The Right Place (寶勒巷)

營業中

休息中

星期五晚當然係想輕鬆一下，你到尖沙咀食飯，都離唔開想飲返兩杯，所以食飯都想搵間酒吧餐廳，呢度果然係一個唔錯嘅選擇。地方幾大，坐得舒服，環境暗暗地，傾計啱晒。食物來講都幾有質素，蟹肉芒果沙律，個樣已經好吸引，而且蟹肉都幾多，食落好清新。主菜叫左個burger,好特別，係係日式照燒茄子漢堡，估唔到照燒汁茄子同牛肉漢堡個味係咁夾！真心特別得來又幾好食，照燒汁幾開胃。蟹肉海膽長通粉，相對漢堡來講普通咗啲，不過好彩海膽都算新鮮。黎到當然要飲下酒啦，呢杯cocktail幾特別，有兩杯，一冷一熱，味道有少少苦。呢杯cocktail相當甜少少，幾適合女仔飲。

Weekend同男朋友喺尖沙咀睇完戲再食晚飯，呢日我地揀咗喺寶勒巷食西餐食返杯chill chill佢。⭐️My Cup Of Tea ($148)賣相精美又特別嘅cocktail，用木盤奉上一冷一熱兩種風味。冷 : 有陣陣嘅接骨木花嘅清香，仲有蘋果嘅甜味，好易入口。熱 : 用壺裝住，逐少逐少用細杯品嚐，溫度暖暖地，有突出嘅綠茶香。⭐️Teaco ($98)加強辦特色奶蓋烏龍茶，烏龍茶混合咗蘋果汁，甜甜地，奶蘋濃稠非常，帶有香濃嘅cream cheese味道。⭐️燒西班牙黑毛豬五花腩伴芥茉籽蜜糖青蘋果 ($88)五花腩厚度適中，燒過後外層帶點焦香脆邊，入口鬆化唔肥膩，連埋清新嘅蜜糖青蘋果一齊食，係一個清新開胃嘅starter！⭐️美國安格斯牛肉芝士煙肉煎蛋漢堡伴薯條 ($128)薯條金黃香脆；竹炭包外脆內軟，芝麻好香口，漢堡入面嘅安格斯牛肉十分juicy，食嘅時候要小心肉汁爆瀉呀！⭐️烤德國咸豬手 ($238)豬手可以揀原隻上或者店員幫忙切埋，我地揀咗後者方便食。豬手外皮烤得香噴噴，口感脆卜卜，肉質保持嫩滑。

唔知大家去開尖沙咀有咩酒吧好推介呢，講到好介紹，最近我就發現有一間啦，位於寶勒巷既the right place的確係一間唔錯既選擇。地舖既the right place充滿開放式既感覺，正方形既結構，令餐廳變得一覽無遺，牆上掛上超大型螢幕，睇波既朋友簡直係一流，裝潢帶一點點既歐美風，格調整潔而毫不誇張，嘆杯美酒聽聽音樂，簡直賞心樂事。係滿載激情既音樂下叫返杯酒都不為過呀，除左啤酒、手工啤、威士忌類之外，仲有好多signature cocktail 選擇，我就叫左一杯butterfly effect $128，顏色非常搶眼，用上蝶豆花既cyber 顏色，味到苦中帶一點點酸酸甜甜，十分有趣。有酒又點可以無小食呢，避風塘椒鹽魷魚酥$88，呢到既小食都有好多選擇，其中一個系列為避風塘味道，用充港港式風味既竹籠盛載，牛油紙上既魷魚酥被大量既炸蒜、炸椒包住，口感香脆，味道濃厚，送酒特別一流。餐廳主食菜色為多國菜，其中我就揀左二款。其中一款係墨西哥菠菜芝士卷$118，微微香脆既外層包住juicy juicy既菠菜，清清地不太濃烈，配上三款醬汁享用，份外新奇，我就比較喜歡酸忌廉，味道上特別夾得來。另

西班牙肉腸，花枝片，燒南瓜，法邊豆，鹹蛋黃意大利飯伴輕煎北海道鮮帶子 $198所有嘢配搭得好好，鹹蛋黃做醬汁，好香好入味，仲有一粒粒西班牙肉腸，味蕾之間多重口感享受，而且北海道帶子超大粒超新鮮。 低溫慢煮燒法國春雞釀鮑魚栗子及薩丁尼亞珍珠麵配薯條 $278 呢個燒春雞又係好好味，做得好細緻，鮑魚同珍珠米釀係入邊，首先燒春雞皮燒得好脆，但雞肉10分嫰滑，而且鮑魚都好大隻好新鮮，珍珠米就一粒粒好，軟綿綿，整體不錯。呢杯飲品好特別入邊係whisky 嚟㗎

