The Salted Pig (新城市廣場一期)

營業中

休息中

小妹今晚同豬去咗沙田新城市7樓 「The Salted Pig」食晚飯，一邊聽住👂餐廳播的歌、一邊chill 住食晚飯🥣 店內裝修充滿英式風格，環境舒適及闊落～職員服務貼心😎蕃茄芝士肉丸🍡雖然只有三粒，但肉丸以特濃蕃茄蓉+拉絲芝士烤焗😆食落口超級Juicy，好味🥰 酸酸甜甜，非常開胃🤤煙三文魚凱撒沙律🥗沙律菜超新鮮，爽脆沙律菜配埋鮮甜既三文魚及麵包粒粒，伴着酸酸酸甜甜既醬汁，又係令人胃口大開😚脆焗芝士雞胸扒伴沙律🥗、薯條🍟呢塊雞扒好大😍 皮脆肉嫩，上層仲鋪滿成塊芝士🧀容易切開肉質軟淋，雞味香濃，伴菜沙律菜亦相當新鮮，即炸薯條🍟份量不少，酥脆香口🤩雙重海蝦意大利飯🦐呢款雙重海蝦有兩款蝦，包括海蝦及虎蝦，海蝦剝咗蝦殼既海款口感不錯，結實；虎蝦肉質相對比海蝦再結實，味道相當不錯👍🏻 意大利飯加入龍蝦湯汁，口感一流，濃香稠密🤗食完以上咁豐富既美食，當然要以甜品為結尾啦🥰紐約芝士蛋糕🍰口感香滑，硬度適中，芝土非常軟滑，甜度適中🤭朱古力蛋糕🍫🍰呢個朱古力蛋糕味道濃郁，質地結實，賣相仲帶有布朗尼口感，上層仲舖滿果仁粒😝水果茶（熱）🫖雖然係茶包沖出黎，但水果味算突出，甜甜地，好飲😋小妹已經係唔係第一次

今日同朋友去咗沙田嘅The Salted Pig，晚餐套餐有頭盤，主菜，甜品，飲品，非常抵食，但驚食唔晒所以決定單點。卡邦尼蛋汁煙肉意粉蛋黃味超級香濃嘅傳統卡邦呢，煙肉要最緊要嘅面豬肉嘅煙肉，所以煙肉油特別香，最中意嘅卡邦尼就係呢種忌廉冇咁重。慢煮脆皮豬腩，配薯仔沙律，烤甘筍豬腩肉切得好工整，賣相10分專業。外皮焗到好香脆，但肉裏面嘅肉汁完全保留到，配菜嘅薯仔沙律同埋烤甘筍可以中和到豬腩肉嘅肥膩。碎牛肉芝士肉汁薯條有芝士肉汁焗嘅薯條，果然比一般薯條食落更加惹味，水口嘅口感加埋芝士嘅香濃，將薯條嘅味道增加唔少層次。

見OpenRice訂位有85折，一於去試下。兩個人叫左一個沙律，一個小食，一個主菜，一杯飲品，折後埋單$6xx，性價比低。沙律，芒果牛油果大蝦沙律，味道ok，個醬汁少少辣，提味👍🏻👍🏻👍🏻。但係得幾粒芒果（目測1/4個芒果都無)，幾粒牛油果（目測1/4個牛油果都無)，同4隻蝦，真係有d孤寒。小食，炸魷魚。本身魷魚就無乜味，佢個炸醬又無乜味。又炸得唔夠金黃。主菜，炸豬手👍🏻。正常發揮，同出面其他西餐廳無乜分別，無特別出色。飲品，芒果菠蘿沙冰👍🏻。happy hour價錢，無折。正常飲品一杯。環境方便，非常嘈，想傾下計都難😵‍💫😵‍💫😵‍💫

