The Starred

營業中

休息中

行完山在筲箕灣搵嘢食，路過見到呢間好似好特別，裝修有水晶燈好似好高級，見到餐牌又唔喺太貴120蚊左右。餐牌有好多選擇，我地叫左兩個 set lunch，有湯再有嘢飲。慢煮豬軟骨先上枱，好大碟，最少6至7舊軟骨。軟骨有帶少少豬肉，加茄汁慢煮，豬軟骨好軟，食完好有 Calcium 感覺。天使麵放在另一個碟，自己加上有肉汁既茄汁，好好味囉。去骨炆豬手都不錯，用胡椒雜菜湯炆豬手，味道特別，食豬手又可以飲少少湯。天使麵都係放在另一個碟，我哋就當然會把天使麵放入湯濕食啦，食完立即多晒骨膠原。

偶然來到筲箕灣，見到呢間舊式西餐廳價錢又唔算貴同比入面啲環境氣氛吸引，啲水晶燈有陣懷舊味！決定一試價錢都合理，叫左珍寶意式雞扒美國豬仔排骨兩樣都揀左配南瓜蓉佢地都會有黑醋同橄欖油比你地配面包食仲可以refill今日餐湯道無咩特別，見佢平時會有啲特色啲既例如紫椰菜花湯之類，想試可惜遇唔岩但忌廉湯黎計佢都算多料兩樣主菜都中規中矩無特別驚喜、但都叫晚餐份量、足夠反而個南瓜蓉有少少水、太稀加埋啲肉既少少血水、變左有湯汁咁有啲扣分餐茶叫左熱香橙茶係感覺用橙好似少啲見、但同一般檸檬茶相近整體算正路、抵食食埋個懷舊情懷

星期五晚上收工去咗位筲箕灣嘅呢間「The Starred」西餐廳吃晚餐，店內裝修懷舊有特色，古典味道濃厚，頗適合情侶燭光晚餐🍴晚市套餐都係百零蚊起，選擇多元化，豐儉由人蕃茄雜菜清湯及自家製意大利香草麵包個蕃茄湯好清甜，裏面仲有好多紅蘿蔔、椰菜、洋蔥等等雜菜。配上鬆軟又實在的自家製意大利香草包🌿正呀凱撒沙律跟餐加$30就可以有凱撒沙律🥗碧綠爽脆羅馬生菜加入適量凱撒沙律醬、煙肉、芝士片及蒜蓉麵包粒，開胃又美味香煎銀鱈魚扒 • 意大利黑醋醬銀鱈魚扒大大塊，連魚皮煎到微微香脆，魚肉保留鮮嫩多汁的口感，好好食呀！另配意大利黑醋橄欖油扒蕃茄🍅同樣好Juicy美國牛封門柳(7安士) • 鮮菇燒汁七成熟的Hanger Steak肉質好嫩滑，牛肉味頗香濃突出～鮮菇燒汁有提鮮作用呢自家製紐約芝士餅入口軟滑，芝士味好香濃，消化餅底仲帶有牛油香即磨咖啡☕️咖啡味好濃郁，加入新鮮牛奶後增添順滑口感熱檸茶清新解膩的檸檬伯爵紅茶

