The Promenade餐廳

營業中

休息中

一家四口👨‍👩‍👧‍👧Staycation, lunch buffet 係Koolk度book, 3大1小$13xx.暑假關係，12點門口己經排曬隊，好full booking。自助餐的質素普普通通啦，生蠔每次只能夠攞三隻，同埋比較瘦，蠔味較淡。長腳蟹好鹹，同埋好瘦。刺身都係普通，熟食區都係一般貨色，冇乜特別。反而甜品較為出色，尤其是榴槤味蛋糕🍰，味道好濃，回本位仲有Movenpick 雪糕🍦。整體價錢不貴，性價比還可以。

國際美食自助晚餐（$728+10%)主食🍞🥗🍣🥘種類：🐧🐧🐧賣相：🐧🐧🐧味道：🐧🐧🐧主食款式有涉獵不同國家菜，如日本、中式、西式、泰式等。各款菜式不算多，例如中式點心只有三款，湯粉麵只有米粉和油麵提供。推薦刺身魚生，十分新鮮，尤其帆立貝大大粒啖啖肉，清新爽甜，值得一試。其他菜式不過不失，水平一般。甜品🍦🍨🎂🧁種類：🐧🐧🐧🐧賣相：🐧🐧🐧🐧味道：🐧🐧🐧🐧甜品種類跟主食比數量算多，單單蛋糕款式已有十多款，另外還有布甸、奶凍、雪糕、窩夫、豆腐花、糖水等，款式頗為豐富。各式蛋糕品質不俗，蛋糕糕身軟潤棉滑，不會過多忌廉過於膩滯。當中尤其推薦雜莓蛋糕，甜中帶酸十分清新。推薦一試即制窩夫，外脆內軟，蛋味十足，配合Movenpick 雪糕及各式配料醬汁，口感一流。飲品：🐧🐧飲品自行無限任取，種類不算多，只有最基本的咖啡和茶，果汁只有一款提供。環境：🐧🐧🐧🐧酒店位於海傍，窗外一片維多利亞海景，十分悅目。餐廳座位之間間距合適，枱面之間有透明隔板保持衛生。唯一令人有點微言的是，餐廳採用超市特價標牌作為介紹菜式牌，感覺十分怪異、格格不入。服務：🐧🐧🐧食物補充速度一般，去到中後期時段間中見到空盤。即制食物攤位服務

九龍君綽酒店性價比超高lunch buffet，職員話唔知整咩野，要封左個海景。。。☹️☹️今日d海鮮，刺身都好新鮮，有蟹腳，麵包蟹，生蠔，青口，凍蝦，小龍蝦，Refill 得好快...特色食物有串燒，章魚丸，海苔天婦羅，中菜我鐘意個條好大既炸魚（Sorry , 我唔記得個名，但係出面d中菜叫松鼠魚）食得哂成條都值回票價。。。刺身蝦大大隻好鮮，我食左好多隻。。。甜品賣相好似舊式西餅餅店咁，但係味道好，拿破崙好鬆脆好香口，係咁多款甜品中最好食既。。。雪糕係mövenpick ,雪條係haggendaz...飲品有 屈x氏白檸 同 fruit punch（我飲左3杯😍😍）... 餐飲唔係包一杯，奶茶咖啡檸茶檸水任你斟。。。西瓜，火龍果，波蘿，哈密瓜全部都係室溫，冇雪過咁，唔係凍既。。。（凍凍地係好食d既，食咁多生冷野對身體唔多好，惟有係咁諗🤣🤣） Service 幾好。。。斟水快，收碟快。。。坐得舒服，枱又夠大。。。

近呢兩年都去過呢間食四次，頭三次嘅感覺都唔錯，只係其中一次的長腳蟹唔新鮮。今日食呢次最失望，佢有兩隻長腳蟹，一隻係雪花蟹腳，一直是松葉蟹腳，雪花蟹腳都尚算鮮甜，但一出就俾人搶曬，而松葉蟹腳唔太新鮮，D肉散散地，蟹腳亦都好細隻，職員多數refill松葉蟹腳，好難攞到雪花蟹腳。刺身方面有五種，牡丹蝦最好，好大隻亦都幾新鮮，不過其中一個屋企人亦都食咗一隻唔新鮮，返到屋企即日屙咗三次。三文魚不過不失，八爪魚還可以。呢度唯一可取就係有蘋果汁任飲。另外仲有即開生蠔，今次個職員好似未開過生蠔咁，成日開極開唔到，開得好慢，啲生蠔好細只好瘦，不過都算有海水味同埋新鮮嘅。熱葷方面菜色一般，款式普通之餘味道都一般。呢間唯一係長者有特價，以成人嘅價錢其實同合和自助山差唔多，上星期啱啱食完自助山，比呢度優勝一段。屋企人食完之後都冇乜興趣再回頭，希望餐廳注意下食物質素，如果能夠提昇都應該可以挽回客人。

staycation包的breakfast buffet，種類選擇少之又少，連我最愛的粉麵檔都沒有，有啲失望，粥有兩款，麥皮一款，點心有三款，自製一碟all day breakfast，食飽就算。

