影片
上星期五晚同朋友去咗上水老陳麵檔，呢間店裝修真係好型格，帶住濃濃嘅復古風，坐喺入面有啲似返到舊時代嘅街邊麵檔，但環境又乾淨企理。雖然係平日晚，但都幾乎座無虛席，睇落真係幾受歡迎。 🥢咖哩魷魚、豬紅同白蘿蔔，米線，豬骨湯再加牛腩汁同辣汁（BB辣）首先，湯底真係幾出色，豬骨湯加埋牛腩汁嗰陣香氣，再帶少少辣汁嘅微辣👍🏻配料方面，咖哩魷魚夠入味，彈牙唔韌；豬紅滑溜冇腥味；白蘿蔔吸晒湯汁，無渣清甜；米線煮得啱啱好，爽滑唔會爛😋🥢潮式金錢肚、柱侯牛腩同南乳豬手，幼麵，豬骨湯加滷水汁金錢肚煮得好入味，食落仲有少少爽口嘅感覺；柱侯牛腩夠腍，牛味濃郁，柱侯汁香味非常突出，完全係嗰種「煮咗好耐嘅好味牛腩」；南乳豬手啲皮同膠質燜得好腍滑，南乳味濃但唔會過鹹，真係一流。幼麵亦都煮得好有彈性，掛湯能力唔錯，每一啖都食得好滋味。 🥢避風塘風沙雞翼雞翼嘅外皮炸得金黃香脆，蒜蓉同辣椒碎鋪滿成個雞翼，香口惹味，，入口仲帶少少微辣，絕對係必點小食！ 🥢酒糟話梅醉雞醉雞切片擺盤好精緻，雞肉嫩滑，充滿酒香，清新醒胃。 老陳麵檔嘅食物真係值得一讚，無論車仔麵嘅湯底、配料，定係小食嘅質素，都係有水準之作。份量足夠，價錢亦合理，加埋有型嘅復古裝修，成個用餐體驗都好愉快。
繼續閱讀
上水新開麵檔 懷舊與新穎結合 有車仔麵 有川菜 Crossover 老壇花椒金湯酸菜魚 + 轉米線 金湯的酸辣口感搭配花椒麻香魚肉鮮嫩滑口，酸菜酸味能提升整體風味。轉米線是個不錯的選擇，米線能吸收湯汁的精華，吃起來更加入味 如果想食更麻更酸，記得同店員講聲避風塘風沙雞翼 港式風味 避風塘風格雞翼以蒜香和辣椒碎為特色，外皮酥脆，內裡多汁 非常適合喜歡重口味的人 佐飯佐酒一流銷魂川味口水雞川菜中的經典冷盤，麻辣鮮香，雞肉嫩滑，搭配花生碎和芝麻
繼續閱讀
今晚黎左呢間好有舊式香港情懷的老陳麵檔到食飯，一入到去裝修好有特色，一邊貼滿舊時香港電影嘅海報，一邊係以前香港電影戲院的感覺。除咗有車仔麵外，仲有唔少飯類小食。三餸車仔麵包左三樣$9的餸，其他就可以補差價，叫左酸齋，自家製鮮蝦雲吞（+$3），柱侯牛腩（+$4），配米粉，可以加腩汁或者沙嗲汁，辣度有BB辣，牛腩好入味，鮮蝦雲吞大大粒，米粉好爽口。香煎家鄉土魷肉餅飯有四舊，估唔到呢個好有驚喜，煎到外面有啲脆，肉餅醃得好入味，入邊啲土魷好有口感，呢個真係好食，唔怪得見到其他食客都係食佢。👍👍避風塘風沙雞翼有四隻，面頭鋪滿左炸蒜，然後雞翼好香口入味。總括黎講，裝修好有香港情懷，又性價比高，特別煎肉餅飯真係必食。
繼續閱讀
之前喺老陳麵檔食飯已經覺得餐廳好有特色，牆上面掛咗好多懷舊嘅畫同裝飾，有超越時空去到50年代嘅香港嘅感覺，非常有氣氛，唔單止咁，呢間係唯一一間食完想再食嘅麵檔，連續兩個星期都叫咗佢叫外賣，食過返尋味，而且價錢合理，誠意推介俾大家❤️我哋order咗老陳精選推介勁爆蔥油巨人雞扒煎蛋飯 $70雞扒煎得外脆內嫩，加上香濃嘅蔥油，味道超級入味。煎蛋嘅蛋黃流心，搭配白飯，簡直係完美！每一口都好有滿足感，唔知幾多碗飯都食得落。價錢合理，份量十足，真係好適合唔少食客！如果你鍾意雞扒，呢個絕對唔好錯過！仲有一杯餐飲凍檸茶，真係好抵。另外叫咗一個三餸米線$58米線用咗百斤豬骨湯湯底，真係好味到不得了！百斤豬骨湯底，濃郁又鮮甜，飲一口就感受到豬骨熬出嚟嘅精華。牛柏葉煮到軟滑，口感極佳；潮式金錢肚脆口，咬落去好有嚼頭；而鮮滑魚片更加添咗海鮮嘅清新味道。三樣餸搭配湯底，簡直係絕配！米線吸收晒湯汁，食落去超滿足，真係一碗唔夠，想再來多一碗！如果你鍾意米線，呢個必試！小食方面叫咗避風塘風沙雞翼（4隻）$34避風塘風沙雞翼真係一絕！四隻雞翼炸得金黃酥脆，外面包裹住香脆嘅蒜蓉，味道超級香！唔會太鹹，啱啱好。雞肉嫩滑，食落去好有口感。銷魂川味口水雞（小食）$40銷魂川味口水雞真係好好味！雞肉煮得剛剛好，嫩滑又多汁，搭配香辣醬汁，味道超級醒神！醬汁入面有花椒、蒜蓉同埋香菜，食落去有種微微麻嘅感覺，真係好過癮。每一口都令我想再食多一啖！
繼續閱讀
我叫左3餸一麵套餐 有陳皮魚旦 非常普通 豬皮 酸𪗋正正常常但份量小左d 不過唔緊要 食食下發現其中一塊豬皮有油膱味 即刻吐左出黎 我同一位年紀大小小既店員女士反應返 佢問我洗唔洗比多份你？你覺得我仲會再食咩 放落口咬左兩下即刻吐返出黎 跟住我埋單都有同短頭髮位女士收銀員反應返 佢無任何反應比我 非常失望 好耐之前食過一次覺得無乜特別@但上星期係fb見到有人推介 我噚日同今日都有去食lunch 今日叫左杯凍檸茶小甜小冰發覺杯茶都苦苦地咁 而且覺得食完個車仔麵好口渴 店員咁既反應令我卻步 第一次咁嬲要寫返個負評
繼續閱讀