WM Café & Bar (海之戀商場)

營業中

休息中

撞正食飯時間好多人，想食西餐嘅我表示記得之前食過wm嘅其他分店唔錯所以食柚子鮮果沙律 $88叫你個沙律嘅原因係因為成日比阿媽話我食得少生果，就叫咗生果沙律嚟食。入面除咗生菜，柚子，仲有菠蘿同埋哈密瓜，好快比我食晒成兜沙律。芝士芥末焗蟹肉忌廉大通粉 $98因為蟹肉所以吸引住我，呢個價錢絕對唔貴，已經好耐冇食過但通粉，通粉咁樣嘅整法真係第一次食。出到嚟熱辣辣，芝士芥末撈埋落去一齊食幾夾，份量啱啱好，自己食得晒成兜。

海之戀商場最近開了好多唔同既食肆，呢間有好多唔同嘅款式，有pizza、意粉、生蠔，亦有steak，而且空間好大，亦都有 Outdoor 嘅座位。如果唔怕熱，外面都幾舒服 意大利風乾火腿火箭菜薄餅薄餅皮底香脆，上面加上美味嘅 Parma Ham：同火箭菜，焗完後美味可口 芝士香煎珍寶帶子卡邦尼意粉大大粒帶子，充滿芝士嘅卡邦尼醬汁，意粉份外美味 佢哋仲可以+$35升級有埋餐湯，沙律或炸蠔，仲有餐飲 龍蝦湯餐廳可以揀龍蝦湯或者雜菜湯，龍蝦湯蝦味好濃果然好味 吉列炸蠔除左炸蠔，都可以揀沙律

同朋友慶生日第一次嚟，食物超難食， 龍蝦湯係用粉開又唔熱，冇材料。炸豪,炸洋蔥圈都勁厚炸漿粉。 美式豬肋骨全份售$288再加一，豬肋骨雪藏得好緊要唔新鮮， 食柴乾 ，醬汁似漿糊。軟殼蟹pizza 冇料，餅底硬，軟殼蟹又係勁厚炸漿粉。 芒果莎莎魚柳漢堡包... 個炸魚柳炸到好乾身， 麵包好普通， 但$138再加一,唔值。 店員推介金寶蘋果雪糕甜品加祝賀字，設計奇怪， 用螢光藍色寫字， 完全唔靚 ，雪糕勁甜。 全晚所有食品都係凍嘅， 完全中哂伏， 非常大失所望。 唯一係環境ok影相靚， 店員服務都ok親切， 但食物質素確實強差人意，求其一間茶餐廳冰室都好食過呢度多多聲！如果呢個收費，完全唔值，真係太差，唔想再有人中伏，所以寫此食評！希望幫到大家。

第一次來試這間好評如潮的西餐廳晚餐,點了兩款漢堡（芒果脆魚及芝士安格斯牛）,但大失所望！先講要另外加錢的配菜：龍蝦湯勁濃蝦乾味,又咸又苦澀；沙律算比較正常,但得幾塊菜；吉列炸蠔炸得太燶,旁邊只有一pat沙律醬,賣相毫不吸引；即磨咖啡（我由細飲到大,都唔落糖,只加奶）好難飲（似茶餐廳製作,但這餐廳的收費及裝潢係中高檔西餐廳）最後講埋兩款漢堡：芒果脆魚漢堡好乾身,炸魚乾我理解,就應該加多D芒果醬令漢堡juicy D,我叫侍應俾多D醬,但廚師好吝嗇,唔肯俾多D芒果醬之餘,連經常搭配炸魚的他他醬都無！最後只俾一兜沙律醬就算；安格斯牛本身牛肉質素已經麻麻,仲要未熟,入面係全生！真係食唔落所以請廚房再煎熟D,之後嗰碟終於好D,算食得入口,但對呢間餐廳點解可以咁多人讚好唔明囉！總括而言,唔好俾佢嘅地點同室外日落靚景呃到,佢只係一間普通茶餐廳水準嘅酒吧（可能佢嘅啤酒同小食會好D）！