已經係第3次試呢間餐廳, 頭2次都係有D失望, 因為食物上碟時總係唔夠熱, 試過扒,牛尾,意粉, 質素算叫做過得去, 咁就算啦, 可以叫做食個氣氛同服務態度。 星期一晚見冇乜人, 諗住試一試, 點知今次真係離晒大譜! 食到好嬲!「第一嬲👎🏼：上錯食物」8點入座 叫左個$180既美國牛封門柳配薯蓉, **落單時講明要五成熟, 8:20分一送到黎切開 入面係全熟既!** 講緊個時成間餐廳有3枱客, 3對couple, 我地係最尾入座個枱, 客量唔多, 唔明點解咁都可以搞錯? 你話忙中有亂都情有可原, 咁都搞得錯, 係完全浪費左個食材! 亦浪費左我自己時間係到等佢煮一份岩既過黎!「第二嬲👎🏼：食物遲遲未上枱」終於等到個牛柳送到黎, 一切開, 終於煮岩左啦, 約6成熟啦, 質素下面個part再講。食食下見差唔多時間, 就嗌多樣野試下啦。兩個人叫2個餐先夠飽。叫左個$88既推廣套餐: 豬梅肉扒。個時客人都走晒嫁啦, 得返我地呢枱, 約8:50分倒。**我地足足等左半個鐘佢都未上菜!** 催下個侍應, 隔左8分鐘倒終於黎啦, 一睇, 真係嬲到震! 睇下面質素個Part就知點解!「第三嬲最最最嬲👎🏼

到了下午三時，午餐還未吃，筲箕灣的食肆並不熟悉，上網找找看，發現這店評價不錯， 結果決定到這兒看看！吃了一份下午茶餐，但食物真的很一般！今次點了一份吉列豬扒 、煎蛋及香草包，吉豬很實很嚡口！還等了很久，趕時間走不了點了！咖啡則不錯！不過，不知是否每次要咖啡，都要召喚侍應取方糖呢？這兒的員工服務，也很一般！好像不夠人手的！還有，餐廳大門真的要維修維修，每次中門大開或關上的時候，都會有一聲很刺耳的聲音，坐在門囗邊的顧客，很是難受！

starred，星星嘅餐廳，有水準嘅餐廳餐廳門外已經好吸引我一去食，因為佢嘅懷舊感，好重，我好鐘意依啲feel，同老公拍吓拖先。🌟今日是日餐湯(西蘭花忌廉湯)，古唔到咁夾，食得出係即用新鮮西蘭花去打。🌟自家製意大利香草麵包，配上黑醋同橄欖油，啲包好軟熟，熱辣辣架🌟凱撒沙律,大大碟，大滿足🌟美國牛封門柳(約7安士) ，鮮菇燒汁。封門柳外煎封到外脆內juicy ，㕑師功夫十足先做到咁嘅效果，配意大利黑醋橄欖油扒番茄 及 炸薯角🌟鐵棒厚切豬梅扒(大約10安士) 西梅燒汁，豬肉好好味，不會太過乾身而且好淋，好入味🌟自家製紐約芝士餅，芝士味濃，成為今餐嘅完美句號

餐廳：The Starred (筲箕灣)地址：筲箕灣筲箕灣道333號樂融軒地下4號舖出開港島區🏙，去咗呢間懷舊西餐廳食飯🍴，吸引我揀咗呢間The Starred嘅原因，係佢古色古香嘅外牆，同埋典雅復古嘅內在裝潢✨入到餐廳見到堂皇優雅嘅環境，高貴嘅水晶燈💎，配上白紗窗簾，同棗紅色皮木製卡位，配搭出英倫風格🇬🇧。兩個女侍應着住藍色復古長裙，加上古典音樂，別有一番置身係ballroom嘅感覺🥰香煎豬仔髀配蜜糖芥末籽汁 $128一份有五件豬仔髀，每件都啖啖肉，用錫紙包住髀骨，方便食客可以用手拎住嚟食👍🏼，蘸埋蜜糖芥茉醬更提升豬仔髀嘅味覺層次🍯鐵板厚切豬梅扒配西梅燒汁 $150豬梅扒約10安士，佢嘅味道較濃郁，肉質有咬口之餘，脂肪亦唔會太多太肥膩😋，鐵板上能夠保持扒嘅溫度🔥，淋上燒汁更加juicy同惹味兩個套餐都係跟意大利黑醋橄欖油扒蕃茄🍅同蒜香薯蓉🥔。跟餐加$30仲有凱撒沙律🥗，除咗本身有豐富嘅巴馬臣芝士🧀之外，仲會附上黑醋同橄欖油按喜好自行添加另外加$15半價換購咗個自家製紐約芝士餅，芝士餅濕度適中💧，芝士味香濃，加上朱古力醬同鬆脆嘅餅底，都幾值得大家換購嚟試下😎

