The Point Kitchen (奧海城二期) (已結業)

趁住大女放假，等埋細女放學就周圍去行街，三人行走到▶️大角咀奧海城二期，第一時間就係去飲飲食食，✨The Point Kitchen✨入面座位寬敞，舒適優雅，好岩去慢慢坐慢慢食，唔需要急急趕趕。因為有人想食卡邦拿拉意大利粉就單點，唔食午餐。🌈經典卡邦拿拉意大利粉醬汁好多好CREAMY，加上味道咸香的煙肉就無得彈，味道香濃，配上軟硬度適中的意粉，啖啖幸福🌈甜蝦刺身意大利麵蝦肉好多，蝦刺身係切成粒粒狀，好易入口意粉質感岩岩好，配上醬汁食好惹味，醬汁食落又唔會好油膩🌈黑松露薯條2.0 $68炸到熱辣辣金黃色的粗身薯條上滿佈芝士碎，未食就已經感受到滋味薯條沾上黑松露醬掂呀🌈PREMIUM CHOCOLATE朱古力味好香好濃，飲落唔係太甜，兩個女好讚🌈HAZELNUT LATTEHAZELNUT 味好重，味道飲落好細膩順口，甜度好岩我口味可惜🌈朱古力布朗尼芭菲咁岩賣哂，唯有下次再食啦!

之前食過兩次 尋晚星期五想再食去到佢門口 有另一行人話自己9位book咗枱門口個男職員似乎搵唔到佢哋嘅book枱record 兩邊人就唔知點咁 嗰行人喺到討論 搵book咗枱嘅證據阿男職員就冇講任何嘢咁樣大家企晒喺度過咗差唔多一分鐘見佢哋冇進展 我哋就得兩個人 就問阿男職員有冇兩人枱 男職員完全唔望我 一啲反應都冇諗係咪我講得太細聲佢聽唔到? 我再大聲少少問多次 結果一樣之後有位都等緊嘅女士問男職員係咪要排隊 個職員又係不置可否唔係點睬佢等多一陣 我再問男職員有冇枱 佢依然係唔望我 唔講嘢 完全當我透明有另一個男職員行去佢身邊 兩個一齊睇book位record部iPad 又係冇打算處理其他等位食客架喎係咪前面有疑似book咗枱嘅人企喺度唔知做乜 你哋就要當其他等緊嘅食客冇到?我哋都肚餓架 話吓俾人知有冇枱食飯俾啲反應啦 :0)知星期五餐廳晚市係旺 但反觀另一間差唔多嘅餐廳 喺門口問有冇位 職員即刻行埋嚟回應 有冇位都好 都俾啲尊重同禮貌 下次我會想book枱或者non-peak hours嚟食人哋依間如果要我唔介意俾人無視 我不如去食茶記分分鐘茶記都仲好態度你哋咁樣定位嘅餐廳全港九都係

相約老婆去奧運站行街搵野食，見到間西餐裝修不錯又不算好多人，見餐牌食物價錢合理。見有個WEEKDAY SET又幾抵，$368有兩個湯或沙律、2個主菜、2個甜品，飲品仲有半價(酒類除外)。【南瓜湯】比想像中有驚喜，湯非常濃郁，仲飲到有南瓜蓉，不錯不錯。【香煎虎蝦意大利飯】煎香了虎蝦兩面至金黃色，肉質厚實帶點爽口，再點上少少檸檬汁再提升鮮味，意大利飯質地軟硬適中，味道仲帶點虎蝦的香油味道。不錯。【黃金雞翼】熱辣辣既鹹蛋黃雞翼，皮乾肉嫩，表面香脆帶點鹹香味，一流，值得推介。【Pomegranate and Lemon ICED TEA】石榴和檸檬酸甜味同茶味恰到好處，飲了非常醒胃。【朱古力布朗尼芭菲】最後食返個甜品作為結尾，底層有一粒粒的布朗尼同藍莓士多啤梨粒，加上香濃的雲尼拿雪糕，已經絕配，再加埋表面是香濃焦糖泡泡，真係超正!!!

