The Starred

營業中

休息中

一個人真係可以好浪漫，在桃花樹下食羊架的浪漫，可能未必個個會明白。 以前已經黎過幾次，都係同父母來。老人家喜歡這褢的牛尾牛面珠墩肉炆得夠火候，夠腍。我當然喜歡鋸扒啦。不過，今次就一個人黎。侍應好醒認得我，仲問我點解一個人黎，我話要獨自享受吓。現場都唔少客，我一個費事坐卡位。侍應就安排左我坐在桃花樹下。 order 左我至爱～羊架，這裹的羊架煎得夠香，令羊的油膻味變為香肉味，再加上迷迭香的味，好夾。另外一個特點是，羊架上洒上了腰果碎，那烤香的堅果味加上羊肉味、迷迭香味結合芥末香，可能就是令一個人也可以浪漫的原因。然而，侍應巧合地安排另一位單身女士坐在我斜對面，在同一棵桃花樹下，同時巧合地吃羊架。。。。。。。 環境、氛圍、服務、美食，加上醉人的classic 鋼琴音樂，一個人也可以好浪漫。

一星期一次同女友玩煮飯仔，去筲箕灣街市好方便，蔬菜海鮮生果好集中，價格亦都平。當然要食飽飽先有力托米。我女友係唔會錯失任何一個打卡點。尼間係可以由頭打卡打到尾。餐廳外那種風雨侵蝕木材的疤痕正正配合著復古歐洲的裝修。一入到去，滿滿的古典水晶燈包圍著一棵十尺桃花樹，唔通尼d就係西方文化在古舊筲箕灣漁村的縮影？被安排到窗口卡位已是注定手機先吃飽，加上天然光下，只想買部S24 Ultra。我叫左鐵版加拿大豬鞍。牛牛鐵板一到的香噴噴已經贏左我的心，菠蘿蓉搭豬鞍--絕。豬鞍好大塊好厚，口感彈牙有咬口 juicy 的，$130值回票價。女友叫的是英式獵人雞，這是煎雞胸再加上燒烤醬、煙肉同埋芝士烤香的。味道十分香口複雜有層次，只是要價$80！抵食到不得了。女友說雞胸肉有點嚡。這是煎雞胸，不是慢煮sous vide呢！以上兩個餐，除左跟薯蓉外，仲每人有一個蔬菜杯，內有香蕉，木瓜，火龍果，秋葵同埋車厘茄。我後來被指正了，是生果杯，原來秋葵同車厘茄是生果，不是蔬菜。Anyway，一陣買餸就慳番不用買生果了。加埋杯100％橙汁，用復古方糖的即磨咖啡，兩個人總共二百中，真係性價比之皇。一開頭我就講左打卡打到尾，

下午去完石澳回程經筲箕灣醫肚，餐廳正正在巴士總站側。西式裝修懷舊高雅，窗邊卡位十分開揚，可忙已滿座。服務員友善地介紹我們到一個角落，自成一國都 ok 喎。先來木瓜忌廉湯，純木瓜的天然香甜和厚滑的忌廉完全融合而成。麵包鬆軟，點意大利香醋及初榨橄欖油品噹。驚喜的是，以上只是$20，在這中高檔次餐廳，這個價錢是超值！原本諗住叫兩個下午茶餐，見到有個重量級雜扒只不過是$140，另加湯及麵包希望夠我們兩個大男人做下午茶餐暫時頂住等到晚餐才大吃大喝。點之，個重量級雜扒一上檯，真係嚇我地一跳，係真的重量級，一塊大豬扒，一塊大雞扒，淨係尼兩塊已經飽，再加一塊薄牛扒同兵加腸，真係懷疑兩個人食唔食得晒。鐵板上的，炸炸聲好有氣氛，原來仲有生洋蔥墊底，那份洋蔥焦香，不少隔離檯的人客都望過來。青胡椒汁比黑椒汁多一份胡椒的青香。豬扒是梅肉，雖然較肥有筋，但比較腍滑。雞扒煎得塊皮香脆。薄牛扒是紐西蘭的，吃得出不是高級牛肉，但不是被化學品軟化的牛肉。兵加腸脆口好味，不是平價腸仔。再加上少見的牛頭鐵板，這個$140誠意十足，亦滿足。未完，侍應還送來一個生果杯，內附幾種不同生果，十分健康。飲品，是由侍應介紹的熱鮮橙茶。熱

