WAKE UP BISTRO

營業中

休息中

約咗朋友第一次去聯和巿場遊覽下，發現到呢間隱世高質西餐廳🤭🍴置身喺舊巿場嘅舖位裡面食嘢，有另一番歷史風味🐟朋友早左到，所以叫咗份早餐，有烤香腸、3.6北海道牛乳炒蛋、迷你牛角酥、蕃茄湯雜菜螺絲粉，朋友話好食呀😋 $38仲要送埋杯熱奶茶，認真超值🤑👍🏻我就見set lunch有燒澳洲安格斯肉眼扒，我就叫碟7成熟嚟試吓，肉質好鮮嫩、配埋醬汁都好正呀🥩 擺盤好有心思，牛扒下面舖滿薯條、西蘭花、翠玉瓜、黃椒同蕃茄仔，見menu寫部分貨源係嚟自蔬菜統營處，支持本地優質蔬菜🥔🥦🥒🍅呢排天氣咁熱，跟餐我就升級叫咗杯菠蘿蘇打、仲追加叫咗個椰子雪芭，未試過食甜品用返個椰殼裝，幾特別又足料，食落面頭仲有椰絲同幾特別柚子粒，提升口感🥥朋友就叫咗焦糖香蕉朱古力窩夫拌日本雪糕一齊食，焦糖香蕉真係好特別，加埋朱古力雪糕配窩夫好味呀🍌🧇🍫🍨食完喺大門見到有人拖住狗狗嚟，原來呢度有outdoor pet-friendly zone，適合一班主子嚟食嘢呢🐶🐱約咗朋友第一次去聯和巿場遊覽下，發現到呢間隱世高質西餐廳🤭🍴朋友早左到，所以叫咗份早餐，有烤香腸、3.6北海道牛乳炒蛋、迷你牛角酥、蕃茄湯雜菜螺絲粉，朋友話好食呀😋

山長水遠去聯和舊墟，發現有cafe Wake Up Bistro，入面得一枱客，似監倉咁，但私隱度高，坐咗入去臭格但職員都冇發覺，QR code落單，叫咗焦糖香蕉🍌朱古力🍫窩夫🧇拌日本🇯🇵雪糕🍦$83配熱蜜糖🍯泡沫🫧咖啡☕️（加$15），不過窩夫🧇唔係自己整，有d失望🙍，咖啡☕️好飲，成個環境打卡一流，可以😌hea

粉嶺好多年前有個街市被活化左成為住宅加食市, 但仲依然保留住當初街市既模樣, 而且仲變為餐廳, 係呢到一角一位置都令我諗起細個時候既回憶! 🥹今日就黎重遊舊址同埋黎呢間pet friendly既西餐廳試下, 裝潢有格調主要為歷史介紹好有意思, 而食物主打為西餐食品😄1/ 燒澳洲安格斯肉眼扒🥩 $138安格斯熟成度恰到好處, 肉質嫩滑, 重重既牛味夾少少焦香, 加少少鹽釣再釣高個味道👍🏾2/ 香蒜雪花蟹肉扁意粉🍝 $94香蒜味好重, 扁意粉完全吸引哂的醬汁, 所以整體好惹味！3/ 雙重芝士焗豬扒飯🐷 $74一上碟已經覺得超香, 非常Juciy既豬扒肉質鬆軟, 濃濃既芝士炒飯無得彈! 絕對係必叫之選!🙏🏾4/ 凍Mocha $10☕️(跟餐)咖啡同Choco 平衡得岩岩好, 露天地方飲岩哂!5/ 椰子雪葩🍨 $48(跟餐)比較似雪糕既texture, 質地順滑, 椰香味重, 加多柚子同合桃碎係面增加口感😋6/ 魚肉鮮食包🐶 $80我地帶左狗狗, 而佢地有狗狗既鮮食包仲要係低脂既, 岩哂今日晏返屋企既我地比狗狗食住頂肚, 我毛孩出名挑食, 估唔到快速地食哂😆我諗好好味, 最緊要佢係健康既!👍🏾