今次係staycation包嘅lunch buffet,食物種類唔多選擇少，連燒味都沒有，不過佢有生蠔食，都算吸引，食物都是一般buffet食品，甜品種類就比較多，我最喜歡食芒果拿破崙和榴槤mousse蛋糕，芒果楊枝甘露味道比較淡唔甜冇乜芒果味，雪糕食haagen Dazs，味道種類選擇多。

食自助餐嘅好處就係種類繁多，岩晒一啲咩都想試下嘅朋友（包括我）。咁岩今日同父母嚟到staycation。當然唔能夠錯過book埋酒店嘅buffet啦。等佢地兩個老人家享受下啦。呢到嘅buffet食物種類都算多，可以適合一家大細個個唔同口味。而我今次嘅目的，最主要就係食佢嘅生蠔，老實講buffet生蠔真係唔好太有期望。呢到啲生蠔，以buffet嚟講絕對合格有餘。父母都對今餐表示滿意。有機會都會再嚟食過。

事源係youtube見到有食評介紹話咩都有啲就去試試，結果…選擇一眼望得哂👁，係影片入面提到好多熟食當日都無提供。好似肉類得燒牛肉🥩，另一邊盤係長期空左。其他熟食都缺乏選擇，數得出有啲蔬菜、兩款咖哩🥘、點心（牛肉燒賣/豬肉燒賣/小籠包）、辣酒煮花螺（長期空）、串燒、炸物（春卷/炸蠔）、沙律、兩款cold cut、生果、刺身、少量壽司🍣同日式前菜。而澱粉類得一盤炒飯同即煮粉麵🍲。比較特式就係有即製既印度薄餅🫓，所謂天婦羅都得兩款，蕃薯🍠同紫菜。至於凍海鮮多數洗到無味，蟹腳仲霉霉地，食左一隻都停手。另外，生蠔🦪就不過不失，但人手唔夠，開蠔職員要兼顧雪糕，有時會有空檔出現。最後，甜品🍰係refill得最快，選擇都多，到後段甚至有隔離café賣既件裝蛋糕。此外，仲有M字頭雪糕配窩夫🧇、雪米滋同雪糕批，但留意雪糕批到後期都無咩選擇，真係要快手。今次係旅遊網站訂$344一位包加一，建議如果唔係有咩特別超抵優惠，真心唔洗去😓，完。

6月18日 父親節前席 翻新左酒店味食過 試下會。 好多人等位等好耐 ..但性價比高。 每人每次限拎3隻生蠔，海水味比較重，但size大肥美，刺身 海老唔新鮮，佢用水解凍浸到蝦林晒，食左一隻冇食，三文魚就Ok ge。其他冷盤冇咩吸引。 熟食方面都幾多款，光牛肉略肥，有串燒區，天婦羅區，關東煮區，點心區，小菜區，性價比高囉 味道唔會太驚艷。最後租品要讚下，cake好多款意外好食，有haagen daz雪條多款口味，同其他雪糕。整體款多。 依個價lunch值

全場唯一的果汁，係罐頭西柚汁，比湯力水更加苦。供應的天婦羅，只是炸南瓜片及炸紫菜。供應的串燒，只是超級市場買回來的日式燒鳥串。話有長腳蟹，啲長腳蟹又瘦又乾完全冇味。總之成家九個人，不消半個鐘在全都在吃雪糕，因為唯一吃得下去的就是Häagen-Dazs雪糕，因為知道唔係佢哋整嘅食物質素唯一有保障。至於服務態度更加一流侍應黑面，更加將你放喺隔離間餐廳，以增加可以做自助餐的枱數。總之就係中伏。話係自助餐，不如話係自助雪糕餐，因為真係乜都食唔到，每人都食三四條雪糕。

長腳蟹好幼身，開好多隻都又黃又乾哂水，好似食緊魷魚絲咁，生蠔有好大條蟲，即時同職員講左，佢話新鮮生蠔係有蟲，仲問使唔使攞返碟比我，見到點食得落呀...入場人多已經排到好混亂，完全無職員睇住，我跟住大隊排，排完show 訂位qr code，佢先話我要去前面櫃位拎飛先排隊，要我再排過，再排過唔緊要，但佢個語氣好差，講到我好似搏懵唔排隊咁...好委屈...絕對無下次，第一次食buffet食到成肚火

