The Story Cafe and Bakery

營業中

休息中

一早進店，明明開7：30但要8：00先出餐，見只差十分鐘，為咗飲杯好啲嘅咖啡都照等，上枱見到真係嚇一跳，色淡到...完全無啡味，以為出錯奶茶...伏！問職員，堅持係咖啡，態度仲要好差（咁你係咪叫咖啡呀？）係...但飲落口都係只有奶味囉！

晚市套餐，第二個半價，第一個叫左和牛餐：全熟牛扒一塊，伏！第二個雜扒餐：諗住差極有限：鷄扒豬扒手掌心咁大，腸仔又干乾又焦，一看就知是整好很久，薯蓉仲離譜，變曬色，都不知焗左幾耐？伏！！全店眼見不超過三個職員，落單上菜水吧執枱埋單收銀全是佢地做，會做得足嗎？難怪咁多負評

依間野唔會有令我食過返尋味嘅餐廳難食到嘔啊態度又差，視而不見⋯⋯全店得三個人做嘢，一人落單，兩人上菜，但係其中一個男仔係兼職….完全唔識枱號唔識上菜叫咗兩個餐，但係另外個餐可以俾咗另一台客食湯係凍，意粉又係凍！唔知想點

下午茶瑞士雞髀餐雞脾勁難食又老又咬唔郁，仲要雪味勁重，同侍應講好難食，（佢答我係咩）之後行咗去嬲嬲地叫佢返嚟，佢問我係唔係想換，之後換咗碟熱辣辣嘅雞脾俾我，但係一樣係又老又咬唔郁仲要雪味勁重，真心嚟講其實大家樂大快活個d連鎖快餐店係可以食得落口，呢間野隻雞脾係一啖都食唔到落口。我老公叫咗個餐肉蛋飯， 正常。間野燈光黑嫲嫲，侍應態度唔好，落完單後，佢張張單掉去我哋枱面，我哋又無玩過嘢都咁樣對我哋。各位要探險嘅話可以去試吓。

其實由佢2018開始就有幫襯嘅，當時食物質素、用料都覺得係貨真價實嘅，連特式飲品、甜品都可以話係青衣城黎講最突出嘅餐廳之一，據說當時還是東海的旗下西餐廳，質量一定有保證啦～如是這其實一路都幫襯佢地，直到疫情爆發之年先停咗在外用膳。到今日見疫情都放緩咗就試試食唔食到當初嘅口味同感覺啦，不過今日比較早，到取位時，職員說只有早餐餐牌，唔緊要嘅，早餐記憶中都係85分以上水準，咁入去坐底啦，今次坐近門口梳化位置，算整潔的～ 食食下仲聽到隔離枱啲食客講，原來近一年疫情轉咗由前稻香管理層接手做管理層，所以一齊都變到咁樣，唉，真係失望

侍應態度極差，唔只一個侍應係咁😡見到侍應同食客嘈交！到我出櫃枱賣單時，嗰位侍應好冇禮貌地（發晦氣嘅態度）指住部visa機講「比錢吖」😡食物質素麻麻：同我之前食嘢品質差咗好多，係咪減價時期嘅問題呢🤪對今日非常失望！今時今日服務態度如此差，佢哋係咪想博炒呀！已列入我嘅黑名單內，唔會再去食😡😡😡

第一次寫食評，呢間不可一，不可再！見門面幾靚又唔洗等位，又姑且試下，首先，呀姐態度唔好，其次，又唔係平！收我地$98一份肉眼扒,可以比係大快活食早餐果種既薄牛扒比我老公！一開始落單既呀姐仲話只可以全熟，但係黎到塊牛扒得半生熟，仲要有一啖係霉既，之後叫佢換過啦，但好似拎我食緊果塊落鑊煎多2煎就拎返出黎，仲話果塊已經係肉眼！我地之後一啖都冇食比錢走！未試過食野食到一肚氣，請我都唔會再黎！😡😡😡😡

