The Quarterdeck Kowloon (已結業)

同友人去左食Tea，一人叫一個三文治set，分別係ham & cheese 同埋tuna 。結果出黎既份量非常之大，另有大量薯條，食到最後我地當左呢個係晚餐！個ham & cheese特別好食，夠熱夠香。個Tuna都ｏｋ，友人最鍾意入面既生菜咁話！環境十分舒服，如果無船泊係度，suppose係對住海的～ｄ桌子幾得意，桌面是指南針～

在這裡食勁唔抵，又無氣氛，為獨有海景睇，如果是朋友硬推介也不來，好在主菜我叫牛，起碼大件些，味道也好些，另一朋友叫三文魚重慘，賣相唔得外重無味，推介去食的朋友選火雞食，話應節(但睇樣唔方好食)，我無同佢分享我的牛，因太小份量，連自己都唔夠食，好在蛋糕(雖然細細件)同生任食，都不知幾多人去爭來食(想必個個食完主菜都唔飽)，我返到屋企要再開餐，唉！未試過食完餐咁快肚餓！！！*～*

昨晚跟舊老細F小姐一起到尖沙咀,特意去LCX陪佢買聖誕禮物,於購物前F小姐建議先食飽個肚再博殺,行左無耐就決定黎呢間The Quarterdeck試下,由於時間尚早,先係果6點幾,店內無乜客,我地座低之後好快咁先點左兩個前菜:炸尢魚圈&煮青口,兩個前菜都好快手就上台,唔洗我地點等,先講講今晚最精彩的青口,煮ge火侯岩岩好,青口的口感十分creamy酒味"算"容味絕不過火,這是一個十分美好的開始;而炸尢魚圈可能給我們冷落太久,已經無得不夠熱,正好合我不適的身體(唔食得熱氣野)雖然說不夠熱,但依然脆口,還有不得不提的重點-醬汁!該款醬汁看似是簡簡單單的千島醬+檸汁+香草,但味道是出奇的好以及豐富,讚!輪到主菜,F小姐叫了一個魚扒看似沒有什麼特色,但F小姐依然清碟,唯我沒有試過不加評論;我的是肉眼扒要了MW,黎到ge生熟度唔錯,岩岩好!而件扒進入口腔前已經感到濃濃的燒烤味,入口細嫩肉味又夠濃,絕對唔錯!!下次有計劃來這店子進餐一定要早訂台,要落地玻璃的台子就最好!P.S.今晚十分開心,竟然收到了聖誕禮物,多謝哂F小姐,這件CK外套我極度喜歡!!^^

我就覺得麻麻喇，你話個view好靚咩？又唔係！海港城大把靚餐廳啦，裝修格調又好一般o既美國style餐廳咁，但份量又唔夠人o地多，我食o個個魚扒好「鞋」，又冇咩味道，唔知澳洲菜係咪就係咁啦，佢係有d懶特別o既菜式o既，但真係唔係我杯茶囉，個人覺得味道麻麻o地，仲要真係偏貴！

這裡環境偏暗, 差點連menu都看不清楚. 侍應服務唔錯.蕃茄凍湯- 蕃茄味夠, 酸+少辣, 令人好開胃, 讚!鴨肝醬- 鴨肝醬份量夠, 配合多士一齊食, 又係好味.羊膝-好羶岩我口味, 不過就"鞋"左少少. 吞拿魚扒- 極"鞋"! 好差其他朋友食牛扒, 佢地話幾好喎.每人三百既價錢唔配合咁既質素, 冇下次.

經過一夜暴雨後，次日天色蔚藍得驚人，維港景致也份外清澈動人。身為特權分子，我與龍預早訂了The Quarterdeck的海景檯，享受豐富又美味的unlimited lunch($88)。　Unlimited lunch即無限量供應餐湯(洋蔥湯)、麵包、沙律吧、甜品(是日為蘋果金寶)及餐飲，雖然當中大部份都只是普通，但有得任食任拎總是寧舍開心!　戲肉是精選主菜：Spaghetti Vongole及BBQ Pork spareribs。蜆肉意粉絕對是水準之作，蜆肉鮮甜不在話下，更讚的是意粉帶有少少痴牙質感，軟硬度又好，做到Al dente效果，更加入大量芝士碎片，非常美味!另一道主菜豬仔骨亦不輸蝕，靚位肉排燒得極靚，肉汁豐腴動人，配合特製燒汁醬滋味無比!難得兩份主菜都有相當份量，我們都吃得異常滿足。　啊，還有雖然沙律吧選擇不多，但當中也有鮮甜、不斷refill的水果，是美好的餐後甜品。　有如此靚景美食，二人皆感覺幸福。再次多謝龍，更加感謝神美麗的恩典! ^_^

unless the good seaview, they worth nothing. The taste and quality of food are just so disapointing. Seemingly this resterant is just for tourist who will not come twice. For sure, I will not go there again.

