WM Café & Bar (海之戀商場)

營業中

休息中

收工經過海之戀， 順便食完飯再回家，選了位於商場3樓，之前食過的WM Cafe ，朋友話午餐黎食牛扒，性價比最高，我就最中意牛油果沙冰， 真係每次來都會飲返杯。快將萬聖節，餐廳中央放有萬聖節主題的佈置，如女巫，大南瓜等，迎接萬聖節的來臨！🔸🔸🔸先來2 杯飲品🔸🔸🔸🥑芝士奶蓋牛油果沙冰 $38牛油果沙冰的質感非常濃郁，口感香甜可口，飲完好飽肚。🥭芒果百香果青檸特飲 $36酸酸咪咪，開胃之選。🔸🔸🔸前菜🔸🔸🔸＋$35 變套餐，就有餐湯＋餐包＋炸蠔＋茶/ 咖啡🔸🔸🔸主菜🔸🔸🔸🌟水牛芝士牛油果三文魚焗意大利飯 $108好有創意的一款焗飯，飯內混合牛油果蓉，牛油果粒， 三文魚塊，入口除滿滿的牛油果香外， 鹹香的三文魚油亦溶入飯內，加上焗得香噴噴的水牛芝士同食，唔錯。🌟芝士香煎珍寶帶子卡邦尼意粉 $98帶子煎得外香口，內柔軟，鮮味十足，多幾隻就更好了🌟墨西哥手撕豬肉薄餅 $98手撕雞食得多，手撕豬肉，原來都好軟淋， 薄脆的餅底上放滿醃得入味的豬肉絲，青椒，菠蘿，洋蔥，番茄醬，芝士， 餡料豐富，非常惹味。如果經過海之戀商場，可以一試。WM Café & Bar 荃灣大河道100號海之戀商場3樓309

WM cafe 平時食開lunch的，今晚特意同朋友去食晚餐平時中午set lunch都會有龍蝦湯，今晚我地散點食物再各加錢$35可有湯，沙律或吉列炸蠔。呢排食肉多、所以今晚全海鮮系首先清清地要青蘋果蟹肉牛油果醬多士沙律🥗好清新的感覺，食下不會heavy，多士配上牛油果醬係好配夾的再點了龍蝦意粉，汁夠多，蝦肉新鮮味道又濃郁，不錯👍🏻餐跟既小食係吉列炸蠔，炸粉剛好，好脆口的職員也介紹飲芒果百香果青檸特飲，好fresh ，又不太甜整體來講晚餐都算不錯選擇，也可選出outside door 不過我地怕熱坐番入內，原來鋪頭挺大的 平時唔覺 行入點便看到了

喺荃灣西附近食嘢，揀咗依間比較寧靜嘅餐廳，有戶外嘅座位可以選擇，感覺舒服。餐牌上面都好多選擇，我哋就揀咗個意粉同一個Pizza。🤟🏽龍蝦汁大蝦扁意粉龍蝦汁個味好濃🤩另外我仲加咗好多芝士粉，同黑椒令到佢個味道更上一層樓。扁意粉吸左啲汁好好食。蝦嘅份量都幾多。芝士軟殼蟹pizza個軟殼蟹好大隻，味道好濃郁。另外有蔬菜同埋蟹柳，餅底夠脆，唔錯🥳幾特別嘅焦糖爆谷latte，味道偏甜，而且好多奶😂

♡ 𝒲𝑀 𝒞𝒶𝒻é & 𝐵𝒶𝓇 (海之戀商場) ♡環境佈置得幾chill有indoor同outdoor樓底高配合落地玻璃就算坐indoor都覺得幾relax如果想悠閒d建議坐露天位置飲番杯特式飲品都唔錯🍹𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧❥ 明太子蟹柳海膽意粉 — 近年都好多唔同餐廳提供呢款pasta, 今次呢間高過中上水準，好濃明太子同海膽味，份量夠兩個人share❥香煎豚西冷扒拼北海道檸檬鹽烤雞配薯菜 — 可能係成個menu最健康既主菜，豚肉同雞肉香口得黎唔多油，適合Keep Fit人士👀❥水牛城雞翼 — 經典西式小食之一，食過既朋友唔會感到陌生，建議真係食得辣先好叫😆❥芝士奶蓋牛油果沙冰🥑 — 感覺好似食緊牛油果一樣，啖啖都係好濃嘅牛油果味，質地好稠，飲落唔係好似沙冰，不過鍾意牛油果嘅朋友值得一試，有驚喜😄❥芝士奶蓋焦糖爆谷拿鐵 — 賣相一流，諗到將一堆爆谷放上芝士奶蓋上面，有得飲又有得食～咖啡相對冇咁甜又可以中和返成個味道，整體唔錯👍🏻❥特濃朱古力蛋糕 & 阿華田芝士蛋糕🍰午市套餐加錢可換蛋糕一客，有五至六款蛋糕，比較推薦特濃朱古力味蛋糕，鍾意朱古力既朋友