真係有好一段時間冇約好朋友聚會，今日約咗中學同學晚飯，為免落雨麻煩都係地鐵駁腳商場最為方便。我比較少去奧海城，所以揀選餐廳就交俾中學同學負責。餐廳有二人套餐，包頭盤、主菜、甜品，價錢又不太貴。南瓜忌廉湯南瓜味香濃清甜，入口順滑，每一口都充滿南瓜香氣。黃金雞翼外皮香脆可口，有陣陣咸蛋香氣，入口外脆內軟，雞肉嫩滑鮮美，咸蛋味不算太重，反而食落冇咁漏喉，超級喜愛。麵豉醬烤三文魚 配牛油果薯仔沙律三文魚用麵豉醬醃過再拎去烤熟，三文魚肉鮮嫩多汁，鮮味十足，麵豉醬的咸香味提升了魚肉香氣，薯仔沙律加了牛油果醬拌勻，味道清爽，調味恰到好處，可以食出食材原有鮮味。雲呢拿泡芙泡芙包住忌廉，味道不太甜，配上朱古力醬都不錯喔！

好貴 好難食 唔飽肚！🤮🤮🤮叫左一個二人餐 埋單大約480總共有二個南瓜湯 一個9‘pizza 一個寬條麵 2份泡芙1）南瓜湯-正常水準無咩差錯2）Pizza - Margarita 作為最容易同基本嘅意大利Pizza正常應該好難出事，但係個皮一啲都唔脆，我懷疑有少少唔熟添。去食Pizza Hut都冇咁嬲。再講配料，我明白Margarita純粹係茄醬蕃茄同埋一啲香草，但係唔好意思，都係搞到一團糟。你會feel到唔夠茄醬，蕃茄亦都係一pat pat，香草更加唔使講係求其放落去嘅小插曲：第三道餸寬條麵等咗大概半個鐘原因係有一個Waiter hold左我哋張單3）黃牛和牛寬條麵，終於到打大佬嘅環節啦，呢個寬條麵難食到，我個胃都覺得好難食，食完成個鐘都feel到個胃好想喊。首先講和牛，我唔知佢邊忽係和牛，得三四舊仲要煮到爛一爛，係牛肉粒嚟嘅，仲細過我隻手指尾呀！我自己喺街市買牛肉煲湯煲完都仲重牛肉味過佢。啲寬條麵係大佬中嘅大佬，首先佢係一啲都唔掛汁嘅，另外好明顯佢係冇鯨乾水，所以啲麵食落肚好難受。（再講佢個麵都係冇乜汁㗎）4）泡芙-冇驚喜便利店水準接近$500埋單，仲要520諗住同女朋友食好啲

呢排成日落雨，所以朋友話想行商場，買下衫食下嘢，佢訂咗呢間的餐廳，因為座位舒服，空間感亦足。🥗凱撒沙律$88好大碟😆，羅馬生菜🥬新鮮爽脆，而且清甜多汁，配以香脆麵包粒、煙肉粒、惹味芝士及沙律醬，口感豐富，簡單好味。✨香蒜辣椒白酒煮大蜆$118新鮮白蜆，雖然細細隻，但係都好肥美飽滿，以蒜蓉🧄、辣椒🌶、香草🌿及白酒炒得香口，湯汁十分鮮甜，配以意大利包一齊食。🍕食肉獸披薩(9吋）$108即點即烤的pizza，9吋大，熱辣辣，皮薄香脆，上面鋪滿了不同嘅香腸、芝士，配以燒烤醬，味道甜甜地，都幾惹味。🍨Tiramisu Affogato $58很傳統的意大利甜品「提拉米蘇」，用忌廉芝士、手指餅、咖啡酒製成，上面仲加咗雲呢拿雪糕🍦；食前隨個人喜好的份量，淋上濃縮咖啡一齊食，咖啡伴著香甜的手指餅及雪糕，口感香滑，我一直都好鍾意呢個甜品😋。

喺奧海城shopping，買完晒嘢之後有啲肚仔餓，要醫肚😆，咁啱行過呢間餐廳門口，唔使考慮啦，就決定入去開餐😆，食番個Pizza🍕😆- $138嘅「烤牛肉梨子火箭菜沙律🥗」：烤牛肉係八成生，比 rare 更 rare, 係 extra rare😆，鮮紅色，肉質非常鮮嫩、軟熟，好有牛味，好味😋；梨子🍐同 火箭菜🌱都新鮮😋- $108嘅「食肉獸披薩🍕」：材料有 辣肉腸、西班牙辣腸、意大利香腸粒、墨西哥辣椒、燒烤醬，味道有少少甜，估計係來自燒烤醬，幾有趣😆- $58嘅「提拉米蘇阿法奇朵」：餐牌寫上材料成份：意大利忌廉芝士、鬆餅、咖啡酒、雲呢拿雪糕、意大利濃縮咖啡；其中雲呢拿雪糕🍦我特別鍾意😋；仲加埋「意大利濃縮咖啡☕️」都真係幾特別😋😆- $32嘅 Espresso Macchiato: 細細杯，超濃郁，飲完醒一醒😋