星期五的晚上，又是輕輕鬆鬆的假期前夕，又可以紅酒🍷浪漫🌹之夜😂吃喝玩樂彩你都傻，開心🥳就是咁簡單😂———————🔶環境：🌹🌹🌹🌹🌹懷舊、舒適、浪漫、雅緻💕🔷衛生：🌹🌹🌹🌹🌹入門口檢測體温、每張枱上放置消毒搓手液❤️🔶服務：🌹🌹🌹🌹🌹關心、親切、體貼，禮貌❤️🔷味道：🌹🌹🌹🌹擺放心思，味道大眾化口味🔶價錢：🌹🌹🌹🌹🌹平民價錢，物有所值、高級格調❤️———————-🟣紅酒🍷：愛紅酒🍷的我，以優惠價40元配上👍👍紅酒果昧🍷濃郁醇厚😋——————-🟢沙律🥗：我好欣賞呢度既凱撒沙律🥗，一片片的濃郁芝土，鋪滿沙律上那種誘惑，又豈能放過，新鮮蔬菜，脆香煙肉粒混合脆麵包粒........等等，食物的誘惑，就是來自廚師👨‍🍳的製作😋———————-🟤餐湯🥣：什菜湯，🍅濃郁番茄與什菜的配合，喝出蔬菜對身體的健康之選⋯⋯🔴餐湯🥣：青椒忌廉湯，青椒的濃香加在忌廉湯的做法，味道相當匹配調和的濃香忌廉，就是喝出的好味道😋🟡餐包：餐湯都配上鬆軟的麵包，黑醋及橄欖油用作調味，（我最愛呷醋，當然是吃麵包的時候😂😂😂😂😂）———————⚫️慢煮牛面珠墩肉配南瓜🎃溶：夠特式，而且只有「筲箕灣店」才有這款菜式，那又怎能不吃，味道出色

The starred今次又講呢間位於筲箕灣嘅餐廳，呢間餐廳嘅裝修真係十分vintage，高樓底、水晶吊燈、高身褐色皮沙發、經典英文老歌，好懷舊雖然佢哋有咁靚嘅裝修，但其實佢哋晚市Menu價錢好貼地！一個set都係百零二百蚊左右慢煮牛面珠頰肉牛面頰肉唔係間間餐廳都會見到有，咁啱見到佢哋有，咁就梗係要試下，牛面頰肉肉質比較硬，一定要長時間去燜燉，佢哋嘅牛面珠頰肉，用咗慢煮方法去烹調，燉到好軟好淋，口感超級軟稔，入口即溶美國安格斯牛封門柳封門柳為牛橫隔膜肌肉，都係比較罕有嘅部份，佢哋嘅封門柳肉味較重，好香牛味，不過油花就較少，比較適合鍾意肉味香濃嘅朋友仔，佢哋用南瓜來做伴碟，南瓜嘅香甜，加埋咁香嘅封門柳，同埋杯紅酒...😭黑毛豬豬扒呢一份豬扒我就揀咗用鐵板上，再由餐廳嘅staff幫我哋淋上燒汁，香氣四溢，豬扒完全冇羶味，帶一啲榛果嘅香氣，味道十分濃郁，而且切開嘅時候見到塊豬扒好鮮嫩，肉質肥瘦均勻，食落亦都唔覺得有油膩感佢哋嘅套餐有包埋餐包同埋餐飲/餐湯，當日嘅餐湯就需要問職員～但係$1xx-$200嘅價錢，配上咁樣嘅氣氛，真係好抵～

