The Story Cafe and Bakery

營業中

休息中

負責甜品部的女店員，服務態度明顯想趕客，問佢蛋糕幾多$，態度已經好似欠佢咁，然後我都未話佢知想買邊幾件蛋糕，已經趕我去比錢！唔想做咪唔好做，咪發泄係客人身上啦！

雖然有係度check過餐牌同食物，不過原來餐廳係隔壁酒樓附屬嘅西餐廳，因為內裏有通道入酒樓，食物都由酒樓廚房起餐，真係想像唔到餐廳抵食在於第二份半價，而且免收加一，呢兩樣加埋就已經覺得好抵食另外係佢包餐湯同飲品焗龍蝦汁海鮮意粉 $ 58龍蝦汁一般，好淡嘅龍蝦汁，好似中式上湯龍蝦嘅汁咁，海鮮就係好一般嘅海鮮粒，超市嘅海鮮雜錦質素咖喱牛腩意粉 $ 64咖喱汁香濃，牛腩非牛腩，都係牛肋條充當，同埋好細兜，其實唔值呢個價。。。。不過配菜唔錯，炒香草南瓜脆玉瓜，香甜純粹係因為經過而揀呢間，又咁岩見到免加一同第二份半價而食佢，否則試一次就夠，因為食材質低，定價高啲

今日晏晝嚟到青衣城搵食，見到呢間Cafe個樣都靚靚哋咁，就諗住同朋友可以chill咁樣食下飯傾吓計啦，加上見到個價錢真係好抵，第二個午餐有半價喎，咁即刻入去試吓啦。點知就中咗伏啦，後尾睇番openrice 見到原來評分都幾低，所以唉！都係怪自己貪平啦。首先講吓我食咗個牛扒嘅套餐，本身諗住差極可能都只係茶餐廳水準，但識落真係冇乜牛味，除咗咁之外，仲要好難切，真心超難食，加埋杯嘢飲，嗌左杯咖啡係冇乜咖啡味，成餐都好失望。

食到呢間真係好失望，住左喺青衣咁耐都未試過，點知一試就中左伏🤦‍♀️.係每一樣野都令到我好失望：（覺得佢地既定位應該係cafe 之類，但係質素同店員服務態度都做到好似一般茶記咁。🤦‍♀️西冷扒配黑醋汁 配薯菜👎"呢個價錢 仲要有第二份半價 可能真係唔可以要求咁多""牛扒無乜肉味 仲要好硬 黑醋汁怪怪地所以我都冇點過 唯一ok既可能係得番個薯角"🤦‍♀凍奶茶👎"一飲既時候發現冇味既？唯有問個店員拎糖漿黎倒""但如果係想比客自己落甜度係ok既 但起碼都要問下需唔需要比糖漿先"🤦‍♀️熱拿鐵👎"假假地都係一間有悉心裝修過的cafe 咖啡唔夠咖啡味之餘 好淡仲要無拉花"🙊其實都唔想講到咁mean, 不過真心失望☹️

俾店鋪裝修吸引入店，坐低環顧四週都無咩客（晚市），覺得危危符，食左番茄出前一丁，廚師推介紅酒牛尾，只能感嘆，唔好以貌取店！食之前要睇食評呀！！！睇食評！睇食評！重要事情講三次。可一不可再啦⋯⋯

曾經試過堂食，感覺如一般西餐廳，就試試外賣吧！價錢十分便宜，計埋仲平過一般快餐店。賣相一流，茄汁豐厚，有鮮茄，豬肉厚但一啲都唔「鞋」，飯也是炒底的。有4塊，有點硬，不過ok，汁是分開的，黑椒汁野味，薯菜好味，小朋友吃到停不了口。雞扒一般，汁唔夠，但帆立貝出色，有鮮味，彈牙。外賣的話，值得推介。

首先一早黎到要排隊唔緊要，檯檯坐滿，明明可以攞飛 2個樓面忙到完全無視出面等檯既人都算，我等了又等，終於有位，坐低之後我叫咗個侍應落單，等咗10分鐘覺得好奇怪，嘢飲都無，隔離檯黎到落單無耐就有嘢食，追問侍應有無幫我哋落單，佢話check咗電腦，無我哋呢張檯資料，好嬲呀，原本諗住一走了之，唉，但又覺得既然等咗咁耐，都俾多次機會佢，最後我都沉住氣又無奈地再落單繼續等待，大約10分鐘，終於有得食可能廚房真係太忙，連碗都洗唔切，要用外賣盒裝，蕃茄濃湯=好淡蕃茄水，雪菜肉絲米粉唔知點解落咗好多蝦米一齊煮，蝦米勁硬，好難咬，湯又勁鹹，飲幾杯水先得，咖啡好淡無咖啡味，餐包好乾又凍冰冰總之份早餐令人好不愉快真係估唔到差不多$50一份早餐質素同服務都令人失望

行經附近肚餓，就諗住揾餐廳食下野，睇呢到環境幾好就入左嚟，叫左個煎蛋免治牛肉意粉加個tiramisu加杯凍奶茶，個意粉同tiramisue屬正常啦，唔會話好好食，但不至於難食既，但我杯凍奶茶就等左16分鐘先嚟到，我覺得時間有d長，期間我見到有waiter攞住杯疑似係我既凍奶茶，攞到去收銀嗰個位因為有人落單就走左去落單，嗰杯仲未有人認頭既凍奶茶就放左喺到一直等人接走佢，最後送到嚟我枱既係一杯出晒水既凍奶茶，總結係，我明明唔係好大食，但都食完仲肚餓

