Villa Villa (已結業)

新年前去大角咀探朋友， 巧遇Villa Villa 嘅分店, 因為之前在北角分店食過都覺得不錯,於是便入去試一試店內裝修很簡潔，燈光柔和，給人很舒服既感覺❤好多都好想試 上次再分店試了黃金炒薯條，非常回味可惜今日喉嚨有點痛想食啲清淡小小的 餐前送的意式蕃茄湯, 蕃茄味濃郁， 熱辣辣嘅香草包很柔軟 鵝肝多士$58, 賣相非常吸引，多士上既鵝肝份量十足，而且煎到熟度啱啱好，很香口 北海道帆立貝意大利飯$178最鍾意食帶子嘅我一定唔會錯過呢一度菜，帶子煎得夠香，不會過熟，入口鮮嫩，配上充滿香濃黑松露既意大利飯一齊食，配搭非常美味 大阪燒薄餅$138店員呈上呢個薄餅時，我很驚喜因為成個部分都充滿我鍾意食嘅木魚絲，內藏有好多八爪魚， 薄餅底是用墨魚汁做的，所以是黑色，很香脆，不會令人感覺咁油膩係咁舒服既環境下，可以同朋友享受美食及談心好開心

朋友約食飯，大角咀多左唔少新西餐廳，而villa 一直都好受歡迎，就決定食呢間。平日不是太多人，坐得都幾舒服。呢排興食咸蛋香口嘢，我地都點左黃金薯條。 咸咸地，又香口，新鮮炸出黎好好味Parma ham pizza, 底薄脆，佈滿火箭菜，芝士同每塊pizza 都有一大塊ham, 好足料！ (其實想食雙重芝士pizza, 但驚太濟。)飲品最近做買一送一優惠，推玫瑰花冰茶，不太甜，有玫瑰香。朋友都推薦飲乳酸，下次試下先。

以前係大角咀返工，已經覺得呢頭好多好味既餐廳。事隔左幾年之後今日再重遊舊地，以前喜歡食既餐廳已經唔係淨返好多係到，但係又開左好多新既餐廳!今晚就諗住試下呢間西餐廳!我同朋友大概6點幾去到，餐廳當時並唔係太多人，7點半左右已經full哂!餐廳燈光光猛，以4人枱為主，如有兩個人入黎食飯就會分開做兩張二人枱。同朋友睇過餐牌後，發現都有幾多野想食，最後決定點兩個小食、一個pizza同埋一個意粉!飽到傻，因為冇諗過每碟份量都幾多!餐廳仲做緊飲品買一送一的優惠呢!餐湯及麵包，我們點餐的時候冇為意，應該叫主食就會有餐湯及麵包附送。餐湯為雜菜湯。唔算好酸，湯入面有好多菜!麵包很軟熟，有淡淡的香草味!黃金炒薯條($68)，呢個薯條每條都有咸蛋黃痴住，薯條炸得剛剛好，軟硬剛剛好!薯條是粗身的，所以口感很好，而且份量好多。我同朋友就算食到最後好飽都繼續無停口咁食!溫泉蛋牛油果煙三文魚他他($98)，賣相幾靚，面層有流心的溫泉蛋，第二層位牛油果片，最底層就係煙三文魚他他。平時食開的他他通常都係三文魚刺身或吞拿魚刺身，而這裡用上了煙三文魚，煙三文魚有少少咸，但配上牛油果及溫泉蛋一齊食味道便剛剛好!挪威煙三文魚蘑

呢間餐廳最近喺街坊group入面被提及多次，見到價錢唔貴就去試下。飲品選擇唔少，晚飯時段仲買一送一，我地叫左玫瑰花冰紅茶同埋荔枝冰紅茶。玫瑰花味／荔枝味同茶味都好突出，冇話邊樣蓋過邊樣，甜度同冰度亦都岩岩好，真係幾有驚喜。鮮蝦扁意粉配羅勒蒜香微辣番茄汁一上檯時覺得份量好少，但一夾起原來都足夠分開兩份，扁意粉每條都掛汁，醬汁食得出蒜味、番茄味、羅勒味同辣味，好惹味，蝦亦都爽口，三扒兩撥好快清碟。意粉亦都有配餐湯同麵包，麵包係foccacia香草包，湯係羅宋湯，有西芹粒、甘筍粒、洋蔥粒等等。番茄水牛芝士薄餅呢度所有pizza都係用墨汁底，餐牌介紹話加入墨汁發酵產生化學作用，令口感更香脆，批底係比一般嘅薄批鬆脆，即使凍左都完全唔韌。芝士睇得出有兩款，白色嘅係水牛芝士，淡黃色嘅應該係mozzarella，芝士層非常之厚，都幾飽肚，好彩有番茄醬同車厘茄中和返，兩個人先岩岩好食得哂。我建議三個人share一個pizza，再加其他野食。黃金炒薯條喺黃金炒薯條同椒鹽薯條之間揀左前者，因為佢多左個廚師推介icon，哈哈 果然係好好味，每一條薯條都炸得外脆內軟，蛋黃味好香，有少少咸又有好輕微嘅甜，令人上癮

