WM Café & Bar (雅濤居購物商場)

營業中

休息中

係而家咁多西餐入面亦都有分高中低嘅價錢咁當然好多時都係一分錢一分貨， 但總有例外有啲餐廳就以一個平民啲嘅價錢但食到嘅質素就幾令人印象深刻，講緊嘅就係位於馬鞍山嘅呢一間WM Cafe入到去個裝修非常雅致，柔和嘅燈光令到個氣氛更加舒適享受，距離冇幾遠就會見到有個雪櫃而裏面就係包含幾款唔同種類嘅甜品例如蛋糕賣相都已經好出色所以預期都係一間幾有水準嘅西餐廳。首先要推介一下龍蝦湯，顏色夠曬深潤而且濃郁度非常高，當然唔少得就係一粒又一粒嘅龍蝦肉，絕對係作為一個西餐嘅好開始。至於餐包都係幾特別，唔係普通發包或者係牛油軟包而係有莓果成份嘅小麥包，好處就係唔需要用牛油添加味道本身已經有紅妹味再配合小麥味咁就已經可以當係飲完湯之後清新一下個口。主菜我就要左西蘭牛扒配意粉，牛扒嘅份量都幾大視覺上真係幾滿足，厚度亦都係偏向適中，就絕對唔係茶餐廳嘅級數。意粉就要配合黑椒汁或者燒汁嘅滋潤就會更加有層次感，我欣賞意粉唔會煮到過熟而變得軟林林，呢一點真係要稱讚一下至於飲品就都要試吓呢一度比較招牌嘅朱古力，上面當然要鋪咗一層嘅cream再加上七彩繽紛嘅朱古力針，濃到都係合格有餘，得益上面層cream嘅配合令到口感更加綿

好日唔埋都唔會去一次馬鞍山，今次入到黎馬鞍山探朋友，睇吓附近有啲咩好食嘅餐廳可以試吓，就嚟到W M Cafe and Bar 食下午茶。之前都有去過W M Cafe and Bar 食過晚餐，但估唔到原來下午茶呢系會有T set，而且仲係超平超抵食， $138 兩位，包埋嘢飲，真係抵到爛。唔好睇佢一間普通嘅Cafe仔，做出嚟嘅T set都唔係求其㗎，鹹食嘅有煙三文魚，番茄沙沙多士，忌廉雞肉撻，迷你巴拿火腿芝士牛角酥。而甜食嘅又有意大利芝士餅，蘋果脆脆餅，意式奶凍，朱古力莫士蛋糕，馬卡龍。小小的生陈T set，真係啱晒我哋女仔打卡啊，而且食落嘅味道都係食得出好質素嘅食物，我特別喜歡這個蕃茄莎莎多士，多士趣卜卜又酸酸甜甜咁好好味，又好鍾意這個意式奶凍，同埋巴拿馬火腿芝士牛角酥，真係食得出餐廳嘅良心㗎。再嚟兩杯拉花咖啡，真係連杯咖啡都拉得特別靚，咖啡上的愛心圖型看得出咖啡師是在拉花上面有技巧的。呢度嘅環境坐得都好舒適，不會太嘈吵而位置都坐得好開，適合朋友嚟閑聊，食返個下午茶真係好唔錯呀，住馬鞍山嘅朋友就可以試吓嚟呢度食野啦。

行經馬鞍山，由於比較少去，所以見到這間餐廳就隨意入去試下。裏面環境寬敞舒服，侍應服務不錯，有禮貌。午餐時段，叫左一個香煎牛柳配紅酒汁，同埋一個WM All day breakfast.兩個餐都有跟餐湯和麵包，估唔到個龍蝦湯味道唔錯，個蕃茄湯就偏酸左少少。牛柳賣相一般，不過味道好，保持到牛味和肉質，算唔錯。All day breakfast 的賣相也算不俗（我見過同類價錢不過擺盤勁差的），裏面的配搭中規中矩，味道幾好。反而，要讚一讚的是餐廳自家製甜品，檸檬cheesecake,好清新！藍莓cheesecake 亦不錯。