早幾年市場經過活化後，場內設置咗唔少嘅小店。朋友話食過唔錯叫我嚟試吓，唔講真係唔知原來聯和市場入面都有嘢食！餐廳部分本地時令蔬菜嚟自蔬菜統營處，而且仲有提供採用本地新鮮豬肉製作嘅健康狗狗餐。😍狗奴可以帶埋狗狗喺室外進食，好chill！🍽香蒜雪花蟹肉手工扁意粉 $98意粉較為粗身，口感比較有勁道，唔會夾起就散。意粉相當掛汁，配上極多蟹肉每一啖都鮮味濃郁，蒜香同蟹鮮味唔會互搶。配料方面亦有大量洋蔥、菇菌類，口感豐富。🍽️烤澳洲肉眼扒（280g） $198肉眼扒厚身，油脂豐富而分佈平均，肉質嫩滑，牛味濃郁。配菜方便有薯餅、蕃茄仔、西蘭花、翠玉瓜等，蔬菜都好新鮮。🫖Spa in Cup +$32 (套餐升級)盲點嘅情況下叫咗呢款花茶，真心愛上咗。飲落除左茶嘅幽香味道仲有濃郁嘅香茅味道。飲完成個人好舒服好放鬆。🍽️焦糖香蕉朱古力窩夫 伴日本雪糕 +$50 (套餐升級)窩夫質地唔會好厚重，再配上日本軟滑嘅芒果雪糕及朱古力醬非常好味！焦糖香蕉焦糖面亦燒得好靚，作為甜品不會太膩及飽肚，不錯！！

Wake Up Bistro所在的聯和市場本身就有著悠久的歷史。於1951年啟用，又被評為三級歷史建築，最近一次經過見到佢終於被活化使用，入面唔單止有餐廳，還有展覽和攤檔。雙重芝士焗豬排飯雙重芝士焗豬排飯有濃郁的芝士香氣，豬排肉質鮮嫩，外酥內軟。燒澳洲安格斯肉眼排燒澳洲安格斯肉眼排肉質都烤剛剛好夠鮮嫩，保留了肉汁又唔會太厚難切。凍焦糖鮮奶咖啡凍焦糖鮮奶咖啡帶有濃郁的咖啡香氣，混合埋焦糖，媽媽話佢好似蛋糕既味道咁好味。熱卡布奇諾熱卡布奇諾係我叫既，因為佢主打有藝術打印，咖啡面有隻得意狗狗真係唔係好捨得飲。菠蘿雪芭/椰子雪芭菠蘿雪芭和椰子雪芭清涼爽口，口感綿密，菠蘿雪芭比較清新而椰子雪芭既質感就比較似雪糕，個人就比較喜歡菠蘿雪芭!

聯和墟的舊市場經過翻新整修後，內面有一間以本地菜為烹調的西餐廳，入內經活化後保留了白色牆身，每座位皆有牆作間隔，私隱度高。加五元便可品嚐餐湯，今天是蘑菇湯，蘑菇份量豐富，味道濃郁。煙三文魚凱撤田園沙律份量非常足夠的豐富沙律，新鮮爽口的沙律菜，加上滿滿的煙三文魚和芝士香味，很開胃。松露醬安格斯和牛漢堡配三色薯條松露醬很香很濃郁，醬汁杰度亦適中，牛肉肉質很有彈性且味道十足，每一口都包含牛肉、松露醬和蕃茄等蔬菜很豐富。三色薯條亦很香脆，有蕃薯、芋頭和薯條。法式寶雲酥焗羊架羊味非常惹味且沒有酥味，肉質很軟熟且羊味十足，面頭的香粉增添味覺享受，三件羊架都很滿足！焦糖香蕉朱古力窩夫拌雪糕加五十元便可以要一份窩夫甜品，上菜時窩夫有非常香的牛油味，經過焦香的香蕉非常吸引，配搭窩夫和忌廉很可口。

