The Promenade餐廳

營業中

休息中

食自助餐嘅好處就係種類繁多，岩晒一啲咩都想試下嘅朋友（包括我）。咁岩今日同父母嚟到staycation。當然唔能夠錯過book埋酒店嘅buffet啦。等佢地兩個老人家享受下啦。呢到嘅buffet食物種類都算多，可以適合一家大細個個唔同口味。而我今次嘅目的，最主要就係食佢嘅生蠔，老實講buffet生蠔真係唔好太有期望。呢到啲生蠔，以buffet嚟講絕對合格有餘。父母都對今餐表示滿意。有機會都會再嚟食過。

事源係youtube見到有食評介紹話咩都有啲就去試試，結果…選擇一眼望得哂👁，係影片入面提到好多熟食當日都無提供。好似肉類得燒牛肉🥩，另一邊盤係長期空左。其他熟食都缺乏選擇，數得出有啲蔬菜、兩款咖哩🥘、點心（牛肉燒賣/豬肉燒賣/小籠包）、辣酒煮花螺（長期空）、串燒、炸物（春卷/炸蠔）、沙律、兩款cold cut、生果、刺身、少量壽司🍣同日式前菜。而澱粉類得一盤炒飯同即煮粉麵🍲。比較特式就係有即製既印度薄餅🫓，所謂天婦羅都得兩款，蕃薯🍠同紫菜。至於凍海鮮多數洗到無味，蟹腳仲霉霉地，食左一隻都停手。另外，生蠔🦪就不過不失，但人手唔夠，開蠔職員要兼顧雪糕，有時會有空檔出現。最後，甜品🍰係refill得最快，選擇都多，到後段甚至有隔離café賣既件裝蛋糕。此外，仲有M字頭雪糕配窩夫🧇、雪米滋同雪糕批，但留意雪糕批到後期都無咩選擇，真係要快手。今次係旅遊網站訂$344一位包加一，建議如果唔係有咩特別超抵優惠，真心唔洗去😓，完。

6月18日 父親節前席 翻新左酒店味食過 試下會。 好多人等位等好耐 ..但性價比高。 每人每次限拎3隻生蠔，海水味比較重，但size大肥美，刺身 海老唔新鮮，佢用水解凍浸到蝦林晒，食左一隻冇食，三文魚就Ok ge。其他冷盤冇咩吸引。 熟食方面都幾多款，光牛肉略肥，有串燒區，天婦羅區，關東煮區，點心區，小菜區，性價比高囉 味道唔會太驚艷。最後租品要讚下，cake好多款意外好食，有haagen daz雪條多款口味，同其他雪糕。整體款多。 依個價lunch值

全場唯一的果汁，係罐頭西柚汁，比湯力水更加苦。供應的天婦羅，只是炸南瓜片及炸紫菜。供應的串燒，只是超級市場買回來的日式燒鳥串。話有長腳蟹，啲長腳蟹又瘦又乾完全冇味。總之成家九個人，不消半個鐘在全都在吃雪糕，因為唯一吃得下去的就是Häagen-Dazs雪糕，因為知道唔係佢哋整嘅食物質素唯一有保障。至於服務態度更加一流侍應黑面，更加將你放喺隔離間餐廳，以增加可以做自助餐的枱數。總之就係中伏。話係自助餐，不如話係自助雪糕餐，因為真係乜都食唔到，每人都食三四條雪糕。

長腳蟹好幼身，開好多隻都又黃又乾哂水，好似食緊魷魚絲咁，生蠔有好大條蟲，即時同職員講左，佢話新鮮生蠔係有蟲，仲問使唔使攞返碟比我，見到點食得落呀...入場人多已經排到好混亂，完全無職員睇住，我跟住大隊排，排完show 訂位qr code，佢先話我要去前面櫃位拎飛先排隊，要我再排過，再排過唔緊要，但佢個語氣好差，講到我好似搏懵唔排隊咁...好委屈...絕對無下次，第一次食buffet食到成肚火