今日去海之戀，先發現donki裝修，既然一場來到，就搵野食啦。間間都咁多人，最後見到有間叫WM café，可以有位入，就入左食。入到去的時候，見到餐牌都幾多野揀，想叫野食時揮手，可能太好生意，個貌似經理的人唔多理會我地，最後由一個幾有禮貌的侍應幫手落單。我地叫左一份美國西冷牛扒配紅酒燒汁，跟薯菜，價值61蚊；另外再叫一份WM全天候早餐配牛角酥，價值103蚊。頭盤先來兩碗龍蝦湯，味道唔錯。然後主菜是牛扒，幾有口感，薯條有薯條味。個全日早餐，份量夠，最岩兩餐當一餐的人食。飲品叫左杯黑牛，好飲，熱飲叫左杯咖啡，都有咖啡味。

放工經過荃灣西海之戀，無懼疫情，人流勁多。逛了一圈係時候搵間餐廳晚飯了！末到七時，呢間餐廳基乎滿座，應該係區內人氣之一。芒果百香果青檸特飲外面氣溫酷熱，飲杯特飲最合時。清甜透心涼，正！龍蝦湯質感濃稠，充滿海鮮鹹香，好飲。吉列蠔即叫即炸，熱呼呼的，真的做到外脆內軟。蠔隻雖小卻爆膏，香口惹味。水牛芝士牛油果三文魚焗意大利飯牛油果做沙律經常食，用來焗飯第一次，跟芝士，三文魚，蟹籽意外地夾味。芝士味不會太搶，恰到好處。蟹籽的鹹香另味蕾上增添了色彩。

抓住lunch set的尾巴，今日有幸見到日落，冇咁熱嘅時候坐出面都應該會幾舒服!! 🔘BBQ手撕豬肉菠蘿芝士漢堡配薯條打開個burger影相見到超多手撕豬肉， 十分足料，薯條熱辣辣係粗薯條，朋友話個包幾好食!! 🔘香煎豬柳拼檸檬海鹽烤雞配薯菜好似一個雜扒餐咁，豬柳有驚喜喎厚切得來肉質又鬆軟好易咬開!! 🔘香橙特飲又靚又好飲，夏天啱晒!! 個餐原本包餐湯，加錢加咗沙律同雞翼，仲有一個小甜品心太軟，總括嚟講呢度嘅嘢都幾好食，可能唔係繁忙時間坐得舒服又唔太多人!!

今日係荃灣西既海之戀商場行完街，見到呢間餐廳環境唔錯就入左去試下。環境唔錯，餐廳既裝修都幾grand，空間感都算大。芝士香煎珍寶帶子卡邦尼扁意粉，忌廉味幾香，口味偏淡唔膩。帶子稍稍煎過，帶出香味。香芒烤雞胸肉薄餅，上面有芝士、雞胸肉同芒果肉。香芒味唔重，雞胸肉唔太老，薄餅厚度偏薄，食完都唔會好頂胃。士多啤梨雪芭，口味偏酸，入面有粒士多啤梨果乾。芒果百香果青檸特飲，酸中帶甜，百香果味偏重，特飲還算解渴。

今日陪女兒去荃灣Donki買嘢，之後佢帶咗我去附近嘅WM cafe&bar 食晚餐，餐廳裝修雅緻，設有室內和室外。WM西柚巴馬火腿煙三文魚沙律：煙三文魚大大塊好新鮮，巴馬火腿鹽味的芳香中透著細緻的甘甜，西柚酸酸甜甜好醒胃！瑪嘉烈薄餅：餅底非常薄脆，蕃茄甜美，芝士味香濃。意式香草白菌西蘭花忌廉雞肉意粉：材料有爽口嘅白菌和西蘭花，雞肉鮮嫩，個忌廉醬汁夠濃夠多汁，香滑可口，加埋意式香草增添香味，沾滿每條彈牙嘅意粉，美味可口！

<香草柚子胡椒蜜糖燒雞雜菜配炸洋蔥圈及炸薯條🍟> 最近睇韓國綜藝成日都見到佢地食燒雞🐓，雖然講係烤焗，但其實係多油到似炸😂好多香草柚子胡椒蜜糖料🦾，唔係敷衍到淨係食到雞雞嗰啲，烤雞多汁噴到我整枱都是汁🍟炸薯條🍟同洋蔥圈都少不了，炸得非常香口，就算放耐咗一陣都可以保持脆度💥<意式蕃茄湯> 蕃茄湯我好鍾意個蕃茄味呀🙈，夠哂濃味❤️，湯入面蕃茄味好突出，份量都幾多。<配餐包> 真係好正，係新鮮出爐熱辣辣嘅餐包，有實嘅質感，幾有驚喜😳。<廚師沙律>配埋餐包，好開胃😋食到停唔到<青蘋果🍏蜜桃茶>賣相夠哂靚啱我口味，青蘋果蜜桃層次豐富🍏。