今天兩位朋友帶我到沙田慶生，因為其中一位朋友不能吃牛肉，另一位朋友不能吃海鮮，所以我們就選了這一間吃豬肉的。蕃茄肉丸意粉 $168蕃茄味道十分濃郁，有幾粒大大的肉丸伴着意粉，意粉質地也很有口感，十分適合小朋友吃，同行朋友的女兒吃得十分高興。慢煮醬燒豬肋骨、椰菜沙律、粟米、薯條 $288豬肋骨燒得很腍很易吃，粟米也烤的剛剛好，但我覺得多點牛油會更好吃，豬肋骨的醬汁略嫌有一點鹹。招牌德國鹹豬手、烤薯、酸菜、芥末籽忌廉汁 $318肉質也很腍很嫩滑，調味也很不錯，豬手的皮厚厚的但不油膩，點上獨特的芥末籽忌廉汁，很好吃。配菜是烤薯，有別於普通薯條，很軟很腍。朱古力心太軟、雪糕 $98這個心太軟朱古力味很濃郁，心太軟的裏面是暖暖的，但沒有很流心，可能是因為我們拍照耽誤了一會兒吧。因為我們其中一位生日，可以叫餐廳寫上生日快樂，沒有很特別，就只是一個儀式感吧。

本人食遍歐澳，中午食到咁靚既脆皮豬，仲要在沙田，簡直驚艷，侍應服務態度好，有速度有水準比同地點西餐廳高出幾倍，因為早到冇咩人，各樣都非常理想，下次可以試埋佢的中午餐牌食物。

與朋友相約沙田食午餐，去到沙田新城市廣場找餐廳最後揀咗環境幽雅寧靜嘅西餐廳【The Salted Pig】，見到餐牌有好多菜式，我同朋友鐘意食海鱸魚同海鮮，order 煎原條海鱸魚柳海鮮燴、鮮蝦、蜆、辣肉腸、麵包粒，牛油帶子番紅花意大利飯、菠菜、巴馬臣芝士同埋迷你牛肉漢堡。【煎原條海鱸魚柳海鮮燴、鮮蝦、蜆、辣肉腸、麵包粒】上枱時聞到香噴噴，而且賣相很吸引，海鱸魚柔嫩，魚皮煎得焦香。配搭爽脆鮮蝦同蜆，加埋辣肉腸、香脆嘅麵包粒，令口感更豐富。【牛油帶子番紅花意大利飯、菠菜、巴馬臣芝士】份量適中，好啱同朋友開心share。帶子加入牛油煎到外面金香，入口有彈性，配搭菠菜、巴馬臣芝士，味道好夾。意大利飯有淡淡芝士味道，特別有風味。【迷你牛肉漢堡】精緻又可愛嘅迷你牛肉漢堡，打開漢堡包，配菜有青瓜🥒、蕃茄汁🍅、芝士🧀，真喺yummy 😋。📍The Salted PigShop 702, 7/F, New Town Plaza Phase 1, 18 Sha Tin Centre Street, Shatin, N.T. Hong Kong

Happy Friday🥳🥳約左朋友食飯，收工係沙田附近，就去沙田新城市搵食，因為星期五關係，所以一早Book定枱，好彩Book左枱，到晚上7點餐廳開始多人入座，我Book左位就好快安排入座。因為餐廳D肉出名大份，所以清清地就點左個沙律。大蝦芒果牛油果沙律，意想不到的好食，個沙律汁酸酸甜甜，有點點泰式風味，讓人食得開胃，略嫌牛油果份量太少，如果牛油果多點會更好。另外之前想試佢既招牌菜，但之前朋友唔鍾意肥肉，所以一直無機會，今次試咗其中一個招牌菜，燒豬腩肉，燒腩肉上枱時比想像中大份，呢個價錢嚟講都幾抵食，食得飽飽的。而且食落口有驚喜，成嚐豬腩肉完全唔會太肥，而且亦都唔會太漏，配埋配菜一齊食，足以令兩人飽飽的。最後，食埋個甜品-心太軟，滿滿朱古力流出，滿足。餐飯加埋杯Sangria，一百分