男朋友生日，book左一晚staycation包左晚餐buffet。當晚主力食海鮮，刺身同扒類。本身一開始諗住排刺身，點知排排下見到自己原來排緊生蠔🤣🤣因為無諗住會有生蠔，所以有啲驚喜🤣師傅即開，每人攞3隻，細細隻但係好鮮甜creamy。開心左🥳之後重攞左啲蝦，青口同蟹腳。蝦同青口都鮮甜，相對黎講蟹腳味道就比較淡，不過都無雪味，唔梅，蟹肉都係一梳梳的。刺身方面選擇好多，我揀左三文魚，油甘魚，帶子同蝦。魚片切得夠厚，鮮甜👍🏻帶子係jumbo size，最估唔到係有勁大隻既甘海老🦐，好新鮮好好味😋主菜食左羊架，燒牛肉要左薄薄一片試下。羊架燒得好香，肉質軟滑有肉味🥩返而燒牛肉就失色左少少。經過重見到有即燒既漫魚😍又係估佢唔到。曼魚熱辣辣，燒到啲油香出哂黎，表面脆脆地，好正😋😋食到飽飽地先見到有鴨肝，重要師傅現場即煎，忍唔住都要試一件。大大件，熱辣辣，用塊脆面包片盛住，沿途拎返位見到啲鴨肝油慢慢浸出黎，口水都流出來😆食落亦無失望，外脆內軟滑👍🏻好邪惡😈食完主菜到甜品時間。選擇唔算多，但我試左幾款味道都唔錯。其中芒果拿破崙同榴連蛋糕都有驚喜，好好味。芒果拿破崙酥皮好鬆化，唔太甜，榴連蛋糕軟熟，榴

Book左lunch buffet $344/1位見好多人推介，午餐都有海鮮又有生蠔🦪抱住興奮又期待既心情黎食，12點黎到，已經有一堆人排緊隊入場。都心知不妙架啦全場都坐滿9成9，黎到唔少得要食海鮮🦞食左凍蝦，正常彈牙爽口，有小龍蝦食，不過無膽食，一直覺得小龍蝦好似蟲，所以不了蟹腳又乾又鞋口，食左一件，不了生蠔好咸，難道就係傳說中既海水味？我就唔識欣賞啦，食左一隻咁多姐。。。。條生蠔由頭食到尾都見有一堆人排緊刺身，三文魚正常啦，有腩既仲有甘海老，係好大隻，但好鬼腥。值得一讚係有手抓餅，配咖哩雞好好味仲有小丸子🍡都好食外脆內軟，熱辣辣，可以自己調味。。。不過整體就無下次啦

已很久沒有吃自助餐, 今天跟屋企人到 The Promenade吃自助晚餐每次吃自助餐我主要都是吃海鮮、刺身、燒牛肉, 其次是看餐廳有沒有生蠔及鵝/鴨肝, 因這兩款食物未必每間餐廳自助餐都會提供.先說海鮮, 今天可惜沒有龍蝦, 幸好有松葉蟹腳, 松葉蟹腳一梭梭, 味道鮮甜, 吃到最尾都仍然有refill, 其餘海鮮有面包蟹、小龍蝦、凍蝦、翡翠螺、青口. 面包蟹多膏而且蟹膏香甜, 凍蝦爽口彈牙, 其他凍海鮮味道正常, 但小龍蝦就不推了.刺身種類有很多款: 甜蝦、帶子、赤貝、油甘魚、鯛魚、章魚、鯖魚及三文魚. 我吃了甜蝦、帶子、赤貝、油甘魚, 味道都略帶鮮甜味, 甜蝦勁大隻.今晚餐廳有生蠔及鴨肝, 生蠔不算很大隻, 有輕微海水味. 鴨肝是厚切, 表面煎得香脆, 裏面保持嫩滑, 我吃了很多呢.磯煮鮑魚, 鮑魚煮得很鹹, 吃了一隻已沒有再取, 燒牛肉切得很薄, 而且沒有牛味, 這個可以不試; 反而羊架幾好味, 肉嫩. 今晚不是吃了很多菜式, 其他比較好吃的有燒鰻魚, 炸蝦天婦羅, 榴槤蛋糕及拿破崙餅, 另外值得一讚的, 是有很多種類的飲品, 包括汽水、果汁、紅酒、白酒、啤酒、咖啡都是任飲.甜品