之前都有到過科學園的WM Café，但科學園的分店會環境比較細，沒有特別的裝修，食物選擇亦比較少及輕型。相反，荃灣海之戀這間分店環境十分寬敞，有室內及室外座位，室內裝潢走文青工業風，室外更有海景提供，食物選擇亦十分多，價錢又親民，所以吸引到不少食客。今日天氣不算熱，選了室外座位，感覺空曠舒服。星期六都有lunch set提供，最平的一個午餐只需$57，已經包了餐湯及餐飲。餐湯除了是日餐湯，還有龍蝦湯，不過今日已售罄，不過是日的羅宋湯亦不湯，足料的。主菜點了一客西柚巴馬火腿煙三文魚田園沙律($61)，沙律菜新鮮爽脆，配上西柚更清新開胃，而咸咸香香的巴馬火腿及煙三文魚令沙律賣相加分，但三文魚只得兩塊，如果份量可以再多一點就更好了。另外點了香煎豚西冷扒拼北海道檸檬鹽烤雞配薯菜($63)，賣相不錯。豚西冷扒及烤雞都整得外脆內嫩，切開仍然有肉汁流出，味道亦醃得不錯，不沾醬汁都很夠味道，配上香脆波浪紋薯條，這個價錢有這個份量十分抵食。跟餐加$14 便有自家製甜品，我們點了兩份，我比較喜歡朱古力的那件蛋糕。最後配埋餐飲就更加滿足了。

🌸荃灣西美食🌸WM Cafe & Bar🍹荃灣區一帶大型商場林立，而且充斥著各式各樣的餐廳美食，今天相約友人來到一間既親民又抵食的西餐廳 - 「WM Cafe & Bar」享用是日午餐❗餐廳鋪面寬敞舒適而且五臟俱全❗餐廳設有復古紅磚牆，亦設有室外用餐區❗而服務員的工作態度也十分友善，他們都非常之清楚了解餐廳提供的食物❗能夠向客人詳盡地介紹餐點❗餐廳的座位寬闊，客人都能在輕鬆舒快的環境下享受餐點❗我們一行3人共點了以下套餐及甜品：1️⃣🌟烤燒紐西蘭肉眼扒配紅酒燒汁拼薯菜 $93厚厚的紐西蘭人肉眼扒香嫩多汁，容易切割，肉質鮮嫩，配搭餐廳秘制的紅酒醬汁，味道一流❗而薯菜配菜十分豐富，有炸得黃金香脆的扭紋薯條及清新時蔬包括翠綠青豆及甘荀❗美味指數：⭕⭕⭕⭕⭕️賣相指數：⭕⭕⭕⭕❌抵食指數：⭕⭕⭕⭕️❌2️⃣🌟安格斯牛肉芝士漢堡配薯條 $65安格斯漢堡份量豐厚十足，肉質鮮嫩多汁，配搭著香濃的芝士，味道配搭得恰到好處❗而扭紋薯條配菜亦炸得十分香脆美味❗美味指數：⭕⭕⭕⭕❌賣相指數：⭕⭕⭕⭕️❌抵食指數：⭕⭕⭕⭕️⭕️3️⃣🌟明太子蟹柳海膽意粉 $63明太子味道香濃，配搭香嫩蟹柳及滋味海膽，組合非常搭配，把意粉及配料撈來

今日同女朋友黎左荃灣食野！ 見到呢間啲評價唔錯 所以就唸住試下呢間啦～法式龍蝦海鮮湯 $48裏面都有幾多海鮮 有小龍蝦、蜆、蝦、青口等等～ 湯既味道偏咸少少 麵粉漿可能多左少少 所以飲落有少少麵粉味～🤔香芒烤雞肉雜菜沙律 $88呢個沙律都幾fresh 同埋啲雞肉應該係用左慢煮既方式黎煮 口感嫩滑 一啲都唔韌 呢個令我幾surprise！ 🥰🥰香草龍蝦汁大蝦扁意粉 $108正正常常 配料都幾多 有蝦有菇有少少蟹肉～ 份量正常！

假日想Chill😎，在荃灣海之戀找一間坐得舒服，可以慢慢享受午餐的地方，在Openrice見到選擇都多，但大多商店太陽直射入店影響環境氣氛...走上3樓，入到WM Cafe，店內環境不錯，冷氣絕對充足！職員好主動調整温度👍👍，餐單選擇多，主菜+餐湯，價錢絕對合理，加少少錢仲有雞翼/心太軟吃😋，Y not Both!🤣 跑完步需要補充，叫咗杯朱古力，上食物時間合適，不用你急吹自動送上👍👍，牛扒7成掂👍，明太子蟹柳意粉😋，雞翼+心太軟值得額加。二人埋單$216抵吃啦！喺拍拖食飯嘅好地方👍謝謝職員處理倒瀉朱古力的客戶，辛苦你們！

