影片
港鐵元朗站 H 出口, 步行約12分鐘
繼續閱讀
電話號碼
61620798
開飯介紹
韓國人主理，以韓國直送食材供應燒肉、燒鰻魚等料理，午市則主打定價相宜的傳統韓食，適合肉食控聚餐。
繼續閱讀
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
公眾假期
12:00 - 15:00
17:30 - 23:00
公眾假期前夕
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
話說想食生燒鰻魚好耐，係香港想食都唔係咁易搵，咁岩就俾我搵到呢間新開無耐既oppa韓燒餐廳有，仲要咁近我係元朗喎，咁就梗係約埋老友一齊試啦，黎之前都做下功課睇下其他食家既評價，知道老闆係韓國人黎，員工都係韓國人，食材大部分都來自濟洲，咁就更加有置身於韓國既感覺啦。我地有預先book位，準時黎就到有位坐啦，建議想黎食都book定位先，坐底睇環境都幾闊落，坐位都幾舒服，電視都播住d韓國飲食片，邊食邊睇人食係幾爽既，另外都一提之前其他食評所講既韓國人店員都變晒香港人了，問過都係新做無耐略有d唔熟手。前菜6碟我地先叫左個set A，包前菜6碟，日日都唔同款的，今日有泡菜，銀魚仔，麻油菠菜，魚板，翠肉瓜同沙律，6款前菜味道都好好，特別係個泡菜有別於超市買果d，呢隻偏辣少少無咁重酸味，可惜無得無限添，問過要加就10蚊碟。濟洲豬腩肉，濟洲豬頸肉先黎左兩款濟洲豬，店員會幫我地燒埋，過程都好細心，佢都有表明自己新做可能會燒得唔好叫我地體諒下，肉質係唔錯，好厚實，肥瘦適中，可以跟埋d辣醬包菜食。牛腰排骨牛腰肉廚房會先烤到約3成熟出黎再俾我地燒，燒呢個已經轉由老闆娘出手，老闆娘係韓國人但廣東話都講得好正，所以唔怕溝通唔黎，牛腰肉燒得外焦內嫩，不過肉味就比較淡d。豬皮燒呢個時場內客人都開始多，店員做唔黎我地都開始自己燒，豬皮就比較簡單d，燒熟就得，本身都有調味味道都唔錯，全要都係食口感，有d膠膠地既感覺，有別於車仔麵果d豬皮，個人不太喜歡，但調味就唔差既，以上就係set A，既所有食物一共$950。炸彈蒸蛋老友見到個名咁爆話想試下，黎到個賣相都真係幾爆，蒸蛋有調味少少咸，蛋既質感都幾厚實，味道唔錯既。韓國淡水鰻魚講左咁耐最想食既野擺到最後，燒鰻魚呢d比較考功夫既我地都請老闆娘黎幫我地燒，果然燒出黎外脆內嫩，燒鰻魚果陣焦香味都出晒黎，忍唔住都要同老闆娘講句“馬思索”。鳳梨瑪格利飲品我地各揀左3款唔同味既瑪格利，瑪格利係韓國米饟，呢度係再加d鮮果打出黎，飲落果味較重d，算幾大杯。整體黎講食物質素算中上級，唔錯既，環境都舒適抽風幾好唔會好大煙，店員會幫你燒埋但人多時會做唔黎，同埋今日果3位都係比較新d既店員，其中一位應該再新d無見佢落手燒過，之前d韓國仔仔可能無做了，所以識燒既野都盡量自己燒，服務黎講係唔錯，價錢方面就一分錢一分貨，食材高質價錢就略高dd，除左韓燒都仲有韓式料理選擇。
繼續閱讀
星期六訓到下晝先起身，心血來潮想食燒肉😂吃貨既我一貫作用都係要試d未食過既餐廳哈哈，最後決定揀左依間新開既哦吧韓式燒肉，日式燒肉就食得多，但其實韓式我都好鐘意😝尤其係韓國既豬肉好好食，而且仲有前菜食🫢今次有6款前菜，土豆絲，泡菜，翠肉瓜，魚仔，腐皮，海帶，好開胃全部食哂🤝🏻✨A03濟州豬腩肉黎自韓國濟州島嘅豬腩肉，肉質豐腴多汁，油脂好豐富😍食落口感一流。老闆娘仲幫手燒到豬腩肉表面呈金黃色🔥熱辣辣，另外再配店鋪特有嘅辣椒醬同埋自家製魚醬😋更加香氣撲鼻。而且會提供可以refill 既醃蘿蔔，酸酸地可以中和豬腩肉既油膩感😁✨A11帶骨腰肉帶骨腰肉視覺更加吸引，好厚實既感覺😼肉質好嫩，會比豬腩肉更加鬆軟🤩 每啖都散發出濃厚嘅肉汁。今次就搭配韓國泡菜、同埋生菜，鮮綠色既生菜超新鮮，葉片脆嫩，質地清爽👍🏻✨C01 部隊火鍋 (S) 湯底係店鋪特有嘅辣醬，唔算好辣岩哂我，但又辣中帶香🤪好惹味，食材都有好多種，午餐肉、腸(有3款)、豆腐同年糕等，當然仲有芝士同埋公仔麵🤣 韓國既辛辣麵每次食都係咁開胃，加埋濃郁芝士真係一流，尤其係凍冰冰既日子🥹 老闆娘仲教我地公仔麵要配埋泡菜一齊食，一冷一熱交差既感覺好爽👍🏻老闆娘同店員都好好人，細心幫我地燒，依個價錢都可以食到「殘廢餐」既感覺真係估唔到😆 下次想要食燒肉果陣一定會再黎，試埋佢既牛😎