今日同男朋友去整電話，行經大角咀，就比呢間餐廳吸引左，就拉左男朋友入去食la.一坐低，就見到menu既黃金炒薯條。好邪惡既食物呀！！！我地都好肚餓，就叫左雙重芝士pizza, 半隻燒春雞，意大利青瓜青醬意粉，黃金炒薯條同一杯1664。因為叫左2個主菜，所以都會有2個雜菜湯同2個餐包送。個雜菜湯好足料雙重芝士pizza係手工製，墨魚汁底，上面有兩種芝士，多到可以拉絲。黃金炒薯條好香鹹蛋味，青醬意粉都好高質。成餐飯勁飽勁滿足呀

人人都話大角咀多嘢食，原來真係講得冇錯。幾條街到處都係餐廳食肆，行過見到呢間西餐廳裝修光鮮又企理，就比佢吸引左。 呢度嘅主打都係以西餐嘅意粉，pizza為主。亦會見到一啲日式嘅fusion菜。 種類繁多，而且賣相精緻，睇見都流曬口水。 叫咗一個set dinner。包羅宋湯同埋自家製麵包。 麵包唔會話太鬆軟，但係有一種獨特嘅口感同埋香味。 羅宋湯清清淡淡，有啲似屋企煲嘅羅宋湯， 唔會話太辣太鹹。 set dinner卡邦尼意粉。意粉唔係普通出面茶餐廳食嘅意粉，呢種意粉較為煙韌，有口感夠彈性。卡邦尼忌廉汁味夠濃夠香， 煙肉份量亦足。 漢堡扒配炒蛋。漢堡扒有濃香嘅牛肉味，口感軟熟。牛肉碎碎易入口，炒蛋非常嫩滑，冇加調味亦夠曬美味。 自家製櫻花花幼蛋麵。 呢個蛋麵嘅麵質口感獨特，充滿著蛋香，口感比意粉軟淋。櫻花蝦爽嫩彈牙，配上三文魚子配搭一流，提升成個蛋麵嘅鮮味。 賣相亦符合圖片一樣，夠晒精美。 依家晚餐時間嘢飲仲做緊買一送一， 呢兩杯天然玫瑰花冰紅茶同埋玫瑰乳酸特飲非常好味。冰紅茶清淡得嚟又香醇，陣陣玫瑰花香撲鼻。 玫瑰乳酸好似飲緊有玫瑰味既酸奶汽水咁， 非常特別。 賣相都係非常靚，啱曬女

朋友是vip推薦來試試，星期六12:30到食lunch，唔多人。可能小店想做多點生意，轉了卡位為全部細枱，真係有點迫夾幸好今次3人來，有個吉位放衫同袋。set lunch價錢約$70起，店都有做優惠，可訂位時查詢一下，折扣後都抵食。店有甜品師傅，所以面包都係自家做。湯同包味淺，朋友覺得較健康😄湯份量不多，碗為何面咁大呢😂雜菌意大利飯，味ok但不夠香，飯心有點生一粒粒過種，喜歡這口感應該幾喜歡食。辣蕃茄醬大蝦意大利粉，少少辣好好味，唔食得辣嘅朋友都覺得好味，蝦是冰蝦，實實彈彈的，朋友都幾喜歡這蝦味道，我就一向都少食煮餸蝦，所以這不是我杯茶。芝士墨魚汁PIZZA，忘了幾多色嘅芝士，開頭會怕墨魚汁整到成咀黑唔試，但後來知道這個pizza係加墨魚汁猜皮，會令puzza皮更脆香唔會黑色牙齒咀就叫黎試試。上枱真係好香，食落真係好脆好香，佢有d芝士粒，食落味道更有層次記住襯熱食。食物質素ok，就是座位太窄，食完有d口渴(可能我地講得太多嘢口渴🤔)，不過都值得黎試試