今晚放工約左好耐無見既好朋友食飯聚舊我地揀左間係尖沙咀既酒吧餐廳，呢度分左室内同室外位置，天氣開始愈黎愈熱，所以我地都係都係揀返安坐室内嘆下冷氣xpppp呢晚包癮起，所以就揀左份安格斯牛肉漢堡$128黎食呢個burger係重量級之作超厚身又juice既牛肉漢堡扒上面有隻半熟既煎蛋，加埋芝士、生菜同蕃茄，經典又好味而伴碟既粗薯條新鮮炸起，脆身香口朋友就要左碟有花枝南瓜同煎帶子既咸蛋黃意大利飯三大隻帶子係淡黃色既意大利飯上面，望落都覺得好吸引朋友分左啲俾我試，帶子煎得外脆内嫩，最估唔到中式既咸蛋黃同西式既risotto係可以咁夾最後我地仲要左個 法式熱情果焦糖燉蛋$58一齊share就連呢個甜品都俾到驚喜我地呀，幼滑既焦糖燉蛋加入左帶微酸既熱情果，多左一層清新既感覺，食完都唔會覺甜膩今晚無飲酒既我就嗌左杯叫 Jumper$98既mocktail 黎飲飲落酸酸甜甜咁都幾fresh，整體都都唔錯

Right Place 係我在尖沙咀很喜歡的Bar & restaurant，還曾經在這裡為好友慶祝生日，今晚又與友人來開餐，回味一下啦！避風塘系列是餐廳的主打，奈何友人喉嚨發炎，今次就冇機會嘗試啦！我們的目標是主菜及甜品呢！Dr Kitty 賣相精美，橙橙紅紅的顏色加上一粒荔枝裝飾配上一個小小的蝴蝶結🎀，十分可愛！飲品用上荔枝、芒果及菠蘿汁等一同打成，甜中帶小小菠蘿🍍清香，好醒神！My cup of tea 中西合璧的fusion cocktail ! 佢是有兩種感受的！茶壺內的是熱的茶加入了冧酒，酒味較濃！之後再飲一口冰凍的茶，當中同樣加入了冧酒、yougurt 及蘋果汁等，雙重感受！烤智利銀雪魚柳伴西班牙辣肉腸炒韮菜花荷蘭豆及油封手指薯配芒果沙沙銀雪魚柳外層煎得很香口，魚皮脆卜卜的，魚肉仍保持嫩滑！西班牙辣肉腸、花枝片、燒南瓜、法邊豆、咸蛋黃意大利伴輕煎北海道鮮帶子同樣也是fusion 菜式，咸豆黃用來煮西餐原來是好好味的，帶有咸蛋黃的咸香味，加入了辣肉腸及花枝片能增加口感，帶子保持嫩滑，難忘的菜色呀！焗蘋果批伴自家製雲尼拿雪糕蘋果批即叫即焗，玉桂香味撲鼻，熱辣辣的脆皮外層加上j

好多時候都會去尖沙咀行下 搵下有咩好食同飲杯酒今日就去到呢間餐廳 入面地方都幾大 舒適首先我地叫左個鮮蟹肉煙肉海膽汁扭捲粉扭捲粉軟熟度剛好 食落去有嚼勁 加上重量既蟹肉仲有勁香既海膽 鮮味十足 推薦！重頭戲當然係豬手！一上碟 好大隻！ 份量真係好抵食皮層脆卜卜 食落口好香肉質幼滑 唔會太乾 濃濃既豬手味～仲覺得有d 似火腿添 佢仲會配埋薯角 好香脆仲係熱辣辣岩岩整好的可以加埋茄醬一齊食另外 仲有自家製既雪糕配上生果 加上一個甜品作結

夜晚約左friend係尖沙咀the right place飯聚 因為之前食過呢間野發現原來佢餐牌會周不時update 帕馬臣芝士香蒜松露油薯條 芝士一條條鋪係面真心不得了薯條勁香勁脆食到停唔到口鮮蟹肉、煙肉、海膽汁扭卷粉伴鮮海膽扭卷粉幾特別 口感都唔錯配埋鮮海膽鮮甜到極致加以蟹肉同海膽汁味道起豐富北海道鮮帶子鹹蛋黃意大利飯意大利飯燜到好𣺉同好入味帶子外層煎一煎Cocktail同mocktail係獨家自制My cup of tea中西fusion超級特別Islay blossom酸酸甜甜好醒胃解膩！

