VA BENE Italiano

營業中

休息中

這裡已經是我第二次來吃他們的半自助午餐。價錢是$248 +10%（不包括主食），用餐時間是一個半鐘頭。你們也可以加多$20，就可以選一個主食，但對我來講就不需要。雖然我覺得用餐時間的確有些趕，不過因為我還蠻喜歡這裡的沙律，所以我也不介意。不過當你們打電話訂台的時候，餐廳是不會告訴你用餐時間只有一個半鐘頭。所以在其他食客寫的食評裡面，會有些人對這一點感到有些不滿。所以我必須在我的食評入面同你地強調用餐時間是一個半鐘頭啊！蛋糕的選擇也只有兩款，不過好吃就得了，不需要多。服務員也很有禮貌，笑笑臉，還會主動跟我聊天。總的來說，這家餐廳擁有我喜歡的條件。

門口招待經常積一堆人，book咗位都唔處理。食物其實好一般，偏鹹，連Caesar salad 都鹹過人，連麵包都好一般。餐枱桌面細，感覺好迫夾，又嘈到死，餐飯食得唔愉快。白衫啲待應其實好殷勤同醒目，可惜都彌補間餐廳嘅缺點。早知去同層安南，又或者Exp或simply life 好過。其實好懶寫食評，但係覺得餐廳質素可以share吓，等其他食客有得參考都好。食咗Caesar salad，豬胺，同黑松露手工意粉。全部都偏鹹。

呢度環境坐得好舒服 而且店員服務態度好好超有禮貌 全程食得好開心❤️Afternoon Tea Set $348 兩位欣賞佢哋鹹點同甜點都好出色！甜品唔會太甜、鹹點都好新鮮😍底層鹹點有 煙三文魚山羊芝士卷、鵝肝慕斯配杏醬多士、龍蝦牛角酥、迷你牛肉漢堡、蟹肉牛油果杯牛角酥仲係酥脆！牛肉漢堡扒細細舊好有牛味🙉最正係蟹肉牛油果杯！蟹肉份量超足❤️中層有 芝士蛋糕、朱古力蛋糕、鮮果吉士撻、經典提拉米蘇Tiramisu好香好好味！tart皮好似食緊曲奇餅🥰芝士蛋糕質感唔係實淨嗰隻 食落唔會好膩朱古力蛋糕超濃可可味！甜度適中 面頭仲有開心果碎🙈上層有 馬卡龍、鬆餅、木糠布甸馬卡龍係草莓同朱古力味 我自己鍾意食朱古力味多啲🤣草莓無咩味😳木糠布甸出色！中間嘅餅乾碎唔會淋晒，食得出新鮮整，餅乾碎鹹香配埋慕絲超正😋提子鬆餅唔會好重牛油味！方便我哋搽藍莓醬或者忌廉牛油🧈雖然唔係烘熱上，但係口感依然外鬆脆、內軟綿，當然如果熱辣辣更好😝飲品方面我揀咗 草莓九層塔佢係用新鮮草莓、檸檬、羅勒、蘇打水整成，味道清新，超推薦🍓另一杯要咗 焦糖雪糕咖啡佢係濃縮咖啡、牛奶、冰淇淋、焦糖糖漿組合，店員會用熱濃縮咖啡喺雪糕上面淋落

標題這樣寫絕非因為本來期待太低，反而因為餐廳位於又一城，先天上就令人有一定要求。先說味道，在Cafe成行成市經常遇到一式一樣Template味道的香港，這裡的菜有感覺到設計和用心，感覺滿足；再說服務，侍應有禮不時更換餐碟又主動問味道如何，用餐過程很愉快。餐包三款，叫不出名字，只記得有軟有脆有煙韌，味道都不錯，快餓死又等出餐時更是美味。前菜點了Scallop Carpaccio，純粹因為我愛貝類🤓。鮮甜度十足，佐醬帶微微芹菜香氣，偶爾會食到青蘋果的甜，是一道恰如其分的前菜，成功令我對後續的餐點更期待。⭐️超級推薦⭐️上桌時感覺普通，切開後見到嫩粉色的肉覺得好像不錯，食入口的嫩滑程度與調味直接滿分！估佢唔到的驚喜！豬鞍本來已醃製入味，單食較濃味，配上蘋果蓉立即成為最佳平衡組合。而且我滿喜歡這裡的蘋果蓉沒有打成泥，反而保留少少蘋果的咬口。老實說之前在不同餐廳食過的慢煮豬鞍架成功率極低，所以不排除有放大美味程度之嫌，建議大家來試一試啦😂！Homemade Tagliolini，又要老實講點之前完全不知道是什麼，我就是衝著北海道海膽點的🤣。醬汁比想像更濃郁鮮甜，頗欣賞沒有為了營造香濃感加大量Crea

