影片
港鐵上環站 A2 出口, 步行約3分鐘
繼續閱讀
電話號碼
53250058
營業時間
今日營業
08:00 - 18:00
星期一至日
08:00 - 18:00
以上資料只供參考, 請與餐廳確認詳情
經朋友介紹下係weekday嚟到金半啡食lunch大約12:30嚟到，好好彩唔使等位叫了一份all day breakfast, 好足料，大大份，擺位好靚見到都好開心再叫了一杯long black唔算好好飲，但以long black嚟講唔差
繼續閱讀
因為餐廳唔係上班及屋企附近，所以好耐冇嚟食，趁今日去西營盤覆診，便坐車過嚟搵食。今日食早餐食得比較健康，有慢煮火雞肉，肉質滑又好味，牛油果加番茄粉，食落冇咁漏又微酸，最後流心蛋加多士，真係冇得頂👍🏻咖啡仍是水準之作👍🏻👍🏻👍🏻其實之前食午餐都有驚喜，估唔到今日第一次食早餐冇令我失望！需然餐廳面積唔算大，但給人的感覺很舒服，唔會感到擠逼。服務生招呼到位，唔會令你感覺壓力，眼見很多熟客幫襯，真係值得大家有機會去試試😋😋😋
繼續閱讀
一共黎過依間cafe兩次，當然係食完一次令人回味，再返去食第二次，但正如我標題咁，應該又會三訪，令人再三回味😆cafe係我鐘意既木tone，入面真係好似置身係小樹洞咁，怖置好有家的感覺，雖然位置較小，但每桌兩三知己，感覺更溫馨。值得一提既係食物真係有水準，第一次係同先生去，叫左All Day Breakfast 。木盤子上有司華力腸、太陽蛋、煙肉、大啡菇、雜菜沙律、茄汁豆、同埋酸種包，非常有份量，而且每樣材料都煮得好惹味，賣相亦相當吸引，一上枱見到滿滿既食物已經好開心，味道仲要出色，真係好滿足。特別更在於依到既包係酸種包，酸種包比一般既麵包🥯酸味同性質都唔一樣，營養價值更加相對高一點。而咖啡就叫左熱既蜂蜜薑咖啡☕️咁新穎既配搭嚇怕左先生😂但對於接受能力程度高既我，覺得依個配搭唔錯。首先薑同蜂蜜加埋一起本身就合理，食到薑絲，仲有淡淡既蜂蜜味，即使再混合咖啡都毫無突兀感。口味比較傳統既人真係唔建議叫，但如果好似我咁，接受程度較高，依個口咪會滿足你既新鮮感。第二次去，叫左個牛肉芝士漢堡，入面既材料有煙肉🥓煎蛋🍳紅酒醋洋蔥🧅羅馬生菜🥬蕃茄、車打芝士，而外層既包，係用左牛油🧈酸種包。依個漢堡大大個，真係分開先食先食到，仲要飽到上心口，味道唔洗講，當然都係very good喇，牛味重，配搭埋其他材料，層次又豐富左，例如紅酒醋洋蔥，唔單止有洋蔥辛刺既香，紅酒醋又有點酸酸甜甜，真係好惹味。而今次正正經經叫左個凍焦糖牛奶咖啡，一樣咖啡味香濃，帶點焦糖既香氣，苦中有一點甜，依間cafe真心推薦！
繼續閱讀
2023.04.17 breakfast呢一日放全日，終於可以嚟試呢間！食早餐😁😁 女友同佢啲朋友食過之後，成日都想同我嚟，有次嚟到又裝修😵💫 有次放假又唔夠時間🤪又嚟讚咗先，好嘅服務態度係要表揚😊👍🏼 咖啡機放近門口，咖啡師負責任落埋單，好好禮呢，讚👍🏼呢日九點幾到咗都仲幾多人，好彩都仲有一、兩張枱😃 早餐有四款揀，仲要只係加$5蚊就可轉手調咖啡😃👍🏼 有兩款都係配有沙律、酸種包+炒蛋or煎蛋，女友揀翻上次佢食個款，因為太鐘意食大啡菇,牛油果蓉😋 有款有4樣肉揀，有煙雞胸、火腿、煙肉、腸，我揀咗煙火雞胸😁 睇吓呢個在舖前嘅靚靚餐牌😙嘩！果然冇介紹錯！賣相靚，味道好，價錢都實惠！Set B 烤大啡菇,牛油果蓉呢個只係$88，加埋$5要Flat White 都唔使一百！😃😋👍🏼p.s. 我哋唔食生蛋，所以雙蛋望落係冇咗太陽㗎🤭我個Set A $78，當然都加$5將黑咖啡變Cappuccino啦😌 炒蛋都整得好靚，兩塊煙火雞胸正常味道，但整體係好味，食得好開心，加上兩杯咖啡好夠熱兼唔細杯，又香又滑，nice 😌😌
繼續閱讀
位於上環禧利街的cafe小店，開放式的木門口，長方形的小店，坐位不多但闊落，以白色為主，有很多茶包做裝飾，讓人看到便想進去坐低休息一下，服務員斯文有禮，問起有什麼蛋糕選擇，她便細心介紹不同的芝士和其他款式蛋糕，感覺舒服。餐牌見有前菜和主菜等等，我想食甜的，便點了伯爵茶芝士蛋糕，有幾粒藍莓和切片的士多啤梨做裝飾，賣相幾靚，蛋糕食落口感柔軟，淡淡的伯爵茶味和輕芝士的感覺，幾好味。而飲品也有好多選擇，有不同的咖啡、奶茶和朱古力等等，見到有好特別的French mocha，不過揀了Caramel latte試試，拉花漂亮，咖啡香和焦糖味夾，好味道。見另有客人點了外賣咖啡，服務員一樣細心造拉花，值得一讚。
繼續閱讀