻想睇更多介紹，馬上Follow我啦😁。#多多雞大排檔 #big_big_foodie #big_big_foodie食勻元朗 #big_big_foodie食勻香港 …查看更多

元朗凍天必食！多多雞大排檔燒雞皮脆肉嫩，暖煲暖胃超過癮～呢幾日天氣急凍，最適合嚟碗熱辣辣嘅煲仔同燒雞！元朗又新街呢間多多雞大排檔，朋友力推一定要試～ 舖頭係地道大排檔風格，熱鬧又有煙火氣，凍天圍埋一枱食真係好暖！招牌多多燒雞必點！皮燒得金黃酥脆，咬落「咔嚓」聲超治愈，肉質嫩滑到多汁，完全唔柴，蘸埋秘制辣椒粉，香到停唔到口～ 啫啫黃鱔煲上台時滋滋作響，香氣直衝鼻腔！黃鱔肥美彈牙，吸滿鹹香醬汁，配埋洋蔥同蒜片，惹味到舔舐！沙嗲金菇肥牛粉絲煲同樣出色，肥牛軟嫩唔韌，金菇吸飽沙嗲濃汁，粉絲掛汁入味，每一口都暖到入心～ 三道菜配埋白飯，簡直是冬日慰藉！地道風味、食材新鮮，價錢又抵食，元朗街坊果然識食～ 凍天想尋暖食，呢間大排檔絕對值得衝！…查看更多

元朗呢片活力爆棚嘅地區，真係唔止係本地人嘅聚腳地，更加係美食獵人必到天堂！無論你鍾意街頭風味定係新派fusion料理，元朗都可以俾到你超多驚喜～👀元朗多多雞大排檔｜鑊氣香噴噴，街坊排住隊都要食！地址：元朗千色廣場後面、幼稚園旁邊 開放時間：5:30pm - 1:00am呢間多多雞大排檔最著名就係佢地道港式風味同埋濃濃人情味。無靚裝修，但有最原始嘅鑊氣，係港味之最嘅代表～坐低先感受到街坊熱情，氣氛一流！✨必食！招牌多多雞✨香噴噴金黃雞塊，外皮脆卜卜，裏面超juicy！醬汁勁濃郁，甜甜鹹鹹又唔膩，真係索晒味落隻雞度！無論快炒定炸製，火候gogogo，皮脆肉嫩，每一口都想即刻打卡發圈～呢個排骨醬真係好有港式魂魄，咬落啖啖酥脆，sooo good！蜜桃山渣京都骨｜創意fusion，少女心爆燈🍑京都骨原本就係登場人氣王，依家再加蜜桃同山楂，酸酸甜甜新提升！外皮炸到香脆，裹上蜜桃山楂醬，味道平衡到爆炸～解膩又開胃，香甜中夾住微酸，真心推介畀想試新嘢嘅朋友～炒芥蘭｜清爽解膩，必點蔬菜之選🥬大排檔多油多鹽，炒芥蘭就係成餐飯嘅清泉！翠綠又爽口，蒜蓉爆香，鑊氣一流，食到蔬菜本身清甜，好健康又好味，想keep住唔太heavy又唔失風味，必叫！白鱔煲｜暖胃推介，寒冷天氣必選🐍新鮮白鱔配秘製醬汁，慢燉入味到不得了～砂鍋一上枱，香味已經滿瀉，鱔肉嫩滑，醬汁微辣超惹味，係秋冬必食TOP！等你暖身又暖心，一煲都唔夠分！獨家優惠！8點前埋單有88折，唔搵笨！💰如果想食得抵啲，記得8點前埋單就有88折優惠，儲埋一班friend黎食都唔怕荷包痛啦～總結：多多雞大排檔係元朗美食地圖必去之選！真材實料、鑊氣十足，平靚正，想歎地道港式美味就快啲揾日去試～等你一齊解鎖元朗隱藏嘅美食寶藏啦！#元朗美食 #多多雞大排檔 #千色廣場 …查看更多

