Win’s Indonesian Restaurant

營業中

休息中

香港地食海南雞飯真係周圍都有,茶餐廳、越南菜呀泰國菜，馬拉呀都有海南雞飯，但估唔到連印尼餐廳都有，我真係孤陋寡聞😅！以往同「姐姐」食印尼野，我一般都係食「燒雞」餐，今次見到佢哋有海南雞飯，穩陣派嘅我當然柯打佢嚟試下。上到枱見到個「攞盤」不錯，唔同一盤食開嘅有三樣醬汁，只有薑蓉（其實佢哋有其他二種類似嘅醬汁喺枱面），先試雞肉，唔算係好滑，但肉質同份量搭夠，跟著試埋啖飯，反而呢個一驚喜，飯一椰漿同埋黃薑味，但又好平衡，加埋飯嘅質地，真係似以前食開「絲苗」果隻，平時小飯嘅我，今次都清碟，好食。姐姐食呢個，我偷食咗小小手丸，我就覺得一般，但「佢」話好食,咁佢話好食就夠，我又唔想去深究😅。二個人埋單$150我個人覺得呢餐值呢個價$150有突原本可以再值高啲，但用膳期間，有幾隻蟻喺枱面上「散步」，所以扣反小小。整體而言可以一試。

呢間餐廳喺公司的隔籬。午餐嘅時候有好多人排隊，去過兩次，一次人太多，午餐時間唔夠，仲未排上隊。一次端午節后一日特登去老闆休息唔開門。一心一意想食呢嗰牛肉飯，好似一個心願今天實現咗。牛肉飯嘗得出煮嘢嘅人擺好多心思。可以品味到印尼醬唔同嘅味，咖喱醬入牛肉，鹹鹹辣辣。椰漿拌色拉，奶味十足。甜辣醬配新鮮黃瓜，清爽和刺激平衡。牛肉煮得好嫩而且好香。一大餐牛肉飯加埋一杯咖啡一共59蚊，好抵食。下午2點仲有好多客人入來食飯，係一間好鋪頭。