The Salted Pig對豬的西式煮法很是講究，頒發豬教授頭銜也不為過😍。晚餐時段可散叫也，但今次叫了兩個Set Dinner，一Set有前菜、沙律、主菜和甜品，真完滿！前菜：🧆蕃茄肉丸不是Ikea肉丸，是爆汁彈牙的手作豬肉丸，以特濃蕃茄蓉和拉絲芝士烤焗。🥗煙三文魚沙律甜羅馬生菜、香脆麵包、芝士粉加一片煙三文魚，沒什麼花巧，樸實美味。主菜：🐽慢煮脆皮豬腩拿拿拿，重頭戲！焦糖色鹹香五花肉軟嫩而不爛，外層焗得香香脆脆，實是出色。令人驚喜是配菜也毫不馬虎！小椰菜🥬、豆角🫛、紅蘿蔔🥕油香爽脆，馬玲薯沙律酸酸綿綿。吃到這一道，實在不往此行。🐟🍛香煎比目魚意大利飯為小寶貝而點燉飯👶🏽比目魚營養價值高而細滑，牛奶忌廉煮意大利飯很是香濃，寶寶一口接一口。甜點：🍫🍦朱古力雪糕帶有布朗尼口感的雪糕加上曲奇，令人眼前一亮。🥧🥥椰子撻紮紮實實的椰子撻，每一口帶有椰蓉椰絲，甜而不膩。

難得一家大細齊人家庭聚會照顧老幼 去間老少咸宜餐廳6點左右已經爆滿 等咗約20分鐘用餐時間90分鐘 出菜快食物質素高🍴▸ 豬皮脆片 $𝟗𝟐味感少似豬皮 口感完全唔似超脆的但有點油膩點埋配有的牛油果蓉就好少少▸ 太平洋蟹餅 $𝟏𝟔𝟓質感似薯蓉粉糯 有一絲絲蟹肉鮮香配搭青檸蒜香蛋黃醬 微微酸蒜味少雖酥炸卻不太油 點醬少少清新感▸ 慢煮醬燒豬肋骨 $𝟐𝟖𝟖 好多枱都點豬手 之前食過係正嘅！但話事人👧🏻表示要食豬肋骨燒烤蜜糖 味香濃少少甜外焦內粉 重點肉質非常軟腍有肉汁熟成度恰到好處 骨肉易分離伴有不少薯條、香甜粟米、椰菜沙律▸ 烤牛肉墨西哥夾餅 $𝟐𝟑𝟖香嫩牛肉跟燈籠椒、洋蔥一齊炒有四種配料自由配搭芝士碎、牛油果蓉、辣椒、酸甜辣椒(似蕃茄味不覺辣)酥酥的鬆軟餅皮夾上各種食材口感柔軟中帶爽脆 酸酸辣辣好豐富▸ 牛油帶子番紅花意大利飯 $𝟏𝟖𝟖帶子新鮮 好～彈又嫩整體好香牛油味 蒜香味少少重奶油感有的 加上有芝士 濃稠度高唯一飯量不多 每人一兩啖分享下

今日約咗朋友沙田新城市下午茶，想揀西餐。朋友提議去Salt pig. 之前我去過salt pig 2次都是食晚餐，而且一般都較多人所以限時90分鐘。 其實下午茶時段都限時，不過可能因為平日無人等位，最終可以坐到晚市開先叫我地埋單，今時今日咁嘅服務態度真係好好。 我同朋友一人叫一個午餐 （可選沙律或者餐湯）; 飲品朋友upgrade要杯啤酒。主菜我個比目魚配薯仔都吾錯，感覺無咁油膩，朋友安格斯漢堡普普通通但都juice

今日來到這家以豬為主題的餐廳，裝潢以歐陸式風格，燈光柔和，座位寬敞舒適，在這裏渡過了愉快的下午茶。醬燒豬肋骨：烤到外脆內軟，秘製醬汁好惹味，薯條熱辣辣脆卜卜，茄汁係薯最佳拍檔。煙肉芝士焗通心粉：身為芝士腔既我好欣賞這個通心粉，溶化既芝士中散發煙肉既鹹香味，層次感豐富。雜菌松露意大利飯：聞到雜菌特有既香氣，意大利飯彈牙creamy，軟硬適中。+$20 就可升級小食，可㨂酥脆魷魚圈、紐約芝士蛋糕、迷你凱撒沙律、秘密香料脆雞翼、德國香腸伴酸菜，選擇都幾多。Grilled Double Pork Chops:豬鞍厚切得黎一d 都唔鞋口，外皮烤到微脆，肉質軟嫩多汁，配菜同個雜菌汁黎一齊食，味道好夾。配有香烤豬扒、西班牙辣椒、車厘茄、蘑菇、鷹嘴豆、雜菌汁。🔎The Salted Pig (新城市廣場一期) (沙田)📍沙田沙田正街18號新城市廣場一期7樓702號舖