今日同老公去咗元朗又新街嘅多多雞大排檔開餐！ 💖 聽朋友講佢哋嘅炭火靚雞勁正，即叫即燒，夠晒鑊氣！ 🔥 仲有冷氣嘆，啱晒我呢啲怕熱嘅人！ 🤣 一坐低梗係要叫返支啤酒先啦！ 🍻📍 地址：元朗又新街37-51號富祐閣地下14號舖🐔 招牌即燒炭火靚雞嘩！好驚喜！師傅原隻送上枱俾我哋睇，金黃色微焦嘅雞皮，真係燒得好靚！肉質鮮嫩Juicy，連雞胸肉都軟滑，連埋酥脆雞皮一齊食，完全唔需要配任何醬汁，原汁原味啖啖肉，非常之好食，一隻都夠四個人食，值得推介👍🏼🦑 椒鹽鮮魷炸得金黃香脆，唔會好厚粉，椒鹽味啱啱好，送啤酒一流！🍻🐮 牛雜啫啫煲熱辣辣吱吱聲上枱，夠哂鑊氣，好大煲，非常足料。牛雜夠晒入味，特別係豬腸，一啲都唔韌又Juicy，送白飯一流🍚總括嚟講，多多雞大排檔嘅嘢食真係高質，夠晒地道又夠晒鑊氣！ 🌟 性價比又高，一定會再幫襯！ 👍 如果你都想試吓正宗大排檔風味，不妨嚟呢度試吓！ 🌟 包你食到捧住個肚走！ 🥰…查看更多

多多雞大排檔 位於元朗食物多選擇 夠鑊氣 最緊要好味好大碟環境充滿着大排檔氣氛 炭火靚雞即叫即整 上枱時見到熱辣辣 雞皮顏色令立立 入口香脆 真係估唔到 食落有點點似燒肉皮 火候真係調校得啱啱好 唔會乾之餘仲好Juicy 真係好值得試 啖啖肉炸蠔餅非常之大份 豪仔乾淨 亦都好大粒 好多粒唔會有沙 粉漿夾雜芫荽蔥 香口之餘味道都唔單調 金黃金黃色 見到就想食 脆口蝦醬炒通菜同樣非常大碟 蝦醬唔會太鹹 仲有啲辣椒絲 惹味又有鑊氣大排檔真係一個朋友相聚好地方 而啲間真係可以試下…查看更多

元朗大排檔總是能讓人感受到地道的風味與熱情🥳這次的重點無疑是即燒炭火靚雞😍雞肉外皮金黃酥脆肉質鮮嫩多汁散發著炭火的香氣每一口都充滿了濃郁的風味不僅展現了廚師精湛的烹調技術更令人感受到食材本身的鮮美😙無論是單吃還是配上白飯都讓人感到滿足除了炭火靚雞師傅秘製的豬頸肉也值得一試😊豬頸肉的油花分布恰到好處肉質鮮嫩每一片都充滿了肉香搭配一些香料和調味讓這道菜更添風味😋西蘭花炒帶子亦很推介帶子的鮮甜與西蘭花的爽脆相得益彰這道菜不僅色澤誘人更為整體餐點增添了健康的元素👍🏻食物質素高價錢相宜值得encore❤️…查看更多