🌱牛肝菌蘑菇意大利飯 & 幸福味道 Brownie in a pan @The Point Kitchen🌱位於奧海城嘅 The Point Kitchen，環境闊落舒適，食物種類都幾適合帶埋小朋友一齊去食。佢最出名一道龍蝦Pizza ，餐牌上都有唔少素食選擇（奶蛋素為主）牛肝菌蘑菇意大利飯，非常香濃美味，推薦。黑松露芝士薯條，小煎Pan上Keep住溫度，薯條加芝士嘅配搭，好快俾小朋友搶晒。香辣朱古力蛋糕，朱古力蛋糕微辣，旁邊的菠蘿亦辣，一齊食十分特別！值得一試。Brownie in a pan超級好味嘅甜品，Brownie 同香蕉熱騰騰，配上凍冰冰嘅雲呢拿雪糕，再加上合桃，口感豐富，係幸福嘅味道呀 ～～～～～ 🥰

經OpenRice訂位，諗住今日去睇奇異博士2之前，食返個lunch先😊。入到去安排好座位，侍應俾咗個menu我，睇完一輪之後，決定要份lunch set，包括有是日餐湯係番茄湯、炭燒安格斯肉眼扒(五成熟)、雲呢拿泡芙，Fresh Fruit Fizz (Orange Juice)。個番茄湯，用咗新鮮番茄黎煮，d番茄蓉都好creamy，酸度適中。至於湯底唔會太杰身又唔會太稀，落水嘅份量啱啱好。👍🏻炭燒安格斯肉眼扒，俾我想像中大塊，切開一舊黎食，好有炭燒味，肉質唔會太乾身，喺烹調嘅時候，用咗岩鹽去調味，所以唔洗點source，都咁好味。配菜係薯條，d薯條炸得好鬆脆，好好味😋。擺耐咗少少時間，都唔會淋哂，仲好挺身，夠硬淨。杯Mocktail，好好飲，啜到好多橙肉。甜品：雲呢拿泡芙(3粒)，泡芙粒裡面都幾多雲呢拿cream，甜度啱啱好。

晚市終於重開，今日就同屋企人嚟咗呢間西餐廳食飯。個環境俾人感覺好舒服，座位闊落，而且燈光唔會太昏暗。晚市有二人餐選擇，價錢都係$368兩位，價錢唔算特別貴，不過如果想食龍蝦或者食牛等就要加錢。是日餐湯係蕃茄湯，入面有少少麵包碎，面頭仲落咗啲橄欖油。蕃茄湯有少少酸，都幾開胃。主菜我地點咗個Carbohydrates 類 - Margherita Pizza. 主要材料有水牛芝士、車厘茄、羅勒、蕃茄醬。喺有醬同餡料嘅部份都好足料，有濃郁嘅蕃茄味同埋淡淡嘅羅勒香味，Pizza嘅餅邊就煙煙韌韌，好有意大利風味。另外加$188要咗個肉類-澳洲和牛西冷配黑松露椰菜花米、粉紅胡椒、牛肉汁。成碟睇落唔會太花巧，搶咗主角西冷嘅風頭。個黑松露椰菜花米好有驚喜，黑松露味好出。我哋點咗五成熟，雖然佢切開睇落比想像中熟，但可能因為佢係和牛嘅關係，脂肪嘅比例都比較多，又唔會覺得佢硬同乾。甜品揀咗雲呢拿泡芙，佢外層嘅皮唔會做到好厚，而且入邊嘅cream好滿好rich，好食！