7pm落order, 叫兩個餐，餐湯餐包兩、三個字送到，但主菜等好耐，超過半個小時，個豬脾意粉7.40pm先到，7.45pm同個男侍應追個肉眼扒，佢check機後話有落單，等到8pm個女侍應走來話個肉眼扒有問題，廚師嘗試救救唔返，提議我地點過其他，唉，煎扒有幾難喎，最容易同快手，為何等左成個鐘先來說？再落單又唔知等幾耐，立即埋單走人😤😤這間野食物ok，不過服務麻麻，同埋趕時間就唔好食呢間，分分鐘唔夠時間食！

經過筲箕灣，給這間餐廳的復古歐洲風格吸引，所以特地進去試試他們的西餐。 中午餐牌的價格1XX起跳再加一, 午餐來說並不是走平民路線。 點了一客紐西蘭牛扒，有湯麵包和餐飲咖啡。 湯是什菜湯， 味道很好， 所以對主菜牛扒十分期望。 牛扒我點的是五成熟， 送到桌面的也大概是五成熟廚師的火候沒有問題， 問題是牛扒卻一點肉味也沒有而且肉質也較鞋身， 明顯用上的是非常平價的牛扒，令我大失所望。 朋友點的是180元的封門柳，同樣地亦對牛的質素搖頭嘆息。 埋單平均消費170, 卻如此質素，確實心有不甘。

Happy Friday 所以同朋友去遠少少食飯 筲箕灣「The Starred」 好有情調 高樓底 水晶吊燈 棕紅色嘅卡座 一磚一瓦 都別具特色 珍寶意式雞扒 · 烤雙重芝士· 義大利番茄蓉· 羅勒香草醬 $110碟咁大嘅雞扒 上面鋪滿芝士 焗到微焦 芝士焦脆口感 鹹香 雞扒焗完依然鮮嫩多汁 番茄蓉嘅酸 幫雞扒大大加分 意粉嘅份量同雞扒 一樣咁多 軟硬度啱啱好 仲帶有橄欖油嘅香味 好食香煎挪威三文魚·蜜糖芥末籽忌廉汁 $140三文魚夠厚身 香煎過後 完全唔腥 切開三文魚仲帶有光澤 同水份 醬汁部分 蜜糖芥末忌廉 甜甜地同魚好夾 夠曬特別 美國頂級西冷牛排（約10安士）· 白松露有肉汁 $24010盎司西冷 脂肪含量同油花都比較少 取而代之就係 濃郁牛香 肉質鮮嫩 多汁 下次可以叫5成熟 咁就更加完美啦 芝士餅 Cheesecake +$15濃郁芝士香同奶香 作為飯後甜品 絕對要試紅酒 +40 （餐飲轉紅酒）晚市 跟 日餐湯 自家制義大利香草麵包 同埋餐飲（咖啡 茶 果汁） 可能係筲箕灣最親民 味道又好嘅西餐 可以多啲同情人 朋友撐檯腳

🎈The Starred (筲箕灣)🔍筲箕灣筲箕灣道333號樂融軒地下4號舖-----今晚👶🏻咁啱到筲箕灣有事情要辦，辦完事之後就順道係呢一帶覓食，係街上行咗一陣🚶🏻‍♀️就被呢間古歐式裝修風格嘅西餐廳吸引咗，本來齋睇環境以為價錢一定唔平，點知睇完餐牌先發現佢地嘅晚市套餐價錢非常實惠，大部分嘅餐點，包餐湯、麵包、主菜同飲品，加埋一都只係百零蚊左右（酒類飲品要另外加錢），整體感覺有d似超抵版本嘅張敬軒仙后餐廳。-#香煎孜然豬仔髀配蜜糖芥末籽忌廉汁$128：的骰可愛嘅豬仔髀🍖，每隻大概有2/3嘅手掌大細，一碟有5隻，骨細肉多，質感嫩口彈牙。咬落散發陣陣孜然幽香，蘸點少少蜜糖🍯芥末忌廉汁則更添風味。😋-#美國豬梅肉伴西梅燒汁（$150）肉質較實，質感有啲似五香肉丁，西梅燒汁味道頗濃烈，單食有啲重口味，配搭意粉或者飯會平衡得較好，相比之下個人更愛上述嘅香煎孜然豬仔髀 。🐷-#香煎格蘭陵比目魚配意大利茄蓉醬（$138）比目魚皮脆肉鮮，意大利茄蓉醬則可以選擇辣或者唔辣，B仔就揀選左前者，辣味茄蓉醬內有粒粒原個番茄仔，誠意十足，味道酸酸甜甜得黎，又不乏個性，辣勁惹味醒神，為整道菜式起咗畫龍點睛嘅效果。