天氣炎熱，與好友選擇到人氣酒吧餐廳吃點小食及飲品 ~坐室內，邊歎冷氣，邊看著播放電影片段的大螢幕，加上環迴立體聲，猶如置身電影院般，非常有氣氛的酒吧餐廳!The Right Place 拼盤，避風塘雞全翼，雞皮香脆，肉嫩入味，鹹香惹味; 香草蒜蓉牛油燒太平洋蠔，肥美飽滿，肉質幼滑，充滿濃厚蒜香及牛油香; 燒西班牙黑毛豬腩肉伴香芒莎莎，肥美香口，配搭酸甜多汁的芒果及番茄粒，清新不膩; 脆炸軟殼蟹，外酥脆內軟熟，加上沙律醬更滋味; 黑松露菌醬燒粟米，甜香多汁~綠茶心太軟伴自家製紅桑子雪糕，外層鬆軟，內層微微流心，嚐到微甜可口的綠茶味，香味留有餘韻，令人回味~ 紅桑子雪糕，清新激酸的紅桑子味，冰涼透心，夏日必吃!香蕉酥皮卷伴自家製開心果雪糕，外層酥脆鬆化，內層香蕉熱辣可口，富甜香的香蕉味，配搭的開心果雪糕， 香甜幼滑，滋味滿載~Flower Fizz，賣相吸引，整杯梳打富濃烈的桂花花香味，清新芳香，帶點甜香，冰涼止渴~Teaco，頂層芝士奶蓋鹹香芝味，下層富濃醇的烏龍茶味，同時滲出乳酪的酸香味，味道層次豐富，極具特色!用心製作的美食，加上冰涼透心的特色飲品，簡直是炎夏的最大恩物!

又到Happy Friday，梗係同女友拍拖食飯，來到了"The Right Place"。餐廳佈置開揚，檯同檯之間唔會太逼，感覺好relax。Islay Blossom + Dr Kitty :坐低後梗係先叫飲品，Islay Blossom以英式茶杯盛載，入口好濃煙燻威士忌味，配上淡淡蜜柚香味，感覺濃烈中帶點清新。Dr Kitty以荔枝、芒果及菠蘿汁混合而成，甚有熱帶風味，熱熱天氣下飲返杯份外涼爽。珍珠帶子鮮蟹肉濃湯 :味道似龍蝦湯，配料豐富，有好多珍珠帶子同蟹肉，伴湯嘅蒜蓉包焗得香脆，配湯食一流。墨西哥雞肉卷餅 :卷餅即叫即焗，墨西哥餅包住雞肉、芝士、蕃茄及紅腰豆等等，芝士將所有材料混合，味道好有層次，另外亦配有蕃茄粒、牛油果醬及他他醬，客人可按喜好添加。伴碟有沙律菜，食完卷餅後食，有助減低油膩感。鮮蟹肉，煙肉，海膽汁扭捲粉伴鮮海膽 :蟹肉加上海膽汁及蕃茄醬，顏色鮮艷。入口好重海鮮味，扭捲粉食落煙韌有口感，蟹肉份量都幾多下，仲有原片海膽，令人越食越開胃。蘋果批伴自家製雲呢拿雪糕 :蘋果批外皮呈金黃色，賣相非常吸引。砌開後散發出陣陣蘋果香，餡料除蘋果肉外，仲有玉桂及葡萄乾，入口味道清

位於尖沙咀既 The Right Place，今次已經係第二次黎食，好鐘意呢度既氣氛，而且食物飲品都好高質，所以我好鐘意同朋友黎呢度飲番兩杯傾下計。餐牌夠簡單，而且選擇又夠多，好欣賞呢度既COCKTAIL同MOCKTAIL，好有創意，混合左好多我地諗唔到既食材，今次就試左幾款。THE TOFU PUDDING $148呢個係最俾到我驚喜，好似即撞豆腐花，但係入面就加左唔少WHISKY，用呢個作為飯後甜品真係攞滿分。MY CUP OF TEA $148呢款COCKTAIL又係新鮮感滿分，先飲酒味較濃的熱飲，再即刻飲淡凍飲，一熱一凍，衝擊味蕾。RIGHT PLACE TOUR $98、TEACO $98如果唔飲酒既朋友，呢度既MOCKTAIL都創意十足，同樣帶到唔少驚喜。好難得有一間酒吧食物係咁高質，所以每次黎到我都會盡量試新食物，今次就試佐呢幾款。OCTOPUS SALAD $138羽衣甘藍呈翠綠色勁新鮮，加埋橙同埋西柚，夠曬REFRESHING。RISOTTO SCALLOP $198用左南瓜汁煮既RISOTTO，SCALLOP大大粒，屬刺身級級數。PORK RACK $298黑毛豬記