今日同屋企人去完dondondon donki😂😂就係海之戀搵食。😋😋呢間平民餐廳🍴都幾抵食，而且服務態度好好😙😙作為食堂都不為過🤟🏻由於我地好餓😂所以叫左兩個主菜，蟹pizza 同埋水牛芝士牛油果🥑焗意大利🇮🇹飯。水牛芝士牛油果🥑三文魚🍣焗意大利🇮🇹飯估唔到都幾夾，芝士溶係牛油果之中，感覺好rich👏🏻😙牛油果熟度剛剛好，一啖飯中有牛油果、三文魚同芝士🤗🤗實在不錯👍🏻我地仲叫左一個跟餐😙加左檸茶，仲有餐湯😆暖笠笠，真唔錯👍🏻之後仲有三隻炸蠔，一啲都唔hea😎😎重點黎啦！😆令我地最驚喜既係蟹pizza😆😆本身驚唔夠飽，但一拎到上黎，個pizza大到呢，兩個人食都食唔哂！而且蟹肉足😋又有勁大隻炸軟殼蟹，塊pizza既配料又新鮮，味道剛剛好😆😆飽到上口心之際，見到原來有甜品😂😂個日既精選有藍莓芝士蛋糕🍰同朱古力蛋糕🎂兩隻都剛剛好，唔好太大件，味道不錯😙😙

WM Cafe and Bar今晚諗住去荃灣西Donki 入下貨， 順便去左海之戀行下， 經過見到呢間餐廳promotion 勁抵， $298有半打生蠔加1枝白酒，吸引左入去。可惜老公肚仔唔舒服，唔想食生冷野。我地叫左芝士芥末焗蟹肉忌廉大通粉同鵝肝安格斯牛柳芝士漢堡。加$35有埋餐湯，小食/沙律，飲品，十分超值。忌廉龍蝦湯味道濃郁，仲有龍蝦肉，真材實料。前菜可揀沙律或者炸蠔，沙律新鮮, 加上西柚、菠蘿好開胃。蟹肉忌廉通粉熱辣辣，上面鋪滿濃厚芝士，忌廉帶有微微芥末味，每一粒通粉都可以浸滿醬汁。而漢堡包大大份，會買洋蔥圈同薯條。超厚安格斯牛柳，肉質鮮嫩，加上鵝肝味道，兩種唔同享受。我地叫埋自家製柚子芝士蛋糕同檸檬芝士蛋糕，兩款都唔太甜，柚子帶有少少甘香，啱晒我口味。

今日去開荃灣，嚟咗呢間餐廳食個lunch😌呢間餐廳lunch選擇好豐富，有意粉有扒有all day breakfast😌跟餐可以揀龍蝦湯或者意大利菜湯，我就當然揀龍蝦湯啦😆個湯唔係好杰，但佢都幾鮮甜😋我叫嘅lunch set係檸檬香煎原隻鴨胸配薯菜 ($61)😆一上碟覺得舊鴨胸煎得好靚仔😍外皮𠝹咗格仔🤣肉質好鮮嫩，煎得啱啱好😌而且都幾大舊，份量唔少，絕對夠飽！不過我唔太食得出檸檬味😌如果檸檬味重返啲，相信可以更平衡到啲油脂😋薯條就一般曲薯條，不過不失～我覺得食物味道唔錯，以餐廳位於海之戀商場嚟講，價錢算係好抵食😋

星期六晚行完海之戀商場，大約七點黎到餐廳，還有1/3空位，但七點半後室內位已全滿坐。🍚南瓜蘆筍烤帶子意大利飯 $102有兩粒大帶子，意大利飯鋪滿金黃色嘅南瓜汁，飯粒食到有蘆筍和南瓜粒，非常有口感。🍕意大利風乾火腿火箭菜薄餅 $98脆薄嘅薄餅，加上厚厚嘅芝士、鹹香味嘅風乾火腿，非常惹味，火箭菜嘅苦澀味有中和芝士飽滯感。🥤跟餐加$35（轉套餐包是日餐湯、吉列炸蠔 或 廚師沙律+，咖啡 或 茶）兩個主菜都加錢轉套餐，吉列炸蠔好香脆可口，廚師沙律清新。餐湯一個係龍蝦湯，一個係羅宋湯。另外飲品選了熱咖啡和熱檸水。🍰甜品選了一個檸檬芝士蛋糕 $28 和一個巴斯克芝士蛋糕 $38出街食晚餐總是覺得要食埋甜品先至夠圓滿，檸檬芝士蛋糕係清清地少少甜。巴斯克芝士蛋糕比較重芝士味，質地軟實，好鍾意食到測邊位爐得濃濃地嘅香味，味道唔錯。餐廳食物有多種選擇，位置舒適，有室內和室外位，適合一家大細👨‍👩‍👧‍👦或一大班朋友去暢飲詳談🗣。

