The Story Cafe and Bakery

營業中

休息中

同男朋友去青衣城睇中醫，路過入咗去，點知伏到痴線🫨啲食物好差，完全唔知食緊乜。環境一般，氣氛好奇怪。侍應全部都係姐姐，座位安排極差。冇服務可言，我哋2個坐低連水都冇杯。葡汁完全唔似葡汁，唔知食緊乜。西冷牛扒只係得啲頭頭尾尾，仲有紫薯做配菜，三樣食物完全唔夾。鐵板海鮮烏冬味道正常，蝦都尚可接受，質素係屋企都煮到嘅貨式…完全唔明白點解仲未執笠，唔建議呢間垃圾繼續存在…我哋食食下，擰轉頭望到後面嗰枱飲緊茶。唔知發生緊咩事🥵

第一次咁想black list 一間餐廳!叫左3份早餐堂食, 一份外賣。叫腸仔炒蛋 1份; 餐肉煎蛋2份, 可以全部落單寫哂餐肉煎蛋!叫飲品走甜, 3杯有2杯無走甜!麵餐是出前一丁, 但麻油包欠奉!水吧枱面有蟑螂行過!等餐時間超耐, 建議大家有心機等先好嚟依間!臨走時, 見又有新客人入來冇人理, 真有衝動上前叫佢唔好食依間!落單: 錯, 0分水吧: 錯, 1分, 因為佢肯換過。服務: 我俾0分, 冇服務可言。等餐時間: 0分, 因為超長時間味道: 好一般, 沙爹牛肉冇味外賣: 麵連湯全部放在一個盒, 還要收$2外賣盒錢! 外賣: 一杯飲品、一碗麵, 共收取$4! 第一次來亦是最後一次來! 我好同意之前的食評, 點解一間咁垃圾嘅餐廳重未執!

食緊嘢途中，見到一位水吧員工用載住檸檬的筒(沖檸檬茶飲用)筒中的夾， 用來夾其他員工收枱客人已用的水杯， 見員工是有帶手套的，之後見佢去攞垃圾剷同掃把去掃地，掃完地之後見佢拎起個垃圾鏟放喺水吧枱上拍出垃圾， 放低垃圾鏟之後佢見廚房有食物出就用返原有的手套去攞食物給客人

一路都未食過呢間舖頭，今日第一次食，亦都係最後一次食。啲嘢食難食服務又差。我叫左碗冬陰功海鮮通粉，個冬陰功湯完全唔得，一啲冬陰功味都冇，完全好似用辣椒仔開水咁，啲通粉又淋啲海鮮全部都係雪藏味。另外仲嗌咗個all day breakfast,又係完全唔正常。有一個扮牛角包嘅豬仔包、仲有一條魚手指，但完全未解凍就攞去炸一陣雪藏味。跟住就好似其他人講咁服務勁差，啲侍應明明見到你舉手都扮睇唔到，明明同啲侍應講咗個餐喺隔離位，但個侍應完全唔想再行多步將個餐喺我面前第過去隔籬位。收碟嘅時候隻匙羹滴緊湯，跟住喺我隻手上邊經過啲湯滴晒喺我隻手度，個侍應完全零反應。做水吧個阿姐，掃完地將個垃圾鏟連垃圾直接跨過個水吧枱倒入垃圾桶入邊。唔明點解間鋪咁差都生存到。

食評真係要睇家！ 一早諗住食個開心早餐，見佢有少少裝修就入去試，點知咁就伏左！咁大個人都係第1次遇到咁差嘅餐廳！ 真係寫10個伏字都唔夠！差差差差差！入到嚟叫嘢食，啲嘢食到左，但啲嘢飲一直都未到！ 足足等左成個鐘先到！啲人係到做咩呢? 水吧又做收銀，侍應又做下水吧，完全搞唔掂，唔止我呢枱，其他好多枱都未有嘢飲！等左咁耐杯咖啡終於到！ 飲到尾升發現，點解杯咖啡入面會有幾粒檸檬核？！ What？ ！夠竟沖嘢飲個個有無拎起隻杯睇清楚先沖？夠竟有無洗乾淨隻杯？夠竟有無洗杯？如果上一個客人有病，無洗過杯，咁啲杯嘢想點？如果因為咁而病左，係咪搵你地負責？！夠竟有無洗杯呀？？？？做餐廳最基本衛生都做唔到！仲有幾粒係入面！