喺粉嶺住咗幾十年，我唸無人會唔識聯和墟嘅聯和舊街市（聯和市場）😎😎，不禁令人會即刻唸起套港產片《每當變幻時》，當時陳奕迅楊千樺就係坐喺街市頂嗰度拍㗎啦，呢個聯和市場就係電影中的拍攝地點！🎥📽️🎬🎥📽️🎬政府近幾年都不停活化呢度，為咗要保留原貌外，更可令街坊們留下不少深刻的回憶。而今年就成功將呢度改為一間據有特色的Wake up bristro 餐廳！🤩🤩今日星期六就陪媽咪嚟試下佢地嘅Lunch, 我哋分別試咗；燒澳洲安格斯肉眼扒 (180g) HK$138 🥩🥩我叫咗7成就，嚟到熟度煎得剛好，而兩塊牛扒都有一定嘅厚度，牛扒煎到焦脆外皮，中間粉嫩不帶血水，rest得夠，唔錯！另外要讚一讚伴碟嘅side dish，配有紫薯條/蕃薯條/芋條/蕃茄仔/西蘭花/翠玉瓜。。。🍅🥦🍠🥔其中紫薯條/蕃薯條/芋條係超食吃，又香又甜又脆，我哋見到menu 上面有特登mark咗餐廳係用本地時令蔬菜同埋come from 蔬菜統營處，唔怪得知D配菜咁好食啦，推介！🥦🥒🥬🫛🫑🥕🍆另我哋升級加餐湯 @$5.0，係蘑菇忌廉湯嚟而湯都夠熱。🍄🧉而媽咪就叫咗個；雙重芝士焗海鮮飯 HK$86 🧀🧀🦑🦪🦐🐟🐚個海鮮飯上一枱仲“

今日同朋友去開粉嶺，行過聯和墟friend呢間咖啡舖，佢就係喺活化重建後嘅聯和墟街市裏便，係一個咁有歷史文化嘅建築物裏便用餐真係好特別！而最驚喜嘅係佢食物嘅質素都唔錯！安格斯和牛煎蛋漢堡配三色薯條呢個安格斯牛堡份量好大好足料，麵包外皮係脆身嘅，而且熱辣辣！和牛好厚身，而且好Juicy，個蛋係金黃嘅荷包蛋，成個漢堡一啖咬落去牛肉同流心蛋嘅混合相當不錯！燒澳洲安格斯肉眼扒肉眼扒我哋揀咗五成熟，好Juicy亦都好大塊，牛味好重，另外跟餐仲會配上熱辣辣又好鬆脆嘅薯條，滿足！焦糖香蕉朱古力窩夫窩夫係好新鮮，夠熱，而且食落去唔會太甜！用上層嘅雪糕同佢混合一齊食味道啱啱好！椰子雪葩椰子雪葩好有驚喜，一開始比起沙冰嗰種口感，但係原來係好smooth嘅雪糕質地，椰子味好重，鍾意食椰子嘅我覺得超正！水牛雞翼另外由於港隊江旻憓奪得金牌，餐廳為咗慶祝所以水牛雞翼做半價優惠，同香港人一齊慶祝呢一個喜訊！佢哋嘅水牛城雞翼外表賺得金黃鬆脆，好惹味！推薦大家一齊試吓！順帶一提，佢地呢度有狗狗餐提供，係本地新鮮豬肉既寵物餐！如果有狗狗的話可以同佢一齊來大快朵頤！