諗住好耐無鋸扒，今天帶爸媽，老婆，囡一齊第一次去呢間充滿懷舊式裝修嘅食店品嚐扒餐，店內環境真係好有feel，但5人座位較逼，感覺唔夠冷氣，當坐下後就order了5款扒餐1）英式獵人雞 80元2）厚切美國豬梅肉 130元3）美國牛封門柳（7成熟）170元4）法式羊扒（5成熟）170元5）雜扒 140元無套餐，每人加20元，有湯及包當湯及包來到時，麵包覺得涷涷地😬，叫咗4個紫薯忌廉湯，1 雜菜湯， 湯夠熱，雜菜湯係正常嘅， 但紫薯湯我就第一次飲， 真係麻麻地， 我女及老婆就飲咗一啖冇飲。 1）獵人雞到， 我阿媽食 就話隻雞好鞋，味道一般， ，但都未算好差。2）雜扒到，老婆食，豬鞋㗎，雞一般，牛就林㗎，味道一般） 3）羊扒到，囡食都ok4）豬扒到，買相好靚夠哂厚，諗住終於嘆到隻好豬嘅時候，一刀切落去已知懶野，用8成力鋸落去， 塊豬扒又乾身又鞋，無肉汁， 心諗又瀨野，我切咗兩嚿食，已經頂唔順，好似食緊豬肉乾， 到最後都係冇食到，塊扒淨返七至八成食唔到。5） 牛柳， 煮到好似十成熟， 好似食緊香口膠，老豆笑住講大快活正好多啦衰仔，呢獲瀨哂野啦。之後我就同個侍應講， 麻煩你攞返塊豬扒畀廚房睇， 我

收錢仲離譜 幾十年都未見過男服務員係可以比錢客人係從另外兩位客人頭中間比2張港幣紙唔出聲問問題十問九唔應！！！！！！！！女服務員態度差 男服務員冇禮貌！！！先問燈飾係咪熄左但冇回應 係問餐飲 女服務員答：落左架啦3樣餐一齊叫 有一個餐未到 男服務員答 ：未出 餐到 味怪怪地 （煎帶子黑松露醬忌廉意大利雲吞） 冇講內涵係雞肉醋 直覺真係酸臭味 但女服務員就好似覺得我哋唔識野咁 係雞肉唔係三文魚 / 皮同汁係唔差但所謂既雞肉放醋 ！！

昨天與朋友參觀完海防博物館，朋友介紹這小店。食物有選擇，食物OK，唯餐飲選擇不多，但有氣氛，下午茶價錢唔貴，問了凍咖啡都冇加錢（有彈性），會再來支持這店。平日都算多人，因街口還有很多不同的餐廳。

行山時坐巴士見到這間餐廳，餐廳外觀吸引了我眼球。兩個人只係食咗$300左右。環境方面超級靚，臨近聖誕節，中間放了兩米的聖誕樹。晚餐叫咗一份三文魚及牛面頰意大利飯，還有沙律湯麵包另外叫。三文魚中間肉質細嫩，左右兩邊略嫌有點老，配上芥末醬汁，新鮮炸起薯條。三文魚都只係$120，這個靚環境加上這個食物質素，仲平過返大陸食。牛面頰意大飯，我不太喜歡食太硬的意大利飯，於是叫佢整林啲，服務員都好有禮親切地回答會盡量配合。湯是白湯用鮮茹打成，有咬口的。