香港人幾中意意大利菜，我都係其中之一，最近放工約埋朋友試左係又一城既VA BENE Italiano . 首先要讚下呢啲既職員非常熱心友善，絕對令你有VIP既感覺。當日我地係坐左室內一個比較清靜既梳發位，好chill 好relax 。頭盤係鮮帶子刺身簿片，帶子好鮮味，為味蕾熱下身先，酸酸地好醒胃。首先嚟個黑松露多重芝士簿餅，黑松露味濃烈撲鼻，所謂多重，係佢有四種芝士制作，一咬落去真係勁多芝士多到拉到絲，勁濃郁。跟住之後，就係Canadian Pork Rack 加拿大豬鞍 ，300 g 十分厚切，火喉剛好而肉汁豐富鮮嫩，配番蘋果醬襯托，甜甜地配豬鞍肉香，係一個好特別既組合。至於飲品朋友叫左Strawberry Basil 佢就滲出淡淡既草香。因為我鐘意薄荷味所以我就叫左杯Mojito 。最後仲有甜品Tiramisu 靚相好靚好好味。總括來說，呢度環境有格調，食物上乘而服務又貼心。我會番頭再嚟。

Happy Friday 開心要搵好西食慶祝一番今晚揀左Va Bene Italiano 🧡去到都已經幾多客 好受歡迎!Scallop Carpaccio $188(鮮帶子刺身薄片)帶子刺子份量一D都唔少切成薄片並不容易 要一讚廚師刀功鮮嫩嘅帶子帶子鮮甜加埋油汁食落去好滑 味道會變得更有層次！ 配搭清新 👍🏻🥰好滿足Sea Urchin Tagliolini $238(海膽意式手工意粉) 意粉面上的海膽大舊足料 味道鮮甜濃郁又新鮮😍意粉用手工意粉 口感煙韌彈牙 極有咬口意粉醬是由海膽同埋忌廉組成意粉仲要好掛汁 啖啖都充滿海膽味🙈Canadian Pork Rack $238(加拿大豬鞍扒配蘋果蓉)豬鞍扒好厚肉呀 岩哂D食肉獸切開見到仲係肉質粉嫩 肉質口感幾好 唔會鞋蘋果蓉帶出咗豬鞍既香味 又唔會太膩勁快清哂 令人回味❤️Tiramisu $138 (自家製提拉米蘇)看得出忌廉和慕絲比重較多都幾大件 感覺更不一般呢口感幼滑有層次 入口軟綿綿 甜而不膩蛋糕的冧酒香味非常突出 食得出廚師用心製作食到飽飽飲番杯野先😂叫左兩杯Mocktail 🍹Strawberry Basil $68 草莓九層塔

今日去完朋友簡介的大學展覽之後,來到了九龍塘商場,享受一個休閒的下午茶.餐廳環境佈置十分之簡潔明亮,加上座位之間距離比較闊落,店員也十分熱情地招待.這個飲品十分之有特色配上香脆的爆谷，至於熱飲方面這個雜莓茶充滿了果香的味道.首先鹹點方面煙三文魚十分之肥美，各沙律醬也是自家製的因此口味十分之新鮮，竹炭的漢堡包配上牛肉簡直是最美好的配搭.朱古力蛋糕十分之細滑，士多啤梨果撻外皮十分之香脆水準十足，芝士蛋糕十分濃厚，這個木糠甜品配搭十分之特別，令味蕾達致衝擊的感覺.最上一層的提拉米蘇，細滑得來又充滿了濃厚的感覺，鬆餅配上提子都是最美好的結合，最尾的馬卡龍也沒有令大家失望.

