The Story Cafe and Bakery

營業中

休息中

見Openrice外賣有75折就試一試，點知中大伏見佢落單要30分鐘先有得拎，就早啲落單喇，點知最後等左45分鐘先有！其間入店問過兩次個餐有未，但啲姐姐係懶懶閑，仲話自己多外賣單做唔切我眼見根本就得幾張單，現場都係得一兩檯客堂食，而堂食客人都係等到唔耐煩催單，真係完全唔明點解可以出餐出得咁慢！等左咁耐有一絲希望啲野可能好食，點知只有失望.......食物質素真係好差，75折左之後都要$106嘅豬鞍扒意粉衰過茶記，舊扒唔計肥膏同骨係得3分1食得，仲要肉質超鞋...意粉煮過龍，而且無味......呢間野真係唔會再食第二次

我叫左個羊架餐，結果個女人侍應俾左我個餐隔離枱，之後拎隔離枱個餐俾我，重問我介唔介意，我同個待應講我唔食牛，我點樣幫你食丫，話叫我唔好介意，真心有病，之後個女人勁冇禮貌啤住我

很耐沒有來過這間The story了 今天星期六 ,午膳時間都有八成坐滿, 相信是因為他們款式比較多，中西式港式特色意大利等等都有， 比一般茶餐廳感覺較為高檔價錢平均六十多元， 以青衣勝嚟講已經非常實惠。叫了一個日式炸魚咖哩飯套餐， 餐湯及咖啡就不用說了，感覺比茶餐廳更差， 口感非常淡，水太多。不過來了一個比較豐富的炸魚飯，感覺有點驚喜 ，入口即溶，香脆可口，份量也不少。可惜，那個飯都是一般的絲苗白飯， 並沒有用珍珠米，沒有什麼特別，咖哩也比想像中淡薄，不夠濃厚吃了不覺得，自己在吃咖哩。服務方面到時聘用一般經驗不太多的阿姐， 街坊味反而比較濃厚， 唔睇裝修其實有點像屋邨茶餐廳，勝在環境裝修比較有特色，並且坐了很久都沒有人干涉。 算啦， 都唔算好貴，回頭到都很低的。回頭 味道 份量 環境 衛生 服務 交通 性價

今次打算在黃昏時間才迪士尼樂園，所以在這之前就在青衣城逛逛和吃個下午茶先。看到這間星期六也有下午茶供應，大約$42-$48左右連飲品。感覺在商場店來說都幾便宜，不過餐點有出前一丁和西炒飯之類，好像跟"Cafe and Bakery"不太合襯 🤔我點了 - 香茅豬扒出前一丁 ($42)豬扒超大一塊，出前一丁的份量不似一個，吃起來有點多。但豬扒那麼大塊放在湯中有點難切，而且吃落沒什麼香茅味。肉質都幾軟嫩，外層茅得很香，其實不錯吃的喇。飲品選了熱檸蜜，加錢可以轉特飲那些。朋友點的是 - 士多啤梨雪糕班戟 ($44)這個等候的時間會耐一點，班戟偏甜，而且吃落有點像蛋糕那樣子。

曾幾何時食過佢嘅All Day Breakfast，佢條香腸真係咸到腎虧，仲有個餐湯都好難飲，所以對呢間餐廳印象一直都麻麻地，但今日諗唔到食乜好，決定俾多次機會佢。今次試咗個大蝦牛油果沙律($88)，佢沙律嘅醬汁本身係唔錯嘅，但係佢嘅沙律菜就唔夠新鮮，食落唔會有爽甜嘅感覺，而牛油果嘅份量少之餘，賣相仲非常差，全部都係爛晒一舊舊。至於佢嘅所謂大蝦其實都係普通Size蝦，都算係爽口彈牙嘅，但以呢個價位來講佢竟然無挑蝦腸，真係唔得囉。職員服務態度仲衰過去咗茶餐廳，所以冇乜特別我應該唔會再食呢間。