元朗嘅大排檔一向臥虎藏龍，今次就嚟試吓呢間人氣多多雞。晚飯時間座無虛席，好彩早到一步，唔使等位。首先講吓佢哋嘅招牌燒雞，一上枱已經聞到好香嘅燒烤味。雞皮燒到金黃色，脆卜卜，咬落去卜卜脆，雞肉仲好juicy，唔會太乾，加上秘製嘅醬汁，真係好好味！跟住到大腸啫啫煲，呢個夠晒鑊氣！打開蓋嗰陣，啲煙同香味一齊湧出嚟，真係引死人。大腸處理得好乾淨，唔會有腥味，而且炆得好入味，夠晒軟腍，加上啲洋蔥同辣椒一齊炒，惹味到不得了！不過如果可以再多啲汁撈飯就更加正。最後係西蘭花炒鮮魷。西蘭花炒得夠爽脆，鮮魷份量都好夠，夠厚肉，非常新鮮，口感好正！！總括而言，多多雞嘅燒雞同大腸啫啫煲都值得一試，夠晒鑊氣同惹味，價錢又合理，難怪咁受歡迎。而且難得有室內冷氣位坐，唔一定要坐室外。下次有機會都會再嚟試吓佢哋嘅其他菜式。…查看更多

每次行經元朗又新街大排檔， 都見到勁多人，今日決定入去試吓。🥢炭火靚雞原只靚雞， 師傅啱啱燒起， 放喺枱面俾我哋影相。淨係望到外表都夠晒吸引。影完相後會幫我哋斬件， 外皮好脆，肉質鮮嫩甘香。果然系招牌菜。🥢茄子魚腩啫啫煲放低仲出緊煙。 茄子同魚腩都好夠鑊氣。 而且份量非常足夠。 我哋兩個人食幾乎食唔曬。🥢椒鹽豆腐豆腐皮脆脆地， 咬落豆腐好嫩滑。同樣份量足夠。整體嚟講，非常有大排檔風味， 鑊氣十足。值得一試。📍多多雞大排檔📪又新街37-51號富祐閣地下14號舖…查看更多

[✨元朗多多雞大排檔 ]#多多雞大排檔 #元朗 🥢柴脆皮秘製燒雞 $198招牌必點！即叫即燒炭原隻雞，皮脆肉嫩，仲要勁多肉汁，帶淡淡煙燻香，一隻雞輕鬆夠2-3人食，好正！🥢咕噜肉 $128外脆內嫩嘅豬里肌裹上甜酸醬汁，酸甜平衡不膩口，經典家常味，份量實在，撈飯一流！🥢西蘭花帶子 $148新鮮帶子彈牙鮮甜，西蘭花脆綠爽口，簡簡單單健康又開胃。🥢白飯 $15/位 ————————♡♡♡♡♡♡———————— ✨總結大牌檔主打原隻燒雞同小炒，環境氣氛熱鬧地道，適合街坊聚會或宵夜。服務親切，食材新鮮鑊氣十足，性價比高，想食大排檔嘅呢度係區內唔錯嘅選擇！📍 多多雞大排檔 (元朗)🏠元朗又新街37-51號富祐閣地下14號舖…查看更多

呢間位於元朗嘅「多多雞大排檔」真係好有街坊風味！主打炭燒燒雞，食落皮脆肉嫩，仲有淡淡炭香味，唔洗點醬都好入味，係成晚嘅焦點✨！🍗 我哋叫咗： ✔️ 炭燒燒雞（推介！） ✔️ 豬潤啫啫煲（超惹味，熱辣辣送飯一流） ✔️ 豉油皇炒麵（夠鑊氣、配料足） ✔️ 椒絲腐乳 炒通菜（清爽唔油膩）燒雞首先會成隻拎上枱， 可以打曬卡之後畀師傅剪或者原隻食個價錢四百幾蚊，抵食又夠飽，仲有得慢慢坐住傾偈～成個感覺好似返咗去童年街坊大牌檔嗰種熱鬧感覺🧡…查看更多