青衣城西餐外賣 依間真係抵食之選星期一至四有58折 有湯有野飲 兩個人埋單都唔洗一百蚊呀我地叫左乾蔥紅酒汁薄西扒配元貝意粉、蒜蓉汁辣肉腸雞扒配飯 兩碗羅宋湯 凍檸茶西冷扒份量都好大塊 煎得剛剛好咬落肉汁鮮嫩 不過略嫌酒味偏重 元貝有兩粒 可能外賣焗得耐 比較林身 海鮮味唔重意粉調味同口都適中而個飯 蒜蓉汁撈咗芝士 香口不過芝士同蒜茸味偏淡雞扒香脆多汁 不過辣肉腸冇辣味嘅 只係普通腸仔欣賞佢醬汁夠多 配飯食每淡都好滋味餐湯羅宋湯 係偏淡 較浠嘅湯唔夠酸味 不過配料好足整體來講 依間餐廳價錢實惠 份量充足而食物質素正正常常我比較推介外賣 因為接近半價但堂食正價黎講 性價比就一般喇

Very big portion for breakfast so definitely value for money. Its honestly a very good bargain for a breakfast of that price. Super filling. I had a set with croissant with ham and egg, as well as a huge chicken steak udon with drink (included). If you are going for solo breakfast before 7:40 in that mall, you don't have much choices and this so happened to be open. The croissant is nice, fresh and warm. The udon is ok obviously the chicken steak has frozen taste in it. The lemon tea is nice and

個啊姐完全唔知想點 一入去就話晚餐未有 趕客咩家下 佢地餐牌明明寫住供應時間5:00-9:00 我入去已經6:00 😀都算 我叫另一個menu 本人有食物敏感 問下佢有冇蔥啊個啲姐 就唔耐煩同佢員工講 點知有冇啊 你唔知唔通我知？呢間餐廳已經好多負評 希望員工自重一下

今日見到這間餐廳話外賣有68折，其实对上一次幫襯系食早餐就覺麻麻地，相隔一段日子後希望有所改善！咁就看看餐牌見到其中一個set dinner又有雞扒🐔又有辣腸🌭所以我order 咗一份……🤔單上：蒜茸汁焗辣肉腸雞扒意粉🍝，但其實系蕃茄汁🍅⋯⋯食物方面：雞扒干而沒味道👎🏻👎🏻👎🏻 辣肉腸😤只是廚師腸👎🏻👎🏻👎🏻👎🏻👎🏻 咖啡☕️淡而無味👎🏻👎🏻👎🏻👎🏻唯一較好的係啲蕃茄汁🍅只能3个字形容：勁失望😞

都唔係第一次ga la 我同媽媽食早餐 等成10分鐘都無人同等地落單！我覺得唔夠人一係請人 一係餐廳安排人手方面好d。野食又唔係特別出色 有幾次係真係等唔到終於走左去第二度食 真係麻煩 食個早餐一肚氣！

難食🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️吉列魚扒同埋炒蛋放埋一齊，本身塊魚扒已經又鹹又腥，仲要淋啤啤炒蛋就完全未無味全份餐最正常係個包

朋友介紹，早餐第二份有半價，估唔到午餐都有，一於嚟試吓。餐廳裝修幾靚，乾淨開揚樓底高，坐得幾舒服。嗌咗兩個午餐，一個係黑椒汁雜扒配飯，另一個係蔥油厚切豬扒飯。份量正常，啱啱好。蔥油幾香，不過個豬扒應該係醃得太犀利，雖然林但係有浸味。人手唔係好夠，個個都喺度等食。好在我哋早咗嚟，不過侍應都唔記得比湯我哋，我哋食完成餐飯先至飲湯。總括嚟講，食物都叫正常，環境唔錯，如果第二份係半價嘅話，都會有下次。☺️

食完感覺得一個字⋯差。食物差，飲品差，服務差！千萬唔好俾佢嘅裝修騙咗入去。睇相見到靚靚咁所以入去諗住歎下個下午茶，價錢好似幾合理，唔算貴，於是冇睇食評就入去坐低咗。當點餐時已經話呢樣要半個鐘，嗰樣要半個鐘，有啲嘢又冇，加錢換又唔得，結果都係就咁點咗三個餐，點知只係嚟咗一個西多，冇味，想加糖漿佢哋冇，另外兩個餐等咗一個鐘，原來漏咗單，即刻整，但未食過咁難食嘅pancake，連話係招牌嘅朱古力都難飲到紙包飲品都好過佢多多聲，中晒伏！