假日訓到十一點幾,跟住去位於雅濤居既WM CAFE & BAR食午餐,午市係相對抵食既,出示指定既住戶證更可以享有九折。叫左兩份午餐（1）燒汁西冷牛扒配意粉+龍蝦湯+凍檸茶意粉煮得啱啱好,唔會太淋身,符合基本要求,西冷牛扒醃得入味,烹調時間剛剛好,又唔會太生或者太韌, 配上燒汁,口感同味道都加哂分美中不足係成碟野唔夠熱,呢點要改善一下！（2）安格斯牛肉漢堡配薯條+龍蝦湯+凍檸茶漢堡包既皮煙韌既,但我個人唔係太鍾意,牛肉有d乾身同唔夠多肉汁,較為薄切,蘑菇份量少又冇乜味,生菜正常又冇乜特別,成個包又得好小醬汁,整體感覺麻麻地,反而本人比較喜歡其他連鎖快餐店既安格斯牛肉漢堡包。龍蝦湯個湯幾重味,夠香濃既,不過入面冇咩料,個人覺得有dd龍蝦肉會好些,有d 咬口嘛!總括而言,呢間野普普通通,不過不失,但係性價比ok!

約左朋友馬鞍山聚舊，又想食下西餐就揀呢間餐廳外賣啦，因為外賣拎番朋友家食，所以都唔會揀牛。❣️忌廉蟹肉龍蝦湯返到屋企，友人再翻熱一下個湯，龍蝦味好香濃好突出，有鹹鹹嘅鮮味，而且仲有一粒粒龍蝦肉❣️WM馬賽虎蝦海鮮湯配燴意大利飯因為外賣，餐廳都好細心將白飯同汁係分開2盒，咁個飯就唔會浸到淋曬，而且仲好多海鮮，包括青口,帶子,龍脷柳,蜆，仲有大大隻虎蝦，隻蝦係彈牙同唔晦，好足料呀❣️烤西班牙伊比利亞法式有骨黑毛豬扒配檸檬胡椒蘋果蓉估唔到外賣個豬扒都可以咁好食，一食就食得出係靚料，蘋果蓉仲夾雜住一粒粒蘋果肉，甜甜地可以中和豬扒嘅油膩感。豬扒好厚，但一D 都唔鞋口，雖然係外賣，但依然都仲可以保留到肉汁，絕對唔輸比D 靚牛扒。另外，個扒仲配有薯蓉，都好飽肚❣️朱古力心太軟朱古力味好濃，但又唔太甜，外脆內軟，而且個SIZE細細個，唔會食到膩曬❣️熱情果,菠蘿芝士餅估唔到波蘿配芝士係咁出色。少少嘅酸味可以中和芝士蛋糕嘅濟膩感覺，食完都唔會有罪惡感。芝士好濃郁，而且綿密，係我嘅大愛雖然餐廳好忙，但樓面姐姐依然好NICE 好有禮貌，而餐廳要處理咁高流量嘅外賣單仲可以保持食物質素的確值得一讚👍🏻宜家外賣晚餐自取有7

去左馬鞍山諗去遊下車河入西貢， 先食個午餐， 我地兩大一小， 很好有BB櫈， 而係內在環境乾淨又闊落， 感覺好放心我叫左個烤燒紐西蘭西冷牛扒配紅酒燒汁飯(五成熟), 西冷牛扒剛剛好， 好軟而且多汁，烤燒做到剛剛好5成， 唔簡單，。我同朋友都大讚好食(我分左兩舊比佢) 另外我朋友就叫左全天候早餐(All-day breakfast), 大大份， 蛋都有兩隻， 我食all-day最留意係d菇， 因為一食菇就睇得出餐廳用料( 菇靚唔靚味道爭好遠), 佢既菇係香口多汁， 而係配埋牛油多士一家夠飽另外不得不提餐湯， 我既係龍蝦湯， 我估唔到細細間西餐廳都有龍蝦湯叫， 仲要真係有龍蝦肉， 好飲最後見有時間， 試多兩個甜品， 叫左一個檸檬蛋糕同一個藍莓蛋糕， 藍莓個款不過不失， 檸檬蛋糕好味， 有檸檬香味好易入口總括食物性價比高， 環境衛生乾淨， 值得一試

👍重點推介：龍蝦餐湯極之濃厚我哋今日分別試咗兩個唔同嘅Lunch set：1️⃣雙層檸檬烤雞配香辣炸雞漢堡一上菜便給那大份量嚇倒，檸檬烤雞香味十足，配上新鮮炸香辣炸雞， 滿足口感嘅享受。2️⃣香煎豬柳配檸檬海鹽烤雞，香味四溢，猶如吃鐵板餐一樣。豬柳和雞肉口感嫩滑，肉質新鮮餐廳地點方便，入面環境舒適，乾淨企理。午餐經濟實惠，人均$60左右另外，轉凍飲不用加錢，值得一讚🥰今日晏晝食到咁飽，晚餐應該又慳返。