今晚收工同班friend搵食，行過元朗又新街，俾呢間「多多雞大排檔」嘅香味同熱鬧氣氛吸引住。坐低望望四周，典型大排檔格局，枱與枱之間唔會太逼，傾計飲啤酒夠晒自在。最正係開放式廚房傳嚟嗰陣「嚓嚓」聲，未食已經聞到鑊氣香，今次真係揀啱地方！炭火靚雞一上枱就聞到炭燒香，雞皮燒得金黃脆身，咬落「咔」一聲，入面嘅雞肉依然保持嫩滑多汁。最驚喜係連雞胸部位都唔會鞋口，炭火香味滲透每絲肉紋，食完手指尾都舔埋！蜜椒薯仔牛肉粒絕對係白飯殺手，牛肉粒切得大細適中，外層微微焦香，入口鬆化得嚟唔會韌。薯仔煮得啱啱好，外皮香脆內裡粉糯，蜜椒汁甜中帶微辣，仲有少少黑椒嘅辛香，味道層次豐富到不得了～鹹魚蓉火腩炒飯簡直係整晚高潮！炒飯粒粒分明，乾身唔油膩，火腩嘅油香同鹹魚蓉嘅鹹香完美融合。每啖都食到脆脆嘅火腩粒同鹹魚茸，仲有啲蔥花同蛋絲增添口感，鑊氣十足，食完成個人都滿足晒！食到尾聲已經同朋友傾緊下次要試咩餸，呢度嘅小炒真心高質，環境又夠地道。如果想同朋友輕鬆食飯飲番杯，呢度絕對係元朗區嘅隱藏寶藏！…查看更多

6點未夠都見到有幾枱客係入面，仲要有隻雞「企」喺枱面😂吸引到我眼球，佢d 服務超好，又有禮貌(大排檔我冇預期過咁好嘅服務 ) 🐔即燒炭火靚雞- 原隻燒好拎黎比我地影相📸😆超大隻！長過一支筷子🫢跟住幫我分好曬，勁方便！個皮好脆，係放左一排都仲好脆，仲要連雞胸都好好食！唔柴皮唔乾🤤平時我唔食雞皮都忍唔住食埋皮，夠曬入味！得兩個人，所以唔敢就叫太多驚食唔曬🫕 花甲蒸蛋- 蒸蛋好似好易整，但係最考功力😌果然有料到，佢個蛋漿冇落味精，所以唔會好鹹好濃味，冇遮到蜆嘅鮮味🙆🏻‍♀️蜆冇沙，數量又多☺️🥬通菜啫啫煲- 想食香口炒菜，因為屋企炒唔到咁有鑊氣😗成間舖都勁香，份量係接近平時嘅兩倍，而且佢仲有大量肉碎去炒，係送飯都一流😋每個餸嘅份量絕對唔可以低估！好適合一大班人傾計飲啤酒🍻，啤酒性價比好高，見到每枱都有嗌，仲可以記啤酒帳🗒️😂多幾個人黎食飯飲啤酒一定超開心🤟🏻…查看更多

元朗算是少有還保留到很多大排檔的地方，晚上都非常熱鬧，而且是愈夜愈多人吃飯的。今天吃的這間更是特別用上炭火是燒雞燒叉燒排骨的，更是比較少見的。即燒炭火靚雞（１９８元）真的是即叫即燒，來到熱辣辣的，還聽到雞皮還在加熱的聲音，上桌可以叫店員幫忙斬或是自己剪，我們就選了自己剪加手撕的方法，這樣較能保留雞的肉汁！雞吃起來帶點沙薑和鹽焗的香味，不會醃得太濃味，保留了雞本身的雞味，皮脆肉嫩的，雞胸也不會太老，有肉香。ＰＳ雞腿真的好好吃！揀手梅頭靚叉燒（１２８元）叉燒的份量比想像中的要大，切完以後滿滿的一大盤，而且真的燒到帶點燶邊的，吃起來脆脆的，又能吃到柔軟多汁半肥瘦的叉燒， 而且真的能吃到炭火的香味。芋頭蒸扣肉（１４８元）這個份量真的挺足的，滿滿都是芋頭和扣肉，芋頭又香又滑，吸飽湯汁，醬香十足。扣肉燉煮得非常軟爛，入口即化的口感，滿滿肉香和油香。r…查看更多