男朋友生日，book左一晚staycation包左晚餐buffet。當晚主力食海鮮，刺身同扒類。本身一開始諗住排刺身，點知排排下見到自己原來排緊生蠔🤣🤣因為無諗住會有生蠔，所以有啲驚喜🤣師傅即開，每人攞3隻，細細隻但係好鮮甜creamy。開心左🥳之後重攞左啲蝦，青口同蟹腳。蝦同青口都鮮甜，相對黎講蟹腳味道就比較淡，不過都無雪味，唔梅，蟹肉都係一梳梳的。刺身方面選擇好多，我揀左三文魚，油甘魚，帶子同蝦。魚片切得夠厚，鮮甜👍🏻帶子係jumbo size，最估唔到係有勁大隻既甘海老🦐，好新鮮好好味😋主菜食左羊架，燒牛肉要左薄薄一片試下。羊架燒得好香，肉質軟滑有肉味🥩返而燒牛肉就失色左少少。經過重見到有即燒既漫魚😍又係估佢唔到。曼魚熱辣辣，燒到啲油香出哂黎，表面脆脆地，好正😋😋食到飽飽地先見到有鴨肝，重要師傅現場即煎，忍唔住都要試一件。大大件，熱辣辣，用塊脆面包片盛住，沿途拎返位見到啲鴨肝油慢慢浸出黎，口水都流出來😆食落亦無失望，外脆內軟滑👍🏻好邪惡😈食完主菜到甜品時間。選擇唔算多，但我試左幾款味道都唔錯。其中芒果拿破崙同榴連蛋糕都有驚喜，好好味。芒果拿破崙酥皮好鬆化，唔太甜，榴連蛋糕軟熟，榴

Book左lunch buffet $344/1位見好多人推介，午餐都有海鮮又有生蠔🦪抱住興奮又期待既心情黎食，12點黎到，已經有一堆人排緊隊入場。都心知不妙架啦全場都坐滿9成9，黎到唔少得要食海鮮🦞食左凍蝦，正常彈牙爽口，有小龍蝦食，不過無膽食，一直覺得小龍蝦好似蟲，所以不了蟹腳又乾又鞋口，食左一件，不了生蠔好咸，難道就係傳說中既海水味？我就唔識欣賞啦，食左一隻咁多姐。。。。條生蠔由頭食到尾都見有一堆人排緊刺身，三文魚正常啦，有腩既仲有甘海老，係好大隻，但好鬼腥。值得一讚係有手抓餅，配咖哩雞好好味仲有小丸子🍡都好食外脆內軟，熱辣辣，可以自己調味。。。不過整體就無下次啦

已很久沒有吃自助餐, 今天跟屋企人到 The Promenade吃自助晚餐每次吃自助餐我主要都是吃海鮮、刺身、燒牛肉, 其次是看餐廳有沒有生蠔及鵝/鴨肝, 因這兩款食物未必每間餐廳自助餐都會提供.先說海鮮, 今天可惜沒有龍蝦, 幸好有松葉蟹腳, 松葉蟹腳一梭梭, 味道鮮甜, 吃到最尾都仍然有refill, 其餘海鮮有面包蟹、小龍蝦、凍蝦、翡翠螺、青口. 面包蟹多膏而且蟹膏香甜, 凍蝦爽口彈牙, 其他凍海鮮味道正常, 但小龍蝦就不推了.刺身種類有很多款: 甜蝦、帶子、赤貝、油甘魚、鯛魚、章魚、鯖魚及三文魚. 我吃了甜蝦、帶子、赤貝、油甘魚, 味道都略帶鮮甜味, 甜蝦勁大隻.今晚餐廳有生蠔及鴨肝, 生蠔不算很大隻, 有輕微海水味. 鴨肝是厚切, 表面煎得香脆, 裏面保持嫩滑, 我吃了很多呢.磯煮鮑魚, 鮑魚煮得很鹹, 吃了一隻已沒有再取, 燒牛肉切得很薄, 而且沒有牛味, 這個可以不試; 反而羊架幾好味, 肉嫩. 今晚不是吃了很多菜式, 其他比較好吃的有燒鰻魚, 炸蝦天婦羅, 榴槤蛋糕及拿破崙餅, 另外值得一讚的, 是有很多種類的飲品, 包括汽水、果汁、紅酒、白酒、啤酒、咖啡都是任飲.甜品

近排疫情回落家中小朋友話很久冇食Buffet 。心軟的我想了一想⋯⋯好⋯⋯出發吧😝。今次也是選擇了九龍君綽酒店！主要原因係啱食！如果係九龍區黃埔那君綽酒店是我的首選，如果是港島區我便喜歡grand hyatt。兩者在大家心目中一定係有不同高低但係我覺得家人吃得開心便可以！食物款式不用太多。只要是啱食、好食，又有回本食物，家人食得開心！在我心中便是好Buffet。🥰🥇