The Starred

營業中

休息中

大隻仔今次覓食嘅店舖就係💥 the starred 💥大隻仔今日經過筲箕灣 the starred 餐廳門口，見到好多人企喺度望住個餐牌，八卦望一望，估唔到咁平嘅價錢可以有咁靚嘅環境，未俾錢離開之前真係唔敢相信。老闆娘仲要好好禮貌同服務，大隻仔因為果日忙到冇時間食lunch，入到去問老闆娘下午茶 份量會唔會好細碟，老闆娘同我講佢自己食半碟都食唔曬，大隻仔懷着半信半疑既然心態，打算先叫一份下午茶，唔夠飽再叫多一份，估唔到下午茶既份量係正常lunch份量一樣咁多。⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥迷迭香蒜蓉燴美國去骨豬扒配紅糙米飯$35（另加一服務費）食物嚟到大隻仔忍唔住笑咗出嚟，估唔到個飯砌成心心型❤️❤️另外估唔到碟迷迭香豬扒份量有咁多，目測都有9至10件。食一啖豬扒，唔乾柴仲要軟林林，迷迭香蒜蓉汁好好味，配上紅糙米飯夠晒健康。因為大隻仔最近要減體脂好少出街食飯叫飲品，盡量都飲水，大家可以加$10配餐湯或者飲品，詳情大隻仔share埋完整下午茶餐單，大家可以參考下。我

西瓜與貓難得過海到筲箕灣大玩具店朝聖，企左成個下午需要醫肚。尋找晚飯路上，被餐廳裝修吸引，心諗甘似fine dining，荷包準備好。再睇Menu...價錢以港島區計系偏親民，openrice 居然甘少comment，大多寫牛有concern，甘就改食雜扒吧，貓當然食魚，就Giant Grouper，湯同沙律冇乜興趣所以冇叫侍應可能太新，唔清楚魚本身配少量薯角番茄同兩隻秋葵，魚合格唔腥，但唔糸我想既味道，擺盤零分。青胡椒汁太少，汁掂唔到鐵板好少咋咋聲，唔制呀！！！！西冷好大塊，但根位有D難切，手軟，豬扒有D乾同瘦，雞扒偏瘦，加塊煙肉兵加腸配薯角番茄秋葵，完全對得住價錢。巴斯克焦香芝士蛋糕怕唔好食，所以先叫一件好食再叫，但最後好明顯兩件糸唔同蛋糕切出來，蛋糕糸好食，但兩件size同texture都唔同，味道有少少分別，想點？綜合裝修價錢食物，合格。我會再來食lunch同下午茶，性價比可以再高。

我嚟過呢間餐廳好多次，佢哋嘅下午茶水準超出我所想像，完全冇變，平時我食吉列魚柳根紅飯，今次我會試吓個湯意粉，希望唔好令我失望，雖然餐廳少少，但都有人情味，但最可惜就是他們的咖啡，水準麻麻又唔夠香，比較淡口一啲，如果咖啡豆可以改進就會好好多。

獎勵下自己，黎尼度真係嘆。裝修靚，坐得舒服，服務好，有禮貌，連個廁所都靚，白雪雪甘。頭盤先黎個凱撒沙律，飲個紫薯忌廉，食個自家製的紫芯蕃薯麵包。我甘食得，未食主菜已經飽左一半。主菜我點了煎三文魚，甜品以紐約芝士餅作完美句號。

3號風球來試一試這間裝修十分漂亮的餐廳。可能天氣關係，餐廳內很少顧客，侍應友善地帶位。除了歐洲色彩濃厚的裝修外更有很多假花植物裝飾。播着古典音樂襯托環境，讓我脫離了去筲箕灣買餸的盤算。這不是平常隨便在街上就有的物超所值之酒店級享受。值得欣賞

見佢門口裝修好似好靚咁，於是就試下佢，不過食物質素可能仲差過茶餐廳嘅快餐。。。叫個吉列魚柳意大利麵，魚柳有雪味都算，可能我眼盲，落單嘅時候見唔到用紅汁配魚柳。。。都算，啲汁稀到碗湯咁，魚柳俾佢浸腍晒，完全唔知自己食咗啲咩仲要價錢一啲都唔平唔會再去