好耐冇去九龍塘搵食😋今次scones鬼繼續出動🥳去咗又一城Va Bene食indulgent afternoon tea✨咸食有：煙三文魚山羊芝士卷、鵝肝慕絲配杏醬多士、龍蝦牛角酥、迷你牛肉漢堡、蟹肉牛油果杯🦀全部都係心思配搭又惹味好食🤤甜食有：馬卡龍、scones、木糠布甸、芝士蛋糕、朱古力蛋糕、Classic Tiramisu、水果撻🍰有水準嘅發揮兼我覺得甜品份量比平常嘅大少少🈵所以食完係飽住滿意咁走💖

今日做乖乖女一放假得閒就同媽媽hitea🥰帶佢黎Va Bene Italiano之前黎呢度食個tea buffet好好食坐得又好舒服今次就黎試下tea set 啦😍TEA SET包括以下鹹及甜點1/煙三文魚山羊芝士卷濃香山羊芝士包住煙三文魚味道好夾😍2/鵝肝慕絲配杏醬多士呢個係我最中意食嘅其中一款鵝肝勁厚肉呀😍配埋脆卜卜多士my 飛佛3/龍蝦牛角酥牛角酥超脆配埋龍蝦淡淡肉好食呀🤤4/迷你牛肉漢堡5/蟹肉牛油果杯蟹肉超多加埋我最愛嘅牛油果yummy6/馬卡龍7/鬆餅8/木糠布甸9/自製蛋糕和撻10/提拉米蘇甜品都好出色，我真係一個甜品控細細件，唔怕好膩，我地全部都食晒😍總括黎講 值得一試再試下一次我決定同我班姐妹再去過yeah 😍我叫左香茅薑茶媽咪叫左雜莓果茶我認為食TEA SET最好就飲熱茶最匹配😎飲完去膩

今天約了好友到又一城食Afternoon Tea☕️平日下午趁着人流較少，找到有高度評價的VA BENE Italiano 意大利餐廳。餐廳其中一邊是半開放式座位，格調高雅，環境舒適，感覺悠閒。午市時段有Semi buffet，朋友較喜歡三層架嘅Afternoon Tea Set ，可以試多款小食又可以打卡影相📷😍Indulgent Afternoon Tea Set ☕️🍮$348 including Tea or Coffee 三層架下午茶送上，滿心歡喜賣相超靚～❣️食物睇落幾精緻，鹹點甜點各佔一半左右，味覺平衡特別吸引😍🌟 🌟煙三文魚山羊芝士卷：山羊芝士味道濃郁，捲着鹹香嘅煙三文魚味道絕佳！🌟 鵝肝慕斯配杏醬多士：眾多鹹點鐘味道最濃郁。鴨肝醬幼滑甘香，味道濃郁豐厚，配少少酸甜嘅杏醬，簡直是一道頂級嘅頭盤！🌟 龍蝦牛角酥：龍蝦肉作餡料，矜貴精美，牛角酥仲好鬆脆👍🏻👍🏻🌟 迷你牛肉漢堡：迷你版嘅漢堡好精緻，牛肉又出其地美味有肉汁一啲都唔乾👍🏻🌟 蟹肉牛油果杯盛滿蟹肉，非常落本！仲有蟹嘅鮮味，牛油果香滑，超美味嘅鹹點😋Marine Splash 🍹Tea set 包括咖啡或茶，亦可加錢轉其他

最近超想食呢類型既三層下午茶，男友挑選左幾間俾我篩選，最後我揀左呢間試下😌❤️Afternoon Tea Set 💰3️⃣4️⃣8️⃣最喜歡以下幾款😋❤️蟹肉牛油果杯超足料勁多蟹肉勁鮮味😍🤤❤️龍蝦牛角酥爆晒餡😍 酥皮香脆層次豐富👍❤️鵝肝多士上面塊鵝肝勁厚身！🤭配咗杏桃醬唔會咁膩😋❤️自家製撻撻皮香脆，莓果搭配吉士無得輸🙌🏻❤️馬卡龍綠色嗰粒嘅果仁味好突出，出色！👍👍❤️鬆餅配嘅果jam好多果粒，味道微酸，真材實料😊個set本身包咗regular tea/coffee，我哋加錢upgrade左做其他飲品😁❤️Mocha ➕💰1️⃣8️⃣呢度既mocha偏重咖啡味，朱古力味相對淡啲，要黎配甜品幾夾🤭❤️Caramel Ice Cream Coffee ➕💰4️⃣8️⃣杯裏面有一球焦糖雪糕黐住粒咖啡冰😂店員再另外倒啲熱咖啡落去，冷熱交融，甜度剛剛好，好飲！🤤呢個價錢就歎到咁精美既二人分量下午茶，真心超值😍

