Tonkotsu 8 by 三田製麵所 (Citylink)

營業中

休息中

是日9：30入座，有張四人枱無人坐，店員都不俾我地兩人坐，要搭6人枱坐，其實都算係最後一輪入坐，又無人等位，係咪真係咁唔識做呢。入座後，店員說10：00 last call, 10:30關門，睇緊menu 途中，店員三次走埋黎問係咪點菜，我心諗，我好似無嗌你話點菜喎，我都唔理佢，趕收工唔好招呼我入黎食嘛，仲有半個鍾先last call, 未有耐收工喎，食碗面要幾耐呀，我食完你都未到last call 啦。到我點菜既時候又好似好趕時間咁，點咗碗拉麵，一個愛美麗既店員問我麵要淋身，硬身，定適中，但佢講得太快，我都唔知佢講咩，問佢咩話，佢即時黑我面。喂，我黎消費架，我唔係黎阻你收工架，你自己講野一舊舊，仲要黑面怪我聽唔到，咩服務態度呀，唔該檢討下自己先啦，仲話日式拉麵店，似一間茶餐廳多d囉。講番食物，以我女仔既食量，碗麵真係唔係幾夠飽肚，塊叉燒又薄，味道亦一般，仲有半隻溏心蛋，味道叫ok, 冇其他蔬菜類既配料, 咖哩湯頭味道還可以。如果有其他選擇，回頭既機會不大 ，我唔想再俾人黑面。

看到三田製麵所 應該跟銅鑼灣的一樣星期日 又不用排隊 就試試看坐下來 看到餐牌 沒 有 沾 麵 ！已經覺得 中 伏 ！抱著試試看的心態餐牌上沒有任何一款的食物能吸引我😶唯有點了最普通的原味豚骨拉麵原味豚骨拉麵 $63下單只有5分鐘拉麵已經立即送上心想 有沒有這麼快！？😦外觀已經不討好吃起來也十分普通只有滿滿的蔥麵條 幼麵 軟硬適中叉燒 溏心蛋 沒有任何的味道🙁湯底 超級普通😶 只有咸味🙁拉麵店有加一服務費 都是第一次見😕用70蚊 可以吃更好吃的東西！🙃

星期六想拿拿林食個lunch真係好難。通常都要排隊等位😞係連城見到呢間得果兩個人等位，唔駛等咁制，真係即刻試下先！呢個煎餃子皮薄但唔脆 普通 （以為麻麻 但食完佢個拉麵發現個餃子已經係算幾好食）呢個拉麵真係味精重到...個糖心蛋都ok既但個麵底仲差過杯麵！真係唔掂。唔明點解呢間夠膽主打拉麵呢個撈麵賣相就令啦, 食落...無口感可言, 一pat野咁。個麵底都係唔掂，又無咩味。要自己加豉油黑胡椒醋落去先勉強食得落但都係食左半碗已經唔想再食。我坐左係果度短短40分鐘 侍應已經又要我轉位2次...問佢湯同撈麵食法 又hea理我...難怪唔駛等位。食物唔得 服務唔得 價錢唔係平 環境又唔係特別好..真係一定唔會再去呢間食。

剛剛去左沙田新城市廣場搵個小學同學食晚餐，他話好耐無食日式野 想食下拉麵，剛見到商場內其他餐廳都比較多人，反而有間日式拉麵店不用排隊，於是決定試一試。餐廳環境都算寬敞，燈光都足夠，職員都算招呼不錯，店鋪只是欠缺特色，餐牌上都有多款拉麵選擇！原味豚骨拉麵豚骨湯味普通, 唔夠香濃，麵條係白細麵，正常硬度口感。叉燒片脂肪多, 由於本人唔食肥, 咬開d肥之後得番少少肉,肉腍但味道淡，一句講曬------叉燒唔合格，溏心蛋味道正常, 但要浸一段時間先熱倒中間個蛋心！香辣豚骨拉麵先來口湯，比白湯底更油更香，渾厚中滲出辣味，難得是油而不膩，多喝幾口，更覺刺激。吃過一次，立時介紹給愛辣的朋友，她吃過後，嗜辣的她當然不覺得辣，但也認為湯濃味鮮，是比「白」更精彩的選擇。分量都算足夠一個人食，麵質與原味豚骨拉麵一樣。

Rice and ramen are both available in Tonkotsu 8 and I had the spicy soupless ramen ($65). Katsuobushi, two kinds of spring onion, spicy minced meat and seaweed pieces were in same portion, topped with raw egg. Stirred them all together, the ramen bowl is quite strong in taste. Relatively short ramen. The proportion of spring onion should be lowered.

本來打算到沙田某美國餐廳食扒，但冇訂位，要等十多張檯，便放棄了，轉到連城廣場搵野食。晚飯時間，一見這店冇人排隊兼有好多位，而其他店已滿人，心已知不妙，但家人唔想再等位，說要在這店食，唯有試試。要了三碗豚骨拉麵原味，一碗豚骨拉麵辣味，再加錢變沙律套餐及餃子炸雞套餐。流心蛋 好好味，蛋黃流心野味。麵質揀了適中硬度，不太硬又不太腍。湯底冇特別，叉燒亦不過不失。整碗麵味道普通。辣味的湯麵真的十分夠辣，平常吃得辣的家人都受不了，要不停喝汽水。炸雞味道一般，但肉質較鞋。餃子煎得不夠香脆，味道一般。吞拿魚沙律較為好吃，蔬菜新鮮爽口。