聯和墟舊街市，帶比我好多回憶，細個成日同屋企人去買餸，難得冇清拆，今日變成文物古蹟，所以想入黎懷緬下，試下呢間cafe, 感受歷史氣息。呢到蔬菜部份黎自本地，每道菜都好新鮮健康。我哋試咗呢度嘅假日午市套餐，首先係澳洲安格斯牛扒，牛扒煎得非常完美，外脆內嫩，肉質多汁。配菜有炸番薯條、紫薯條、芋頭條同埋西蘭花車厘茄，色彩繽紛，又脆。蕃茄牛肉西西里意粉，呢道意粉嘅蕃茄醬汁酸酸甜甜，配上嫩滑嘅牛肉，味道非常和諧。意粉煮得恰到好處，唔會過硬或者過軟，整體口感非常好。另外，我哋特別叫咗個Cappuccino，呢杯咖啡真係好特別，佢有3D打印嘅拉花，上面有隻好得意嘅狗狗，真係令人眼前一亮，飲落去咖啡味道亦非常香濃。最後，當然唔少得甜品，焦糖香蕉朱古力窩夫配日本雪糕。窩夫外脆內軟，配上焦糖香蕉同濃郁嘅朱古力醬，再加上滑溜溜嘅日本雪糕，甜而不膩。總括黎講，呢間Cafe真係值得推薦，無論係食物質素定係環境氛圍都非常出色，絕對係一個周末放鬆嘅好地方。

一心見佢門口大大個字寫住「pet zone ]，網上餐單又有見到寵物嘅嘢食！以為係寵物友善餐廳，點知去到店員我叫我 ，叫外賣坐喺出面🙃🙃！市場上好多 餐廳寫寵物友善都係要坐出邊，所以我已經有心理準備！但真係估唔到係叫外賣之後坐喺出面！咁不如我買返屋企食 ，洗咩坐喺出邊熱😒😒！*請不要扮寵物友善餐廳*

特登嚟過兩次第一次早餐時間明明寫至到11:30 ，點知去到11:15已經話截咗單，逼我食午餐第二次下午茶時間明明寫去到5:30 ，又係去到5:15又話截咗單要食晚餐既然要早15分鐘截單咁就不如喺餐牌上面個時間寫早啲已經冇乜客都做到咁，唔好要人山長水遠嚟到先知已經冇得食，令到顧客失望！第一次有照幫襯食午餐又貴又細份之後晚餐餐牌選擇又少，只係得10樣以內嘅款式。唔建議大家過嚟試，聯和墟同埋上水有好多更加好嘅選擇

🥩 烤澳洲肉眼扒（280g）叫咗7成熟，肉質好軟腍腍啱啱好，咬落有肉汁，好juicy, 而且冇乜筋，牛味濃郁，🐔秘製燒春雞（半隻）配薯菜小春雞雞皮焗到好香，肉質嫩滑，一啲都唔係鞋🥣🍹所有晚餐加$5 配是日餐湯，今日餐湯係粟米忌廉湯，熱辣辣甜甜地好滑，仲有啲粟米粒，跟餐送凍檸茶/奶茶/檸水，唔使加錢，好抵🥥椰子雪芭 $48晚餐亦可以加多$48要個甜品，揀咗個椰子雪葩，椰子雪糕放喺一個椰子殼入面，椰子雪糕好清甜，唔會溜🍕夏威夷風情薄餅 $125有煙肉、火腿、菠蘿同芝士，餅底係比較鬆軟麵包果款，如果鍾意厚批就岩晒📍WAKE UP BISTRO 粉嶺聯和道51號聯和趁墟地下1號舖

