Viet & Thai

營業中

休息中

住在工業大廈附近多年，發現自己未試過這間泰國餐廳，於是上去餐廳諗住試吓，當時餐廳內只有兩三圍枱，結果被員工告知，餐廳不接待非工廠大廈員工，於是只能離開。但在工業大廈一同搭𨋢上去的其他人，視乎不似大廈員工，但仍然被接待。但好似並未發現任何告示係不接待非工廠大廈員工，都幾失望下。

是日終於諗住食返個似樣啲既午餐，點知想去嗰間餐廳full house，唯有近近地揾另一間。知道呢棟工廈入面有呢間泰越餐廳，好耐之前食過一次，又再黎試下。中午點令鐘，walk in唔使等位。生熟牛肉湯河河粉質地幾滑，但重口味既我覺得湯底唔夠濃。肉方面份量算幾多，生牛肉同牛𦟌我比較鍾意牛肉，肉果味重啲同埋軟滑啲。另外叫咗個春卷啲蔬菜粉絲等等既涵料唔錯，比一般餐廳大條，不過食得出佢番炸，同埋個汁都太酸。

Viet & Thai地址: 柴灣永泰道60號柴灣工業城1期15樓4室好似發現新大陸咁，等我試下呢間新野先🤣～特級火車頭 🍜 $68越南粉彈牙有口感，但份量真係好少，牛肉較為靭，湯底味道比較淡，失望咗少少。#nicefoodie柴灣 

因為上次食過返尋味所以今次直接堂食，再嚟食多次豬髀油飯，其實豬髀我就好少食但係呢一間嘅豬髀係比較入味軟熟，而今次好可惜係當我想要有飯嘅時候，佢哋冇同我講，直接俾咗白飯我，希望下次佢哋會直接同客人講冇晒油飯。不過佢個醬汁搭救，小小酸辣都幾開胃，希望下次可以再試到個油飯。

疫情關係，同同事叫外賣食，平時都有堂食開呢間，今次首次試下佢哋嘅外賣，泰式豬髀飯配油飯，佢哋油飯都好香，而且飯量十足，豬髀都有四舊到，$63一份，價錢有點略貴，不過味道踏夠。

有時返工中午食晏都想食好D。最近又俾我搵到一間唔錯嘅越泰菜：）一出𨋢門，已經見到有大大個搶眼招牌！一入到餐廳，感覺好光猛醒神。由於依度人流都算多，客人大多數都係上下層公司D同事飯腳，都有兩三張枱可以足夠容納6-10人坐既位置，感覺都幾熱鬧！而今次我同左五位同事上黎都好快就有位坐👍🏻我地主要食兩款心水皇牌午飯🥣先要俾個讚服務員友善又細心！落完order不用十五分鐘就已經送上面前！而且服務員仲好好人咁問我地夠唔夠飯？同事個個都話添加半碗飯😱依家好少可聽到D餐廳主動問客人話添飯，無疑令我地對依間餐廳印象分都幾高，同時依度嘅油飯真係好好食🤗食完大家都好滿足🙂至於食物方面，推介以下兩款俾大家：1）皇牌海南雞油飯不可錯過！今日D雞肉好嫩滑，再點埋酸辣醬食起黎非常惹味，而清雞湯本人覺得剛剛好中和返口腔𥚃的辛辣味😋開心😍啖啖肉～肉質嫩且肥瘦均勻，煮出來自然肉嫩又多汁！完全食到不是白切雞之分別～雞湯唔會太油或太濃味，健康人士最岩飲😃2）泰式豬脾飯都係好食之選豬脾肉質嫩滑又夠「淋」，我平時會走皮食，但依個餐我連皮食都唔覺得肥膩～因為食材都算肥瘦均勻，而豬脾肉底就墊左少少芽菜～再加半隻滷水蛋，配搭味道都ok

又來柴灣開會，今次客戶介紹我來吃越南泰國菜。午飯時間人挺多。午餐選擇算多，點了海南雞飯及豬脾飯，另加椰青。午餐不包飲品要加錢，不過當天太口渴，就加了$35要椰青。其實很貴......海南雞飯 - 配中湯，啖啖的，不錯。油飯很好吃，很香。侍應說可加飯，我就加了半碗，因為本身的份量亦不多。海南雞味道正常，略嫌不夠滑。豬脾飯很出色，豬脾很入味，底下有芽菜墊底，很喜歡。豬脾份量正常，點酸甜醋更開胃。整體來說不錯，但不包飲品來說，價錢略高。

係小西灣番工可以話係無啖好食，但係依然無減我搵好西食嘅意志。之前係網上搵到依間餐廳，但係食評非常少，本身都有少少遲疑。一來擔心依間餐廳仲係唔係營業緊，二來擔心食物究竟好唔好食。但係有鑑於越泰菜係小西灣真係極之罕有，又真係想食泰國菜嘅關係，所以就拎起我嘅冒險精神去一戰 Viet & Thai 。我同同事今日下晝2點去到，見到佢係仲營業緊嘅，唔洗摸門釘，而且仲唔洗等位添！坐低之後，睇下個Menu先。午餐食物選擇非常多，海南雞、豬手、紅咖喱、冬陰功、越式法包應有盡有。野飲方面都有好多特色飲品。今次同事叫左冬陰功（蝦）河粉、熱情果梳打，而我就叫左豬脾飯、椰汁冰。同事話河粉份量十足，湯底唔錯，係蝦個口感差少少；熱情果梳打唔錯。我嘅豬脾飯唔錯。豬脾夠「林」，入口即溶，不過唔太熱；油飯夠熱，味道唔錯；個辣汁酸酸辣辣，將豬手昇華到另一個層次！椰汁冰唔太甜，無溝水落足料。總括黎講依度嘅泰菜係唔錯嘅，值得番黎再幫襯！係價錢方面略嫌貴左D，唔係就Perfect啦。

My wife and I are American and visited Viet Thai. The building/elevator was a little sketchy, but the place was very clean, served room temperature water. Ordering was simple. Food was delicious.

佢喺街邊有擺易拉架廣告，所以先知有呢間餐廳。午市時間非常爆場，大約有十張枱，有啲遲嚟少少嘅客直頭無得食。全店只有三位員工，一個廚房一個水吧一個樓面，真係忙不過來，出菜比較慢，要等成廿分鐘以上，對一班得一個鐘lunch time嘅食客嚟講的確有點兒那個，希望佢哋盡快請到人啦。食品賣相吸引，味道也不錯。