近排疫情回落家中小朋友話很久冇食Buffet 。心軟的我想了一想⋯⋯好⋯⋯出發吧😝。今次也是選擇了九龍君綽酒店！主要原因係啱食！如果係九龍區黃埔那君綽酒店是我的首選，如果是港島區我便喜歡grand hyatt。兩者在大家心目中一定係有不同高低但係我覺得家人吃得開心便可以！食物款式不用太多。只要是啱食、好食，又有回本食物，家人食得開心！在我心中便是好Buffet。🥰🥇

因有家人於酒店出門，所以Book了一晚房間加兩位自助早餐，早餐種類少得令人失望，係我食過咁多間酒店最少選擇的一間，這間還要是5星級酒店。包類 : 方包兩款、麵包3款熱盤 : 茄汁豆、腸仔、煙肉、炒飯點心 : 叉燒包、乾蒸牛肉粥類 : 蟹粥(只得這款可以接受)糕點 : 3-4款凍盤 : 沙律、生果、火腿還有奄列、橙汁、西柚汁、咖啡奶茶。餐廳員工服務態度一般，既沒員工收碟，奄列師父還跟同事在鬥咀，難道這就是5星級的服務吧!餐廳環境陳舊，跟我多年前光顧時的裝修沒大分別，我想係時候要改變一下。

紅磡｜𝒯𝒽𝑒 𝒫𝓇𝑜𝓂𝑒𝓃𝒶𝒹𝑒3百幾蚊1位，有蟹、生蠔、牛排食，種類都算多～特別欣賞呢度嘅甜品🥰————————————————————————🦐🐟🐙- 刺身即叫即切，師傅切得好快手👍🏻- 刺身幾新鮮，可以試吓蝦刺身，大大隻～🦞🦐🦪🦀- 小龍蝦唔錯，頭嘅部份仲有膏添～- 生蠔雖然唔算大粒，但都幾鮮甜～- 對凍蟹大失所望，蟹肉少「鞋」🥲- 蝦還好，殼會黏肉…🥩牛排都係即切嘅，但有啲難咬，唔知關唔關凍咗先食嘅事😬🍜今次冇食到，因為有太多正嘢～🤣(仲有其他熟食)但試唔到咁多🤪甜品款式都唔少，幾欣賞呢度嘅甜品- ✅麵包布甸- ✅芒果拿破侖- ✅班蘭蛋糕- 雪糕牌子係ℳ𝑜𝓋𝑒𝓃𝓅𝒾𝒸𝓀，亦有日本出品嘅包裝雪糕👍🏻- 窩夫偏硬，但朋友話平時幾好食，外脆內軟～🔺有加一服務費整體而言▪️味道 4 / 5▪️環境 3.8 / 5▪️抵食 4.5 / 5📍尖沙嘴德豐街20嘅九龍海逸君卓酒店大堂

這間高級餐廳好好，清楚寫明有甚麼食就有甚麼食，對比尖東的5星級市場，這是好地方，去到見到的跟寫明相同而且有更多，食物質素好，環境氣氛好，座滿人，推介此間，有任取長腳，而且無蟲，無限供應即開生豪，包蟹任食等. 飲品任飲,  雪羔任取, 食回本。