online book左今日11:00來到又一城va bene italiano食semi lunch buffet,每人用餐時間限時90分鐘，包埋餐茶一杯同自助甜品區，收費如下:自助餐（buffet only）:$278加一自助餐+主菜（buffet with main dish）:$298加一出去巡完buffet bar後，見到buffet bar食物種類豐富有凍海鮮，烤肉，凍切肉，火腿，各式沙律等同甜品，所以決定淨係食buffet而唔使加main dish自助區食物質素如下:凍海鮮質高有驚喜凍蝦雖則蝦身不太鮮，但蝦肉結實同蝦味豐富，食多幾隻夠回本凍青口幾大隻，味道不及蝦好食，但加d檸檬汁會更帶出青口鮮味牛油果蟹肉有驚喜，食落相當清新，配搭非常好，最後食多兩杯添烤肉區幾豐富燒牛肉肉質鮮紅牛肉味夠，唔會過熟，又夠肉汁，共食左三塊燒豬手鹹香味濃皮又夠脆燒春雞肉質幾滑，唔會太乾身燒腸仔味道則中規中距沙律區款式多又清新沙律菜有西蘭花，芝士番茄拌青瓜，生菜，燒黃椒，脆肉瓜全部爽口新鮮，海鮮沙律好正，有八爪魚和蝦肉好入味，油浸三文魚入哂味，共食左十塊，仲有吞拿魚撈通粉都好好味，加埋幾款凍切肉如

開心要搵好嘢食慶祝一番，唔開心更要搵老友吹吓水，飯聚暢飲。😅星期四晚九龍塘又一城食店依然人流暢旺。呢間食意大利菜似乎都不錯，平日晚上也座無虛席。隨意點了一些招牌的薄餅、意大利麵。大眾化的口味，也不是十分特別。 😋個人更期待的是生牛肉薄片，因為近來好少餐廳有此供應，不知道是因為食物衞生的問題，還是很少人喜歡這道菜的緣故。這餐廳做的質素非常好，當然喇，佢選用了日本和牛做生牛肉薄片。牛肉入口即溶化，只是這牛肉薄片有自己獨特的味道，除了一般的火箭菜及芝士，又好似沒有落醋，略嫌鹹了一些，但口味還是很討人歡喜。 跟住來一個燒烤海鮮拼盤，食材新鮮，燒烤味很香，味道也很好！餐後總要來一點甜，可是拿起餐牌見到的只是非常普通的 Tiramisu 、Creme Brulee 、朱古力蛋糕等，本來沒有很大意欲要試試。但還是點了上述三款。樣子是一般，但估唔到餐廳的甜品竟是極頓晚餐的亮點，是出乎意料之外的好味！大概生活都太苦了，能在苦中找到一點甜，總算是一點安慰吧！

朋友介紹的一間餐廳 星期五晚上座無虛席我地三個人先叫左小食 叫杯cocktail呢到選擇都好多 先上麵包籃 麵包唔係太熱 係一般水準 無得refill叫左兩個前菜 呢個八爪魚一般 但賣相十足pama ham好味 朋友話佢地用做brunch, brunch 係semi buffet, ham同cheese, salad都係任食🙈🙈 如果鐘意食𝖧𝖺𝗆不妨黎一試𝖢𝗈𝖼𝗄𝗍𝖺𝗂𝗅賣相好靚 打卡一流 無奇怪藥水味好睇都好飲最後黎埋兩個主菜 兩個都好味 我地全部清晒碟 滿足的一餐

頭盤選擇餐湯或半自助吧，兩者差距太遠，性價比當然選擇半自助吧啦！但其實餐湯好平咋嘛，點解唔俾埋人哋飲呢？價格都靜雞雞加咗冇咁抵食。招呼普通。薄餅偏鹹，意粉份量較少。餐湯質素極好，今次試咗雜菌湯好好味！意粉有啲酸。自助吧好抵食。蛋糕質素普通。火腿有 Parma ham丶凍蝦🦐丶沙律及芝士都唔錯。所以正路係應該揀沙律包吧！座位都係一般座位冇乜特別唔係太舒適而且通道好狹窄。飲品就一般飲品啦冇乜特別。冇乜優惠提供。