今次去The right place坐在出面的位置，5月已是初夏，可是入夜並不覺得熱，可能因為在外面仍有風扇和冷風機。在更出的位置更有煙灰缸，吸煙人士可以出來透透氣。烤墨西哥原條粟米好的芝士多到滿瀉，店員主動幫手切成粟米粒，就咁舀就可以吃，非常方便，芝士溶晒落熱辣辣的粟米粒，加上牛油簡直是絕配。避風塘小食一向是招牌菜，這次叫的是軟殼蟹，共有兩隻切半，滿滿的避風塘炸料令每口軟殼蟹都好入味，微辣而且重炸蒜香。蟹是原隻做菜的，好的是沒吃到鰓之類的部分，否則就會有鼓腥味。和牛醬辣肉腸水牛芝士配溫泉蛋手工貝殻粉，手製的捲粉一如既往的煙韌彈牙，辣肉腸和肉醬令捲粉很入味，配上流心的溫泉蛋，感覺幾juicy, 水牛芝士也是不可或缺的配料。吉列黑毛豬炒蛋芝士漢堡是黑色芝麻包，幾特別。吉列豬厚身，尺寸仲大件過塊包，唔乾而且幾軟，食得幾舒服。松露炒蛋有層次感，鬆化，而且豐富牛油味。薯條份量也很多，香脆美味，還有沙律點綴，香口中帶點新鮮。The Tofu Pudding，店員都叫它做竹炭豆腐，上桌後焗12分鐘才可以吃，質感就是豆腐花，暖暖的，味道卻有很明顯的whiskey, 一試難忘。Butterfly ef

今次與朋友聚舊,選了有信心保證的The Right Place ，因為上次到了其大埔分店，覺得食物不錯，所以今趟去其尖沙咀分店。收工後，就到尖沙咀寶勒巷 ，好容易找對地方 。The Right Place 設有露天茶座，約七時巳坐滿不少客人，洋溢熱鬧氣氛。Dr Kitty 賣相可愛，有啖啖的荔枝味又帶點芒果味，意料之好喝。鮮花配佳人，那就來一杯美美的Flower Fizza, 一陣陣的清香，不會太甜。鮮蟹肉，煙肉，海膽汁扭捲粉伴鮮海膽鮮甜的蟹肉，醎香的煙肉，配上彈牙的扭捲粉再加上creamy 的海膽 ，再咬上一口火箭菜，十分美味呀！酥炸軟殻蟹芝士漢堡配香芒莎莎伴薯條多肉鮮甜又香脆的軟殼蟹加上溶化的芝士，再咬上一口竹炭的漢堡包皮，好味道。熱辣辣及入味的薯條 ，令人一口又一口。泰式燒原隻魷魚筒釀蝦膠一上檯，巳看到一陣陣煙，香气四溢，泰式風味的魷魚，啖啖肉，鮮甜的蝦膠，令人垂涎三尺🤤。

女朋友食過話幾好食，所以介紹我去，但係食過一次之後我覺得我唔會再去🤐我訂左6人，但佢比左張4人枱我，我地6個人有4個男人，坐得好迫好唔舒服，而且環境又嘈，好難傾計。再講下飲品，餐廳連水都唔會提供一杯，但佢既飲品就好貴，完全唔花算。啲食物好鹹，我好懷疑到底係咪整到啲野食好鹹然後焗住要叫佢啲飲品。我地叫左個薯條、德國豬手、小食拼盤、burger、意大利飯，我覺得淨係得豬手好食，其他都好一般，唔值呢個價錢，真心唔抵食，唔會再去。

星期五放工想chill 下，第一次試下呢間尖沙咀既酒吧餐廳🍻Menu 既pasta 同小食比較吸引，送酒都唔錯，兩個人叫左1樣主菜兩個 snack 兩杯啤酒🍻超級飽👍🏻價錢都唔貴，埋單5百幾👍🏻帕馬臣芝士香蒜松露油薯條🍟 （$78）佢用蒸籠裝住幾得意，都唔細份，重點係佢面頭鋪滿芝士絲，咬落仲有微微蒜香味同松露味，推介👍🏻💓-燒西班牙黑毛豬五花腩伴芥茉籽蜜糖青蘋果（$88）五花腩肉唔會好油膩，燒到最外層好香又小小脆，加埋一層肥一層瘦既肉好好味，有咬口，肉質幾嫩，連埋甜甜酸酸既青蘋果🍏幾新鮮。推介🐷👍🏻-澳洲和牛肉醬·卡拉布里亞辣香腸·水牛芝士手工貝殼粉伴溫泉蛋🥚🍝（$178）諗住試下手工pasta,不過幾失望😞d貝殼粉無咩咬口，無咩彈性，食唔到手工既感覺。溫泉蛋係熟左既，成個蛋黃實左，完全唔會撈到，另外肉醬汁一般，唔算好味，芝士碎幾多都唔會加分🤔失望。