呢間自助餐嚟過幾次，每次都好多人，最出色係佢嘅海鮮同甜品，選擇好多，上次嚟中午自助餐都只係$200幾蚊一個人，之前仲可以安排窗口位俾我，喺陽光下望住海景食自助餐真的覺得人生充滿希望🤩🤩🤩仲有麵包蟹，可以食到蟹膏，長腳蟹質素亦都比較好，刺身有油甘魚、珍寶蝦、吞拿魚同三文魚，仲有生蠔同龍蝦仔，非常多選擇。甜品都有好多款，仲有疏乎厘，真係唔係間間有，特別係有榴槤味道嘅甜品，呢個係我嘅至愛😍😍😍當然唔少得係有多種Häagen-Dazs雪糕批同movenpick雪糕任食，直頭捧腹而回😋😋😋不過今年年頭再去，價錢貴咗，質素又差咗，大概$300幾一個人，亦都安排唔到窗口位，但是刺身種類依然多，仍然肥美，日式甜蛋亦都整得唔錯。可惜今次龍蝦仔好鹹，仲有啲發霉嘅味道，長腳蟹好輕身，冇咩肉。生蠔比較瘦，但還可以。有個整印度餅嘅櫃檯，反而呢個印度餅好推薦，鬆脆香甜，好有特色，燒烤菠蘿都好好味。試咗佢喇沙湯，唔係好得。今次甜品種類少咗好多，亦都冇我最愛嘅榴槤甜品😔好彩仲有幾款Häagen-Dazs雪糕批同movenpick雪糕任食，有D安慰😋😋😋希望疫情過後，海鮮質素可以提升，同有返多啲榴槤甜品就好啦🥺

話說在KLook book左呢間lunch buffet之前食過一次覺得幾好所以再來今次book可能平日關係唔貴本身經Klook app book有折真係平左好多😯除返每人$300有找超抵食原價每人要$400幾我第一時間攞生蠔因為平時好少食buffet都唔多地方有所以攞左先之後見燒雞翼燒得好靚都攞一份生蠔同雞翼都好好食呢度天婦羅好好食不過一出好快比人攞曬要快攞呢個係金菇天婦羅估唔到好好食仲有多款調味粉比你落好正我食野唔多不過感覺d野食整體都好好味甜品都好出色雪糕有Haagen Dazs攞左個窩夫格仔餅加埋d雪糕一齊食另外d雪糕雪條有好多款可惜我已經好飽lups呢間好味服務好如果用KLoop app book會抵d！

香港經歷了疫情很久，人也變得非常鬱悶。年尾流流，對自己好一些，想搵一間比較好食的自助餐。這一間自助餐之前評價不錯，聽聞要book好耐才可以有位，可能現在疫情還十分嚴重，所以閒日book到位了。酒店位置還是不錯的，對住一個無敵大海景。當天中午去到，確認電話號碼後，就直接給你一張枱號碼。中午自助餐有生蠔，有長腳蟹，有麵包蟹，有青口，藍青口，有小龍蝦，有魚生，還有即制小籠包…………品種真的不少，選擇很多。即開生蠔🦪，比較細隻，蠔味也不濃。蟹腳鮮甜，但係比較細隻。麵包蟹個人覺得真的很一般，雪味濃。冷盤的凍蝦反而新鮮好食。魚生🍣不錯，很新鮮。其他熱盤比較一般，不過不失。即製小籠包，鮮味多汁，值得推薦。牛就比較全熟，個人喜歡比較三成熟的。甜品很多：芒果拿破崙非常驚喜，又酥又脆，很喜歡。芝士蛋糕，芝士味香濃。雪糕🍦都有得揀，仲要係movenpick同Haagen Daz。總體來說還是不錯的。服務方面也很好，食品種類比較多，但是坐的位置相隔比較近，當日是星期一中午，但全場差不多有九成顧客，很多是長者。中午$325一個人，我覺得都算唔差啦！但下次可能會揀另一間自助餐嘗試。