由魚市場活化成寵物友善嘅café，由門面到室內環境都別有一番風味，重有戶外座位可以同主子一齊用餐，氣氛好chill 😌🥢松露安格斯和牛漢堡配三色薯條個包烘得外脆內軟，有濃濃嘅牛油香；和牛漢堡一咬落去就有肉汁流出嚟，加埋流心太陽蛋同松露醬，惹味juicy；三色薯條分別係薯仔、番薯同紫薯，炸得好好食，唔使點茄醬都好夠味。🥢法式寶雲酥焗羊架叫咗七成熟，焗得粉粉地啱啱好，肉質軟腍，唔會好膻；另外想讚讚伴碟嘅蔬菜，食落特別爽口，睇返個meun寫住部分蔬菜係來自蔬菜統營處，真係食得出嘅新鮮。🥢香蕉朱古力窩夫香蕉上面嘅焦糖又香又脆，熱焫焫嘅窩夫唔會太甜，同凍冰冰嘅雪糕一齊食，當然好食。🥢椰子雪芭個賣相又幾得意，椰味香濃，上面嘅忌廉同柚子肉係神來之筆，令味道更豐富有層次。🥢是日餐湯今日嘅餐湯係番茄忌廉湯，酸酸地幾醒胃。🥢Mocha朱古力同咖啡比例恰當，相當香滑。

WAKE UP BISTRO位於聯和墟嘅活化街市入面，呢個街市活化之後集手作、市集、cafe、寵物共融餐廳一身，好有特色。餐廳有室外區域，可以俾咁多位主子自由活動，室內空間都好大，座位好寬敞同舒適。餐廳主打西餐，有早、午、下午茶同晚餐精選，仲有多款狗狗鮮食包，咁大家帶主子嚟嘅時候都有野食招呼佢哋🦴晚市套餐都幾抵食，加$5就可以追加一個雜菜羅宋湯，或者升級做其他咖啡飲品。🍽️ 法式寶雲酥焗羊架羊架有3條，啖啖肉，肉質好嫩滑，冇乜臊味，配埋芥末醬食特別惹味。🍽️ 吉列黑豚豬扒定食豬扒炸到好金黃色，外脆肉嫩，啲皮好有咬口，配埋餐廳特製嘅吉列豬扒醬，簡直係絕配。定食除咗主菜豬扒之外，仲有珍珠米飯、沙律、同泡芙。🍽️ 烤美國安格斯肉眼扒 (300g)肉眼扒叫咗7成熟，肉質嫩滑又唔會太韌身，入口有濃郁的肉汁味，非常juicy！🍽️ 香蒜雪花蟹肉扁意粉蟹肉份量都幾多，意粉軟硬度啱啱好，而且非常掛汁，配埋鮮甜蟹肉汁入口，回味無窮。WAKE UP BISTRO 📍粉嶺聯和道51號聯和趁墟地下1號舖

新界粉嶺除咗舊式餐廳同埋小店好好食之外，一樣有一啲新嘅有型有格餐廳，環境食物極具心思同埋特色。呢間位於聯和墟一幢活化建築物嘅餐廳，環境嘅結構保留舊有建築物嘅結構，換上新嘅枱凳同埋油漆，成為一間極具特色嘅環境，適合同家人同埋朋友或者情侶嚟休閒一下。而食物方面，當日點左一個all day breakfast, 蔬菜食材方面非常新鮮，部份來自蔬菜統營處。每一啖咬落去道係非常新鮮嘅蔬果味道，令人感覺非常健康。而和牛漢堡材料十足，厚厚嘅和牛漢堡配上流心太陽蛋，令人想一啖咬落去。每一啖食落去都充滿和牛漢堡嘅肉汁，真係流晒出嚟。而且店家非常細心，除咗包面搽牛油之外，包底嘅麵包亦都有搽上牛油，令到成個漢堡咬落去都非常之香口。甜品亦都相當有心思，香蕉焦糖朱古力窩夫配日本雪糕，香蕉配上焦糖真係甜到入心，芒果雪糕配上窩夫，味道相當平衡。呢度仲有菠蘿同埋椰子雪芭非常有特色，雪芭用菠蘿殼或者椰子殼裝住，非常可愛。當日就叫咗個椰子雪芭，雪芭裏面有一絲絲嘅椰絲，椰子味非常香濃，而且個雪花嘅份量可以話係非常之多，兩個人可以share。飲品方面，呢度嘅選擇都非常之多。適逢父親節前後，呢度嘅cappuccino 有印花印