今日去咗馬鞍山附近嘅一間西餐廳食嘢！見到門口好多人排隊搞到我都想趁下熱鬧因為睇落都好乾淨棋企理！入到去坐低都覺得周圍都好乾淨！令到減少衛生問題嘅擔心午市嘅Menu都有好多選擇！好多都好吸引，不過我就揀左 all day breakfast 🍳 咩都有啲好似好滿足咁再加左一份沙律，沙律原來有ham 跟！好驚喜同埋開心午餐跟龍蝦湯同埋餐包，個龍蝦湯好好飲，再點埋嗰塊包食真係好正加咗雞翼做小食，雖然唔係好大隻但係呢個價錢來講都唔錯呢個係有人揀嘅豬扒雞扒意粉，朋友都話好好味😋而且仲有配菜，覺得好全面我嘅寶貝嚟啦！一上枱就覺得好正 at leadt係賣相好好！而且真係咩都有啲呢度我好欣賞佢嘅菜嘅煮法唔多油！而且其實overall都幾大份蘑菇幾香，炒過嚟，但係唔會多油同埋嗰粒太陽蛋煎得好靚之餘又有厚度！good 呢度坐得舒服，又乾淨所以呢個情況嚟食都唔怕

今次嚟到馬鞍山區食西餐，估晤到平民價錢，有呢個質素五十幾至六十蚊嘅價錢邊到揾牙💛WM西柚柚子巴馬火腿煙三文魚沙律 $54 個柚子汁酸配甜甜好醒胃！個parma ham 同個沙律好夾，三文魚分量都算多，抵食💛香煎牛柳配紅酒燒汁$66牛柳要讚，好淋無筋，紅酒燒汁配意粉出奇地夾👍🏻💛Ice Latte 奶滑，咖啡味好濃，甜度岩岩好💛Ice chocolate 正，有好多cream ,朱古力味濃濃，飲完好開心總括嚟講好鍾意呢間餐廳，職員特別有禮貌，裝修好有風格，舖頭有一種好舒服好乾淨嘅感覺,臨走時仲見到晚餐有生蠔食,同有酒飲加上有好多抗疫優惠,下次你馬鞍山一定會再試食👍🏻👍🏻

上網睇到好多人推薦呢間餐廳既威靈頓牛柳，所以專登同朋友黎馬鞍山度食！探完熱入黎坐底，每人都有杯檸檬水，唔算好濃，但非常解渴。睇完張menu，第一首選就緊係威靈頓牛柳（$138）啦，始終係最多人推薦菜！除左叫牛柳，我地再叫多左2個餐，分別係龍蝦汁海蝦蟹肉意粉（$82）同埋芝士雜菌波菜忌廉雞配農夫包（$80），額外+$8 加多左個薯菜！叫完野食冇耐，餐湯同餐包就黎左啦，餐湯方面有得揀龍蝦湯同埋蕃茄湯，我地全部都叫左龍蝦湯！而餐包方面就係提子餐包，冇提子味，非常乾，又唔熱（唔知係咪因為我地早黎，因為其他遲黎既枱面既餐包係圓形餐包而唔係呢款長形餐包）再隔左無耐，佢竟然係先上左個跟餐甜品—朱古力香蕉忌廉薄餅（大家可以選擇套餐係配熱咖啡/茶// 套餐配甜品，但甜品就只可以揀朱古力香蕉忌廉薄餅，否則其他甜品/野飲係要再額外加錢既）我地就叫左2個配甜品，一個配飲品！因為見佢個薄餅面頭既忌廉已經溶溶地，所以我哋決定先食咗個甜品再食主菜，個甜品比我想像中麻麻，因為佢得一半係有包香蕉，而另一半冇包香蕉既位係完全冇味，得塊餅皮，又冇朱古力味，面頭忌廉又唔多，又唔甜，對於愛吃甜食既我就略嫌失望到主菜方面，第一樣

一行4人點4份早餐，其中1份遲遲未上，25分鐘後追，仕應睇睇單話有落到單就廚房係做緊，等下啦。再等15分鐘仲未黎，再問，就話廚房未整其他人早就食完咁既服務，唔會再黎