豐富All Day BreakfastThe Story Cafe and Bakery 青衣______________________________今早小編來到青衣城食早餐～～叫了ALL day breakfast ($78），蜜糖烤雞扒配炒蛋， 雞肉腸，芝士火腿牛角包（$44）。ALL day breakfast（$78）：牛角包，意大利火腿片，茄汁豆，雜菌，炒蛋，香草腸，扒茄。超級豐盛～～最值得一提是他家的芝士火腿牛角包 🥳🥳牛角包酥皮鬆脆，芝士香口，很值得一試～～

今日係青衣城行街, 諗住食個下午茶路過呢間餐廳, 入門口已經排曬隊冇人招呼, 得三個樓面兩個負責喺度收銀, 一個喺度收緊枱。咁啱好幾張枱一齊起身埋單, 跟住啲侍應淨係喺度收錢, 冇人執枱同招呼門口啲客。錢收得差唔多就叫門口啲客自己入去坐, 但檯面全部都係啱啱食完嘅碗碟未收。我搵枱坐低位置貼近水吧, 之後見到收碗收碟個阿姐, 整理完啲污糟杯碟冇玩手套, 直接搵手插入冰桶倒轉啲冰, 最精彩就係佢沖杯凍檸水嘅時候, 嗰塊檸檬跌咗落洗碗盤, 佢搵鉗鉗返掉落個杯裏面。我叫咗個下午茶乾炒牛肉意粉, 我阿媽叫咗一件咖啡蛋糕, 我碟意粉上枱都算正常。點知我阿媽嗰件咖啡蛋糕唔知係隔夜, 定個雪櫃溫度調教得太凍成件蛋糕乾曬。 我叫個侍應埋你同佢講, 可能係新嚟嘅生唔知點處理, 跟住有個紮馬尾戴眼鏡嘅紮馬尾侍應, 搶返啲蛋糕行過嚟車落張枱, 同我阿媽講食過冇得換你食埋佢, 勁冇禮貌又惡。其實都幾奇怪, 我唔食過點發現, 你件蛋糕有問題同你提出呢?遇到咁不禮貌對待真係無名火起三千丈, 我梗係開口鬧返佢, 跟住有個高級啲嘅職員聽到, 就叫佢行開做其他嘢。點知條友仲不停口鬧我,話我冇禮貌, 其實整件事上面係佢開口

星期日黎食lunch 度度都好多人 貪佢唔使等位入左去 點知中伏野食遲黎先到 同佢員工反映 仲要話廚房唔係跟入坐次序煮 同佢講格離遲黎叫同一野食都到左佢先收皮 員工態度勁差 完全冇唔好意思.野食一般 仲要受佢氣一定唔會再幫襯

第一次嚟呢間餐廳，都聽過好多腐皮，但係我自己對食物冇乜要求所以冇乜所謂。餐廳有三個姨姨店員，明顯有啲手忙腳亂，坐咗15分鐘已經兩次送錯餐。叫咗兩個下午茶餐，一件蛋糕加一杯嘢飲，但係店員唔知道自己有乜嘢蛋糕，要我自己行出去睇。下午茶餐$42 ，但係我行到出去睇一件蛋糕只係$20 ，即係一杯凍飲要$27 ，仲貴過件蛋糕。OK冇問題可能你蛋糕做緊優惠。我叫咗一件藍莓芝士蛋糕，一件朱古力慕絲蛋糕，但係嚟到藍莓芝士蛋糕，係沒有芝士的，全部都係海棉蛋糕，即係藍莓海棉蛋糕，可能啲芝士收埋咗係一啲神秘嘅位置我見唔到食唔出。到件朱古力慕絲蛋糕，餐廳標榜蛋糕每日新鮮製造，但係我幾肯定件朱古力蛋糕起碼放咗兩至三日，上面啲cream外層已經乾晒硬晒，成件蛋糕冇朱古力味，冇甜味，外層乾硬，一係佢比錯件塑膠display俾我，一係真係咁難食，真係食唔到落去。腐皮是實至名歸。人生最差蛋糕。哭左