伏伏伏伏伏呢間餐廳裝修好靚職員整齊嘅制服親切嘅笑容華麗嘅裝修我以為今次應該有好嘢食點知原來係惡夢嘅開始😨因為我一直都冇幫襯過諗住試吓啦我開頭以為自己叫錯點知睇返食評先知甘伏既 甘多人中招首先價錢唔成正比 午餐貴過銅鑼灣尖沙咀整出嚟啲肉感覺似湯渣微波爐翻熱又硬又乾 一陣怪味完全冇買上一pet嘢 嘔吐物味道怪怪的唔知擺咗幾耐麵包都係普普通通正常可能係嗰餐湯凍檸茶又係怪味基本上冇一樣嘢係正常呀基本上呢間餐廳唔會有下次難得佢可以係呢區 生存到咁耐佩服

伏伏伏伏伏裝修好靚仔, 賣相好有睇頭,餐廳職員亦擁有誠意嘅眼神,整齊嘅制服,友善嘅笑容,種種跡象我哋都以為今晚好滿足...一切惡夢嘅開始淨係取決於佢一樣嘢，唔係唔好食，而係好難食，我叫嘅牛柳同煲完翻煲56次嘅湯渣冇乜分別， 我食咗兩小塊，原封不動畀返佢，我大膽擔保大家樂大快活最cheap嘅扒都一定好味過佢 一至兩倍，最後我問過服務員呢度開咗幾耐，佢好難堪咁樣同我講～三年，最後畀錢嘅時候佢問返我係咪唔啱食，我都好禮貌咁樣回應佢，你地牛扒其實係唔係咁啱人食，佢話都見到塊牛扒熟曬，我話畀佢聽我係叫咗五成熟，我估佢哋搞錯咗係杯蘋果汁，因為嗰杯蘋果汁得五成滿，來嘅時候已經冇咗一半，而佢哋用嘅杯仲要係細罐可樂size。我哋叫咗一塊牛扒一塊豬扒埋單三百幾蚊，三百幾蚊我可以忍，但係久違嘅晚市第一餐咁樣去侮辱我就唔得，喺呢度我同嗰個廚&老闆奉上一句： 唔好再害我哋d老百姓，唔該

行完山勁攰又勁肚餓，落車隨便搵咗間餐廳就入去食，一入到去俾佢嘅裝修驚訝到😍復古歐陸風設計，好多盞好靚嘅水晶吊燈✨幾適合打卡📸食物方面，老公叫嘅慢煮牛面珠墩肉不錯，賣相幾靚仔，牛面肉幾林、入味👍🏻 我果個迷迭香蒜蓉燴豬梅肉就爭d，乾左d同埋調味重手左😆

今日專程來到筲箕灣搵食，上網見呢間餐廳氣氛幾好，於是一試。叫了紅酒炆牛尾扁意粉同醬烤豬仔骨配紫薯蓉，加配餐湯沙律及即磨咖啡。食物比想像中大件，味道口感十足，餐廳懷舊裝修及氣氛可取，加埋女侍應待客服務有專業水準，雖然食晏價錢比同區其他食肆較貴，但也值回票價，可以推介大家一試。

17-12-2021(Fri)放工後去筲箕灣同屋企人做冬(食評係2021年12月24日刊登嘅呢篇: https://www.openrice.com/zh/hongkong/review/%E6%BF%83%E5%91%B3-e4282590),落車行過去時,見到呢間好有歐陸色彩嘅西餐廳,就覺得佢好適合慶祝結婚周年,於是同老公講,就唔book嗰朝睇到嘅悉尼樂園https://www.openrice.com/zh/hongkong/r-%E6%82%89%E5%B0%BC%E6%A8%82%E5%9C%92-%E9%8A%85%E9%91%BC%E7%81%A3-%E8%A5%BF%E5%BC%8F-r667042,改book呢間8-1-2022 (Sat)晚,同要求要窗口位.點知政府喺4-1-2022宣佈由7-1-2022起,禁止所有食肆6:00pm-5:00am堂食.而呢間嘅職員喺5-1-2022都主動打電話問我改唔改6-1-2022晚?我答唔啦,不過改8-1-2022晏晝啦.呢日,我哋亦因為疫情,令原本嘅行程都要取消,而變咗專程嚟食晏,我哋嚟到,佢哋依然自己留咗窗口位俾我.我哋睇