除左有靚海境外,其他全部唔得,衰d講句五折都比多佢,好似擺到明只係做visitor生意= 預左唔會幫襯第2次. 唔怪之得周圍都排哂隊,佢就鬼咁多位剩.一句講哂, 一定唔會再幫襯,

特別的時刻總要找過特別的地方吃一餐特別的上次到灣仔總店(2005-10-05食評)也有特別的原因今次到海港的另一邊心情不同但美景卻是更勝一籌灣仔那邊對開就是填海地盤這裡卻是180度毫無遮擋的中環海景要輕鬆愉快一點先來一個half dozen oysters吧冰凍的感覺加上海水的鮮味吃著新鮮爽滑的小蠔方能打開久違了的話匣子招牌的虎蝦也是少不了的還是那種澳洲原始的燒烤做法只加鹽和胡椒全靠蝦味壓陣幸好是次的蝦質素不錯胃口看來不算太好最後來半份bbq ribs 好了雖說是半份但卻有八九條肋骨最後怎也吃不完深藍色的海景伴隨著柔和海風加上絲絲小雨三月的海旁就是如此的寧靜如此的美景之下讓人很難不坦坦白白這可讓你明瞭我多一點嗎?

上星期同我舊情人補祝生日去尖沙咀食飯時揀左呢間叫左個沙律,一個海洋盤同開左一支白酒...沙律OK唔錯但個海洋盤真係唔值...除左隻大蝦幾好之外龍蝦,青口,CLAM等完全唔掂!生亳仲要有沙...下層個D炸魚同CUTTLEFISH又唔熱...仲收八舊幾真係...唔係同舊情人食的話我老早開佢地波!不過話分兩頭佢地有位(我估係WAITRESS)嘅服務幾好!舊情人揀白酒時佢都好細心慢慢介紹同比我地去試添,呢樣低讚仲有就真係個VIEW攞分囉...是日食左我壹仟伍佰個大洋...直情由個赤到上個心口!一定無下次!

同老友記聚舊食lunch，太太亦參與其中。約响尖咀，風和日麗，揀間有seaview嘅地方食嘢就至爽嘞....嚟呢度通常主要都係想一試個seafood platter。但食lunch又好似唔需要咁大portion，咁隆重。諗諗吓都係簡簡單單食個招牌quarterdeck burger...份量都唔嘢少。牛肉要medium rare，但grill得似乎過熟，唔多juicy；反而個包就相當不俗，微甜，包面略略煎過，脆脆哋有咬口，tasty...薯條就係普通貨色la...水準不太差亦不見標青，勝在有個無敵海景，約埋三五知己坐响度飲吓嘢食吓snack，還可以ge..

不知道呢位人兄是唔是其他餐廳找來的,你不斷惡意(有心)針對Quarterdeck and Bulldog's 好似在你02/04/2007 你寫了一篇about Quarterdeck Kowloon 之後在05/04/2007 你再寫一篇Quarterdeck Hong Kong和Bulldog. 我本人覺得沒有問題但是在15/04/2007你再寫一篇有關Quarterdeck Kowloon,那件事好似不太關你事!我自己都有去過九龍個間不是你口中那麼劣,仲有你一時中文一時英文,我好懷疑你是唔是做"妹"

Be very careful if you want to book this restaurant for party or function holding! My police friend informed that he always force you to give extra charge afterwards, such as extra charge for the audio & visual equipment etc.Don't be stupid, pay high attention or better to choose another one!

想看海又唔想吹親（其實係唔想吹「濕」），想食早餐又過咗食晏，首選於此。Brunch 的Blueberry Pancake 有糖霜同一粒士多啤梨做裝飾，另有草莓醬同糖漿伴食：hotcake 是新弄的，藍莓也是新鮮的，但…頭一次會用「chewy 」來形容班戟- 筋性很重，淡淡的，再加上有點酸又有點甜的藍莓…理應很健康，但食落怪怪的。情況有點像個妞兒，有水汪汪的眼睛，又有豐滿的嘴唇，但不一定是個美女。就算好睇，都唔代表好食。你知道Quarterdeck 母公司叫甚麼嗎？它叫Limited 咗既Great Vision（Great Vision Co. Ltd.）。

food is really really bad, from the soup to the desert... very thing is bad! Never try the Seafood Platter, this one is the worst!!! The Seafood is not fresh at all! Don't go and only waste your money!!! And don't expect you can have a good quality of Service!!!!!!