如果您早上有幾個小時得閒，呢個地方很藉得去既地方。坐低成半小時都可以冇人理，服務很好，我最憎人催鐘，可以打開書本慢慢嘆，再煲一套劇先走。如果肚餓又可以叫野，又hea一個鐘，食完已經半日。

夜晚去青衣城 the story食晚餐叫咗一個烤雞蛋包飯一見到碗飯 即刻呆咗睇佢個樣叫佢蛋蓋飯都未夠資格根本係蛋碎飯 啲蛋又老又碎 似係整衰咗然後炒番啲蛋碎鋪喺飯上面就算烤雞就普普通通 都佩服間餐廳可以咁厚面皮叫呢碟野叫蛋包飯👏🏻做唔到就唔好改呢個名誤導消費者另外周圍嘅人都有湯 唔知點解係我哋冇問佢拎返個餐單睇 佢先自動波俾返兩碗湯我哋一句唔好意思都冇記得幾年前食過呢間餐廳係唔錯冇去一排質素差咗勁多亦難怪在場好多空枱大家如果唔係冇選擇都唔建議去呢度食😇

第一次去青衣城食早餐揀咗呢一間入去做咩知中伏因為職員會check 針code ，所以係門口等。等左兩分鐘先有職員見到，點知一句就話點解你自己唔入去，語氣很不客氣，佢覺得點解我要等佢咁。 職員勁冇禮貌，衛生環境欠佳職員全程帶着同一對手套收枱同送飯餐 一定唔會有下次

見裝修好似幾靚，可以入去食。點知坐低落單等勁耐，冇人手唔緊要。之後幫我哋落單嗰個阿姐，原來係酒樓嗰邊過嚟，咩都唔識。之後前後落單有3個人重複問我地5次。啲嘢食黎到，先唔論食物質素，我地叫咗份鐵板雜扒，黎到用碟裝。個員工同我哋講話冇晒鐵板，又話用鐵板放唔晒啲雜扒。咁如果放唔晒嘅話，一係你喺Menu度唔好寫係用鐵板上。之後另一個餐黎到，我地叫黑椒肉眼扒，冇寫到明用鐵板上，結果佢用咗鐵板上。前1分鐘先同我哋講完話冇晒鐵板，下1分鐘竟然有鐵板出現，真係呆左。想叫佢個甜品，個阿姐話佢唔得閒。咁我想問係咪即係我等都冇得食？😅唔會再去食！唔建議去食！

一早到青衣城工作工作完已經11點多在OpenRice搜到這家餐廳坐下後侍應跟我說現在已經沒有早餐，但是午餐要等到11:45才能order我坐下的時間是11:30大家千萬不要在這個時間到餐廳，卡在中間很尷尬😓今天是輕斷食日只吃一餐想吃豐富一點跟侍應說要All day breakfast 然後她跟我說：這個要$78呀我說：我知道啊然後她說：有些人會嫌貴，所以我要跟你說清楚我：哦⋯我像吃不起$78的午餐嗎？😅老實說，這個價錢並不貴外面很多餐廳All Day Breakfast是需要百多元所以它的質素就只是$78的質素囉沒有很好吃也沒有很難吃就中規中矩吧餐廳勝在裝修還不錯至於回頭率嘛⋯🤷🏻‍♀️

當我入嚟無耐，聽到2枱前後食客差啲拍枱問點解啲嘢食等左9個字都唔嚟，我已經好驚🙈🙈好想走，終於嚟左個燒雞蛋包飯，我發覺佢要改名做雞排、白飯、煎左個十一成熟嘅蛋俾我，可以全部分開晒同個蛋包飯無關係，個雞似被人食左一半咁留番俾我... 我朋友叫左個比較貴嘅牛扒，佢評語係好似樓下茶餐廳好食過佢，或者我被佢外觀欺騙左🤨總結，其實不如叫個老板請多啲人，或者開少啲位接客人，長此落去，啲員工日日被人話都唔係好事😅