最近一個禮拜大概會有一晩喺沙田食晚飯見有新野就試下可惜失望而回叉焼無味，湯底似現成唔係自己煲，無豬骨三湯應有的香味加錢試埋件招牌炸雞，油到不能，一咬落去雞皮內D油出曬黎，唔敢再食同樣價錢隔離商場有更好的

沙田連城廣場有很多食肆，新加入有韓式泰式現在亦都有日本拉麵，餐牌琳琅滿目門口又排長龍所以一試。拉麵有很多款咖喱賣相不錯。見到有員工坐喺度食店內的食物心裏覺得總算有保證。最終叫了豚骨拉麵喎咖喱撈麵，套餐包括炸雞和餃子，另外叫了炸雞翼試試看。總括都是比較重味，應該有很多味精炸雞翼賣相OK但有冇味這店試一次就夠了，如果沒有選擇的話都勉強可以再食的

絕對認同其他食評:1)如果你唔想等既，就黎食2)cup noodles 仲好食過佢但成八十幾蚊，周圍又排到癲，冇理由嗌左唔食。結果飲左四杯水下食完絕對冇下次!!!!!超差

沙田新城市附近食肆多不勝數，成日出去食飯嘅我哋，都差唔多間間都食過晒，新年嘅日子間間食肆都好多人排隊食，所以過咗嚟連城廣場呢度睇吓有咩食，見到有間拉麵店，之前都未食過，又唔想排隊食其他，呢間室外又有位，所以就食依間啦雖然要坐室外，但天氣唔算好凍，都冇問題嘅我哋兩個點左「豚骨拉麵配黑麻油湯底」味道都不錯，蒜味很濃郁另外再外加了加叉燒、半熟蛋 叉燒肉質適中，半熟蛋煮得好入味我地其中一個加左炸雞套餐可以多餃子同炸雞兩款小食餃子唔駛蘸醬都好味炸雞炸得都好香脆，味道帶鹹，好惹味，皮再脆更好雖則食物都唔錯，但服務就好差因為當侍應生將食物奉上時，不小心撞跌我的筷子，筷子經過我的腳再跌在地下 筷子依舊留在地下，只是去取了另一雙筷子給我期間一句「唔好意思」都沒有其實人誰無錯，禮貌是必須，尤其是服務業希望可以改善一下

已經知沙田無咩野好食，諗住就腳就係連城食野就去行街。加上又好耐無食拉麵，諗住試下，點知一試就中伏，相機都唔想拎出離影。講返啲食物，我地叫左個原味豬骨叉燒拉麵，鐵板咖哩炒飯同炸蝦球。拉麵: 份量較少，叉燒都係得一塊咁多，麵質食落無彈性，湯底都好普通。鐵板炒飯: 只可以話係合味道咖哩海鮮杯面嘅炒飯版。炸蝦球:比想像中細粒，但算成餐飯最好食嘅野。另外，落單都非常混亂，前後落錯幾次單，埋單果陣仲差啲收多我地錢。

行過連城廣場見到有間新拉麵，見到個8宇以為係8番，打算無視，但睇真啲見到佢寫住三田製麵所，就決定食呢間了！排隊嘅人唔係好多，等咗一陣就有得入去了。我地坐室外座位。我地分別叫咗一碗黑麻油拉麵同炸雞撈麵。作為一個炸雞控，如果有炸雞食，我多數都會點的。所以今次叫咗邪惡嘅炸雞撈麵。配料有辣肉醬、蔥花、木魚碎、紫菜絲，仲有隻蛋喺中間，每啖都有濃郁香味。麵身彈牙，係我鐘意嘅口感，撈麵麵質好緊要，此點佢做到了。下次口痕想食炸雞的話我會再食呢間！

本身呢係以為銅鑼灣間三田製麵所嚟沙田開鋪 ，入到去， 發現原來冇沾麵食！ 咁我就嗌咗香辣豚骨拉麵食， 友人嗌咗黑蒜味個豚骨拉麵。 我個麵食落不過不失咁啦， 幾香辣嘅，啲辣油， 塊肉都幾特別，幾好食，不過好薄， 唔係好夠餸 。但係不過不失又收咁貴，就唔抵食仲有加一真係好貴我揮手叫個侍應加單叫咗好耐都冇人應，後尾先加到單。加個麵底 (正常分量嘅面嘅一半 )，就咁另外一碟麵要收十蚊， 真係覺得特別孤寒，本身整到唔夠食，跟住要人畀多十蚊，去買番啲面嚟食後尾再叫一件炸雞食，粒炸雞真係好細粒，仲要收9蚊，仲要加一真係好唔抵。下次如果真係咁想食好西嘅話 ，都係去遠啲去銅鑼灣間三田製麵所食仲好，又係八十幾蚊，仲食到好飽都得。 又或者cheap cheap地去禾輋嗰邊食米線都係40幾蚊都搞掂。 呢間我真係唔會再去😓

連城廣場都算係沙田火車站附近最多餐廳的地方之一，今天經過，見間新開的拉麵店，又沒有人排隊等候就入去試試，點知就是中伏的開始⋯⋯點了一個黑麻油豚骨拉麵，廚房出菜速度極慢，足足等足半小時先將拉麵送到，期間已經催了三次，侍應們都漫不經心的樣子！拉麵店一般都很少會收服務費，這店還要收取加一，完全不知道那來的服務可言？😡😡😡😡😡

抱著期待的心情去食，不過不失。不用等位，企企理理，而且設有儲物籃於凳底，扺贊。麵的湯底達到標準期望，但叉燒卻不如人意，沙律也一般般，以此價位，相信可以有更多選擇。