放工同朋友由旺角行去大角咀 佢好鐘意係大角咀搵食 貪呢到夠靜 行經villa villa想食西餐 比黃金兩個字吸引到 就叫左碟薯條試試最好食係黃金薯條 啲蛋黃醬配薯條係絕配 唔會太咸上主菜前有香草包同羅宋湯跟餐我地叫左個double cheese pizza,加左prama ham,佢有一粒粒芝士 配薄批同火腿食落去 岩芝士控 我地仲叫左蒜香雞肉蘑菇意大利粉 真係啖啖勁濃既蒜香 差啲食晒成碟而蕃茄肉丸意粉都有啲蒜香味～而且蕃茄味好夠 唔會似平時有啲好稀既蕃茄味見到間店做緊周年優惠 飲品買一送一 我簡左玫瑰乳酸 係有氣既乳酸 玫瑰味淡淡地得泥好清香 朋友杯巨峰乳酸都好飲！

同朋友去開奧海城，順道落大角咀食晚飯。行左陣，最後選左Villa Villa試下。餐廳已佈置左聖誕裝飾，加上以木為主的裝修，好舒適、好有氣氛。木紋餐牌好特別，而且有好多選擇，心大心細，2個人真係好難決擇。最後選左秘制燒春雞半隻、北海道帆立貝意大利飯、黃金炒薯條同水果茶。先黎燒春雞，燒完既外皮又香又脆，肉質比想像中更嫩滑多汁，一d都唔乾，配埋秘制醬汁，一流！北海道帆立貝意大利飯，帆立貝大大粒，外層燒至金黃色，內裡仍然好爽口彈牙，配上香濃意大利飯，好有水準！仲有超邪惡的黃金炒薯條，用料十足，每一條都佈滿鹹蛋黃的味道，又香又脆，食唔停口！最後配埋杯水果茶，一樣用料十足，又唔會太甜，恰到好處！

今日去大角咀食午餐，我和友人都非常肚餓，所以決定要大食一餐，點了多款食物。我們點了兩個set lunch,一個pizza同埋兩款小食。Set lunch有羅宋湯、麵包、主食和餐飲。月見汁燒和牛粒飯- 燒和牛粒分量足，燒得剛好，牛味香濃，肉質鮮嫩，肉汁豐富，牛肉粒沾上蛋汁，再配上月見汁，撈勻珍珠米，餸飯一流。日本迷你帶子配意大利青瓜扁意粉（日式香辣醬）- 迷你帶子細細粒，但有鮮味。扁意粉口感剛好，彈牙不會淋。醬汁微辣惹味，配上意大利青瓜，整體清新開胃。雙重芝士薄餅- 餅皮用上墨魚汁，屬於薄身，焗得好脆。雙重芝士軟綿綿，分量非常多，極之邪惡，但配上新鮮蕃茄蓉醬，去掉了肥膩感。即使pizza有足足十吋，我們都食哂，芝士控必試。鵝肝多士- 鵝肝厚身，煎得外層金黃，熱辣辣，裏面軟綿綿，好甘香，唔羶。我初時以為係脆多士，但其實是厚麵包塊，但剛好吸掉油脂，好正。吉列炸蝦- 有5大重隻，炸得好，很酥脆，亦不會吸滿油，碟上面嘅吸油紙很乾爽，值得一讚。餐飲方面，我哋點了有機咖啡同埋黑糖薑茶。店員介紹食set lunch再叫甜品有優惠折扣，但我哋實在太飽，所以冇叫，下次可以試試。

雖然係大角咀返工，但都係呢間餐廳食過lunch。星期六我就約左同學黎呢度一試我想試好耐既黃金薯條！👅我同同學都嗌左個六十幾蚊既lunch set,我果個係青醬蒜蓉雜菌意粉，同學果個係蕃茄鮮蝦意粉。佢連湯同包，但因為我地嗌左個黃金薯條就無要到果包。🙈個意粉都算高質既，佢個醬唔算好「張」口，有好香既蒜味，因為我鍾意食蒜，所以幾合我心意！如果佢雜菌再多d就好啦，有d醬多菌少既感覺。😅係等緊黃金薯條既時候，隔離枱黎左個pizza都好吸引，下次黎我會試pizza！😋終於到黃金薯條啦，我覺得係好食既，真係每一條薯條都有蛋黃包裹住，但真係好「濟」!😅得兩個人真係有d食唔哂。不過要讚既係通常薯條凍左就唔好食，佢就算凍左我都覺得好食既，而且我鍾意食脆薯條，d脆薯條細細條，又沾滿蛋黃，正！不過都唔平，要$68，不過咸蛋黃本身都唔平，無計啦🤷🏻‍♀️