野食難食，特別係野飲，換完後一樣更難飲，就連套餐包的餐湯都無上。此外，服務員態度太差，明明見到舉手，都扮睇唔到！！65元的lunch set，食完覺得浪費錢！食左兩口，成份餐無再食過！千萬不要去。

今天路過青衣城見這間餐廳裝修幾靚，好像坐得很舒服邊入去試一試餐牌都有幾多選擇有各種焗飯，例如焗豬扒飯、焗雞扒飯，又有意粉例如帶子、三文魚、雜菌意粉，而且價錢不算貴我叫了鮮茄焗牛肉蛋飯，只是$50。－上枱已有驚喜，芝士滿滿的，而且有很多蕃茄，食落果然美味😋蕃茄味濃，芝士又香，而且牛肉份量也不少，味道適中。班尼旦卡邦尼意粉只是$55，蛋滑溜流心，醬汁美味，意粉入哂味😍😍件蛋糕做特價，只是$20，當然要試吓。我們叫了粟子芝士蛋糕，好香粟子味，不會過份甜最抵的是不用加一，價性比十分高👍🏻見餐廳也有供應各種下午茶，價錢幾抵，下次必定試試😋

【葵青區】【The Story】之前兩次寫青衣都係寫青衣邨青衣商場嘅食肆，而我呢排都幾頻密咁進入青衣，有時間有機會的話都想寫吓其他嘢。之前我寫青衣嘅時候都係輕輕咁帶過咗青衣城呢個地方，其實就仲有啲嘢可以寫嘅，例如今次要講嘅呢一間。呢間西餐好似係比較平民啲嘅，除咗西餐主食仲有啲糕餅咁，都係走呢啲西式路線。所以現場都見唔少係親子客人，有埋小朋友喺度咁，可以話係老少咸宜。咁我就自己一條友去食嘅，晚飯時間去嘅就係食「滋味晚餐」架啦。我叫咗 $138 嘅「美國肉眼扒」配「薯菜」，原來已經算係貴嘅一個餐，喺大型商場西餐嚟講都幾估唔到。味道上佢屬於正常，呢個價算有交待。跟餐仲有「粟米忌廉湯」同埋加 $5 轉嘅「熱朱古力」，兩樣都係一般料啦。咁就食咗我 $157，不過喺大商場，有牛扒食，西餐格局又冇得要求太多，而且佢都唔係用茶記薄牛扒，算喇。大家睇到呢度應該都估到，我又會二訪喇，咁始終去多次係好似可以寫得再全面啲咁嘅，不過今次都係去食晚餐。叫咗 $128 嘅「香煎紐西蘭羊架」三件配薯菜，啲羊幾好肉，少少羶，唔錯。跟餐嘅「羅宋湯」都係正常，加 $17.5 要嘅「藍莓乳酪特飲」有啲藥水味但 okay，埋單

雖然我知青衣係美食荒漠，但估唔到依間cafe除咗食物質素唔過關之外，服務態度都唔好🤯因為嗰日係迪士尼玩完，諗住喺青衣城隨便搵一間餐廳食完就算，咁見到店名好似都唔錯咁，咁就諗住入去試吓，點知原來係一個伏‼️唔好睇個餐牌，以為好多嘢食，但基本上有三成都係冇🫢大蝦牛油果沙律 $88 推薦指數🗯️：🌞不推薦真心自己去超市買沙律食都唔食過佢，牛油果明顯係隨便切，切完放上去，大蝦也明顯未解好凍，食落口似食冰多過似食蝦，醬汁放得特別多，除咗最表面嗰層，基本上底下那些都已經鹹到食唔到蟹子三文魚炒飯 $78 推薦指數🗯️：🌞不推薦普通茶記炒飯都好食過佢，冇鑊氣又唔乾身，食落飯仲要痴住一嚿嚿咁，味道正正常常，好普通，真係好明顯嘅馬虎了事以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