因為要同朋友傾偈，嚟咗呢間餐廳食晏。首先環境一流，好多卡位，可以傾偈，唔會比隔籬枱嘈親。另外裝修好新淨，地方好清潔，我都幾有潔癖，但係坐得好自在。午餐唔算平，超過$100一個。我叫咗個牛尾意大利飯，牛尾超級出色，分量ok，牛尾同飯嘅比例超好，有好多牛尾肉！最緊要係送過嚟嘅時候好熱，我一路同人傾偈，一路食，啲飯都冇凍到，好難得！另外我見其他枱有好多人叫鐵板餐。因為我要同人傾偈，所以冇叫到鐵板餐，費事麻煩。我見到其他人嘅鐵板餐份量好多，味道超級香！如果下次有機會再嚟，我一定要試吓。仲有係，餐廳嘅侍應招呼好好。佢哋見到我哋傾緊偈，盡量少騷擾我哋，睇得出佢哋好留意客人嘅需要。

以前中午有套餐 依家湯 茶逐樣計 價錢又貴 加埋150-200 一個人 (未計加一）如果你係好食都算 但愈黎愈難食 注意：係難食 比吾好食更罪大惡極 水你吾叫都唔俾你 搏你叫野飲煎雞胸鞋過鞋底 薯角一樣 味道九流 食過佢d豬肋骨又硬又韌 又冇肉味 隱隱仲有雪味 同紙皮冇分別 一食就知係劣質材料 裝修就扮high 但水準仲衰過茶記好似以前北角間red star 同佢一集團 但早排見筲箕灣改左名 依家可能已分家 北角店最初還可以 後來都吾得 呢間直情垃圾

My family and I saw a online video sharing and social media platform video introducing this restaurant months ago, and we finally found the perfect occasion to give it a try during the Easter holiday. We arrived after 6 pm and missed the afternoon tea, but we were struck by how radiant the restaurant looked at night with pink and purple petals in the soft yellow light, and dreamy lamps casting rainbows onto the tablecloth.  For our meal, we ordered two main dishes and chose an add-on item: the B

有日同先生經過此店門口聞到好香牛扒味，我同先生講話搵日要去呢間牛扒屋試下，終於在11號晚上一行三人去嘗試，店內裝修擺設很好，細看餐牌我想點一個紅酒燴牛尾，但呢個紅酒燴牛尾係配藜麥飯，我問店員可唔可以改白飯，她說話唔可以，咁我就想改叫一個去骨牛尾，但是佢係配意大利飯，我又問個店員可以改其他嗎？她又說唔可以！咁我就改選一個雜扒餐，我先生同個女就叫咗牛柳餐，另外我再加多凱撒沙律和一個蕃茄湯。等咗一會有一壺橄欖油黑醋同一塊麵包上枱，跟著凱撒沙律，沙律比我想像中差，出面一般經已撈好曬有曬麵包醬汁喺個沙律上面，唔需要自己再多功夫！跟著就係我個雜扒餐到，但個蕃茄湯都仲未見蹤影，然後我先生同個女個牛柳餐都上枱，嗰位店員俾咗一把牛扒刀我哋，我就用牛扒刀切個雜扒！我冇預期到個雜扒質素咁差！我個先生同個女個牛柳亦都一樣極差！大家都要好費力先可以切開啲牛扒！其實個價錢都唔算平但係啲食物質素真係唔係我預期之中！到我三人餐上曬枱之後個蕃茄湯才到，完全唔似蕃茄湯！啲扒想改黑椒汁無黑椒汁！基本上間餐廳你想要嘅嘢多數都係冇！絕對係令人失望！所以呢間餐廳都係幫襯一次就夠啦！