同朋友去完海之戀嘅Donki後👭就去睇吓有咩食🥰 就揀左呢間西餐廳🍴香草柚子胡椒蜜糖燒雞雜菜 $128 (半隻) 配洋蔥圈🧅薯條🍟小妹重點推介✨ 一咬落去已經食到香濃嘅柚子同蜜糖味 啖啖都充滿柚子同蜜糖😌雞肉好嫩滑 好juicy 🤤 腌得好入味 外皮烤得金黃的兩個人share半隻雞已經好足夠🥰 另外亦可以選擇全隻嘅份量WM街頭迷你漢堡 $148有四個味道各有特色 啱哂選擇困難嘅小妹😛同埋細細件 每件同朋友share 食都得🤩分別係安格斯牛肉🐮 柚子胡椒烤雞🐔南美手撕豬肉🐷 牛油果醬🥑小妹最鐘意安格斯牛肉 因為都幾惹味🥰牛油果蟹肉青蘋果煙三文魚千層🥑🍏 $68擺盤靚靚嘅前菜🥰 好清新有青蘋果同牛油果 酸酸甜甜好開胃😋青檸幻影蝶豆花茶 $34呢杯隻色好夢幻😍😍 藍紫色😍 有香香嘅檸檬味🍋好清新仲好解渴😍 食西餐配呢杯飲品一絕最後當然唔少得甜品😎😎 加配甜品分別係檸檬芝士蛋糕同士多啤梨芝士蛋糕🍰兩款都好清新 酸酸甜甜咁 食埋甜品成餐都好滿足💓

今日同朋友嚟咗呢間WM restaurants 餐廳， 入到去其實個裝修就ok嘅，但係見到櫥窗女蛋糕就都有啲唔想食。 大概八點零鐘嚟到咁想叫一啲好嘢食，但係個夥記態度都已經mama， 話乜都話賣曬， 跟住叫咗個pizza叫埋佢個set，點知個沙律菜又乾又成， 講真睇到一啲都唔想食 ，個pizza有太多油，所以建議大家要嚟嘅話真係諗一諗。 食完之後 飲埋佢杯冇乜味嘅凍檸茶，咁我就同朋友拿拿聲走人喇!因為一定唔會再幫襯。

約左朋友出黎荃灣食個飯，近近地就去海之戀商場，係正地鐵站上蓋夠方便嘛，到了之前食過的WM Cafe。時間尚早未滿座，揀了坐旁邊的卡位，枱很濶落又高私隱，呢個位傾偈真係唔錯。點了兩份主菜，加$35可轉餐，轉餐有一款小食，朋友揀左吉列蠔，即叫即炸熱辣辣，炸得香脆，內邊仲有蠔汁，好味噃。自己就揀左沙律，青菜加上切碎的蕃茄同紅椒，顏色幾吸引，仲有一片火腿同大量芝士碎，有誠意又好味。餐湯方面朋友揀左龍蝦湯，幾香濃～自己揀左蕃茄湯，酸酸的又有濃郁蔬菜味，好飲。旁邊還附上一個黑糖小麥包，甜甜地幾好味。主菜方面揀左呢樣黑松露大啡菇牛肝菌意大利飯，真係好鍾意食呢樣，去唔同餐廳都叫返一樣嘅食物，哈哈。個汁超多芝士，又香又滑，每一啖都食到雜菇好正呀，意大利飯煮得啱啱好，有少少硬但不會太過份，仲有成隻大啡菇，鮮味多汁～朋友點的芝士芥末焗蟹肉忌廉大通粉，上枱時店員提醒個盤好熱要小心，幾貼心喎。同樣好多芝士，焗過好香口，除左蟹肉仲有少量雜菌增加鮮味，可能芝士太重，芥末味好淡咋，完全唔會嗆到。餐茶叫了熱檸茶同凍檸茶，糖水可以自己落幾好。坐得舒服，食物又好食，呢個價錢抵啦。