星期三晚，我約了好友到大角嘴一間特色的西餐廳為他慶祝生日。經一個在大角咀上班的朋友介紹說這間西餐廳的食物不錯，而且態度很好，所以我就訂了這間餐廳。餐廳裝修別緻，有溫馨小店的感覺。餐牌上有一些食物是有帶點日本風味，很特別。我們叫了墨汁海鮮意大利麵，月見汁燒和牛粒飯，秘制燒春雞半隻，蘋果金寶和一杯啤酒。他們送餐湯和麵包。餐湯和麵包，味道不錯，麵包外面是脆脆的。墨汁意大利麵的味道鮮甜，墨汁味香濃，不錯，而且意大利麵也ok。我本人就喜歡他的和牛粒飯，因為個月見燒汁做得很好吃，而和牛粒煮得很滑和冧，又夠味，他們是用日本米的，比一般好吃。我的朋友就最喜歡他們的秘制燒春雞,因為雞肉質滑，又juicy,加上秘制的醬料燒，真的非常香口，又回味。因為是朋友生日所以我預先跟他們說了在甜品碟上寫上祝福語。蘋果金寶做得也不錯，不會太甜。總括來說這一餐我們都很滿意，因為味道好吃。

昨晚跟朋友來這邊吃晚飯，很久沒踏足大角咀，原來都幾多野食咁! 我地揀左呢間villa villa，因為平日晚上關係，所以店內只有一枱客，到我地食食下先多兩三枱。環境寧靜舒適，員工都有禮貌，仲會向客人介紹食物。我地兩人叫左一個蒜香雞肉risotto，意式肉丸扁意粉配蒜香蕃茄醬，呢兩個主菜都跟一舊包同一碗羅宋湯。仲有叫左黃金炒薯條，雙重芝士薄餅（加左帕馬火腿），巨蜂提子乳酸特飲同玫瑰花乳酸特飲。蒜香雞肉risotto好重蒜味，個人接受到但覺得如果輕手返少少會好味啲，不過同行友人就好中意，岩晒好中意蒜味既人。意式肉丸扁意粉，落單時員工提我地話呢個意粉會有少少辣，係蒜果種辣，但食落口我地完全唔覺得辣，蒜味唔重，蕃茄味更突出的。反而個risotto先係勁重蒜味有少少蒜辣... 個意粉味道ok，但肉丸整得燶左點。羅宋湯有微辣，味道正常，麵包係普通麵包一舊。黃金炒薯條好似幾出名，特登叫黎試，真係幾好食，鹹蛋黃味道突出，又充滿蛋黃沙既口感。不過食到尾覺得有啲鹹。雙重芝士薄餅又係因為出名所以叫黎試，的確係好薄好脆，不過味道一般。雙重芝士但芝士味唔突出，反而蕃茄味係成塊薄餅最突出...好普通。果兩杯乳酸特

今日專誠來到大角咀品嚐西餐。餐廳環境舒適， 適合與三五知己共聚。我和朋友二人叫了一個鮮蝦扁意粉，一個煙三文魚火箭薄餅， 還有一客凱撒沙律，最特別的 是黃金薯條配生啤。 首先說說鮮蝦扁意粉 ，材料新鮮，意粉彈牙， 沒有令人失望。 至於煙三文魚火箭菜薄餅 ，口感特別 ，喜歡火箭菜的朋友不妨一試。我最喜愛的是黃金薯條，餐廳正進行套餐優惠，薯條配生啤只是98元。 從未吃過黃金薯條的我覺得非常美味，薯條用蛋黃來炸，香脆可口。餐廳慶祝週年紀念，飲品買一送一 ，我們叫了兩杯水果茶 略嫌水果茶味道偏淡，如果水果味濃一點就更完滿了。 最後餐廳為我們送上麵包布甸，可說是意外驚喜。

聽聞旺角區的大角咀出名多嘢食，我求其揀間西餐廳入去享用美食！進入餐廳已經感受到聖誕節日氣氛我哋分別叫咗一個意粉同一個飯，未嚟主食前就已經有餐湯同香草麵包！傳統卡邦尼意粉$88 食上去味道香濃芝士，意粉幼滑，食完也不覺得膩口！北海道帆立貝意大利飯黑松露忌廉汁$178 上面鋪左煎香過的帆立貝，黑松露勁香，飯粒有口感，醬汁十分吸引！法國70%黑朱古力岩漿蛋糕配雪糕$58 朱古力岩漿未來到己準備爆發，暖熟囗感配上冰凍雪糕球，好像冰火相容！呢間己食過兩次,水準依舊冇變