呢度環境氣氛好好，充滿着聖誕節嘅氣氛同燈飾，中間仲有棵好靚嘅聖誕樹🎄！ 唔覺意過嚟食個下午茶但係覺得佢好有心機，下午茶嘅價錢但食物質素絕對唔馬虎！cp 值高！其實晚市都唔貴，有機會都想來反兜👆🏻溫泉蛋 卡邦尼意大利粉😻普通意粉估唔到煮到咁好，溫泉蛋好香而且係留心，卡邦尼意粉忌廉味好重好creamy,加埋野菌食好香👆🏻燒汁燴牛肉炒意大利粉😼 冇影相意大利粉炒得好乾身好爽，個燴牛肉本身睇落比較遜色，但係食落都發現燴得好冧身好重肉味👆🏻雙重芝士焗意大利粉配煎豬梅肉扒•意式茄蓉醬😻 冇影到相真係好厚芝士個面，最緊要係個豬妹肉扒唔係好友油渣味嘅垃圾豬扒，而且覺得佢係煎咗先放入去再焗，加埋意識茄蓉醬，見到啲細細粒嘅蕃茄仔都打到變成蓉，好開胃另外如果想晏晝chill反杯，不妨加$5飲反杯1664啤啤佢！呢個優惠每個餐加一次不過抵到爛

今日和老婆行完山, 中午於筲箕灣The Starred食午餐, 我們點了2客午餐, 分別是紅酒炆牛尾天使面和珍寶意式雞扒配雙重芝士, 意大利蕃茄蓉羅勒香草醬配炸薯角, 飲品加$10配石榴汁和橙汁。紅酒炆牛尾天使面大大份份量十足, 牛尾肉質軟腍, 入口即熔, 食落啖啖肉, 醬汁香濃配上紅蘿蔔食落爽口, 而天使面食落爽滑, 口感一流, 整份紅酒炆牛尾天使面紅酒味濃, 口感十足；珍寶意式雞扒配雙重芝士, 意大利蕃茄羅勒香草醬配炸薯角, 雞扒大大件, 肉質鮮嫩彈牙, 配上香濃雙重芝士食落口感層次豐富, 意大利蕃茄食落鮮甜, 配上羅勒香草醬口感十足, 炸薯角炸得金黃香脆, 整份意大利蕃茄蓉羅勒香草醬配炸薯角材料一流, 味道豐富；最後鮮橙汁新鮮鮮甜, 有啖啖果肉。餐廳座位舒適, 食物美味, 份量十足, 職員有禮貌, 價錢合理, 我和太太食了一頓舒適美味午餐。

🔻筲箕灣浪漫餐廳之選全部主食可另加$有沙律🥗、飲品、餐湯、紫芯蕃薯意式麵包🥯1️⃣MIXED GRILL ON SIZZLING PLATE ·GERMANY GREEN PEPPERCORN SAUCE 鐵板 重量級雜扒·德國青胡椒汁 💲140🌟 推薦指數：★★★☆☆份量係大份既😆有男士一齊食會好d，雜扒岩晒咩都想食既我地！青胡椒汁感覺味道同一般黑椒汁差不多。2️⃣BABY BACK RIBS WITH BARBECUE SAUCE 豬仔排骨·秘製燒烤醬💲 90🌟 推薦指數：★★★★☆看似細份但切開係好多肉 juicy😋😋😋足料既😋 醬汁夠濃味但唔會鹹🥰3️⃣KING PRAWN 🦐SPAGHETTI 🍝 皇帝蝦·蝦汁意大利粉💲120🌟 推薦指數：★★★★☆ 影相fail左🤣 皇帝蝦以「心形」上枱，賣相吸引，最重要佢既味道傳統特別，同出面既普通忌廉汁/蝦汁的確有唔同，值得一試😋😋😋評價：8/10

今日同老婆行完山，五點幾去食下午茶，到餐廳時得番最後一張枱，waiters 好有禮貌，食物都好價廉物美，值得再食復古歐陸裝修，配古典樂，到差不多晚市六點仲會較暗燈光，每枱配有小燭臺，非常有情調