肚餓未到晚飯，見到下午茶餐牌幾吸引，就去左食個靚靚下午茶餐，餐牌都算多選擇，而且餐廳環境相當不錯，坐得好舒服，唔限時，可以慢慢食，服務員態度也很好。煙三文魚牛油果三文治：三文魚配牛油果搭火箭菜，味道很夾，很清新，而且仲有水牛芝士🧀️，好味😋燒豬肋骨：用咗好香濃嘅醬汁來焗，－字排好淋滑，有骨有肉，效果很好卡邦尼意粉：好濃香嘅醬汁，意粉軟硬適中，拉絲嘅芝士好creamy ，配搭啲味道像义燒嘅肉粒，不錯

老公生日飯系列之家人篇，老公生日月。二人慶祝夠浪漫，一家人慶祝都好開心。我哋係奶奶屋企附近新城市廣場一間西餐興祝。📍沙田 The salted pig我地食左：🍴慢煮醬燒豬肋骨💰288慢煮豬肋骨，肉質好嫩滑，多汁。醬燒汁酸甜惹味，愈食愈開胃。薯條🍟好脆口，粟米煎過，邊有小小燶，好惹味。🍴雞肉忌廉青醬貓耳朵 💰178貓耳朵既青醬汁做得好好，面頭雞肉唔鞋，芝士粉令雞肉好香。我哋另外叫左個set:🍴前菜：肉丸有3粒，以番薯醬做調味，面頭鋪滿左芝士，肉丸彈牙。🍴大蝦意大利飯💰228面頭兩隻亮蝦煎過好大隻，肉質彈牙。下面有2隻蒜香大蝦🍤意大利飯好綿滑。Ice cream :係忌廉味，正正常常。✨✨✨✨✨✨✨✨✨💰100蚊切蛋糕服務費。總結：The slated pig 🐷 整體食物質素中上，價錢合理，店員服務好。10分滿分味道：8/10環境：8/10價格：8/104人總數💰873（已加一）218.25#hkfoodieblogger #hkblogger#chansfoodie.hk#hkrestaurants#hongkong🇭🇰 #hongkongfood #hongkonglocalfoo

餐廳位於新城市7樓，沙田火車站一出行幾步路就有電梯直上7樓。餐廳環境頗有氣氛，卡位空間好足夠，燈光偏柔和暖色，特別適合同情侶一齊用餐。Brown Butter Scallops & Saffron Risotto牛油帶子番紅花意大利飯（$188）意大利飯配搭菠菜、巴馬臣芝士等，飯粒粒分明有口感，再加上被譽為最貴香料既番紅花，通常會被用黎製作西班牙海鮮飯，味道帶有甜味既花香和麝香味，帶子兩邊都煎香，有效封住鮮味，食落特別多汁。Grilled USDA Black Angus 120z Rib-eye Steak燒肉眼牛扒（12安士）（$348）原本想揀既阿根廷青醬剛好沒有，所以揀左肉汁，但意外醬汁味道都唔錯，肉眼牛扒叫左7成熟，用刀可以輕易切開，牛扒中間色澤粉嫩，兩邊表面煎得焦香，肉質鮮嫩多汁，肥瘦比例適中，牛肉油香味濃郁，食到十分滿足。薯條剛剛炸起熱熱的，十分香脆可口，有特意灑上燒烤粉，再沾上茄汁，完美配搭，茄汁唔足夠可以問店員再要。

收工過咗嚟沙田食飯，就Walk in入咗嚟試吓呢間連鎖嘅燒豬西餐，一直都知道佢幾出名🤩Order左大蝦芒果牛油果沙律，出奇地好好食，本身我自己就唔好沙律，但係呢個沙律汁酸酸甜甜，好開胃，大蝦有四隻，略嫌牛油果份量太少亦都試咗其中一個招牌菜，燒豬腩肉，侍應攞到上嚟俾我哋想像中大份，呢個價錢嚟講都幾抵食，食落口都係有驚喜，成嚿豬腩肉完全唔會太肥，而且亦都唔會太漏😋😋兩個人都食得晒呢個份量埋單連埋+1，$500都唔使，呢個質素嚟講相當抵食👍🏻👍🏻👍🏻