嘢食味道差，員工態度惡劣，衞生有問題。我哋嗌咗碟乾炒牛河同肉醬意粉，碟乾炒牛河又少又淡茂茂，冇乜味；肉醬意粉我淨係食到芝士味。最重要嘅係碟乾炒牛河係凍嘅，我唔知係咪碟嘢擺咗好耐先攞出嚟。上餐嗰陣個員工就咁揼碟嘢喺枱，都唔知趕住去邊，隻碟都喺度轉。明明門口冇客，而且係有空位嘅情況下，個員工好急噉執枱，口up up叫我哋唔好霸住張台，但係我哋食緊嘢，佢無啦啦畀説話我哋聽。之後佢執枱嗰陣，我隔離有碗就講咗句仲有個碗，冇叫佢執，佢都可以揀唔執住，但佢又口up up話呢度唔係茶樓，唔係淨係服侍我哋，我唔明點解佢嘅態度會咁差，我明白佢返咗一日工好辛苦，但係有咩理由要咁樣話我哋，我哋明明乜都冇做錯，都唔知係咪見我哋好蝦。另外，我哋嗌咗熱檸水，上面竟然有油花，真係好污糟、好嘔心，個杯應該未洗乾淨，飲咗都唔知會唔會肚痛，有腸胃炎。總而言之，呢間餐廳嘅嘢食唔好食，價錢唔值，員工態度差。如果有得揀食其他嘢，就唔好去呢間食。

我們於12/2（日）下午六點十五分左右到達餐廳，內裡只有一枱客人。侍應叫我們自己揀選位「隨便坐」，我們起初選了一張枱，其后侍應又話「唔好坐個張」，咁你又叫人揀位😡之後我們叫了3個晚餐（各$68），附餐湯及飲品。餐湯為羅宋湯，勁大勁濃的胡椒味。侍應起初超級無禮放了3個湯在我的桌上，需要我們自己傳遞及旁邊的人。其后，我喝了幾口，覺得不好喝，放在一旁，侍應已經問我「仲要唔要」之後收起，正常西餐廳也不會這樣，所以侍應其實應該知道羅宋湯是不好喝的。❶羅勒磨菇牛肉醬芝士焗意粉：即是肉醬意粉，蘑菇又不多。❷瑞士汁乾炒牛河：河粉好煙韌，牛肉又不好吃。❸紅酒燴牛腩配意粉：牛腩又不軟，比外邊茶餐廳還要差，意粉乾爭爭。總括來說，侍應服務差，食物不好吃，還被我們發現餐碟崩了一角照樣serve給客人，雖然不用加一，但如果不提供更好的服務及食物質素，食客定會感失望😮‍💨

叫了一個全日早餐，超普通，同自己整冇分別，個包冇焗熱唔脆唔香，煙肉冇煎過唔香又少少脆都冇，同我自己屋企將D材料放上碟冇分別，所有材料冇乜味，冇調味也沒有炒煎過，雖然價錢平，真係幾難食唯一薯餅是脆的咖啡極難飲，冇奶、又話部機壞咗打唔到泡，似乎趕收工$20 一件蛋糕，試吓真係冇下次，質感怪怪，不是蛋糕，賣相也不討好，$20 可以慳返唯一可取是環境頗舒服，地方闊落，待應趕收工，乜都話冇，就快截單，態度差劣真係冇下次

態度極期差，直情可以用惡劣黎形容，老闆應該唔憂做，錯單唔幫手追單不特止，寧願個客cancel單都嘆慢版，由你等，由你嘈，完全諗唔到有幫襯嘅理由！劣評，絕對劣評。

初頭見裝修唔錯，睇落四四正正，似正常cafe格局，價格唔算貴就諗住試下啦一入門已經無staff serve，見有一張台空既就問店員坐唔坐得，店員hea覆我ok就坐低左，諗住算啦可能人手唔夠。落完單之後前後再問多2次我落左咩單已經覺得奇怪，需唔需要問咁多次？問既形式唔係覆單，係當第一次落單， 晒我時間！落單之後等左接近半個鐘都未有野食，見遲過我入座既隔離台已經食緊，已經有少少燥，叫店員跟一跟，再過多5分鐘先有野食。野食一上，全部凍既，包括薯格，推斷已經放左一段時間，用餐體驗極差，唔會再有下次

隻蛋煮到熟哂，水煮蛋，意粉淡而無味、意粉一大盒，但全盒只有幾條菇、幾條肉，勁乾無汁，落單時㨂左唔要餐具，最終又跟埋，waitress 態度要改善，雖然近但唔會再幫襯