今日係中秋節翌日紅日，要去荃灣買嘢，肚餓諗住openrice搵間餐廳試吓，見到呢間好評黎試吓。剛剛叫左份午餐，吃肉眼扒，叫左5成熟，但出來牛扒表面熟，入面全部紅色，最慘係完全咬唔入，最後我食左兩嚿，仲有d好似香口膠咁吐返晒出黎😩埋單同個waitress講，佢話入廚房了解下，最後不了了之，完全無回應過我，我無話要r野，但都應該解釋下，完全當無事發生！服務態度好差，食物又唔得。真心勸大家唔好食呢間！

今日同男朋友去荃灣西行Donki , 晚飯當然在海之戀商場揾食，同佢去咗一間之前同屋企人食過覺得性價比唔錯既cafe，價錢合理，味道都唔錯。龍蝦湯每次黎都會叫，好濃厚嘅龍蝦味，個湯都幾creamy，用嚟佐餐包食唔錯。而餐包係黑糖蜂蜜味，甜甜的，感覺不錯。廚師沙律份量少少的，有菠蘿蜜瓜生菜同埋有一塊Parma ham ，不過不失啦。香芒烤雞胸肉薄餅有六塊，烤雞胸肉好健康，完全冇脂肪，難免有啲嚡口，不過連同香芒一齊食，口感又唔會話太乾，芒果的果香帶出雞肉味道，亦令到呢個芝士滿滿嘅pizza有啲小清新，加上薄脆餅底，感覺輕盈。水牛芝士牛油果三文魚焗意大利飯好green嘅飯，成個都是青绿色，以紅色嘅焗鍋形成強烈對比，好sharp。意大利飯嘅醬汁係用牛油果整成，加上水牛芝士，牛油果粒同埋三文魚粒，個飯好香。可惜牛油果粒未夠熟，帶一點爽口，食落口感如果再creamy d會同呢度較軟身嘅意大利飯配合一點。貪心嘅男朋友話如果三文魚嘅份量再多啲做到每啖飯都有三文魚就好了。葡萄柚蜂蜜茶一杯好清新又美味嘅特飲，顏色又靚，最好用嚟打卡。葡萄柚嘅果香加上淡淡嘅蜂蜜茶，好解渴。整體上都好好，服務態度都好好，今日天

今個週末約左朋友係海之戀食個晏lunch慢慢傾計，選擇左係商場三樓既WM café & bar。餐廳面積頗大，有室內同户外既座位。我地怕曬坐左係室內，沙發都幾好坐。下午時段仍然可以叫lunch set，每個set都係由$55至$103不等，包餐湯同飲品，仲可以加錢叫小食，非常抵食。我同朋友分別叫左西柚巴馬火腿煙三文魚田園沙律餐同All Day Breakfast餐一齊分。另外叫多三隻雞翼。先講garden salad — 黎之前睇過食評知道較少toppings，所以特地叫了雞翼。沙律菜好新鮮，份量都夠。而且雞翼都多汁，整體來講是一個較健康又好吃既set。All day breakfast 好大份。好彩係兩個人一齊分。牛角包超大個，食起黎都鬆軟，不錯。轉左黑松露炒蛋亦係一個正確選擇，成份全日早餐立即高級左。飲品方面，我地都升級左做特飲。芒果奶昔不會太甜，幾重奶味。芒果百香果青檸特飲係一個清新選擇，好啱炎熱既天氣飲。配埋兩份自家製芝士蛋糕，為這個下午畫上完美句號。

海之戀商場，行完Donki經過3樓，喺門口見過佢哋嘅餐牌，都覺得價錢大眾化所以入去試吓。WM啖啖肉pizza 加$35 轉餐，有餐包、龍蝦湯，炸蠔同飲品添🍕🍹．薄批底，食落卜卜脆，pizza上有肉丸，辣肉腸，鋪咗蕃茄醬同埋芝士，pizza唔會太乾身，其實個批都幾抵食，好有層次感，足料，兩個人一定夠食．龍蝦汁蕃茄大蝦意粉份量剛剛好，有幾好隻爽蝦，龍蝦汁好惹味，夠晒兩個人食．仲有兩杯大大杯嘅凍檸茶，可以慢慢嘆啦。

假日行街逛海之戀商場，找間Café坐底食晚餐，商場3樓 #WM Café & Bar，選擇了意粉同薄餅及龍蝦餐湯。主菜選擇 #巴馬臣芝士香煎珍寶帶子卡邦尼扁意粉🍝， 珍寶帶子好大粒又鮮甜！扁意粉鋪滿好多巴馬臣芝士，每條意粉沾滿香濃嘅卡邦尼汁充滿蛋香，而且口感有嚼勁。#芒果雞肉火箭菜薄餅🍕，整個薄餅鋪滿芝士，芒果鮮甜及嫩滑雞肉，餅底夠薄又夠香脆😋#吉列炸蠔，炸到金黃色脆卜卜，外層酥化，內裏多汁，伴以他他醬，味道清新不膩，惹味可口。#忌廉龍蝦湯，味道香濃，湯裏有蝦肉，配香甜軟熟餐包，好味道。甜品 #士多啤梨夾心芝士餅同阿華田芝士蛋糕，享用甜品後感到非常滿足😋