影片
更多
2023-05-04
221 瀏覽
【葵青區】【The Story】之前兩次寫青衣都係寫青衣邨青衣商場嘅食肆，而我呢排都幾頻密咁進入青衣，有時間有機會的話都想寫吓其他嘢。之前我寫青衣嘅時候都係輕輕咁帶過咗青衣城呢個地方，其實就仲有啲嘢可以寫嘅，例如今次要講嘅呢一間。呢間西餐好似係比較平民啲嘅，除咗西餐主食仲有啲糕餅咁，都係走呢啲西式路線。所以現場都見唔少係親子客人，有埋小朋友喺度咁，可以話係老少咸宜。咁我就自己一條友去食嘅，晚飯時間去嘅就係食「滋味晚餐」架啦。我叫咗 $138 嘅「美國肉眼扒」配「薯菜」，原來已經算係貴嘅一個餐，喺大型商場西餐嚟講都幾估唔到。味道上佢屬於正常，呢個價算有交待。跟餐仲有「粟米忌廉湯」同埋加 $5 轉嘅「熱朱古力」，兩樣都係一般料啦。咁就食咗我 $157，不過喺大商場，有牛扒食，西餐格局又冇得要求太多，而且佢都唔係用茶記薄牛扒，算喇。大家睇到呢度應該都估到，我又會二訪喇，咁始終去多次係好似可以寫得再全面啲咁嘅，不過今次都係去食晚餐。叫咗 $128 嘅「香煎紐西蘭羊架」三件配薯菜，啲羊幾好肉，少少羶，唔錯。跟餐嘅「羅宋湯」都係正常，加 $17.5 要嘅「藍莓乳酪特飲」有啲藥水味但 okay，埋單
呢間西餐好似係比較平民啲嘅，除咗西餐主食仲有啲糕餅咁，都係走呢啲西式路線。所以現場都見唔少係親子客人，有埋小朋友喺度咁，可以話係老少咸宜。咁我就自己一條友去食嘅，晚飯時間去嘅就係食「滋味晚餐」架啦。
我叫咗 $138 嘅「美國肉眼扒」配「薯菜」，原來已經算係貴嘅一個餐，喺大型商場西餐嚟講都幾估唔到。味道上佢屬於正常，呢個價算有交待。跟餐仲有「粟米忌廉湯」同埋加 $5 轉嘅「熱朱古力」，兩樣都係一般料啦。
咁就食咗我 $157，不過喺大商場，有牛扒食，西餐格局又冇得要求太多，而且佢都唔係用茶記薄牛扒，算喇。大家睇到呢度應該都估到，我又會二訪喇，咁始終去多次係好似可以寫得再全面啲咁嘅，不過今次都係去食晚餐。
叫咗 $128 嘅「香煎紐西蘭羊架」三件配薯菜，啲羊幾好肉，少少羶，唔錯。跟餐嘅「羅宋湯」都係正常，加 $17.5 要嘅「藍莓乳酪特飲」有啲藥水味但 okay，埋單 $145 都對得住個價。唔算好好食，但亦都唔需要鬧嘅水準。。。
按：佢四捨五入之後個五毫會唔計而唔係多一蚊，而第二次去好似啲嘢仲平過第一次，算係幾有趣嘅體驗。
（地址：青衣青敬路33號青衣城1樓117號舖）
#1amfoodie #foodie #hkfoodie #thatfoodiething #hkfood #food #globaleats #dessert #foodpics #followforfollowback #love #eat #1am葵青區 #青衣 #青衣城 #The Story #Cafe #Bakery #The StoryCafeandBakery #美國肉眼扒 #薯菜 #粟米忌廉湯 #熱朱古力 #香煎紐西蘭羊架 #羅宋湯 #藍莓乳酪特飲 #1am0891 #1ambackup
9 瀏覽
0 讚好
0 留言
張貼