繼續閱讀
係元朗住左咁多年，有新餐廳開無理由唔去試下今日黎到呢間「哦吧」韓國餐廳，唔入唔知道，一入嚇一跳！估唔到呢間餐廳上至老闆娘下至服務員都係韓國人，就連食材、廚具餐具都係韓國貨，唔講真係以為去左韓國呢到主打燒烤，亦有classic既泡菜餅、韓式炸雞叫完野食即刻上前菜，足足有六碟咁多，係等野食燒緊既時候可以滿足下口癮先戰斧豬扒勁大塊勁厚身，肥瘦勁分明，睇見都流晒口水而家最意想不到既係原來staff甚至係老闆娘會幫手燒，我地仲諗緊咁大舊會唔會燒到唔熟浪費左啲靚肉即係我地坐定定食就得！配菜仲有印左logo既秀珍菇同洋蔥，配上佢地自家製既醬料食一流！牛扒亦同樣大大件，燒緊既時候已經聞到勁香，食落好juicy酸酸甜甜，原來係用左雪梨去醃好特別人參雞湯，入面有原隻雞係到，而且好明顯花左好多時間去煲，第一次食到啲雞骨係入口即溶唔洗咬，朋友仲講笑話係咪骨質疏鬆湯似落好甘香，雞肉煲左咁耐都係咁嫩滑，不過有時骨頭太軟好容易就斷開晒食落有時都唔係咁方便韓國無糖有氣烏龍茶，第一次飲到有氣既茶，覺得好新奇，原來又幾好飲，有啲似可樂但係無咁甜最後想起身走人既時候老闆娘竟然送多個蜜瓜比我地食，好驚喜真係甜到入心！
繼續閱讀
餐廳新開唔夠1個月，係基元附近，因為係轉內彎位，所以比較少人發現，但老闆娘真係好熱情同埋親力親為💕🔸小菜6小碟(每次去都有會唔同)➰沙律沙律菜新鮮脆口，但沙津醬有D多➰泡菜超級好食，係老闆娘自己整，爽口而且唔會過辣，唔會有過量既發酵味👍🏻➰醬牛肉一梳梳既牛肉條，已經入哂味➰醃青瓜爽口脆甜，加上韓式辣醬，更易入口➰韓國自家製香腸冇味精味，而且都幾大塊，食到精肉味道➰泡菜魷魚魷魚煙煙un un，咸咸辣辣，送飯一流🔸生菜籃食烤肉生菜籃必備，平時比較少見小旺菜可以當包菜，仲有甘荀條🔸濟州豬腩肉肥瘦勻稱，經過煎烤，焦香焦香，除左可以用生菜包，仲可以試下餐廳另外提供既咸醬，味道有D似蝦醬味，但又唔會太咸🔸濟州豬頸肉比起腩肉，頸肉更加厚身，更加彈牙爽口🔸韓豚調味豚排骨超大塊，鋪滿左整塊烤板，醬汁咸甜，令人一口接一口咁食🔸大醬湯除左韓式大醬仲加左海鮮，增加左鮮味🔸🍓馬格利雞尾酒老闆娘推介，不過真係好好味，佢一杯500ML已經有60ML既米酒再加埋新鮮🍓同冰打成，比例好好，唔會過凍而且甜度酒精都非常順口
繼續閱讀
估唔到喺YOHO隔離，係一個橫街小巷會遇到隱世韓國店，食得出係正宗韓國口味，細問之下老闆娘同廚師們原來全部都係正宗韓國人🥰 呢度價錢超級reasonable! 老闆娘推介嘅烤韓國牛肉，真係十級好味😍 知道我最鍾意食蔥仲特登幫我哋加上蔥 ，韓國牛肉鮮甜，好tender😍 仲要勁有誠意，鍋入邊仲有韓國粉絲、韓國年糕、韓國菇。全部食材都係來自正宗韓國呢度嘅配菜已經好好食，薯仔沙律，簡直係世界級，好味道食完老闆娘再添加俾我哋。原來廚師曾經喺酒店餐廳工作，所以品質好有水準🫰🏻 泡菜都係每日新鮮製造泡菜煎餅都好好食，鍾意食辣味嘅一流。每一件都脆卜卜好香口仲有飲咗鳳梨馬格利酒，好特別，只有少量酒精，好水果味，好適合女仔飲！呢度啲蔬菜特別新鮮，食咗牛，跟住我哋就食韓國豚肉排骨，個味道醃製得好出色，配埋韓式大醬和生菜一齊食，好Juicy呢度仲有VIP房！約埋朋友嚟開party都正！Must encore this one ☝️❤️
繼續閱讀