樂園魚旦專家 (上水中心)

營業中

休息中

今晚趕時間要食個快飯，所以揀咗樂園外賣粉麵返屋企食，我同屋企人都覺得呢度嘅粉麵非常足料又好味，喺上水區嚟講，都算係數一數二嘅牛腩粉麵。呢度除咗粉麵，仲可以揀食飯，多個選擇。喺度等外賣期間，都見不斷有人買外賣，但都係等咗5分鐘左右，好快手。魚餃牛雜米第一次食佢嘅魚餃，幾爽口彈牙，而且好有魚味。牛雜都非常高質，特別係牛肺牛蒡，好大塊，有口感，又入味。仲有金錢肚同粉腸，全部都大大塊，好足料。水餃牛腩麵水餃好飽滿好足料，牛腩好靚，肥瘦相間，啱啱好。佢個腩汁都幾出色，濃味得嚟又唔會過鹹。加配飲品加$8，我點咗熱檸蜜同凍檸茶。佢嘅蜜都落得好重手，偏甜。凍檸茶茶味幾濃，幾好飲。下次如果想食牛腩粉麵，又多一個方便選擇。