諗唔到食乜嘢，於是經網上外賣平台搵到呢間餐廳，覺得佢早餐嘅餐牌好吸引，於是我嘅早餐就交咗比呢間餐廳啦。叫咗一個鮮茄濃湯豬扒烏冬，首先湯底一啲都唔濃，雖然好多蕃茄，但失望在湯底太多水，搞到味道有啲失望，不過勝在豬扒好鬆軟加返分。男朋友就叫咗一個香辣雞丁米粉，不過都係湯底出晒事，唔知係咪外賣盒太大，令廚房師傅放太多水，兩碗面個湯底都好難食。雖然湯底令人失望，不過跟餐嘅牛角包係我最期待，亦都係最鍾意食😋下次有時間再去試吓其他時段嘅食物先😆

星期日5:30過咗嚟青衣呢邊諗住搵個地方醫肚。由於正值疫情，見呢間比較小人，就入咗嚟，嗰店面明亮亦叫整潔，又有甜品咁，諗住無死。第一個飯嚟嗰時賣相幾好，但嗰飯就比較干身，但都叫放得落口。但當第二個飯(忌簾龍蝦汁龍利柳)嚟嗰時，就覺得中伏。第一，嗰汁係龍利柳底不突只，仲要得一兩滴。可能嗰汁用嚟煮嗰龍利柳，但如果個飯干之餘仲要係凍的話，作為一個食客，真心好難做。想撈個飯食都唔得。真係有啲失望。。。。。

今日突登同男朋友出去玩，玩到5點幾就諗住坐低食個晚飯，係青衣城睇下有咩食啦，見到呢間餐廳個裝修幾靚，職員都有禮，就入去坐低。我地叫左一個龍脷柳配忌廉龍蝦汁飯，一上到枱差啲唔見到有汁，原來係條魚下面，汁唔夠多，但咁都唔係重點，一食啖飯入口，凍嘅😰😰而且好硬好乾，同職員反映後，佢拎番入去大約3分鐘後就拎番出黎，個飯係變番熱，但明顯係叮返熱個飯，真係覺得70幾蚊一個飯好唔值，而且個龍蝦汁似忌廉汁，唯一係個蕃茄湯都ok。另外再叫左個紅酒燴牛尾飯，我食唔出個紅酒味，而且個飯都係硬同乾。。。真係好失望。我都係第一次寫食評。。。

飲了下午茶，對孩子來說晚上自然想吃西式，六點後又不能堂食，The Story外賣75折，便買回家吃吧! 點了西冷扒配黑醋汁配薯菜，但沒有肉味，和黑醋汁也不是很夾，只是足有兩大塊，對孩子來說都夠飽，但口感真是一般。 卡邦尼煙意粉不知是否外賣，始終會差一點呢，卡邦尼有點杰身，味道較淡，不像一般餐廳的濃味，只是煙肉有點口感。 如果食物質素能改善，坐在這裡真是幾舒服。 THE STORY職員很好，雖然不設堂食，但在等待時也可讓我入內坐住等。 75 折後價錢是平，但食物質素真是有待改善。 The Story 地址：青衣青敬路33號青衣城1樓117號舖電話：3105 1825

本身想試青衣城另一間扒房，但見呢間好似幾是正，於是試下。但樓面人太少，幾乎等了5分鐘才有人，但其實客人不多。2個人被安排在6人檯，但知可能會有人搭檯，但卻沒有平常的間板，防疲能力似乎不足。又因為沒有人，等5分鐘先有人嚟。因為推廣期係正價第二份半價，所以埋單都算平。但…平的代價換來係不快的經歷。首先，店員間的溝通有嚴重分歧，有位應該比較高級的員工常常喝罵其他同事，已經令人覺得十分不好。出餐次序又混亂，有一些餐飲先來手，一些等極主餐都冇。就好似隔離個檯，我哋食完都未嚟主餐，但實際佢哋同我哋差唔多到。好了，主菜來了，牛扒是完全冇任何醃製，即係將塊牛扒就咁煎，但最大問題係鬆肉粉很大，一睇就知唔係靚嘢，最慘佢個黑醋係呈膏狀，明顯連黑醋都唔係自己整，呢啲咁簡單都要搵外面嚟做？之後自己點了一份羊。羊十分蘇，差啲入唔到口，另外完全冇羊味。整體感覺很差，沒下次。

星期六晚餐，可能早去到無咩人，環境不大，但乾淨舒服。兩個人叫左$98牛扒餐+$98羊扒餐，牛扒真的一般，似超市醃製扒，和餐牌圖文不符，但有一定份量。羊扒比牛扒好點。例跟松露忌廉湯，我和男朋友都覺得咸左一點，質感過厚，但有松露味。兩杯招牌凍朱古力，評價是一般， 朱古力話係招牌(覺得非常普通)， 212幾蚊賣單。

今日曬左成日太陽好攰，搭車去青衣城食好西。咁岩下午茶時間，叫左件蛋牛治$35，再加$3 凍檸茶。個蛋牛治幾好食，個炒蛋夠滑，牛肉仲免治滑牛，口感柔軟，入口即溶。比我想像好好食。杯野飲就ok!