🌹週日微雨天行完山，落車處是筲箕灣，計鬥是搭地鐵到銅鑼灣吃午餐，突然想起最近刷到有網友分享附近有一間餐廳，地點非常就腳，在馬路旁的《The Starred》，抱住入內先看環境再決定，一開門看了一圈，決定坐下。😂😂🌹餐廳佈置令我留步，紅色作主調，配上復古的餐檯、椅子、吊燈、木系窗框、輕紗窗簾，整個佈局令人覺得去了古時的英國，雖是小店，但很有心思，加上服務員有禮的招呼，值得一讚！🍴餐飲方面，餐牌是紙一張，列出多款午餐，要豐富可加錢，享用餐湯、麵包、飲品等….我們點了兩個鐵板餐，+20餐湯&麵包。雜扒鐵扒餐$140牛、豬、雞、腸、煙肉，份量大得驚人，質素70/100，汁液不夠雜菜湯一般洋蔥牛肉湯一般餐包方包一塊，硬餐廳環境勝食物，給好評是店舖的裝飾

大隻仔今次覓食嘅店舖就係💥 the starred 💥大隻仔今日經過筲箕灣 the starred 餐廳門口，見到好多人企喺度望住個餐牌，八卦望一望，估唔到咁平嘅價錢可以有咁靚嘅環境，未俾錢離開之前真係唔敢相信。老闆娘仲要好好禮貌同服務，大隻仔因為果日忙到冇時間食lunch，入到去問老闆娘下午茶 份量會唔會好細碟，老闆娘同我講佢自己食半碟都食唔曬，大隻仔懷着半信半疑既然心態，打算先叫一份下午茶，唔夠飽再叫多一份，估唔到下午茶既份量係正常lunch份量一樣咁多。⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥迷迭香蒜蓉燴美國去骨豬扒配紅糙米飯$35（另加一服務費）食物嚟到大隻仔忍唔住笑咗出嚟，估唔到個飯砌成心心型❤️❤️另外估唔到碟迷迭香豬扒份量有咁多，目測都有9至10件。食一啖豬扒，唔乾柴仲要軟林林，迷迭香蒜蓉汁好好味，配上紅糙米飯夠晒健康。因為大隻仔最近要減體脂好少出街食飯叫飲品，盡量都飲水，大家可以加$10配餐湯或者飲品，詳情大隻仔share埋完整下午茶餐單，大家可以參考下。我

西瓜與貓難得過海到筲箕灣大玩具店朝聖，企左成個下午需要醫肚。尋找晚飯路上，被餐廳裝修吸引，心諗甘似fine dining，荷包準備好。再睇Menu...價錢以港島區計系偏親民，openrice 居然甘少comment，大多寫牛有concern，甘就改食雜扒吧，貓當然食魚，就Giant Grouper，湯同沙律冇乜興趣所以冇叫侍應可能太新，唔清楚魚本身配少量薯角番茄同兩隻秋葵，魚合格唔腥，但唔糸我想既味道，擺盤零分。青胡椒汁太少，汁掂唔到鐵板好少咋咋聲，唔制呀！！！！西冷好大塊，但根位有D難切，手軟，豬扒有D乾同瘦，雞扒偏瘦，加塊煙肉兵加腸配薯角番茄秋葵，完全對得住價錢。巴斯克焦香芝士蛋糕怕唔好食，所以先叫一件好食再叫，但最後好明顯兩件糸唔同蛋糕切出來，蛋糕糸好食，但兩件size同texture都唔同，味道有少少分別，想點？綜合裝修價錢食物，合格。我會再來食lunch同下午茶，性價比可以再高。

我嚟過呢間餐廳好多次，佢哋嘅下午茶水準超出我所想像，完全冇變，平時我食吉列魚柳根紅飯，今次我會試吓個湯意粉，希望唔好令我失望，雖然餐廳少少，但都有人情味，但最可惜就是他們的咖啡，水準麻麻又唔夠香，比較淡口一啲，如果咖啡豆可以改進就會好好多。