朋友在奧海城商場上蓋上班， 她早兩天已訂了第二期 The Point Kitchen 午膳，地方清雅脫俗丶闊落寬敞；侍應友善招待帶引座位，朋友選了煙三文魚凱撒沙律及香辣白酒煮蜆配自家製手工墨魚汁意大利麵條；而我點了烤牛肉梨仔火箭菜沙律及香煎虎蝦意大利飯。新鮮的火箭菜丶蕃茄及切片梨仔爽口加上烤牛肉彈牙真有嚼感，簡簡單單卻令我回味無窮；主菜香煎虎蝦意大利飯，我把脆口的虎蝦蝦殼也吃掉，美味可口令人垂涎欲滴，意大利飯燴上雜菜粒再把檸檬汁灑在虎蝦及意大利飯裡，突出其海鮮味道更清香。也許我們太久沒見面真的雞啄唔斷，她看看腕錶已是二時十分了，她忙著趕回公司，就此結束我們這餐優質美食。

今早在這區内有公務要處理，完成工作後正好約在附近工作的朋友來個午飯聚，朋友推介了這間位於甲級商場意式餐廳😚準十二時才開門侍客，坐下後馬上點菜，我選了頭盤及主菜:凱撒沙律，加配煙三文魚香辣白酒煮蜆配自家製手工 墨魚汁意大利麵條;朋友點了:烤牛肉梨子火箭菜沙律作前菜主食是香煎虎蝦意大利飯沙律份量頗大，賣相十分討好，材料質素夠水平，我的羅馬生菜爽脆，朋友亦對烤牛肉及火箭菜好評😋😋我的主食蜆汁辣和鮮味配合精彩，自家製意大利麵條好有口感，汁與麵極配合😋😋朋友亦說香煎虎蝦意大利飯味道合意😋😋和朋友一同享受這頓意式午餐👏👏

疫情回落，街上既人流明顯回升，特登同個fd搵左個無咁人山人海既商場行下，經過見到呢間the point kitchen,入去試試佢先我地點左以下呢幾款菜：鹹蛋黃雞肉忌廉闊條麵-濃濃嘅鹹蛋黃醬包住每一條闊條麵，非常creamy☺️冬陰功海鮮意大利飯-起初準備叫個陣都問一問waiter哥哥個味會唔會好怪，佢就話唔會，食落真係震撼三觀，個種味道真係好清新,強烈推薦🙂四色芝士pizza-濃郁嘅芝士，配合啱啱出爐嘅熱辣辣溫度，好難唔好食🥹燒烤醬豬肋骨-呢個豬肋骨出黎既溫度只有微暖，加上其他菜太好食，所以覺得麻麻地香蕉天堂 pizza-呢個甜品又係強烈推薦，賣相吸引不特止，熱辣辣既餅底香噴噴既香蕉加上拉絲嘅棉花糖，將佢地合體做成pizza款既甜品，打卡一流👍🏻玉桂蘋果批-我唔鍾意肉桂嘅味道，所以無食😂總結呢間店環境整潔位置舒適，食咗咁多嘢2個人都係600幾蚊，Cp 值高！

今天到旺角附近工作，中午來到奧海城the point kitchen享用午膳，才百多元就有這麼高質的西餐，值得值得！有lunch set Menu。我加錢轉了沙律，沙律超Flash，還有新鮮的吞拿魚刺身呢，超勁開心。煙三文魚溫泉蛋pizza這個Pizza 直徑足足有九吋，上面鋪着肥美的煙三文魚，細心一看，原來還鋪有有很多三文魚子，顯得份外高檔！黃金雞翼黃金雞翼是我的最愛，雞翼超大隻，炸得很香脆，外面還散發着陣陣的鹹蛋黃香，超級邪惡，欲罷不能。Strawberry ice cream float以半價就可以享用特飲，我這杯雪糕士多啤梨特飲，雲呢拿雪糕超級香滑，士多啤梨的味道也很濃郁，不會太甜，女士大愛。可以再encore！

之前在奧海城the point kitchen吃過晚餐，已經覺得環境和味道不錯，今日再來奧海城逛街,再次來這裏用膳。原來lunch set都好豐富, 好多選擇，加多$38 ，還有小食。是日餐湯是日餐湯是西蘭花忌廉湯，味道很濃郁，每啖都很creamy ，很高水準。鹹蛋黃忌廉雞肉闊條麵份量都幾多，每淡忌廉汁都有淡淡的鹹蛋黃味，不會搶去忌廉的香滑味道。雞肉的肉質也很鮮嫩，配上闊條麵超好吃。意大利泡沫咖啡我點了凍的意大利泡沫咖啡，咖啡味濃郁，每啖都很充實。黑松露薯條黑松露薯條炸得非常香脆，大大的一籃子，才加$38也太抵食了吧，配上特製的沙律醬，味道超夾，值得一點。