/The Starred 人均💰200‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧行過筲箕灣，被依間外表復古既餐廳吸引，行近先發現係西式扒房，身為食肉獸既小編當然要入去品嚐下啦。/套餐M 美國頂級西冷牛排💰240 7⃣️點5⃣️分牛排處理是七成熟（可自選），鮮嫩又凸顯到牛本身厚重感覺，而且帶有咀嚼感。肉汁豐富而且有層次感。/套餐L 美國安格斯牛封門柳伴鮮菇燒汁 7⃣️分 💰180 7⃣️點5⃣️分牛肉味道散發周圍同埋佈滿你舌頭，好似被牛群包圍。肉汁豐滿而且肉質厚實，唔錯。而蘑菇雖然是配菜但係處理得好妥當，冇燶味，唔苦，火候啱啱好。/餐湯及麵包 7⃣️點5⃣️分小編選擇羅宋湯。湯的味道酸酸甜甜，看上去不是黏稠的感覺但卻很入味。餐包是走鬆軟性質的，這個餐廳的餐包可以無限fill之外，還可以配搭黑醋食用。/餐飲7⃣️分餐飲都幾多選擇，小編分別叫左石榴汁同埋菠蘿汁，杯大細尚可，而兩杯果汁味道都幾fresh，唔會話好甜但係還有水果味。/沙律 + 自家製芝士餅💰38 + 40 8⃣️分沙律新鮮爽口，上面鋪滿果肉粒取代左麵包粒，所以食落去好清新。而芝士餅都好好味，濃郁得黎又有奶香味。

餐廳走懷舊風，水晶燈、褐色皮疏化、木製牆身窗框、白紗窗簾、經典英文老歌，真係好似時光倒流咁。雖然花心思裝修佈置，但晚餐價錢都算平民，大多數都百幾蚊上落，難怪平日夜晚都full house。晚餐都幾多選擇，有十幾款，同樣嘅套餐喺lunch time都有供應，價錢係標價嘅八折。麵包配橄欖油同黑醋，黑醋酸中帶甜易入口，平時唔係好鍾意食酸嘢嘅我都覺得好味。麵包唔夠食仲可以添。是日餐湯係洋蔥清湯，裡面多甜洋蔥又清清哋，飲完唔怕有口氣。我哋跟餐+$30有凱薩沙律，好大碟。主菜【香煎挪威三文魚•蜜糖芥末籽忌廉汁】個汁香甜好味又creamy，三文魚肉嫩多汁，三文魚皮煎得香脆，加上個蜜糖汁，有啲似燒雞翼嘅雞皮咁好味。【美國頂級西冷牛扒(約10安士)•白松露油肉汁】頂級西冷扒好juicy，肉味香濃。用白松露油做汁比較少見，比起黑松露味道更「內斂」，唔怕搶走肉味，有心思。兩個主菜我哋揀咗【月桂花蜜焗南瓜及香蒜薯蓉】做配菜，香甜蜜糖味嘅南瓜真係第一次食，幾特別。餐飲都有特色飲品，【熱鮮橙茶】係甜橙，飲落微酸微甜，消脂解膩。【石榴汁】就健康之選。最後點少得甜品，跟餐半價$15有【自家製紐約芝士餅】，軟滑香濃芝士