影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
相關文章
今晚趕時間要食個快飯，所以揀咗樂園外賣粉麵返屋企食，我同屋企人都覺得呢度嘅粉麵非常足料又好味，喺上水區嚟講，都算係數一數二嘅牛腩粉麵。呢度除咗粉麵，仲可以揀食飯，多個選擇。喺度等外賣期間，都見不斷有人買外賣，但都係等咗5分鐘左右，好快手。魚餃牛雜米第一次食佢嘅魚餃，幾爽口彈牙，而且好有魚味。牛雜都非常高質，特別係牛肺牛蒡，好大塊，有口感，又入味。仲有金錢肚同粉腸，全部都大大塊，好足料。水餃牛腩麵水餃好飽滿好足料，牛腩好靚，肥瘦相間，啱啱好。佢個腩汁都幾出色，濃味得嚟又唔會過鹹。加配飲品加$8，我點咗熱檸蜜同凍檸茶。佢嘅蜜都落得好重手，偏甜。凍檸茶茶味幾濃，幾好飲。下次如果想食牛腩粉麵，又多一個方便選擇。
繼續閱讀
牛丸河$37真係好正！河粉滑溜，牛丸鮮嫩，湯底濃郁，味道好香。加埋啲蔥花，簡直完美！每一口都令人想再來一次，真係香港美食嘅代表！下次一定要再試！魚旦河$39真係勁好味！魚旦彈牙，河粉滑溜，湯底鮮美，飲到唔想停。加埋啲青菜，色香味俱全！每一口都令人心滿意足，絕對係平價美食中的一絕！下次再嚟！跟餐加咗兩杯嘢飲$8/1凍檸茶同埋熱檸蜜環境闊落，坐落都好舒服
繼續閱讀
$39嘅五香牛腩麵，啲牛腩又「鞋」又難咬，味道又唔夠，完全食唔倒五香味囉；再叫$37嘅招牌魚蛋河，啲魚蛋唔彈牙亦唔爽口，又係乜味都無，唔通咁就係佢哋主打招牌？！另外加$13叫咗個郊外油菜，蠔油菜心⋯⋯啲菜好似未煮熟咁，硬到咩咁⋯⋯餐飲叫咗杯凍檸茶，點知個茶底⋯⋯又苦又澀，咁嘅水吧真係「無敵」。唯一食得吓嘅係雲吞，食到有蝦，有味道嘅。真係好耐都未食過質素咁差嘅潮州粉麵，而且仲係全上水最難食最不知所謂嘅潮州粉麵。
繼續閱讀
平日的晚飯也不是每一餐也吃很貴，今日見到上水商場新開的魚蛋粉麵便去試了，內裡環境很光亮，原來這間魚蛋粉也開了很多分店。這間除了常見的魚蛋水餃類餸菜和各種牛的部位外，還有港式扒飯餐和牛類飯餐，當日不想吃粉麵的話也有很多飯類選擇，而且價錢也合宜，是一個很抵食的晚飯選擇。牛腩魚片河粉牛腩肉質非常軟熟，牛腩味道亦很濃郁。配上嫩滑的魚片河粉很足味，牛腩汁很入味。點上一點辣油，帶有辣椒籽，牛腩汁加上辣椒油，味道又更是豐富。水餃魚皮餃河粉水餃非常足料，內面有蝦肉、豬肉、香菇、木耳等等，香味四溢加上不會過濃的鹹水味，每一口的味道和層次也很豐富。河粉整體幼滑又不容易散，吃得暢快，加上湯汁的味道很滿足。粉麵整體也很足料，吃得很飽足 凍檸茶+$8凍檸蜜+$11
繼續閱讀
上水「樂園魚旦專家」呢間粉麵店，開咗唔係好耐，成日行過都見佢排隊，今日終於有時間嚟試吓😊😊今次兩個人嚟食，我就叫咗個四寶丸河，因為想食多啲款🙈🙈朋友就叫左牛腩飯🐮四寶丸包括魚蛋，🐠魚角，魚皮餃，豬肉丸🐷唔知平時嘅配搭係咪都係咁嘅呢？因為同餐牌嘅相好似有啲唔一樣🙈🙈整體嚟講都OK，😊魚蛋同魚角都彈牙有魚味，魚皮餃係大粒嘅，個皮煙靭好味😋豬肉丸就正正常常冇咩特別🤪🤪佢用嘅河粉係幼身，厚嘅，都唔錯😌特別一提係要欣賞佢嘅辣椒油好香，而且有啲脆脆係入面，幾特別👍🏽👍🏽而牛腩飯嘅肥腩，真係肥美得嚟又唔膩！腩肉炆得夠淋，入口即化，而且肥而不膩，真係好正！飯粒煮得乾身，唔會濕淋淋，而且吸收晒牛腩嘅湯汁，每一口都充滿香氣。呢個係朋友嘅講法😉仲有佢個紫菜湯，超多紫菜🥳好味😌😌「樂園魚旦專家」係乾淨企理，而且服務態度都幾好。想簡單食個粉面都係一個唔錯嘅選擇😊
繼續閱讀