屋企人附近呢間WM自開鋪以來都幫襯過幾次，感覺都唔錯，餐廳乾淨企理，服務都ok，近日發現佢轉咗餐牌，於是又揾個機會來試吓。新餐牌晚餐多咗好多選擇，A至V成22款，價錢有$69至$248不等，總有一款啱心水。晚餐依然附送餐湯和包，一樣可選蕃茄湯或龍蝦湯，味道同之前一樣咁濃烈。餐包就換咗脆多士，crack crack聲好脆！點湯都唔錯！主菜我哋要咗個「W M馬賽虎蝦海鮮湯燴意大利飯」（$158），估唔到幾多餸喎，除了一隻大虎蝦，仲有幾件魚柳、青口、蜆，和一粒大帶子，加上濃郁嘅蕃茄湯配意大利飯，好配合，又好好味！另外「燒紙包西京比目魚柳配焗雜菜」（$148），用焗爐紙包住原碟上，裡面除咗比目魚仲有一大片檸檬和西蘭花、雜菇，味道清新，魚肉軟身，由於用焗紙包住，好能保存到魚汁，原汁原味！新餐牌既晚餐可自選配啡茶或甜品，亦可以加錢轉其他，我哋就轉左一杯caffe mocha同一杯熱情果菠蘿梳打，兩杯都足料好味！

今日阿女生日，不過明天又要返學都唔可以玩太夜，所以晚餐都係附近食餐好算了。我覺得WM算係區內比較有質素又唔貴的西餐廳，而且乾淨得黎坐得舒服又唔趕，所以今日來同壽星女慶生。晚餐先來餐湯麵包，蕃茄湯夠哂濃郁，龍蝦湯都好有龍蝦味！麵包係脆的款式，都幾好。主菜有好多選擇，包括近來大愛的黑毛豬扒，個名超長😂「燒西班牙伊比利亞法式有骨黑毛豬扒配檸檬胡椒蘋果蓉」（$188）、「WM馬賽虎蝦海鮮湯燴意大利飯」（$158），另外再encore「WM威靈頓牛柳」（$138）。黑毛豬扒無令我失望，好腍好入味，仲有燒汁同蘋果蓉醬可點，個蘋果蓉都幾好食，感覺清新。海鮮意大利飯都幾驚喜，配料夠晒豐富，而且蕃茄味好濃，值得推介。威靈頓牛柳都可以，牛柳應該有8成熟但唔會韌，加埋個酥皮外殼都幾好。呢個唔係咁多地方有！👍🏻生日咁開心，就加多少少錢upgrade杯飲品，一杯要咗「雪糕忌廉梳打」，令一杯就係「薄荷青檸梳打」，雪糕忌廉梳打當然好受小朋友歡迎啦，雪糕夠晒好味！薄荷青檸梳打都好清新，唔錯。最重要梗係加個蛋糕啦，加$12可以有自家製甜品，都有唔同蛋糕可選，或者加$38有自家製三層雪糕蛋糕，最後決定要個貴嘅。四四方方唔

馬鞍山一向都係美食沙漠，難得有一間餐廳野食又唔貴，食物又好味嘅。首先係tong已經值得一讚，好少地方會有龍蝦湯飲，而佢嘅龍蝦湯係好濃，一啲都唔馬虎，叫左個wellington beef非常美味，完全唔老，仲叫左檸檬雞burger好大件，配菜薯條又脆。叫咗杯朱古力，仲有cream tim! 70幾蚊一個晚餐，仲送pancake做甜品，簡直抵到爛。下晝去嘅時候成日見到排長龍，想食就早啲去等位啦！環境仲好適合一班朋友聚一聚，最緊要職員服務態度好，值得再去

今日在馬鞍山吃飯，這家餐廳面積頗大，有餐選擇，送餐湯和飲品，扒飯只要數十元，我覺得可以接受。餐湯可以選擇番茄湯或龍蝦湯。番茄湯有番茄，酸酸幾開胃。龍蝦湯容易入口，無腥味。餐包就一片麵包，我覺得可以厚小小。⭐️米蘭豬豚柳鮮茄焗飯$59我太肚餓，所以點了豬柳焗飯。飯上面鋪了很多番茄醬和芝士，另外還有一隻流心蛋。一整塊豬柳已經預先切好一條條，入口鬆化，米飯很多，所以很飽。⭐️烤燒紐西蘭肉眼扒配紅酒燒汁薯菜$81最抵食一定是肉眼扒，我點了四成熟。肉眼扒頗高質，厚度適中，入口很鬆化，肉味很濃郁，配上醬汁吃，很香，分量足夠一個成年男人，所以我覺得很抵食。凍檸茶熱檸水芝士蛋糕我點了菠蘿芝士蛋糕，除了上面的菠蘿醬比較甜外，芝士蛋糕意外地不會太甜，很香滑，另外餐廳還有其他口味的芝士蛋糕，可以一試。